[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 282] [\x 282/]
\n[PTS Page 163] [\q 163/] 

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Sobhitavaggo

 131. Sobhitattherāpadānaṃ.

1870. Padumuttaro nāma jino lokajeṭṭho narāsabho,
\nMahato janakāyassa deseti amataṃ padaṃ.

1871. Tassāhaṃ vacanaṃ sutvā vācāsabhimudirayiṃ, 3-
\nAñjaliṃ paggahevona ekaggo āsahaṃ tadā.

[PTS Page 164] [\q 164/]

1872. Yathā samuddo udadhinamaggo,
\nNerū nagānaṃ pavaro siluccayo,
\nTatheva ye cittavasena vattare,
\nNa buddhañāṇassa kalaṃ upenti te.

1873. Dhamme vidhiṃ4- ṭhapevona buddho kāruṇiko isi,
\nBhikkhusaṃghe nisīditvā imā gāthā abhāsatha:

1874. "Yo so ñāṇaṃ pakittesi buddhambhi lokanāyako,
\nKappānaṃ satasahassaṃ duggatiṃ na gamissati5-

1875. Kilese jhāpayitvāna ekaggo susamābhito,
\nSobhito nāma nāmena hessati satthusāvako"

1. Te sisse, simu 2. Pāyasogandha, machasaṃ 3. Vācāsabhimudiritaṃ, simu machasaṃ 4. Dhammavidhiṃ, machasaṃ

[BJT Page 284] [\x 284/]

1876. Paññase kappasahasse sattevāsuṃ yasuggatā,
\nSattaratanasampanno cakkavatti mahabbalo.

1877. Kilesā jhāpitā mayhaṃ bhavā sabbesamuhatā, 1-
\nTisso vijjā anuppattā kataṃ buddhassa sāsanaṃ.

1878. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sobhito thero imā gathāyo abhāsitthāti.
\n- Sobhitattherassa apadānaṃ paṭhamaṃ. -

132. Sudassanattherāpadānaṃ.

1879. Vitatthānadiyā2- tīre pilakkho3- phalito ahu,
\nTāhaṃ rukkhaṃ gavesanto addasaṃ lokanāyakaṃ.

1880. Kenakaṃ pupphitaṃ disvā vaṇṭe chetvanā’haṃ tadā,
\nBuddhassa abhiropesiṃ sikhino lokabandhuno.

1881. Yena ñāṇena patto’si accutaṃ amataṃ padaṃ,
\nTaṃ ñāṇaṃ abhipujemi buddhaseṭṭha mahāmuni.

1882. Ñāṇambhi pujaṃ katvāna pilakkhaṃ4- addasaṃ ahaṃ,
\nPaṭiladdhombhi taṃ paññaṃ5- ñāṇapujāyidaṃ phalaṃ.

[PTS Page 165] [\q 165/]

1883. Ekatiṃse ito kappe yaṃ pupphamabhiropayiṃ,
\nDuggatiṃ nābhijānāmi ñāṇapujāyidaṃ phalaṃ.

1884. Ito terasakappambhi dvādasāsuṃ phaluggatā,
\nSattaratanasampanno cakkavatti mahabbalo.

1885. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sudassano thero imā gathāyo abhāsitthāti.
\n- Sudassanattherassa apadānaṃ dutiyaṃ. -

133. Candanapujakattherāpadānaṃ.

1886. Candabhāgānaditire ahosiṃ kinnaro tadā,
\nPupphabhakkho ca’haṃ āsiṃ pupphanivasano tathā6-

1887. Atthadassi tu bhagavā lokajeṭṭhā narāsabho,
\nVipanaggena7- niyyāsi haṃsarājāva ambare.

1888. "Namo te purisājañña cittaṃ te suvisodhitaṃ,
\nPasannamukhanetto’si8- vippasannamukhindriyo.

1. Samuggatā, [PTS] se 2. Vitthatāyanadi, [PTS] cintā machasaṃ simu vitthatāya, syā 3. Pilakkhu, machasaṃ 4. Pilakkhuṃ, machasaṃ 5. Saññaṃ, [PTS] se syā 6. Ca’haṃ [PTS] se 7. Pācanaggena, [PTS] se 8. Mukhavaṇṇe’si [PTS] se

[BJT Page 286] [\x 286/]

1889. Orohatvāna ākāsā bhuripañño sumedhaso,
\nSaṅghāṭiṃ pattharitvāna pallaṅkena upāvisi.

1890. Valinaṃ candanādāya agamāsiṃ jinantikaṃ,
\nPasannacitto sumano buddhassa abhiropayiṃ.

1891. Abhivādetvāna sambuddhaṃ lokajeṭṭhaṃ narāsabhaṃ,
\nPāmojjaṃ janayitavona sakkāmiṃ uttarāmukho.

1892. Aṭṭhārase kappasate candanaṃ yaṃ apūjayiṃ,
\nDuggatiṃ nābhijānāmi buddhapūjāyidaṃ phalaṃ.

1893. Catuddase kappasate ito āsiṃsu te tayo,
\nRohitā1- nāma nāmena cakkavatti mahabbalā.

1894. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā candanapujako thero imā gathāyo abhāsitthāti.
\n- Candanapujakattherassa apadānaṃ tatiyaṃ. -
\n- Aṭṭhamabhāṇavāraṃ -

[PTS Page 166] [\q 166/]

134. Pupphachadaniyattherāpadānaṃ.

1895. Sunando nāma nāmena buhmaṇo mantapāragu,
\nAjjhāyako yājayogo2- vājapeyyaṃ ayājayī.

1896. Padumuttaro lokavidu aggo kāruṇiko isi,
\nJanataṃ anukampanetā ambare caṅkami tadā.

1897. Caṅkamitvāna sambuddho sabbaññu lokanāyako,
\nMetatāya aphari satte appamāṇaṃ nirūpadhi.

1898. Vaṇṭe chetvāna pupphini brāhmaṇo mantapāragu,
\nSabbe sisse samanetvā ākase ukkhipāpayi.

1899. Yāvatā nagaraṃ āsi pupphānaṃ chadanaṃ tadā,
\nBuddhassa ānubhāvena sattāhaṃ na vigacchatha.

1900. Teneva sukkamūlena anubhotvāna sampadā,
\nSabbāsave pariññāya tiṇṇo loke visattikaṃ.

1901. Ekādase kappasate pañcatiṃsā’su khattiyā,
\nAmbaraṃsa sanāmā te cakkavatti mahabbalo.

Itthaṃ sudaṃ āyasmā pupphajadaniyo thero imā gathāyo abhāsitthāti.
\n- Pupphachadaniyattherassa apadānaṃ catutthaṃ. -

1. Rohaṇi, machasaṃ [PTS] so 2. Yācayogo, machasaṃ

1797. Ekanavute ito kappeyaṃ dānamadadiṃ tadā,
\nDuggatiṃ nābhijānāmi pāyāsassa idaṃ phalaṃ.

1798. Ekatāḷisito kappe buddho nāmāsi khattiyo,
\nSattaratanasampanno cakkavatti mahabbalo.

1799. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pāyāsadāyako thero imā gathāyo abhāsitthāti.
\n- Pasāyadāyakottherassa apadānaṃ tatiyaṃ. -

[BJT Page 288] [\x 288/]

135. Rahosaññakattherāpadānaṃ

1902. Himavantassāvidure vasabho nāma pabbato,
\nTasmiṃ pabbatapādamhi assamo āsi māpito.

1903. Tīṇi sissasahassāni vācesiṃ brāhmaṇo1- tadā,
\nSaṃharitavona2- te sisse ekamantaṃ upāvisiṃ.

[PTS Page 167] [\q 167/]

1904. Ekamantaṃ nisīditvā brāhmaṇo mantapāragu,
\nBuddhavedaṃ3- gavesanto ñāṇe cittaṃ pasādayīṃ.

1905. Tattha cittaṃ pasādetvā nisīdiṃ paṇṇasatthare,
\nPallaṅkamābhujitvāna tattha kālakato ahaṃ.

1906. Ekatiṃse ito kappe yaṃ saññamalabhiṃ tadā,
\nDuggatiṃ nābhijānāmi ñāṇasaññayidaṃ phalaṃ.

1907. Sattavisatikappambhi4- rājā siridharo ahuṃ,
\nSattaratanasampanno cakkavatti mahabbalo.

1908. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā rahosaññako thero imā gathāyo abhāsitthāti.
\n- Rahosaññakattherassa apadānaṃ pañcamaṃ. -

136. Campakapupphiyattherāpadānaṃ.

1909. Kaṇikāraṃva jotantaṃ nisinnaṃ pabbatantare,
\nObhāsentaṃ disā sabbā osadhiṃ viya tārakaṃ.

1910. Tayo māṇavakā āsuṃ sake sippe susikkhitā,
\nKhāribhāraṃ gahetvāna anventi mama pacchato.

1911. Puṭake satta pupphāni nikkittāni tapassinā,
\nGahetvā tāni ñāṇambhi vessabhussā hiropayiṃ.

1912. Ekatiṃse ito kappe yaṃ pupphamabhiropayiṃ,
\nDuggatiṃ nābhijānāmi ñāṇapujāyidaṃ phalaṃ.

1913. Ekunataṃse kappambhi vipulābha sanāmako,
\nSattaratanasampanno cakkavatti mahabbalo.

1914. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā campakapupphiyo thero imā gathāyo abhāsitthāti.
\n- Campakapupphiyattherassa apadānaṃ chaṭṭhaṃ. -

1. Brāhmaṇe 2. Saṃsāvevona, [PTS] se sāsāvitvāna, syā 3. Buddhavesaṃ, [PTS] se 4. Sattavisamahi kappamahi, [PTS] se

[BJT Page 290] [\x 290/]

137. Atthasandassakettharāpadānaṃ.

1915. Visālamāle āsino addasaṃ lokanāyakaṃ,
\nKhiṇāsavaṃ khalappattaṃ bhikkhusaṅghapurakkhataṃ.

1916. Satasahassā tevijjā chaḷabhiññā mahiddhikā,
\nParivārenti sambuddhaṃ ko disvā nappasidati.

1917. Ñāṇe upanidhā yassa na vijjati sadevake,
\nAnantañāṇaṃ sambuddaṃ ko disvā nappasidati.

1918. Dhammakāyañca dipentaṃ kevalaṃ ratanākaraṃ,
\nVikopetuṃ1- na sakkonti ko disvā nappasidati.

1919. Imāhi tihi gāthāhi nārado saragacchiyo, 2-
\nPadumuttaraṃ thavitvāna sambuddhaṃ aparājitaṃ.

1920. Tena cittappasādena buddhasanthavanena ca,
\nKappānaṃ satasahassaṃ duggatiṃ nupapajjahaṃ3-

1921. Ito tiṃse kappasate sumitto nāma khattiyo,
\nSattaratanasampanno cakkavatti mahabbalo.

1922. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā atthasandassako thero imā gathāyo abhāsitthāti.
\n- Atthasandassakattherassa apadānaṃ sattamaṃ. -

[PTS Page 168] [\q 168/]

138. Ekapasādaniyattherāpadānaṃ.

1923. Nārado iti me nāmaṃ kesavo iti maṃ vidu,
\nKusalāsalaṃ esaṃ agamaṃ buddhasantikaṃ.

1924. Mettacitto kāruṇiko atthadassi mahāmuni,
\nAssāsayanto satte so dhammaṃ deseti cakkhumā.

1925. Sakaṃ cittaṃ pasādetvā sire katvāna añjaliṃ,
\nSatthāraṃ abhivādetvā pakkāmiṃ pācināmukho.

1926. Sattarase kappasate rājā āsiṃ mahipati,
\nAmittatāpano nāma cakkavatti mahabbalo.

1927. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekapasādaniyo thero imā gathāyo abhāsitthāti.
\n- Hakapasādaniyattherassa apadānaṃ aṭṭhamaṃ. -

1. Vikappetuṃ, machasaṃ 2. Nāradavahaya vacachalo, machasaṃ 3. Nupapajjatha, simu

[BJT Page 292] [\x 292/]

1928. Migarājā tadā āsiṃ abhijāto sukesari,
\nGiriduggaṃ gavesanto addasaṃ lokanāyakaṃ.

1929. Ayaṃ nukho mahāvīro nibbāpeti mahājanaṃ,
\nYannunāhaṃ upāseyyeṃ devadevaṃ narāsabhaṃ.

1930. Sākhaṃ sālassa bhañajitvā sakosaṃ1- pupphamāhariṃ,
\nUpāgantvāna sambuddhaṃ adāsiṃ pupphamuttamaṃ.

[PTS Page 169] [\q 169/]

1931. Ekavute ito kappe yaṃ pupphamabhiroyiṃ,
\nDuggatiṃ nābhijānāmi pupphadānassidaṃ phalaṃ.

1932. Ito ca navame kappe virācana sanāmakā,
\nTayo āsiṃsu rājāno cakkavatti mahabbalo.
\n1933. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sālapupphadāyako thero imā gathāyo abhāsitthāti.
\n- Sālapupphadāyakattherassa apadānaṃ navamaṃ. -

140. Piyālaphadāyakattherāpadānaṃ.

1934. Pārādhako2- tadā āsiṃ parapāṇuparodhako, 3-
\nPabbhāre seyyaṃ kappemi avidūre sikhisatthuno.

1935. Sāyaṃ pātañca passāmi buddhaṃ lokagganāyakaṃ,
\nDeyyadhammo ca me nathi dipadindassa tādino.

[PTS Page 170] [\q 170/]

1936. Piyāpaphalamādāya agamaṃ buddhasantikaṃ,
\nPaṭiggahesi bhagavā lokajeṭṭho narāsabho.

1937. Tato paraṃ upādāya parivāraṃ4- vināyakaṃ,
\nTena cittappasādena tattha kālakato ahaṃ.

1938. Ekatiṃse ito kappe yaṃ phalaṃ ahaṃ,
\nDuggatiṃ nābhijānāmi phaladānassidaṃ phalaṃ.

1939. Ito paṇṇarase kappe tayo āsuṃ piyālito,
\nSattaratanasampanno cakkavatti mahabbalo.

1940. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā piyālaphaladāyako thero imā gathāyo abhāsitthāti.
\n- Piyālaphaladāyakattherassa apadānaṃ dasamaṃ. -
\n- Sobhitavaggo cuddasamo. -

1. Sakoṭaṃ, [PTS] 2. Pārāvato, simu parādhako, [PTS] 3. Paramānuparodhako, [PTS] se 4. Paricāriṃ, simu.

[BJT Page 294] [\x 294/]

Uddānaṃ:
\nSobhitota sudassato ca candano pupphachadano
\nRabho campakapupphi ca atthasandassakena ca
\nEkapasādi1- sāladado dasamo phaladāyako
\nGāthāyo sattati dve ca gaṇitāyo vibhāvibhi.

- Sobhitavaggo cuddasamo. -