[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 254] [\x 254/]
\n[PTS Page 146] [\q 146/]   

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Mahāparivāravaggo

111. Mahāparivarattherāpadānaṃ.

1677. Vipassi nāma bagavā lokajeṭṭho narāsabho,
\nAṭṭhasaṭṭisahassehi pāvisi bandhumaṃ tadā.

1678. Nagarā abhinikkhamma agamaṃ dipacetiyaṃ,
\nAddasaṃ virajaṃ buddhaṃ āhutinaṃ paṭiggahaṃ.

1679. Cullāsitisahassāni yakkā mayhaṃ upanitike,
\nUpaṭṭhahanti sakkaccaṃ indaṃ’va tidasā gaṇā.

[PTS Page 147] [\q 147/]

1680. Bhavanā abhinikkhamma dussaṃ paggayha’haṃ tadā,
\nSirasā abhivādesiṃ taṃ vādāsiṃ mahesino.

1681. "Aho buddho aho dhammo2- aho no santhusampadā
\nBuddhassa ānubhāvena vasudhā’yaṃ pakampatha.

1682. Taṃ ca acchariyaṃ disvā abbhutaṃ lomahaṃsanaṃ,
\nBuddhe citataṃ pasādesiṃ dipadindamhi tādine.

1683. Sohaṃ cittaṃ pasādetvā dussaṃ datvāna satthuno,
\nSaraṇañca upāgañachiṃ sāmacco saparijjano

1684. Ekanavute ito kappe yaṃ kamamamakariṃ tadā,
\nDuggatiṃ nābhijānāmi buddhapūjāyidaṃ phalaṃ.

1685. Ito paṇṇarase kappe soḷasā’suṃ suvāhanā,
\nSattaratanasampanno cakkavatti mahabbalo.

1662. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā mahāparivāro thero imā gathāyo abhāsitthāti.
\n- Mahāparivārattherassa apadānaṃ paṭhamaṃ. -

1. Nivāsako se [PTS] 2. Aho dhammā, simu *mahāparivārakattheraapadānaṃ, machasaṃ

[BJT Page 254] [\x 254/]

112. Sumaṅgalattherāpadānaṃ.

1687. Atthadassī jinavaro lokajeṭṭho narāsabho,
\nVihārā abhinikkhamma taḷākaṃ upasaṅkami.

1688. Nahātvā pitvā ca sambuddho uttaritvekacivaro,
\nAṭṭhāsi bhagavā tattha vilokento disodisaṃ.

1689. Bhavane upaviṭṭhohaṃ addasaṃ lokanāyakaṃ.
\nHaṭṭho haṭṭhena cittena appoṭhesiṃ ahaṃ tadā.

1690. Sataraṃsiṃva’va jotantaṃ pabhāsantaṃ’va kañcanaṃ,
\nNacce gite ca yutto’haṃ1- pañcaṅgaturiyambhi ca2-

1691. Yaṃ yaṃ yonupapajjāmi devattaṃ atha mānusaṃ,
\nSabbe satte atibhomi vipulo hoti me yaso.

[PTS Page 148] [\q 148/]

1692. "Namo te purisājañña nāmo te purisuttama,
\nAttānaṃ tosayitvāna pare tosesi tvaṃ mune"

1693. Pariggayha3- nisīditvā hāsaṃ katvāna subbate, 4-
\nUpaṭṭhahitvā sambuddhaṃ tusitaṃ upapajjahaṃ.

1694. Soḷaseto kappasate davi- nava ekacintitā,
\nSattaratanasampanno cakkavatti mahabbalo.

1695. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sumaṅgalo thero imā gathāyo abhāsitthāti.
\n- Sumaṅgalattherassa apadānaṃ dutiyaṃ. -

113. Saraṇagamaniyattherāpadānaṃ

1696. Ubhinnaṃ devarājunaṃ saṅgāmo paccupaṭṭhito5-
\nAhosi samupabbuḷho mahāghoso pavatatatha.

1697. Padumuttaro lokavidu āhutinaṃ paṭiggabho,
\nAntaḷikkhe ṭhito satthā saṃvejesi mahājanaṃ.

1698. Sabbe devā attamanā nikkhittakavacāvudhā,
\nSambuddhambhivādetvā ekaggā’siṃsu tāvade.

1. Naccagite payuntohaṃ. Machasaṃ 2. Pañcaturiyasatamhi ca, 3. Paṭiggahetvā [PTS] se pariggahe, machasaṃ 4. Subbato, simu 5. Saṅgāmo samupaṭṭhito, machasaṃ

[BJT Page 256] [\x 256/]

1699. Amhaṃ saṅkappamaññāya vācāsabhimudirayī,
\nAnukampako lokamidu nibbāpesi mahājanaṃ.

1700. "Paduṭṭhacitto manujo ekapāṇaṃ1- ciheṭhayaṃ,
\nTena cittappadosena apāyaṃ upapajjati.

1701. Saṅgāmasise nāgo’va bahu pāṇe viheṭhayaṃ,
\nNibbāpetha sakaṃ cittaṃ mā haññittho punappunaṃ"

1702. Dvinnampi yakkarājunaṃ senāyo vimhitā ahu,
\nSaraṇañca upāgacchuṃ lokajeṭṭhaṃ sutādinaṃ.

[PTS Page 149] [\q 149/]

1703. Saññāpetvāna janataṃ uddhari pana2- cakkhumā,
\nPekkhamānova devehi pakkāmi uttarāmukho.

1704. Paṭhamaṃ saranaṃ gañachiṃ3- dipadindassa tādino,
\nKappānaṃ satasahassaṃ duggatiṃ nupapajja’haṃ.

1705. Mahādundubhināmā ca4- loḷasā’suṃ rathesabhā,
\nTiṃsakappasahassambhi rājāno cakkavattino

1706. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saraṇagamaniyo thero imā gathāyo abhāsitthāti.
\n- Saraṇagamaniyattherassa apadānaṃ tatiyaṃ. -

114. Ekāsanisattherāpadānaṃ.

1707. Varuṇo nāma nāmena devarājā ahaṃ tadā,
\nUpaṭṭhahesiṃ sambuddhaṃ sayoggabalavāhano.

1708. Nibbute lokatāthambhi atthadassinaruttame,
\nTuriyaṃ sabbamādiya agamaṃ bodhimuttamaṃ.

1709. Vāditena ca naccena sammatālasamāhito,
\nSammukhā viya sambuddhaṃ upaṭṭhiṃ bodhimuttamaṃ.

1710. Upaṭṭhahitvā taṃ bodhiṃ dharaṇiruhapādapaṃ,
\nPallaṅkaṃ ābhujitvāna tattha kālakato ahaṃ.

1711. Sakakammābhiraddho’haṃ pasanno bodhimuttame,
\nTena cittappasādena nimmānaṃ upapajjahaṃ.

1. Pāṇi, simu 2. Padamuddhari, machasaṃ 3. Gacchiṃ, machasaṃ 4. Mahāsucindāhi nāma, [PTS]

[BJT Page 258] [\x 258/]

1712. Saṭṭhi turiyasahassāni parivārenti maṃ sadā,
\nManussesu ca devesu vattamānaṃ bhavābhavo.

1713. Subāhu nāma nāmena catuttiṃsāsu khattiyā
\nSattaratanasampanno pañca kappasate ito

[PTS Page 150] [\q 150/]

1714. Tividhaggi nibbutā mayhaṃ bhavā sabbe samuhatā,
\nDhāremi antimaṃ dehaṃ sammāsambuddhasāsane.

1715. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekāsaniyo thero imā gathāyo abhāsitthāti.
\n- Ekāsaniyattherassa apadānaṃ catutthaṃ. -

115. Suvaṇṇapupphiyattherāpadānaṃ.

1716. Vipassi nāma bhagavā lokajeṭṭho narāsabho,
\nNisinno janakāyassa deseti amataṃ padaṃ.

1717. Tassāhaṃ dhammaṃ sutvāna dipadindassa tādino,
\nSoṇṇapupphāni cattari buddhassa abhiropayiṃ.

1718. Suvaṇṇacchadanaṃ āsi yāvatā parisā tadā,
\nBuddhābhā ca suvaṇṇāhā āloko vipulo ahu.

1719. Udaggacitto sumano vedajāto katañajali,
\nVittisañajanano tesaṃ diṭṭhadhammasukhāvaho.

1720. Āyācitvāna sambuddhaṃ vanditvāna ca subbataṃ,
\nPāmojjaṃ janayitvāna sakaṃ bhavanupāgamiṃ.

1721. Bhavane upaviṭṭho’haṃ buddhaseṭṭhaṃ anussariṃ,
\nTena cittappasādena tusitaṃ upapajjahaṃ.

1723. Ekanavute ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

1724. Soḷasā’siṃsu rājāno nemata nāmakā,
\nTetāḷise ito kappe cakkavatti mahabbalo.

1725. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā suvaṇṇapupphiyo thero imā gathāyo abhāsitthāti.
\n- Suvaṇṇapupphiyattherassa apadānaṃ pañcamaṃ. -

[BJT Page 260] [\x 260/]
\n[PTS Page 151] [\q 151/]

116. Citakapujakattherāpadānaṃ.

1725. Casāmi rājāyatane sāmacco saparijjano,
\nParinibbute bhagavati sikine lokabandhune1-

1726. Pasannacitto sumano citakaṃ agamāsahaṃ,
\nTuriyaṃ tattha vādetvā gandhamālaṃ samokiriṃ.

1727. Citambhi pujaṃ katvāna2- vanditvā citakaṃ ahaṃ,
\nPasannacitto sumano sakaṃ bhavanupāgamiṃ.

1728. Bhavano upaviṭṭho’haṃ citapujaṃ3- anussariṃ,
\nTena kammena dipadinde lokajeṭṭhe narāsabhe.

1729. Anubhovona sampattiṃ devesu manujesu ca,
\nPatetāmbhi acalaṃ ṭhānaṃ hitvāna jayaparājayaṃ.

1730. Ekaniṃse ito kappe yaṃ pupphamabharopayiṃ,
\nDuggatiṃ nābhijānāmi citapujāyidaṃ phalaṃ.

1731. Ekūnatiṃse kappamhi ito soḷasa rājāno, 4-
\nUggatā nāma nāmena cakkavatti mahabbalo.

1732. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā citakapujako thero imā gathāyo abhāsitthāti.
\n- Citakapajakattherassa apadānaṃ chaṭṭhaṃ. -

117. Buddhasaññakattherāpadānaṃ.

1733. Yadā vipassi lokaggo āyusaṃkhāramossaji,
\nPaṭhavi sampakampittha medini jalamekhalā.

1734. Otataṃ vitthataṃ5- mayhaṃ suvicittavaṭaṃsakaṃ, 6-
\nBhavanampi pakampittha buddhassa āyusaṃkhaye.

[PTS Page 152] [\q 152/]

1735. Taso mayhaṃ samuppanno bhavane sampakampite,
\nUppāto7- nu kimatthāya āloko vipulo ahu.

1736. Vessavaṇo idhāgamma nibbāpesī mahājanaṃ,
\n"Pāṇabhute8-bhayaṃ natthi ekaggā hotha saṃvutā.

1737. Aho buddho aho dhammo9- no satthu sampadā.
\nYasmiṃ upapajjamānambhi paṭhavi sampakampati"

1738. Buddhānubhāvaṃ kittetvā kappaṃ saggambhi modahaṃ,
\nAvasesesu kappesu kusalaṃ caritaṃ10- mayā.

1. Sikhino lokabandhuno simu syā 2. Citaka pujaṃ katvā, [PTS] se 3. Citakapujaṃ, simu 4. Rājino, simu 5. Cittaṃ, se [PTS] 6. Suvicittaṃ, [PTS] se 7. Uppādo, sabbattha 8. Pāṇabhūtaṃ [PTS] se 9. Dhammo, itipi 10. Kāritaṃ, [PTS] se karitaṃ, simu.

[BJT Page 262] [\x 262/]

1739. Ekanavute ito kappe yaṃ saññamalabhiṃ tadā,
\nDuggatiṃ nābhijānāmi buddhasaññāyidaṃ phalaṃ.

1740. Ito cuddasakappamhi rājā āsiṃ patāpavā,
\nYamito nāma nāmena cakkavatti mahabbalo.

1741. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā buddhasaññako thero imā gathāyo abhāsitthāti.
\n- Buddhasaññakattherassa apadānaṃ sattamaṃ. -

118. Maggasaññakattherāpadānaṃ.

1742. Padumuttarabuddhassa sāvakā vanacārino,
\nVippanaṭṭhā buhāraññe andhāva anusuyare.

1743. Anussaritvā sambuddhaṃ padumuttaranāmakaṃ,
\nTassa te munino puttā vippanaṭṭhā mahāvane.

1744. Bhavanā oruhitvāna agamaṃ bhikkhusantikaṃ1-,
\nTesaṃ maggañca ācikkhiṃ bhojanañca adāsa’haṃ.

1745. Tena kammena dipadinde lokajeṭṭhe narāsabhe,
\nJātiyā sattavasso’haṃ arahattamapāpuṇiṃ.

1746. Sacakkhu nāma nāmena dvādasa cakkavattino,
\nSattaratanasampannā pañcakappasate ito.

[PTS Page 153] [\q 153/]

1747. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā maggasaññako thero imā gathāyo abhāsitthāti.
\n- Maggasaññakattherassa apadānaṃ aṭṭhamaṃ. -

119. Paccupaṭṭhānasaññakattherāpadānaṃ.

1748. Atthadassimhi sugate nibbute samanantarā,
\nYakkhayoniṃ upapajajiṃ yasaṃ patetā ca’haṃ tadā.

1749. Dulladdhaṃ vata me āsiṃ duppabhātaṃ duruṭṭhitaṃ,
\nYaṃ me bhoge vijjamāne parinibbāyi cakkhumā.

1. Santite, [PTS] se

[BJT Page 264] [\x 264/]

1750. Mama saṅkappamaññāya sāgaro nāma sāvako,
\nMamuddharitukāmo so āgacci mama santikaṃ1-

1751. "Ninnu socasi mā bhāsi cara dhammaṃ2- sumedhasa,
\nAnuppadinnā buddhena sabbesaṃ bijasampadā.

1752. Yo ca pujeyya sambuddhaṃ tiṭṭantaṃ lokanāyakaṃ,
\nDhātuṃ sāsapamatataṃ hi nibbutassāpi pujaye.

1753. Same cittappasādambhi samaṃ puññaṃ mahaggataṃ,
\nTasmā thupaṃ karitvāna pujehi jinadhātuyo"

1754. Sāgarassa vaco sutvā buddhathupaṃ akāsahaṃ,
\nPañca vasse paricariṃ munino thupamuttamaṃ.

1755. Tena kammena dipadinde lokajeṭṭhe narāsabhe,
\nSampattiṃ anubhotvāna arahattaṃ apāpuṇiṃ.

1756. Bhuripaññā ca cattāro sattakappasate ito,
\nSattaratanasampannā cakkavatti mahabbalā.

1757. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā paccupaṭṭhānasaññako thero imā gathāyo abhāsitthāti.
\n- Paccupaṭṭhānasaññakattherassa apadānaṃ navamaṃ. -

[PTS Page 154] [\q 154/]

120. Jātipujakattherāpadānaṃ.

1758. Jāyantassa vipassissa aloko vipulo ahu,
\nPaṭhavi ca pakampittha sasāgarā3- sapabbatā.

1759. Nemittā ca viyākaṃsu budho loke bhavissati,
\nAggo ca sabbasattānaṃ janataṃ uddharissati.

1760. Nemittānaṃ suṇitvāna jātipujamakāsahaṃ,
\nEdisā pujanā natthi yādisā jātipujanā.

1761. Saṃvaritvāna4- kusalaṃ sakaṃ citataṃ pasādayiṃ,
\nJātipujaṃ karitvāna tattha kālakato ahaṃ.

1. Santike, [PTS] se the 2. Varadhamma, se 3. Sasāgara, simu 4. Saṃsaritvāna, [PTS] se saṃharitvāna, simu

[BJT Page 266] [\x 266/]

1762. Yaṃ yaṃ yonupapajjāmi devattaṃ atha mānusaṃ,
\nSabbe satte anibhomi jātipujāyidaṃ phalaṃ.

1763. Dhāniyo1- maṃ upaṭṭhanti mama citatavasānugā,
\nNa tā2- sakkonta kopetuṃ jātipujāyidaṃ phalaṃ.

1764. Ekanavute ito kappe yaṃ pujakamakariṃ tadā,
\nDuggatiṃ nābhijānāmi jātipujāyidaṃ phalaṃ.

1765. Supāricāriyā nāma catuttiṃsa janādhipā,
\nIto tatiyakappamhi cakkavatti mahabbalo.

1766. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā jātipujako thero imā gathāyo abhāsitthāti.
\n- Jātipujakattherassa apadānaṃ dasamaṃ. -

Uddānaṃ:
\nParivāra sumaṅgalā saraṇāsana pupphakā,
\nCitapuji buddhasaññi maggupaṭṭhāna jātinā,
\nGāthāyo navuti vuttā gaṇitāyo vibhāvihi.

- Mahāparivāravaggo dvādasamo. -