[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 240] [\x 240/]
\n[PTS Page 140] [\q 140/]     

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Bhikkhādāyivaggo

101. Bhikkhādāyakattherāpadānaṃ.

1611. Suvaṇaṇavaṇṇaṃ sambuddhaṃ āhutinaṃ paṭiggahaṃ,
\nPavanā abhinikkhantaṃ vanā nibbanamāgataṃ.

1612. Kaṭacchubhikkhaṃ pādāsiṃ siddhatthassa mahesino,
\nPaññassa3- upasantassa mahāvīrassatādino.

1613. Padenānupadaṃ yantaṃ4- nibabāpente5- mahājanaṃ,
\nUḷārā vitti me jātā buddhe ādiccabandhuti6-

1614. Catunavute ito kappe yaṃ dānamadadiṃ tadā,
\nDuggatiṃ nābhijānāmi bhikkhādānassidaṃ phalaṃ.

1615. Sattāsitimhi’to kappe mahāreṇusanāmakā,
\nSattaratanasampannā satte’va cakkavattino.

1616. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā bhikkhādāyako thero imā gathāyo abhāsitthāti.
\n- Bhikkhādāyakattherassa apadānaṃ paṭhamaṃ. -

1. Catunavute, [PTS] 2. Ca dhammako, [PTS] 3. Paññāya, simu 4. Yanto, simu 5. Nibbāpentaṃ, [PTS] 6. Vitti me pāhuṇā tāva buddhassādiccabandhuno, syā [PTS] se 6. Bandhune, machasaṃ

[BJT Page 242] [\x 242/]

102. Ñāṇasaññakattherāpadānaṃ.

1617. Suvaṇṇavaṇṇaṃ sambuddhaṃ nisabhājāniyaṃ yathā,
\nTidhā pabhinnamātaṅgaṃ kuñajaraṃ’va mahesinaṃ.

1618. Obhāsantaṃ disā sabbā uḷurājaṃ’va puritaṃ,
\nRathiyaṃ paṭipajjantaṃ lokajeṭṭhaṃ apassisaṃ1

1619. Ñāṇe cittaṃ pasādetvā paggahetvāna añjaliṃ,
\nPasannacitto sumano siddhatthaṃ abhivādayiṃ.

1620. Catunavute ito kappe yaṃ kammamakariṃ tadā,
\nDuggatiṃ nābhijānāmi ñāṇasaññāyidaṃ phalaṃ.

1621. Tesattatimbhi’to kappe soḷasā’suṃ naruttamā,
\nSattaratanasampannā cakkavatti mahabbalā.

[PTS Page 141] [\q 141/]

1622. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ñāṇasaññako thero imā gathāyo abhāsitthāti.
\n- Ñāṇasaññakattherassa apadānaṃ dutiyaṃ. -

103. Uppalahatthittherāpadānaṃ.

1623. Tivarāyaṃ nivāsi’haṃ ahosiṃ māliko tadā,
\nAddasaṃ virajaṃ buddhaṃ siddhatthaṃ lokanāyakaṃ.

1624. Pasannacitto sumano pupphahatthamadāsahaṃ,
\nYattha yatthupapajjāmi tassa kammassa vāhasā.

1625. Anubhomi phalaṃ iṭṭhaṃ pubbe sukatamattano,
\nParikkhitto sumallehi pupphadānassidaṃ2- phalaṃ.

1626. Catunavute ito kappe yaṃ pupphamabhiropayiṃ,
\nDuggatiṃ nābhijānāmi buddhapujāyidaṃ phalaṃ.

1627. Catunavutupādāya ṭhapetvā vattamānakaṃ,
\nPañcarājasatā tattha najjupama3- sanāmakā.

1628. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā uppalahatthiyo thero imā gathāyo abhāsitthāti.
\n- Uppalahatthiyattherassa apadānaṃ tatiyaṃ. -

1. Ajassihaṃ, simu 2. Sasaññāya, [PTS] se 3. Najjasama, machasaṃ se

[BJT Page 244] [\x 244/]

104. Padapujakattherāpadānaṃ

1629. Siddhatthassa bhagavato jātipupphamadāsahaṃ,
\nPādesu sattapupphāni hāsenokiritāni1- me.

1630. Tena kammena’haṃ ajja atibhomi narāmare,
\nDhāremi antimaṃ dehaṃ sammāsambuddhasāsane.

[PTS Page 142] [\q 142/]

1631. Catunavute ito kappe yaṃ pupphamabhiropayiṃ,
\nDuggatiṃ nābhijānāmi pupphapujāyidaṃ phalaṃ.

1632. Samantagandhanāmāsuṃ terasa cakkavattino,
\nIto pañcamake kappe cāturāntā janādhipā2-

1633. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā padapujako thero imā gathāyo abhāsitthāti.
\n- Padapujakattherassa apadānaṃ catutthaṃ. -

105. Muṭṭhipupphiyattherāpadānaṃ.

1634. Sudassanoti nāmena mālākāro ahaṃ tadā,
\nAddasaṃ virajaṃ buddhaṃ lokajeṭṭhaṃ narāsabhaṃ.

1635. Jātipupphaṃ gahevona pujayiṃ padumuttaraṃ,
\nVisuddhacakkhu sumano dibbacakkhuṃ samajjhagaṃ.

1636. Etissā pupphapujāya cittassa paṇidhihi ca,
\nKappānaṃ satasahassaṃ duggatiṃ nupapajjati.

1637. Soḷasāsiṃsu rājāno devuttarasanāmakā,
\nChattiṃsamhi ito kappe cakkavatti mahabbalā.

1638. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā muṭṭhipupphiyo thero imā gathāyo abhāsitthāti.
\n- Muṭṭhipupphiyattherassa apadānaṃ pañcamaṃ. -

1. Hāsena kāritāni, [PTS] hāsenākiritāni, the 2. Gaṇadhipā, [PTS] se

[BJT Page 246] [\x 246/]

106. Udakapujakattherāpadānaṃ.

1639. Suvaṇṇavaṇṇaṃ sambuddhaṃ gacchantaṃ anilañajase,
\nGhatāsanaṃ’va jalitaṃ ādittaṃ’va hutāsanaṃ.

1640. Pāṇinā udakaṃ gayha ākāse ukkhipiṃ,
\nSampaṭicchi mahāvīro buddho kāruṇiko isi1-

[PTS Page 143] [\q 143/]

1641. Antalikkhe ṭhito satthā padumuttaranāmako,
\nMama saṅkappamaññāya imaṃ gāthaṃ abhāsatha:

1642. "Iminedakadānena pitiuppādanena ca,
\nKappasatasahassamhi2- duggatiṃ nupapajjati"3-

1643. Tena kammena dipadinde lokajeṭṭhe narāsabhe,
\nPattomhi acalaṃ ṭhānaṃ hitvā jayaparājayaṃ.

1644. Sahassarājanāmena tayo te cakkavattino,
\nPañcasaṭṭhi kappasate cāturantā janādhipā.

1645. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā udakapujako thero imā gathāyo abhāsitthāti.
\n- Udakapūjakattherassa apadānaṃ catutthaṃ. -

107. Naḷamāliyattherāpadānaṃ.

1646. Padumuttarabuddhassa lokajeṭṭhassa tādino,
\nTiṇatthare4- nisinnassa upasantassa tādino.

1647. Naḷamālaṃ gahetvāna bandhitvā vijaniṃ ahaṃ,
\nBuddhassa upanāmesiṃ dipadindassa tādino.

1648. Paṭiggahetvā sabbaññu vijaniṃ lokanāyako,
\nMama saṅkappamaññāya imaṃ gāthaṃ abhāsatha:

1649. "Yathā me kāyo nibbāti pariḷāho na vijjati,
\nTatheva tividhaggihi cittaṃ tava vimuccatu"

1650. Sabbe devā samāgacchuṃ ye keci vananissitā5-
\nSossāma buddhavacanaṃ hāsayantaṃ ca dāyakaṃ’

1651. Nisinno bhagavā tattha devasaṃghapurakkhato,
\nDāyakaṃ sampahaṃsento imā gāthā abhāsatha:

1. Mayi, [PTS] se 2. Sahassamhi, machasaṃ 3. Nupagacchati, [PTS] 4. Tiṇannare, [PTS] se tiṇasatthare, the 5. Dumanissitā, [PTS] se.

[BJT Page 248] [\x 248/]

1652. "Iminā vijanidānena cittassa paṇidhihi ca,
\nSubbato nāma nāmena cakakvatti bhavissati.

[PTS Page 144] [\q 144/]

1653. Tena kamamāvasesena sukkamūlena codito,
\nMāluto nāma nāmena cakkavatti bhavissati.

1654. Iminā vijanidānena sammānavipulena ca,
\nKappasatasahassamhi duggatiṃ nupapajjati"

1655. Tiṃsakappasahassamhi subbatā aṭṭhatiṃsa te,
\nEkunatiṃsahasse aṭṭha mālutanāmakā.

1656. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā naḷamāliyo thero imā gathāyo abhāsitthāti.
\n- Naḷamāliyattherassa apadānaṃ1- sattamaṃ. -
\nSattamabhāṇavāraṃ niṭṭhitaṃ.

108. Āsanupaṭṭhāpakattherāpadānaṃ.

1657. Kānanaṃ vanamogayha appasaddaṃ nirākulaṃ,
\nSihāsanaṃ mayā dinnaṃ atthadassissa tādino.

1658. Mālahatthaṃ gahetvāna katvā ca naṃ padakkhiṇaṃ,
\nSatthāraṃ payirupāsitvā pakkāmiṃ uttarāmukho.

1659. Tena kammena dipadinde lokajeṭṭhe narāsabhe,
\nSannibbāpemi attānaṃ2- bhavā sabbe samuhatā.

1660. Aṭṭhārase3- kappasate yaṃ dānamadadiṃ tadā,
\nDuggatiṃ nābhijānāmi sihāsanasasidaṃ phalaṃ.

1661. Ito satatakappasate sannibbāpaka khattiyo,
\nSattaratanasampanno cakkavatti mahabbalo.

1662. Paṭisambhidā catasso vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā āsanupaṭṭhāpaka4- thero imā gathāyo abhāsitthāti.
\n- Āsanupaṭṭhāpakattherassa apadānaṃ aṭṭhamaṃ. -

1. Naḷamāliya therassāpadānaṃ. Machasaṃ 2. Sannibbāpesimattānaṃ, se 3. Aṭṭārasa, machasaṃ 4. Āsanupaṭṭhāhaka, machasaṃ

[BJT Page 250] [\x 250/]

109. Biḷālidāyakattherāpadānaṃ.

1663. Himavantassa avidūre vasāmi paṇṇasatthare,
\nGhāsesu gedhamāpanno seyyasilo vahaṃ tadā.

1664. Khaṇāntālu kalambāni biḷāni nakkalāni ca,
\nKolaṃ bhallātakaṃ billaṃ ābhitvā1- paṭiyāditaṃ.

1665. Padumuttaro lokavidu āhutinaṃ paṭiggaho,
\nMama saṅkappamaññāya āgacchi mama santikaṃ.

1666. Upāgataṃ mahānāgaṃ devadevaṃ narāsabhaṃ,
\nBiḷāliṃ paggahetvāna pattamhi okiriṃ ahaṃ.

1667. Paribhuñaji mahāvīro tosayanetatā mamaṃ tadā,
\nParibhuñajitvāna sabbaññu imaṃ gāthaṃ abhāsatha.

1668. "Sakaṃ cittaṃ padādetvā biḷāliṃ me adā tuvaṃ,
\nKappānaṃ satasahasasaṃ duggatiṃ nupagacchasi"2-

1669. Catupaññāsito kappe sumekhaliya savahayo, 5-
\nSattaratanasampanno cakkavatti mahabbalo*

1670. Carimaṃ vattate mayhaṃ bhavā sabbe samuhatā,
\nDhāremi antimaṃ dehaṃ sammāsambuddhasāsane.

1671. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā biḷādāyako thero imā gathāyo abhāsitthāti.
\n- Biḷādāyakattherassa apadānaṃ navamaṃ. -

[PTS Page 146] [\q 146/]

110. Reṇupajakattherāpadānaṃ.

1672. Suvaṇṇavaṇṇaṃ sambuddhaṃ sataraṃsiṃ’va bhānumaṃ,
\nObhāsentaṃ disā sabbā uḷurājaṃ’va puritaṃ.

1673. Purakkhataṃ sāvakehi sāgarehe’va3- mediniṃ,
\nNāgaṃ paggayha reṇuhi vipassissā bhiropayiṃ.

1674. Ekavute ito kappe yaṃ reṇumabhiropayiṃ,
\nDuggatiṃ nābhijānāmi buddhapujāyidaṃ phalaṃ.

1. Āhatvā, simu āharitvā se 2. Nupapajjasi, machasaṃ se *ayaṃ gāthā asmiṃ apadāne aṭṭhamagāthāvasena sihalakkharamudadita potthake dissati. 3. Sāgareneva, [PTS] se

[BJT Page 252] [\x 252/]

1675. Paṇṇanālisito kappe reṇu nāmāsi khattiyo,
\nSattaratanasampanno cakkavatti mahabbalo.

1676. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā reṇupujako thero imā gathāyo abhāsitthāti.
\n- Reṇupujakattherassa apadānaṃ dasamaṃ.
\nUddānaṃ:
\nBhikkhādāyī ñāṇasaññi hatthiyo padapujako,
\nMuṭṭhipupphi udakado naḷamāli upaṭṭhako1-
\nBiḷālidāyī reṇu ca gāthāyo cha ca saṭṭhi ca.

- Bhikkhādāyivaggo ekādasamo. -