[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[PTS Page 133] [\q 133/]
\n[BJT Page 230] [\x 230/]  

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Sudhāpiṇḍiyavaggo


\n

91. Sudhāpiṇḍiyattherāpadānaṃ.

1553. Pujārahe pujayato buddhe yadi ca sāvake
\nPapañcasamatikkante tiṇṇasokaparidadave.

1554. Te tādise pujato nibbute akutobhaye,
\nNa sakkā puññaṃ saṅkhātuṃ idamettamapi1- keneci.

1555. Catunnamapi dipānaṃ issaraṃ yo’dha kāraye,
\nEkissā pujanāyetaṃ kalaṃ nāgghati soḷasiṃ.

1556. Siddhatthassa naraggassa cetiye eḷitantare,
\nSudhāpiṇḍo mayā dinno vippasannena cetasā.

1557. Catunavute ito kappe yaṃ kammamakari tadā,
\nDuggatiṃ nābhijānāmi paṭisaṅkhārassidaṃ phalaṃ.

1558. Ito tiṃsatikappambhi paṭisaṅkhārasavahayā
\nSattarananasampannā terasa cakkavattino.

1559. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sudhāpiṇḍiyo thero imā gathāyo abhāsitthāti.
\n- Sudhāpiṇḍiyattherassa apadānaṃ paṭhamaṃ. -

1. Idammattanti, sīmu

[BJT Page 232] [\x 232/]

92. Sucintitattherāpadānaṃ.

1560. Tissassa lokanāthassa suddhāpiṭha1- madāsahaṃ,
\nHaṭṭho haṭṭhena cittena buddhassādiccabandhuno.

1561. Aṭṭatiṃse ito kappe rājā āsiṃ mahāruci,
\nBhogo ca vipulo āsi sayanaṃ ca anappakaṃ.

1562. Piṭhaṃ buddhassa datvāna vippasannena cetasā,
\nAnubhomi sakaṃ kammaṃ pubbe sukatamattano.

[PTS Page 134] [\q 134/]

1563. Dvenavute ito kappe yaṃ pīṭhamadadiṃ,
\nDuggatiṃ nābhijānāmi piṭhadānassidaṃ phalaṃ.

1564. Aṭṭhatiṃse ito kappe tayo te cakakvattino,
\nRuci uparuci ceva mahāruci tatiyako.

1565. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sucintito thero imā gathāyo abhāsitthāti.
\n- Sucintitattherassa apadānaṃ dutiyaṃ. -

93. Aḍḍhacelakattherāpadānaṃ.

1566. Tissassāhaṃ bhagavato upaḍḍhadussamadāsahaṃ,
\nParamakāpaññapattomhi2- duggandhena3- samappapito.

1567. Upaḍḍhadussaṃ datvāna kappaṃ saggamhi modahaṃ,
\nAvasesesu kappesu kusalaṃ kāritaṃ4- mayā.

1568. Dvenavute ito kappe yaṃ dussamadadiṃ,
\nDuggatiṃ nābhijānāmi dussadānassidaṃ phalaṃ.

1569. Ekunapaṇṇe5- kappamhi rājāno cakkavattino,
\nSamannacchadanā6- nāma khattiṃsāsuṃ janādhipā.

1570. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā aḍḍhacelako thero imā gathāyo abhāsitthāti.
\n- Aḍḍhacelakattherassa apadānaṃ tatiyaṃ. -

1. Pubbe piṭha, [PTS] sudhāpiṭha, simu 2. Kāruñña, syā se 3. Duggatena, machasaṃ 4. Tiritaṃ, [PTS] 5. Ekuṇapaññāsa, sīmu 6. Samantaodanā, [PTS] se.

[BJT Page 234] [\x 234/]

94. Sucidāyakattherāpadānaṃ.

1571. Kammārohaṃ pure āsiṃ bandhumāyaṃ puruttame,
\nSucidānaṃ mayā dinnaṃ vipassissa mahesino.

1572. Vajiraggasamaṃ ñāṇaṃ hoti kammena tādisā1-,
\nVirāgo’mhi vimutto’mhi patto’mhi āsavakkhayaṃ.

[PTS Page 135] [\q 135/]

1573. Anite ca bhave sabbe vattamāne ca’nāgate,
\nÑāṇena viciniṃ sabbaṃ sucidānassidaṃ phalaṃ.

1574. Ekanavute ito kappe sattāsuṃ vajiravahayā2,
\nSattarananasampannā cakkavatti mahabbalā.

1575. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sucidāyako thero imā gathāyo abhāsitthāti.
\n- Sucinadāyakattherassa apadānaṃ catutthaṃ. -

95. Gandhamāliyattherāpadānaṃ

1576. Siddhatthassa bhagavato gandhathupaṃ akāsahaṃ,
\nSumanehi paṭicchannaṃ buddhānucchavikaṃ kataṃ3-

1577. Kañcakanagghiyasaṅkāsaṃ buddhaṃ lokagganāyakaṃ,
\nIndivaraṃ’va jalitaṃ ādittaṃ’va hutāsanaṃ.

1578. Vyagghusabhaṃ’va pavaraṃ abhijātaṃ’va kesariṃ,
\nNisinnaṃ samaṇānaggaṃ bhikkhusaṃghapurakkhataṃ,
\nCanditvā satthuno pāde pakkāmiṃ uttarāmukho.

1579. Catunavute ito kappe gandhamālaṃ yato adaṃ,
\nBuddhe katassa kārassa phalenāhaṃ visesato,
\nDuggatiṃ nābhijānāmi buddhapūjāyidaṃ phalaṃ.

1580. Cattārisambhi ekune kappe āsiṃsu soḷasa,
\nDevagandhasanāmā te rājāno cakkavattano.

1581. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā gandhamāliyo thero imā gathāyo abhāsitthāti.
\n- Gandhamāliyattherassa apadānaṃ pañcamaṃ. -

1. Tādisaṃ, sabbattha 2. Vajirāsamā, [PTS] se 3. Ahaṃ, [PTS] se

[BJT Page 236] [\x 236/]
\n[PTS Page 136] [\q 136/]

96. Tipupphiyattherāpadānaṃ.

1582. Migaluddo pure āsiṃ araññe kānane ahaṃ,
\nPāṭaliṃ haritaṃ disvā tīṇi pupphāni okiriṃ.

1583. Sanna1- patatāni gaṇhitvā bahi chaḍḍhesahaṃ tadā,
\nAntosuddhaṃ bahisuddhaṃ suvimuttaṃ anāsavaṃ.

1584. Sammukhā viya sambuddhaṃ vipassiṃ lokanāyakaṃ,
\nPāṭaliṃ abhivadetvā tattha kālakato ahaṃ.

1585. Ekanavute ito kappe yaṃ bodhimabhipujayiṃ,
\nDuggatiṃ nābhijānāmi bodhipujāyidaṃ phalaṃ.

1586. Samantapāsādikā nāma resā’siṃsu rājino,
\nIto tettiṃsakappamhi cakkavatti mahabbalā.

1587. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tipupphiyo thero imā gathāyo abhāsitthāti.
\n- Tipupphiyattherassa apadānaṃ chaṭṭhaṃ. -

97. Madhupiṇḍikattherāpadānaṃ.

1588. Vipine2- kānane disvā appasadde nirākule,
\nSiddhatthaṃ isinaṃ seṭṭhaṃ āhutinaṃ paṭiggahaṃ.

1589. Nibbutattaṃ3- mahānāgaṃ nisabhājāniyaṃ yathā,
\nOsadhiṃ’va virocantaṃ devasaṅghanamassitaṃ,
\nVitti me pahutā āsi4- ñāṇaṃ uppajji tāvade.

1590. Vuṭṭhitassa samādhimhā madhuṃ datvāna satthuno,
\nVanditvā satthuno pāde pakkāmiṃ pācināmukho.

[PTS Page 137] [\q 137/]

1591. Catuttiṃsambhi kappamhi rājā āsiṃ sudassano,
\nMadhu bhisehi samati bhojanambhi ca tāvade,
\nMadhuvassaṃ pavassittha pubbakammassidaṃ phalaṃ.

1592. Catunavute ito kappe yaṃ madhuṃ adadiṃ tadā,
\nDuggatiṃ nābhijānāmi madhudānassidaṃ phalaṃ.

1593. Catuttiṃse ito kappe cattāro te sudassanā,
\nSattaratanampannā cakkavatti mahabbalā.

1594. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā madhupiṇḍiko thero imā gathāyo abhāsitthāti.
\n- Madhupiṇḍikattherassa apadānaṃ sattamaṃ. -

1. Satta, sīmu patita, machasaṃ sukkhapaṇṇāni, syā 2. Vicane, [PTS] 3. Nibabutaṃ taṃ, se 4. Mamāhu tāvade, machasaṃ me pāhuṇā tāva, simu.

[BJT Page 238] [\x 238/]

98. Senāsanadāyakattherāpadaṃ.

1595. Siddhathessa bhagavato adāsiṃ paṇaṇasattharaṃ,
\nSamantā upahāraṃ1- ca kusumaṃ okiriṃ ahaṃ.

1596. Pāsāde’vaṃ guṇaṃ2- rammaṃ3- anubhomi mahārahaṃ4,
\nMahagghāni ca pupphāni sayane’bhisavanti5- me.

1597. Sayane’haṃ tuvaṭṭāmi vicitte pupphasanthate,
\nPupphavuṭṭhi ca sayane abhivassati tāvade.

1598. Catunavute ito kappe adāsiṃ paṇṇasantharaṃ,
\nDuggatiṃ nābhijānāmi santharassa idaṃ phalaṃ.

1599. Tiṇasattharakā nāma satte’te cakakvattino,
\nIto te pañcame kappe uppajjiṃsu janādhipā.

[PTS Page 138] [\q 138/]

1601. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā senāsanadāyako thero imā gathāyo abhāsitthāti.
\n- Senāsanadāyakattherassa apadānaṃ aṭṭhamaṃ. -

99. Veyyāvaccakattherāpadānaṃ.

1601. Vipassissa bhagavato mahābhurigaṇo6- ahu,

1602. Deyyadhammo ca me natthi sugatassa mahesino,
\nAvandiṃ satthuno pāde vippasannena cetasā.

1603. Ekanavute ito kappe veyyāvaccaṃ akāsahaṃ,
\nDuggatiṃ nābhijānāmi veyyāvaccassidaṃ phalaṃ.

1604. Ito ca aṭṭhame kappe rājā āsiṃ sucintito,
\nSattaratanasampanno cakkavatti mahabbalo.

1605. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā veyyāvaccako thero imā gathāyo abhāsitthāti.
\n- Veyyāvaccakattherassa apadānaṃ navamaṃ. -

100. Buddhupaṭṭhākattherāpadānaṃ.

1606. Vipassino bhagavato ahosiṃ saṃkhadhammako,
\nNiccupaṭṭhānayuttomhi sugatassa mahesino.

1607. Upaṭṭhānaphalaṃ passa lokanāthassa tādino,
\nSaṭṭhi turiyasahassāni parivārenti maṃ sadā.

1. Upakāriṃ, [PTS] upakāri, te 2. Pāsāde ca guhaṃ, [PTS] se pāsāde caturo, the 3. Ramme, the 4. Mahārahe, the 5. Sayane’bhiharanti, the 6. Mahāpugagaṇo, simu machasaṃ [PTS] *theragāthaṭṭhakāyaṃ sañajayattheranāmena dasasitaṃ.

[BJT Page 240] [\x 240/]
\n[PTS Page 139] [\q 139/]

1608. Ekanavute ito kappe upaṭṭhahiṃ mahāisiṃ,
\nDuggatiṃ nābhijānāmi upaṭṭhānassidaṃ phalaṃ.

1609. Catuvise1- ito kappe mahānigeghāsanāmakā,
\nSoḷasāsiṃsu rājāno cakkavatti mahabbalā.

1610. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā buddhupaṭṭhāko thero imā gathāyo abhāsitthāti.
\n- Buddhapaṭṭhākattherassa apadānaṃ dasamaṃ. -

Uddānaṃ:
\nSudhāsucinti celañca suci ca gandhamāliyo,
\nTipupphiyo madhu senā - ceyyāvacco cupaṭṭhako2,
\nSamasaṭṭhi ca gāthāyo asmiṃ vagge pakittitā.

- Sudhāpiṇḍiyavaggo dasamo. -

Atha vagguddānaṃ:
\nBuddhavaggo hi paṭhamo sihāsana subhūti ca,
\nKuṇḍadhāno upāli ca vijani sakacinti ca,
\nNāgasamālo timiro sudhāvaggena te dasa,
\nCatuddasasataṃ gāthā pañcapaññāsameva ca.

- Buddhavaggadasakaṃ -
\nPaṭhamasatakaṃ samattaṃ

\n