[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 330] [\x 330/]
\n[PTS Page 191] [\q 191/] 

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Kuṭajapupphiyavaggo

181. Kuṭajapupphiyattherāpadānaṃ.

2152. Suvaṇṇavaṇṇaṃ sambuddhaṃ taraṃsiṃ’va uggataṃ,
\nDisaṃ anuvilokentaṃ gacchantaṃ anilañajase.

2153. Kuṭajaṃ pupphitaṃ disvā saṃvitthatasamotthataṃ,
\nRukkhato ocinitvāna phussassa abhiropayiṃ.

2154. Devanavute ito kappe yaṃ pupphamabhiropayiṃ,
\nDuggatiṃ nābhijānāmi buddhajujāyidaṃ phalaṃ.

2155. Ito sattarase kappe tayo āsiṃsu pupphitā1,
\nSattaratanasampanno cakkavatti mahabbalo.

2156. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kuṭajapupphiyo thero imā gathāyo abhāsitthāti.
\n- Kuṭajapupphiyattherassa apadānaṃ paṭhamaṃ. -

[PTS Page 192] [\q 192/]

182. Bandhujīvakattherāpadānaṃ.

2157. Siddhattho nāma sambuddho sayambhu sabbhi vaṇṇito,
\nSamādhiṃ so samāpanno nisīdi pabbatannare.

2158. Jātassare gavesanetā dakajaṃ pupphamuttamaṃ,
\nBundhujivakapupphāni addasaṃ samananantaraṃ.

2159. Ubho hatthehi paggayha upagacchiṃ mahāmuniṃ,
\nPasannacitto sumano siddhatthasāsabhiropayiṃ.

2160. Catunavute ito2- kappe yaṃ puppamabhiropayiṃ,
\nDuggatiṃ nābhijānāmi pupphapujāyidaṃ phalaṃ.

2161. Ito catuddase3- kappe eko āsiṃ janādhipo,
\nSamuddakappo nāmena cakkavatti mahabbalo.

2162. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā bandhujīvako thero imā gathāyo abhāsitthāti.
\n- Bandhujīvakattherassa apadānaṃ dutiyaṃ. -

1. Āsuṃ supupphitā, machasaṃ 2. Catunnavutito, machasaṃ 3. Cātuddase, machasaṃ

[BJT Page 332] [\x 332/]

183. Koṭumabariyattherāpadānaṃ.

2163. Kaṇikāraṃ’va jotantaṃ nisinnaṃ pabbatantare,
\nAppameyyaṃ’va udadhiṃ vitthataṃ1- dharaṇiṃ yathā.

2164. Pujitaṃ2- devasaṅghena nisabhājāniyaṃ yathā
\nHaṭṭho haṭṭhena cittena upagacchiṃ naruttamaṃ.

2165. Satta pupphāni paggayha koṭumbarasamākuṃla,
\nBuddhassa abhiropesiṃ sikino lokabandhuno.

2166. Ekatiṃse ito kappe yaṃ pupphamabhipūjayiṃ3,
\nDuggatiṃ nābhijānāmi buddhapūjāyidaṃ phalaṃ.

2167. Ito visatikappambhi mahānelasanāmako,
\nEko āsiṃ4- mahātejo cakkavatti mahabbalo.

2168. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā koṭaṭumbariyo thero imā gathāyo abhāsitthāti.
\n- Koṭumabariyattherassa apadānaṃ tatiyaṃ. -

[PTS Page 193] [\q 193/]

184. Pañcahatthiyattherāpadānaṃ.

2169. Tisso nāmāsi bhagavā lokajeṭṭho narāsabho,
\nPurakkhato sāvakehi rathiyaṃ paṭipajjatha.

2170. Pañca uppalatthā ca caturo ṭhapitā mayā,
\nĀhutiṃ dātukāmohaṃ paggaṇhiṃ vatasiddhiyā5-

2171. Suvaṇṇavaṇṇaṃ sambudadhaṃ gacchantaṃ antarāpaṇe,
\nBuddharaṃsyābhiphuṭṭhembhi6- pujeyiṃ dipadutatamaṃ.

2172. Dvenavute ito kappe yaṃ puphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

2173. Ito terasakappambhi pañcāsusabhasammatā,
\nSattaratanasampanno cakkavatti mahabbalo.

2174. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pañcahatthiyo thero imā gathāyo abhāsitthāti.
\n- Pañcahatthiyattherassa apadānaṃ catutthaṃ. -

1. Udadhataṃ, [PTS] ubbataṃ, se 2. Pujitaṃ, machasaṃ 3. Mabhiropayiṃ, machasaṃ 4. Āsi, machasaṃ 5. Hitasiddhiyā, syā 6. Budadharaṃsihi phuṭṭhosmi, machasaṃ khudadharaṃsibha phuṭṭhemahi, [PTS]

[BJT Page 334] [\x 334/]

185. Isimuggadāyakattherāpadānaṃ.

2175. Udentaṃ sataraṃsiṃ’va sitaraṃsiṃ’va1- bhānumaṃ,
\nKakudhaṃ vilasantiṃ’va padumuttaranāyakaṃ.

2176. Isimuggāni piṃsetvā2- madhukhudde aniḷake,
\nPāsāde’va ṭhito santo adāsiṃ lokabandhuno.

2177. Aṭṭhasatasahassāni ahesuṃ buddhasāvakā,
\nSabbesaṃ pattapuraṃ taṃ3- tato cāpi bahuttaraṃ.

2178. Tena cittappasādena sukkamūlena codito,
\nKappānaṃ satasahasasaṃ duggatiṃ nupapajjahaṃ.

[PTS Page 194] [\q 194/]

2179. Cattārisamhi sahasesa kappānaṃ aṭṭhatiṃse te,
\nIsimuggasanāmā te4- cakkavatti mahabbalā.

2180. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā isimuggadāyako thero imā gathāyo abhāsitthāti.
\n- Isimuggadāyakattherassa apadānaṃ pañcamaṃ. -

186. Bodhiupaṭṭhākattherāpadānaṃ.

2181. Nagare rammavatiyā āsiṃ murajavādako,
\nNiccupaṭṭhānayutto’mhi gatohaṃ bodhimuttamaṃ.

2182. Sāyaṃ pātaṃ upaṭṭhitvā sukkamūlena codito,
\nAṭṭhārasakappasate duggatiṃ nupapajjahaṃ.

2183. Pañcadase5- kappasate ito āsiṃ janādhipo,
\nMurajo6- nāma nāmena cakkavatti mahabbalo

2184. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā bodhiupaṭṭhāko thero imā gathāyo abhāsitthāti.
\n- Bodhiupaṭṭhākattherassa apadānaṃ jaṭṭhaṃ. -

187. Ekacintikattherāpadānaṃ.

2185. Yadā dovo devakāyā cavate āyusaṅkhayā,
\nTayo saddā niccharanti devānaṃ anumodataṃ.

2186. Ito bho sugatiṃ gaccha manussānaṃ sahavyataṃ,
\nManussabhuto saddhamme saddhamanuttaraṃ7-

1. Vataraṃsiṃva, machasaṃ 2. Pisetthā, machasaṃ saṃditvā se saṃdetvā, [PTS] itimuggaṃ nimattetvā, syā saṃdetvā, [PTS] itimuggaṃ nimattetvā, syā 3. Purettaṃ, machasaṃ [PTS] se 4. Mahisamattanāmā syā [PTS] se 5. Pañcarase, machasaṃ 6. Damako, syā 7. Labha saddhaṃ anuttaraṃ, machasaṃ

[BJT Page 336] [\x 336/]

2187. Sā te saddhātiviṭṭāssa1- mulajātā patiṭṭhitā,
\nYāvajīvaṃ asaṃhirā saddhamme suppavedite.

[PTS Page 195] [\q 195/]

2188. Kāyena kusalaṃ katvā vādāya kusalaṃ bahuṃ,
\nManasā kusalaṃ katvā avyāpajjhaṃ2- nirūpadhiṃ.

2189. Tato opadhikaṃ puññaṃ katvā dānena taṃ bahuṃ,
\nAññepi macce saddhamme brahmacariye nivesaya.

2190. Imāya anukampāya devā devaṃ yadā vidu,
\nVacantaṃ anumodanti ehi devapuraṃ puna3-

2191. Saṃvego me4- tadā āsi devasaṅghe samāgate,
\nKaṃ su nāma ahaṃ yoniṃ gamissāmi ito cuto.

2192. Mama saṃvegamaññāya samaṇo bhāvitindriyo,
\nMamuddhi tukāmo so āgacchi mama santikaṃ.

2193. Sumano nāma nāmena padumuttarasāvako,
\nAtthadhammānusāsitvā saṃvejesi mamaṃ tadā.

2194. Tassā haṃ vacanaṃ sutvā buddhe citataṃ pasādayiṃ,
\nTaṃ dhirimabhivādetvā tattha kālakato ahaṃ.

2195. Upapajjiṃ sa tattheva sukkamūlena codito,
\nKappānaṃ satasahassaṃ duggatiṃ nupapajjahaṃ.

2196. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekacittiko thero imā gathāyo abhāsitthāti.
\n- Ekacintikattherassa apadānaṃ sattamaṃ. -

188. Tikaṇaṇipupphiyattherāpadānaṃ.

2197. Devabhuto ahaṃ santo accharāhi purakkhato,
\nPubbakammaṃ saritvāna buddhaseṭṭhamanussariṃ.

2198. Tikaṇṇipupphaṃ paggayha sakaṃ cittaṃ padāsiya5,
\nBuddhamhi abhiropesiṃ vipassimhi tarāsabhe.

2199. Ekanavute ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

2200. Tesattatimbhito kappe caturāsuṃ ramuttamā,
\nSattaratanasampanno cakkavatti mahabbalo.

2101. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tikaṇṇipupphiyo thero imā gathāyo abhāsitthāti.
\n- Tikaṇṇipupphiyattherassa apadānaṃ aṭṭhamaṃ. -

1. Niviṭṭhassaṃ, simu 2. Abyāpajjaṃ, machasaṃ avyāpajjaṃ, 3. Deva punappunaṃ, machasaṃ 4. Saṃviggohaṃ, sā 5. Pasādayiṃ, machasaṃ 6. Ekanavutito kappe yaṃ pupaphamabhipujayiṃ, machasaṃ

[BJT Page 338] [\x 338/]
\n[PTS Page 196] [\q 196/]

189. Ekacāriyattherāpadānaṃ.

2202. Tāvatiṃsesu devesu mahāghoso tadā ahu,
\nBuddho ca loke nibbāti mayaṃ vambha sarāgino.

2203. Tesaṃ saṃvegajātānaṃ sokasallasamaṅginaṃ,
\nSabalena upatthaddho agamaṃ buddhasantikaṃ.

2204. Mandāravaṃ gahetvāna saṇhitaṃ1- abhinimmitaṃ,
\nParinibbāṇakālambhi buddhassa abhiropayiṃ.

2205. Sabbe devānumodiṃsu accharāyo ca me tadā,
\nKappānaṃ satasahassaṃ duggatiṃ nupapajjahaṃ.

2206. Saṭṭhikappasahassambhi ito soḷasa te janā,
\nMahāmallajanā nāma cakkavatti mahabbalā.

2207. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekacāriyo thero imā gathāyo abhāsitthāti.
\n- Ekacāriyattherassa apadānaṃ navamaṃ. -

190. Tivaṇṭipupphiyattherāpadānaṃ.

2208. Abhibhuto panijjhanti2- sabbe saṅgamma te mamaṃ3,
\nTesaṃ nijjhāyamānānaṃ pariḷāho ajāyatha.

2209. Sunando nāma nāmena buddhassa sāvako tadā,
\nDhammadassissa munino āgacchi mama santike.

2210. Ye me baddhacarā āsuṃ te me pupphaṃ aduṃ tadā,
\nTāhaṃ pupphaṃ gahetvāna sāvake abhiropayiṃ.

2211. Sohaṃ kālakato tattha punāpi upapajjahaṃ,
\nAṭṭhārase kappasate vinipātaṃ na gacchahaṃ.

2212. Teraseto kappasate aṭṭāsuṃ dhumaketuno,
\nSattaratanasampanno cakkavatti mahabbalo.

[PTS Page 197] [\q 197/]

2213. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tivaṇaṭipupphiyo thero imā gathāyo abhāsitthāti.
\n- Tivaṇaṭipupphiyattherassa apadānaṃ dasamaṃ. -

Uddānaṃ:
\nKuṭajo bandujivi ca koṭumbarikahatthiyo
\nIsimuggo ca bodhi ca ekacitti tikaṇṇiko
\nEkacārī tivaṇaṭī ca gāthā dvāsaṭṭhi kittitā.

- Kuṭajapupphiyavaggo ekunavisatimo. -

1. Saṅgitā, machasaṃ saṅgitaṃ, syā
\n2. Abhibhuṃ vopanijjhanti, [PTS]
\n3. Abhibhuṃ theraṃ panijjhāma sabbe te mayaṃ, syā
\n