[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 266] [\x 266/]
\n[PTS Page 155] [\q 155/] 

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Sereyyakavaggo

121. Sereyyakattherāpadānaṃ.

1767. Ajjhāyako mantadharo tiṇṇaṃ vedāna pāragu,
\nAbbhokāse ṭhito santo addasaṃ lokanāyakaṃ.

1768. Sihaṃ yathā vanacaraṃ vyaggharājaṃva titatasaṃ,
\nTidhā pabhinnamātaṅgaṃ kuñajaraṃva mahesinaṃ.

1769. Sereyyakaṃ gahetvāna ākāse ukkhipiṃ ahaṃ,
\nBuddhassa ānubhāvena parivārenti sabbato3-

1770. Adhiṭṭāsi mahāvīro sabbaññu lokanāyako,
\nSamantā pupphacchadanā4- okiriṃsu nāsabhaṃ.

1771. Tato sā pupphakañcukā5- antovaṇṭā bahimukhā,
\nSattāhaṃ chadanaṃ hutvā60 tato antaradhāyatha.

1. Dhātuyo ca, se [PTS] 2. Te, [PTS] 3. Sabbaso, machasaṃ 4. Jadanaṃ, [PTS] se 5. Sapuppha, [PTS] 6. Katvā, simu

[BJT Page 268] [\x 268/]

1772. Taṃ ca acchariyaṃ disvā abbhutaṃ lomahaṃsanaṃ,
\nBuddhe cittaṃ pasādesiṃ sugate lokanāyake.

1773. Tena cittappasādena sukkamūlena codito,
\nKappānaṃ satasahassaṃ duggatiṃ nupapajjahaṃ.

1774. Paṇṇarasasahassambhi kappānaṃ pañcavisa te,
\nCittamālāsanāmaṃ1- ca cakkavatti mahabbalo.

1775. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sereyyako thero imā gathāyo abhāsitthāti.
\n- Serayyekattherassa apadānaṃ paṭhamaṃ. -

122. Pupphathupiyattherāpadānaṃ.

1776. Himavantassā vidure kukkuṭo2- nāma pabbato,
\nVemajjhe tassa vasati bruhmaṇomantapāragu.

1777. Pañca sissasahassāni parivārenti maṃ sadā,
\nPubbuṭṭhāyi ca te āsuṃ mantesu ca visāradā.

[PTS Page 156] [\q 156/]

1778. Buddho loke samuppanno taṃ vijānātha no bhavaṃ,
\nAsitā vyañajanānassa khattiṃsa varalakkhaṇā, byāmappabho jinavaro ādiccova virocati.

1779. Sissānaṃ vacanaṃ sutvā buhmaṇo mantapāragu,
\nAssamā abhinikkhamma disaṃ pucchati sissake3-
\nYambhi dese mahaviro vasati lokanāyako.

1780. Tāhaṃ disaṃ namassissaṃ4- jinaṃ appaṭipuggalaṃ,
\nUdaggacitto sumano pujesiṃ5- taṃ tathāgataṃ.

1781. Etha sissā gamissāma dakkhissāmatathāgataṃ,
\nVanditvā santhuno pāde sossama jinasāsanaṃ.

1782. Ekāhaṃ abhinikkhamma vyādhiṃ paṭilabhiṃ ahaṃ,
\nVyādhinā piḷito santo sālaṃ vesayituṃ6- gamiṃ.

1783. Sabbe sisse samānetvā apucchiṃ te tathāgataṃ7,
\nKidisaṃ lokanāthassa guṇaṃ paramabuddhino.

1. Vinamālā, [PTS] citamālā, machasaṃ 2. Kukkuro, machasaṃ 3. Brāhmaṇo, [PTS] se 4. Nahi disvāna passissaṃ, [PTS] 5. Pujessaṃ ca, [PTS] 6. Co seyituṃ, simu 7. Tathā ahaṃ, [PTS] se

[BJT Page 270] [\x 270/]

1784. Te me puṭṭhā vyākariṃsu yathā dassācino tathā,
\nSakkaccaṃ1- buddhaseṭṭhaṃ taṃ dassesuṃ mama sammukhā.

1785. Tesāhaṃ vacanaṃ sutvā sakaṃ cittaṃ pasādayiṃ,
\nPupphehi thupaṃ katvāna tattha kālakato ahaṃ.

1786. Te me sarīraṃ jhāpetvā agamuṃ2- buddhasantike,
\nAñjaliṃ paggahetvāna satthāraṃ abhivādayuṃ.

1787. Pupphehi thupaṃ katvāna sugatassamahesino,
\nKappānaṃ satasahassaṃ duggatiṃ nupapajjahaṃ.

1788. Cattārisasahassamhi kappe soḷasa khattiyā,
\nNāmena’ggisamā nāma cakkavatti mahabbalā.

1789. Vise kappasahassamhi rājāno cakkavattino,
\nGhatāsanasanāmā ca aṭṭhatiṃsa mahipati.

1790. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pupphipiyo thero imā gathāyo abhāsitthāti.
\n- Pupphapiyattherassa apadānaṃ dutiyaṃ. -

[PTS Page 157] [\q 157/]

123. Pāyāsadāyaka*ttherāpadānaṃ.

1791. Suvaṇṇavaṇṇaṃ sambuddhaṃ3- khattiṃsavaralakkhaṇaṃ, 4-
\nPavanā abhinikkhantaṃ bhikkhusaṃghapurakkhataṃ.

1792. Mahaccā5- kaṃsapātiyā vaḍḍhetvā pāyasaṃ ahaṃ,
\nĀhutiṃ yiṭṭhukāmo so upanesiṃ6- baliṃ ahaṃ.

1793. Bhagavā tambhi samaye lokajeṭṭho narāsabho,
\nCaṅkamaṃ susamāruḷho ambare anilāyane.

1794. Taṃ ca acchariyaṃ disva abbhutaṃ lomahaṃsanaṃ,
\nṬhapayitvā kaṃsapātiṃ vipassiṃ abhivādayiṃ.

1795. Tuvaṃ devo’si sabbaññu sadeve sahamānuse,
\nAnukampaṃ upādāya paṭigaṇha mahāmuni.

1796. Paṭiggahesi bhagavā sababaññu lokanāyako,
\nMama saṅkappamaññāya satthā loke mahāmuni. .

1. Kukkuṭṭha, [PTS] 2. Agamaṃsu, [PTS] se *pāyasadāyaka, machasaṃ 3. Suvaṇṇavaṇṇo samubuddhe, machasaṃ 4. Lakkhaṇo abhinikkhanto purakkhato, machasaṃ5. Sahatthā, [PTS] se 6. Agamāsiṃ, [PTS] se

[BJT Page 272] [\x 272/]

1797. Ekanavute ito kappeyaṃ dānamadadiṃ tadā,
\nDuggatiṃ nābhijānāmi pāyāsassa idaṃ phalaṃ.

1798. Ekatāḷisito kappe buddho nāmāsi khattiyo,
\nSattaratanasampanno cakkavatti mahabbalo.

1799. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pāyāsadāyako thero imā gathāyo abhāsitthāti.
\n- Pasāyadāyakottherassa apadānaṃ tatiyaṃ. -

124. Gandhodakiyattherāpadānaṃ.

1800. Nisajja pāsādavera vipassiṃ addasaṃ jinaṃ,
\nKakudhaṃ vilasantaṃva sabbaññuṃ tamanāsakaṃ1-

1801. Pāsādassāvidure ca gacchati lokanāyako,
\nPabhā niddhāvate tassa yathā ca

[PTS Page 158] [\q 158/]

1802. Gandhodakañca paggayha buddhaseṭṭhaṃ samokiriṃ,
\nTena cittappasādena tattha kālanato ahaṃ.

1803. Ekatāḷisito kappe yaṃ gandhodakamākiriṃ, 3-,
\nDuggatiṃ nābhijānāmi buddhapūjāyidaṃ phalaṃ.

1894. Ekatiṃse ito kappe sugandho nāma khattiyo,
\nSattaratanasampanno cakkavatti mahabbalo.

1895. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā gandhodakiyo* thero imā gathāyo abhāsitthāti.
\n- Gandhodakiyattherassa apadānaṃ catutthaṃ. -

125. Sammukhātthavikattherāpadānaṃ.

1806. Jāyamāne vipassimhi nimittaṃ vyākariṃ ahaṃ,
\nNibbāpayañca janataṃ buddho loke bhavissati.

1807. Yasmiñca jāyamānasmiṃ dasasahassi pakampati,
\nSo’dāni bhagavā satthā dhammaṃ deseti cakkhumā.

1808. Yasmiñca jāyamānasmiṃ āloko vipulo ahu,
\nSo’dāni bhagavā satthā dhammaṃ deseti cakkhumā.

1. Sabbaññutamanāsavaṃ, [PTS] 2. Sataraṃsimbhi nibabute. [PTS] se syā 3. Gandhodakaṃ samokiriṃ, [PTS] se gandhodakamokiriṃ syā *sugandhodakiyo, simu

[BJT Page 274] [\x 274/]

1809. Yasmiṃ ca jāyamānasmiṃ saritāyo na sandisuṃ,
\nSo’dāni bhagavā satthā dhammaṃ deseti cakkhumā.

1810. Yasmiṃ ca jāyamānasmiṃ avicaggi na pajjali,
\nSo’dāni bhagavā satthā dhammaṃ deseti cakkhumā.

1811. Yasmiṃ ca jāyamānasmiṃ pakkhisaṃgho na sañcari,
\nSo’dāni bhagavā satthā dhammaṃ deseti cakkhumā.

1812. Yasmiṃ ca jāyamānasmiṃ vātakkhandho na vāyati,
\nSo’dāni bhagavā satthā dhammaṃ deseti cakkhumā.

1813. Yasmiṃ ca jāyamānasmiṃ sabbaratanāni jotisuṃ,
\nSo’dāni bhagavā satthā dhammaṃ deseti cakkhumā.

1814. Yasmiṃ ca jāyamānasmiṃ sattā’suṃ padavikkamā,
\nSo’dāni bhagavā satthā dhammaṃ deseti cakkhumā.

[PTS Page 159] [\q 159/]

1815. Jātamatto ca sambuddho disā sabbā vilokayi,
\nVācāsabhimudiresi esā buddhāna dhammatā.

1816. Saṃvejayitvā janataṃ thavitvāna lokanāyakaṃ,
\nSambuddhaṃ abhivādetvā pakkāmiṃ pācināmukho.

1817. Ekanavute ito2- kappe yaṃ buddhamahithomayiṃ,
\nDuggatiṃ nābhijānāmi thomanāya idaṃ phalaṃ.

1818. Ito navutikappambhi sammukhāthavikavhayo,
\nSattaratanasampanno cakkavatti mahabbalo.

1819. Paṭhavidunduhi3- nāma ekunanavutimbhi’to,
\nSattaratanasampanno cakkavatti mahabbalo.

1920. Aṭṭhāsitimbhi’to kappe obhāso nāma khattiyo,
\nSattaratanasampanno cakkavatti mahabbalo.

1821. Sattāsitimbhi’to kappe saritacchedanavhayo,
\nSattaratanasampanona cakkavatti mahabbalo.

1822. Agginibbāpano nāma kappānaṃ chaḷasitiyā,
\nSattaratanasampanona cakkavatti mahabbalo.

1823. Gatipacchedano nāma kappānaṃ pañcasitiyā,
\nSattaratanasampanona cakkavatti mahabbalo.

1824. Rājā vātasamo nāma kappānaṃ cullasitiyā,
\nSattaratanasampanona cakkavatti mahabbalo.

1825. Ratanapajjalo nāma kappānaṃ teasitiyā,
\nSattaratanasampanona cakkavatti mahabbalo.

1. Sattesu, [PTS] se 2. Ekanavutito, machasaṃ 3. Paṭhavidunduhi, katthavi.

[BJT Page 276] [\x 276/]

1826. Padavikkamano nāma kappānaṃ dveasitiyā,
\nSattaratanasampanona cakkavatti mahabbalo.

1827. Rājā vilokano nāma kappānaṃ ekasitiyā,
\nSattaratanasampanona cakkavatti mahabbalo.

1828. Girisāro’ti nāmena kappe’sitimhi khattiyo,
\nSattaratanasampanona cakkavatti mahabbalo.

1829. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sammukhāthaviko thero imā gathāyo abhāsitthāti.
\n- Sammukhāthavikattherassa apadānaṃ pañcamaṃ. -

[PTS Page 160] [\q 160/]

126. Kusumāsaniyattherāpadānaṃ.

1830. Nagare dhaññavatiyā ahosiṃ brāhmaṇo tadā,
\nLakkhaṇe itihāse ca sanighaṇḍu sakeṭubhe.

1831. Padako veyyākaraṇo1- nimitte kovido ahaṃ,
\nManneta ca sisse vācesiṃ tiṇṇaṃ vedāna pāragu.

1832. Pañca uppalahatthāni piṭhiyaṃ2- ṭhapitāni me,
\nĀhutiṃ yiṭṭhukāmo’haṃ pitumātusamāgame.

1833. Tadā vipassi bhagavā bhikkhusaṅghapurakkhato,
\nObhāsentā disā sabbā āgacchati narāsabho.

1834. Āsanaṃ paññapetvāna nimantetvā mahāmuniṃ,
\nSantharitvāna taṃ pupphaṃ abhinesiṃ3- sakaṃ gharaṃ.

1835. Yaṃ me atthi sake gehe āmisaṃ paccupaṭṭhitaṃ,
\nTāhaṃ buddhassa pādisiṃ pasanno sehi pāṇihi.

1836. Bhuttāviṃ kālamaññāya pupphahatthaṃ4- adāsahaṃ,
\nAnumoditvāna sababaññu pakkāmi uttarāmukho.

1837. Ekanavute ito5- kappe yaṃ pupphamadadiṃ tadā,
\nDuggatiṃ nābhijānāmi pupphādānassa’idaṃ phalaṃ.

1838. Anantarā ito kappe rājā’huṃ varadassano,
\nSattaratanasampanno cakkavatti mahabbalo.

1839. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kusumāsaniyo thero imā gathāyo abhāsitthāti.
\n- Kusumāsaniyattherassa apadānaṃ chaṭṭhaṃ. -

1. Padake, veyyākaraṇe, simu 2. Piṭṭhiyaṃ, machasaṃ [PTS] 3. Atinesiṃ, si mu 4. Ekahatthaṃ, [PTS] se 5. Ekanavutito, machasaṃ

[BJT Page 278] [\x 278/]

127. Phaladāyakattherāpadānaṃ.

1840. Ajjhāyako ntadharo tiṇṇaṃ vedāna pāragu,
\nBhimavantassāvidure vasāmi assame ahaṃ.

1841. Aggihuttañca me atthi puṇḍarikaphalāni ca,
\nPuṭake nikkhipitvāna dumagge laggitaṃ mayā.

[PTS Page 161] [\q 161/]

1842. Padumuttaro lokavidu āhutitaṃ paṭiggaho,
\nMamuddharitukāmo so bhikkhanto maṃ upāgami.

1843. Pasannacitto sumano phalaṃ buddhassa’dāsahaṃ,
\nVittisañajanano mayhaṃ diṭṭhadhammasukhāvaho.

1844. Suvaṇṇavaṇṇo sambuddho āhutinaṃ paṭiggaho,
\nAntalikkhe ṭhito satthā satthā imaṃ gāthaṃ abhāsatha:

1845. "Iminā phaladānena cetanā paṇidhihi ca,
\nKappānaṃ satasahassaṃ duggati nupagacchati"1-

1846. Teneva sukkamūlena anubhotvāna sampadā,
\nPatto’mbhi acalaṃ ṭhānaṃ hitvā jayaparājayaṃ.

1847. Ito sattasate kappe2- rājā āsiṃ sumaṅgalo,
\nSattaratanasampanno cakkavatti mahabbalo.

1898. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā phaladāyako thero imā gathāyo abhāsitthāti.
\n- Phaladāyakottherassa apadānaṃ sattamaṃ. -

128. Ñāṇasaññakattherāpadānaṃ.

1849. Pabbate himavantambhi vasāmi pabbatantare,
\nPulitaṃ sobhanaṃ disvā buddhaseṭṭhaṃ anussariṃ.

1850. "Ñāṇe upanidhā3- natthi saṅgāmaṃ4- natthi satthuno,
\nSabbaṃ dhammaṃ abhiññāya ñāṇena adhimuccati.

1851. Namo te purisājañña nāmo te purisuttama,
\nÑāṇena te samo nathi yāvatā ñāṇamuttamaṃ"5-

1852. Ñāṇena cittaṃ pasādetvā kappaṃ saggamhi modahaṃ,
\nAvasesesu kappesu kusalaṃ karitaṃ6- mayā.

1853. Ekanavute ito7- kappe yaṃ saññamalabhiṃ tadā,
\nDuggatiṃ nābhijānāmi ñāṇasaññāyidaṃ phalaṃ.

1. Nupapajji’haṃ, se nupapajajasi, machasaṃ 2. Sattakappasate, [PTS] se 3. Caritaṃ, machasaṃ 4. Saṅkhāraṃ, . Machasaṃ 5. Muttame [PTS] se 6. Caritaṃ, machasaṃ 7. Ekanavutito machasaṃ *ñāṇasaññikattherāpadānaṃ, machasaṃ

[BJT Page 280] [\x 280/]

1854. Ito tesattatikappe1- eko pulinapupphiyo,
\nSattaratanasampanno cakkavatti mahabbalo.

[PTS Page 162] [\q 162/]

1855. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ñāṇasaññako thero imā gathāyo abhāsitthāti.
\n- Ñāṇasaññakattherassa apadānaṃ aṭṭhamaṃ. -

129. Gandhapupphiyattherāpadānaṃ.

1856. Suvaṇṇavaṇṇo sambuddho vipassi dakkhiṇāraho,
\nPurakkhato sāvakehi ārāmā abhinikkhami.

1857. Disvāna’haṃ buddhaseṭṭhaṃ sabbaññuṃ tamanāsakaṃ,
\nPasannacitto sumano gandhapupphaṃ2- apūjayiṃ.

1858. Tena cittappasādena dipadindassa tādino,
\nHaṭṭho haṭṭhena cittena puna vandiṃ tathāgataṃ.

1859. Ekanavute ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

1860. Ekatāḷisi’to kappe caraṇo3- nāma khattiyo,
\nSattaratanasampanno cakkavatti mahabbalo.

1861. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā gandhapaphiyo thero imā gathāyo abhāsitthāti.
\n- Gandhapupphiyattherassa apadānaṃ navamaṃ. -

130. Padumapujakattherāpadānaṃ.

1862. Himavantassa avidūre gotamo nāma pabbato,
\nNānārukkhehi sañachanno mahābhūtagaṇālayo.

1863. Vemajjhambhi ca tassāsi assamo abhinimmito,
\nPurakkhato sasissehi vasāmi assame ahaṃ.

[PTS Page 163] [\q 163/]

1864. "Āyantu me sissagaṇā padumaṃ āharantu me,
\nBuddhapujaṃ karissāma dipadindassa tādino"

1865. Evanti te paṭissutvā padumaṃ āhariṃsu me,
\nTattha5- nimittaṃ katvā’haṃ buddhassa abhiropayiṃ.

1. Sattatikappemhi, machasaṃ 2. Gaṇṭhi pupphaṃ, simu 3. Caraṇo, [PTS] 4. Gaṇaṭhipupphiyo, simu 5. Tathā, simu *gaṇṭhipupaphiyattherāpadānaṃ simu.

[BJT Page 282] [\x 282/]

1866. Sisse tadā samānetvā sādhukaṃ anusāsahaṃ,
\nMā kho tumbhe pamajjittha appamādo sukhāvaho.

1867. Evaṃ samanusāsivo te sisse1- vacanakkhame,
\nAppamādaguṇe yutto tadā kālakato ahaṃ.

1868. Ekanavute ito kappe yaṃ pupphamabhiropayiṃ,
\nDuggatiṃ nābhijānāmi buddhapujiyidaṃ phalaṃ.

1869. Ekapaññāsakappambhi rājā āsiṃ jaluttamo,
\nSattaratanasampanno cakkavatti mahabbalo.

Itthaṃ sudaṃ āyasmā padumapujako thero imā gathāyo abhāsitthāti.
\n- Padumapujakattherassa apadānaṃ dasamaṃ. -

Uddānaṃ:
\nSereyyako pupphathupi pāyaso’daki2- thomako,
\nĀsani phalasaññi ca gandhapadumapupphiyo,
\nPañcuttarasatā gāthā bhaṇitā atthadassihi.

- Sereyyakavaggo terasamo. -