[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[PTS Page 175] [\q 175/]
\n[BJT Page 302] [\x 302/]
Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Bandhujīvakavaggo

151. Bandhujīvakattherāpadānaṃ.

1993. Candaṃva vimalaṃ sudadhaṃ vippasannamanāvilaṃ,
\nNandibhavaparikkhiṇaṃ tiṇṇaṃ loke visattikaṃ.

1994. Nibbāpayantaṃ janataṃ tiṇṇaṃ tārayataṃ varaṃ1-,
\nVanasmiṃ jhāyamānaṃ taṃ ekaggaṃ susamāhitaṃ.

1995. Bandhujīvakapupphāni laggetvā suttakenahaṃ2,
\nBudadhassa abhiropesiṃ sibino lokabandhuno.

[PTS Page 176] [\q 176/]

1996. Ekatiṃse ito kappe yaṃ kammakāriṃ tadā,
\nDuggatiṃ nābhijānāmi buddhapūjāyidaṃ phalaṃ.

1997. Ito sattamake kappe manujindo brabhāyaso,
\nSamattacakkhu nāmāsiṃ cakkavatti mahabbalo.

1998. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā bandhujīvako thero imā gathāyo abhāsitthāti.
\n- Bandhujīvakattherassa apadānaṃ paṭhamaṃ. -

1. Muniṃ, [PTS] se syā 2. Suttake agaṃ simu.

[BJT Page 304] [\x 304/]

152. Tambapupphiyattherāpadānaṃ.

1999. Parakammāyane yutto aparādhaṃ akāsahaṃ,
\nVanannaṃ atidhāvissaṃ bhayabheravasamappito.

2000. Pupphitaṃ pādapaṃ disvā piṇḍibaddhaṃ sunimmitaṃ,
\nTambapupphaṃ gahetvāna bodhiyaṃ okiriṃ ahaṃ.

2001. Gatamaggaṃ gavesanto āgacchuṃ mama santikaṃ,
\nTe ca disvāna’haṃ tathe ācajjaṃ bodhimuttamaṃ.

2003. Canditvā ca ahaṃ bodhiṃ vippasannena cetasā,
\nAnekatāle papatiṃ giridugge bhayānake.

2004. Ekanavute ito kappe yaṃ pupphamabhiropayi,
\nDuggatiṃ nābhijānāmi bodhijujāyidaṃ phalaṃ.

2005. Ito ca tatiye kappe rājā susaññato1- ahaṃ,
\nSattaratanasampanno cakkavatti mahabbalo.

2006. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tambapupphiyo thero imā gathāyo abhāsitthāti.
\n- Tambapupphiyattherassa apadānaṃ dutiyaṃ. -

[PTS Page 177] [\q 177/]

135. Vithisammajjakattherāpādanaṃ.

2007. Udentaṃ sataraṃsiṃva pitaraṃsiṃva2- bhānumaṃ,
\nPaṇṇarase yathā candaṃ niyyantaṃ lokanāyakaṃ.

2008. Aṭṭhasaṭṭhisahassāni sabbe khiṇāsavā ahu,
\nParivāriṃsu sambuddhaṃ dipadindaṃ narāsabhaṃ.

2009. Sammajjitvāna taṃ vithiṃ niyante lokanāyake,
\nUssāpesiṃ dhajaṃ tathe vippasannena cetasā.

2010. Ekatavute ito kappe yaṃ dhajaṃ abhiroyiṃ,
\nDuggatiṃ nābhijānāmi dhajadānassidaṃ phalaṃ.

2011. Ito catutthake kappe rājā’bhosiṃ mahabbalo,
\nSabbākārena sambanno sudhajo iti vissuto.

2012. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā vithisammajjako thero imā gathāyo abhāsitthāti.
\n- Vithisammajjakattherassa apadānaṃ tatiyaṃ. -

1. Samphusito ahuṃ, simu 2. Sitaraṃsiṃva, simu

[BJT Page 306] [\x 306/]

154. Kakkārupujakattherāpadānaṃ.

2013. Devaputto aśaṃ santo pujayiṃ sikhināyakaṃ,
\nKakkārupupphaṃ saggayha buddhassa abhiropayiṃ.

2014. Ekatiṃse ito kappe yaṃ pupphambhiropayiṃ,
\nDuggatiṃ nābhijānāmi buddhapujāyidaṃ phalaṃ.

2015. Ito ca namame kappe rājā sattuntamo ahuṃ,
\nSattaratanasampanno cakkavatti mahabbalo.

2016. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kakkārupujako thero imā gathāyo abhāsitthāti.
\n- Kakkārupujakattherassa apadānaṃ catutthaṃ. -

[PTS Page 178] [\q 178/]

155. Mandāravapujakattherāpadānaṃ.

2017. Devaputto ahaṃ santo pujesiṃ sikhināyakaṃ,
\nMandāravena pupphena buddhassa abhiropayiṃ.

2018. Sattāhaṃ chadanaṃ āsi dibbaṃ mālyaṃ tathāgate,
\nSabbe janā samāgantvā namassiṃsu tathāgataṃ.

2019. Ekatiṃse ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

2020. Ito ca dasame kappe rājā’hosiṃ punindharo,
\nSattaratanasampanno cakkavatti mahabbalo.

2021. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā mandāravapujako thero imā gathāyo abhāsitthāti.
\n- Mandāravapujakattherassa apadānaṃ pañcamaṃ. -

156. Kadambapupphiyattherāpadānaṃ.

2022. Himavantassa avidūre kukkuṭo nāma pabbato,
\nTamhi pabbatapādamhi sattabuddhā vasanti te.

2023. Kadambaṃ pupaphitaṃ disvā diparājāṃ’va uggataṃ,
\nUbhohatthebhi paggayha sattabuddhe samokiriṃ

2024. Catunavute ito kappe yaṃ pupphamabhiropayiṃ 1,
\nDuggatiṃ nābhijānāmi buddhajāyidaṃ phalaṃ.

2025. Dve navute ito kappe sattāsuṃ pupphanāmakā2,
\nSattaratanasampanno cakkavatti mahabbalo.

2026. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kadambapupphiyo thero imā gathāyo abhāsitthāti.
\n- Kadambapupphiyattherassa apadānaṃ chaṭṭhaṃ. -

1. Mahipujayiṃ [PTS] se 2. Thullanāyakā [PTS]

[BJT Page 308] [\x 308/]
\n[PTS Page 179] [\q 179/]

157. Tiṇasulakattherāpadānaṃ.

2027. Himavantassa avidūre bhūtagaṇo nāma pabbato,
\nVasate’ko jino tattha sayambhu lokanissaṭo.

2028. Tiṇasule gahetvāna buddhasa abhiropayiṃ,
\nEkunasatasabhassaṃ kappaṃ1- na vinipātiko.

2029. Ito ekādase kappe eko’siṃ dharaṇiruho
\nSattaratanasampanno cakkavatti mahabbalo.

2030. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tiṇasulako thero imā gathāyo abhāsitthāti.
\n- Tiṇasulakattherassa apadānaṃ sattamaṃ. -

158. Nāgapupphiyattherāpadānaṃ.

2031. Sacaccho nāma nāmena brāhmaṇo mantapāragu,
\nPurakkhato sasissehi vasati pabbatantare.

2032. Padumuttaro nāma ji āhutinaṃ paṭiggaho,
\nMamuddharitukāmo so āgacchi mama santikaṃ.

2033. Vehāsambhi caṅkamati dhupeti2- jalate tathā,
\nHāsaṃ mama viditvāna3- pakkāmi pācināmukho.

2034. Tañca acchariyaṃ disvā abbhutaṃ lomahaṃsanaṃ,
\nNāgapupphaṃ gahetvāna gatamaggamhi okiriṃ.

2035. Satasahasse ito kappe yaṃ pupphaṃ ekiriṃ ahaṃ4,
\nTena cittappasādena duggatiṃ nupapajjahaṃ.

2036. Ekatiṃse kappasate5- rājā āsiṃ mahāratho,
\nSattaratanasampanno cakkavatti mahabbalo.

2037. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā nāgapupphiyo thero imā gathāyo abhāsitthāti.
\n- Nāgapupphiyattherassa apadānaṃ aṭṭhamaṃ. -

1. Sahassaṃ kappānaṃ, [PTS] se sahassakappaṃ, simu 2. Dhupāya, machasaṃ 3. Disvāna, [PTS] 4. Pupphamabhiropayiṃ, [PTS] 5. Ekaniṃse ito kappe, syā.

[BJT Page 310] [\x 310/]
\n[PTS Page 180] [\q 180/]

159. Punnāgapupphiyatthorāpadānaṃ.

2038. Kānanaṃ vanamogayha vasāmi luddako ahaṃ,
\nPunnāgaṃ pupaphitaṃ disvā buddhaseṭṭhaṃ anussariṃ.

2039. Taṃ pupphaṃ vicinitvāna sugandhaṃ gandhitaṃ subhaṃ,
\nThupaṃ karitvāna puline buddhassa abhiropayiṃ.

2040. Dve navute ato kappe yaṃ pupphamaśipujayiṃ,
\nDuggatiṃ nābhijānāmi buddhapūjāyidaṃ phalaṃ.

2041. Ekamhi navute kappe eko āsiṃ tamonudo,
\nSattaratanasampanno cakkavatti mahabbalo.

2042. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā punnāgapupphiyo thero imā gathāyo abhāsitthāti.
\n- Punānāgapupphiyattherassa apadānaṃ navamaṃ. -

160. Kumudadāyakattherāpadānaṃ.

2043. Himavantassa avidūre mahājātassaro ahu,
\nPadumupapalasañachanno puṇḍarikasamotthaṭo1-

2044. Kukuttho2- nāma nāmena tatthāsiṃ sakuṇo tadā,
\nSilavā buddhisampanno puññāpuññesu kovido.

2045. Padumuttaro lokavidu āhutinaṃ paṭiggaho,
\nJātassarassāvidure sañcarittha mahāmuni.

2046. Jalajaṃ kumudaṃ chetvā3- upanesiṃ mahesino,
\nMama saṅkappamaññāya paṭiggahi mahāmuni.

2047. Tañca dānaṃ daditvāhaṃ sukkamūlena codito,
\nKappānaṃ satasahassaṃ duggatiṃ nupapajjahaṃ.

2048. Soḷaseto kappasate āsuṃ varuṇanāmakā,
\nAṭṭha ete janādhipā cakkavatti mahabbalā.

[PTS Page 181] [\q 181/]

2049. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kumudadāyako thero imā gathāyo abhāsitthāti.
\n- Kumudadāyakattherassa apadānaṃ dasamaṃ. -

1. Samotato, [PTS] se
\n2. Kakudho, [PTS] se
\n3. Gahetvā, [PTS]

[BJT Page 312] [\x 312/]

Uddānaṃ:
\nBandhujīvo tambapupphi vithi kakkārupupphiyo
\nMandāravo kadambi ca sulako nāgapupphiyo
\nPunnāgo komudi gāthā chappaññāsa pakittitāti.

- Bandhujīvakavaggo soḷasamo. -