[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[PTS Page 170] [\q 170/]
\n[BJT Page 294] [\x 294/]  

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Chattavaggo

141. Atichattiyattherāpadānaṃ

1941. Parinibbute bhagavati atthadassanaruttame,
\nChattānichattaṃ2- kāretvā thupambhi abhiropayiṃ.

1942. Kālena kālaṃ āgantvā namassiṃ satthu cetiyaṃ, 3
\nPupphacchadanaṃ katvāna chattamhi abhiropayiṃ.

1943. Sattarase kappasate devarajjaṃ akārayiṃ,
\nManussattaṃ na gacchāmi thupapujāyi daṃ phalaṃ.

1944. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā atichattiyo4- thero imā gathāyo abhāsitthāti.
\n- Atichattiyattherassa apadānaṃ paṭhamaṃ. -

[PTS Page 171] [\q 171/]

142. Thambhāropakattherāpadanaṃ.

1945. Nibbute lokanāthambhi dhammadassinarāsabhe,
\nĀropesiṃ dhajatthamhaṃ buddhaseṭṭhassa cetiye.

1946. Nisseṇiṃ māpayitvāna thupaseṭṭhaṃ samāruhiṃ,
\nJātipupphaṃ gahetvāna thupamahi abhiropayiṃ.

1947. Aho buddho dhammo aho no satthusampadā,
\nDuggatiṃ nābhijānāmi thupapujāyi daṃ phalaṃ.

1948. Catunavute ito kappe thupasikharanāmakā,
\nSoḷasāsiṃsu rājāno cakkavatti mahabbalā.

1949. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā thambhāropako thero imā gathāyo abhāsitthāti.
\n- Thambhāropakattherassa apadānaṃ dutiyaṃ. -

1. Ekadussi, [PTS] se syā 2. Chattādhichattaṃ, simu 3. Lokanāyakaṃ, [PTS] se machasaṃ 4. Adhichattiyo, simu

[BJT Page 296] [\x 296/]

143. Vedikārakattherāpadānaṃ

1950. Nibbute lokanāthambhi piyadassi naruttame,
\nPasannacitto sumano muttāvedimakāsahaṃ.

1951. Maṇihi paravāretvā akāsiṃ vedimuttamaṃ,
\nVedikāya mahaṃ katvā tattha kālakato ahaṃ.

1952. Yaṃ yaṃ yonupapajjāmi devattaṃ atha mānusaṃ,
\nMaṇi dhārenti ākāse puññakammassidaṃ phalaṃ.

1953. Soḷase’to kappasate maṇippabhāsanāmakā,
\nKhattiṃsāsiṃsu rājāno cakkavatti mahabbalā.

1954. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā vedikārako thero imā gathāyo abhāsitthāti.
\n- Vedikārakattherassa apadānaṃ tatiyaṃ. -

[PTS Page 172] [\q 172/]

144. Saparivāriyattherāpadānaṃ.

1955. Padumuttaro nāma jino lokajeṭṭho narāsabho,
\nJalitvā aggikkhandho’va sambuddho parinibbuto.

1956. Nibbute ca mahāvire thupo vitthāriko ahu,
\nAhorattaṃ1- upaṭṭhenti dhātugehe varuttame.

1957. Pasannacitto sumano akaṃ candanavedikaṃ,
\nDiyati dhumakkhandho ca2- thupānucchavikotadā.

1958. Bhave nibbattamānambhi devatte atha mānuse,
\nOmattaṃ me na passāmi pubbakammassidaṃ phalaṃ

1959. Pañcadase kappasate ito aṭṭhajanā ahu,
\nSabbe samattanāmā te cakkavatti mahabbalā.

1960. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saparivāriyo thero imā gathāyo abhāsitthāti.
\n- Saparivāriyattherassa apadānaṃ catutthaṃ. -

145. Ummāpupphiyatherāpadānaṃ.

1961. Nibbute lokanāthambhi* ahutinaṃ paṭiggahe,
\nSiddhatthambhi bhagavati mahāthupamaho ahu.

1962. Mahe pavattamānambhi siddhatthassa mahesino,
\nUmmāpupphaṃ gahetvāna thupamhi abhiropayiṃ.

1. Duratova, machasaṃ thapadattaṃ se syā 2. Dissati thupakkhandho, katthaci *lokambhite, machasaṃ

[BJT Page 298] [\x 298/]

1963. Catunavute ito kappe yaṃ pupphamabhiropayiṃ,
\nDuggatiṃ nābhijānāmi thupapujāyidaṃ phalaṃ.

1964. Ito ca navame kappe somadevasanāmakā,
\nPañcāsiti’su rājāno cakkavatti mahabbalo.

1965. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ummāpupphiyo thero imā gathāyo abhāsitthāti.
\n- Ummāpupphiyattherassa apadānaṃ pañcamaṃ. -

[PTS Page 173] [\q 173/]

146. Anulopadāyakattherāpadānaṃ.

1966. Anomadassimunino bodhivedimakāsa’haṃ,
\nSudhāya piṇḍaṃ datvāna pātikammamakāya haṃ1-

1967. Disvā taṃ sukataṃ kammaṃ anomadassi naruttamo,
\nBhikkhusaṃghe ṭhito satthā imā gāthā abhāsatha:

1968. "Iminā sudhākammena cetanāpaṇidhīhi ca,
\nSampattiṃ anubhotvāna dukkhassantaṃ karissati. "

1969. Pasanna mukhavaṇṇomhi ekaggo susamāhito,
\nDhāremi antimaṃ dehaṃ sammāsambuddhasāsane.

1970. Ito kappasate āsiṃ paripuṇṇe anunake,
\nRājā sabbaghano nāma cakakvatti mahabbalo.

1971. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā anulepadāyako thero imā gathāyo abhāsitthāti.
\n- Anulepadāyakattherassa apadānaṃ chaṭṭhaṃ. -

147. Maggadāyakattherāpadānaṃ.

1972. Uttaritvāna nadikaṃ vanaṃ gacchati cakkhumā,
\nTamaddasāsiṃ sambuddhaṃ siddhatthaṃ varalakkhaṇaṃ.

1973. Kudadāpaliṭakamādāya samaṃ katvānataṃ pathaṃ,
\nSatthāraṃ abhivādevo sakaṃ cittaṃ padādayiṃ.

1974. Catunavute ito kappe yaṃ kammamakāriṃ tadā,
\nDuggatiṃ nābhijānāmi maggadānassidaṃ phalaṃ.

1975. Sattapaññāsakappamhi eko āsiṃ janādhipo,
\nNāmena suppabuddhoti nāyako so narissaro.

1976. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā maggadāyako thero imā gathāyo abhāsitthāti.
\n- Maggadāyakattherassa apadānaṃ sattamaṃ. -

1. Pāṇikammaṃ, machasaṃ phātikammaṃ, aṭṭhakathā.

[BJT Page 300] [\x 300/]
\n[PTS Page 174] [\q 174/]

148. Phalakakadāyakattherāpadānaṃ.

1977. Yānakāro pure dārukamme susikkhito,
\nCandanaṃ palakaṃ kavo adāsiṃ lokabandhuno.

1978. Pabhāsati idaṃ vyambhaṃ suvaṇṇassa sunimmitaṃ,
\nHatthiyānaṃ assayānaṃ dibbayānaṃ upaṭṭhitaṃ.

1979. Pāsādā sivikā ceva nibbattanti yadicchakaṃ,
\nAkkhohaṃ atanaṃ mayhaṃ phalakassa idaṃ phalaṃ.

1980. Ekatanavute ito kappe phalakaṃ yamahaṃ dadiṃ,
\nDuggatiṃ nābhijānāmi phalakassa idaṃ phalaṃ.

1981. Sattapaññāsakappambhi caturo nimamitacahayā,
\nSattaratanasampanno cakkavatti mahabbalo.

1982. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā phalakadāyako thero imā gathāyo abhāsitthāti.
\n- Phalakadāyakattherassa apadānaṃ aṭṭhamaṃ. -

149. Vaṭaṃsakiyattherāpadanaṃ.

1983. Sumedho nāma nāmena sayambhu aparājito,
\nVivekamanubrūhanto ajjhogāhi mahāvanaṃ.

1984. Sallaṃ puppitaṃ disvā ganthitvāna1- vaṭaṃsakaṃ,
\nBuddhassa abhiropesiṃ sammukhā lokanāyakaṃ.

1985. Tiṃsakappasahassambhi yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

1986. Ūnavise kappasate soḷasāsiṃsu nimamitā,
\nSattaratanasampanno cakkavatti mahabbalo.

1987. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā vaṭaṃsakiyo thero imā gathāyo abhāsitthāti.
\n- Vaṭaṃsakiyattherassa apadānaṃ navamaṃ. -

[PTS Page 175] [\q 175/]

150. Pallaṅkadāyakattherāpadanaṃ

1988. Sumedhassa bhagavato lokajeṭṭhassa tādino,
\nPallaṅko hi mayā dinno sauttara sapacchado.

1989. Sattaratanasampanno pallaṅko āsi so tadā,
\nMama saṅkappamaññāya nibbattati sadā mama.

1. Bandhitvāna, simu

[BJT Page 302] [\x 302/]

1990. Tiṃsakappasahassambhi pallaṅkamadadiṃ tadā,
\nDuggatiṃ nābhijānāmi pallaṅkassa idaṃ phalaṃ.

1991. Visakappasahassambhi suvaṇṇābhā tayo janā,
\nSattaratanasampanno cakkavatti mahabbalo.

1992. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pallaṅkadāyako thero imā gathāyo abhāsitthāti.
\n- Pallaṅkadāyakattherassa apadānaṃ dasamaṃ. -

Uddānaṃ:
\nChattaṃ thambho ca vedi ca parivārummapupphiyo
\nAnulepo maggadāyī phalakadāyi vaṭaṃsako
\nPallaṅkadāyī gāthāyo chapaññāsa pakittititā.

- Chattavaggo paṇṇarasamo. -