[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 208] [\x 208/]
\n[PTS Page 119] [\q 119/]

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n  Nāgasamālavaggo

 

71. Nāgasamāgattherāpadānaṃ

1423. Āpāṭaliṃ1- ahaṃ pupphaṃ uccitasmiṃ mahāpathe, 2-
\nPhupambhi abhiropesiṃ sikhino lokabandhuno.

1424. Ekatiṃse ito kappe yaṃ kammakariṃ tadā,
\nDuggatiṃ nābhijānāmi thupapujāyidaṃ phalaṃ.

1425. Ito paṇṇarase kappe bhumiyo nāma khattiyo,
\nSattarananasampanno cakkavatti mahabbalo.

1426 Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā nāgasamalo thero imā gathāyo abhāsitthāti.
\n- Nāgasamālattherassa apadānaṃ paṭhamaṃ. *

72. Padasaññakattherāpadānaṃ

1427. Akkantaṃ ca padaṃ disvā tissassādiccabandhuno.
\nHeṭṭhā haṭṭhena cittena pāde cittaṃ pasādayi.

1428. Devanavute ito kappe yaṃ saññamalabhiṃ tadā,
\nDuggatiṃ nābhijānāmi padasaññāyidaṃ phalaṃ.

1429. Ito sattamake kappe sumedho nāma khattiyo,
\nSattarananasampanno cakkavatti mahabbalo.

1430 Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā padasaññako thero imā gathāyo abhāsitthāti.
\n- Padasaññakattherassa apadānaṃ dutiyaṃ. -

1. Apāṭaliṃ, sabbattha 2. Ujjhitaṃ sumahāpathe, sabbattha *theragāthaṭṭhakathāyaṃ panassa therassa visadisaṃ apadānaṃ dissati.

[BJT Page 210] [\x 210/]
\n[PTS Page 120] [\q 120/]

73. Buddhasaññakattherāpadānaṃ1-

1431. Dumagge paṃsukūlikaṃ laggaṃ disvāna satthuno,
\nTato tamañajaliṃ katvā paṃsukūlaṃ avandahaṃ.

1432. Dve navute ito kappe yaṃ kammakariṃ tadā,
\nDuggatiṃ nābhijānāmi buddhasaññāyidaṃ phalaṃ.

1433. Ito catutthake kappe dumasāro’si khattiyo2-,
\nCāturanto vijitāvi cakkavatti mahabbalo.

1434. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā buddhaññako thero imā gathāyo abhāsitthāti.
\n- Buddhasaññakattherassa apadānaṃ tatiyaṃ. -

74. Bhisāluvadāyakattherāpadānaṃ

1435. Kānanaṃ vanamogayha vasāmi vipine3- ahaṃ,
\nVipassiṃ addasaṃ buddhaṃ āhutinaṃ paṭiggahaṃ.

1436. Bhisāluvañca pādāsiṃ udakaṃ hatthadhovanaṃ,
\nCanditvā sirasā pāde pakkāmiṃ uttarāmukho.

1437. Ekatavute ito kappe bhisāluvamadaṃ tadā,
\nDuggatiṃ nābhijānāmi puññākammassidaṃ phalaṃ.

1438. Ito tatiyo kappe bhisasammatakhattiyo,
\nSattarananasampanno cakkavatti mahabbalo.

1439. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā bhisāluvadāyako thero imā gathāyo abhāsitthāti.
\n- Bhisāluvadāyakattherassa apadānaṃ catutthaṃ. -

[PTS Page 121] [\q 121/]

75. Ekasaññakattherāpadānaṃ

1440. Khaṇḍo nāmāsi nāmena vipassissa’ggasāvako,
\nEkā bhikkhā mayā dinnā lokāhutipaṭiggahe.

1441. Tena cittappasādena dipadinde narāsabhe, 4-
\nDuggatiṃ nābhijānāmi ekabhikkhāyidaṃ phalaṃ.

1. Saññakattherāpadānaṃ, se [PTS] a 2. Dumasāro sukhattiyo [PTS] se 3. Vi cane, a [PTS] 4. Dipadinda narāsabha, simu machasaṃ

[BJT Page 112] [\x 112/]

1442. Cattāḷise ito kappe varuṇo nāma khattiyo,
\nSattarananasampanno cakkavatti mahabbalo.

1443. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekasaññako thero imā gathāyo abhāsitthāti.
\n- Ekasaññakattherassa apadānaṃ pañcamaṃ. -

76. Tiṇasantharadāyakattherāpadānaṃ 1444. Bhimavantassa avidūre mahājātassaro ahu,
\nSatapattehi sañachanno nānāsakuṇamālayo.

1445. Tambhi nahātvā pitvā ca avidūre vasāmahaṃ,
\nAddasaṃ samaṇānaggaṃ gacchantaṃ anilañajaye.

1446. Mama saṅkappamaññāya satthā loke anuttaro,
\nVyambhato orubhitvāna bhumiyaṭṭhāsi tāvade.

1447. Visāṇena tiṇaṃ gayha nisidanamadāsahaṃ,
\nNisīdi bhagavā tisso lokegganāyako1-

1448. Sakaṃ cittaṃ pasādetvā avandiṃ lokanāyakaṃ,
\nPatikuṭiko2- apasakkiṃ3- nijjhāyanto mahāmuniṃ.

1449. Tena cittappasādena nimmāṇaṃ uppajjahaṃ,
\nDuggatiṃ nābhijānāmi santharassa idaṃ phalaṃ.

[PTS Page 122] [\q 122/]

1450. Ito dutiyeke kappe migasammatakhattiyo,
\nSattarananasampanno cakkavatti mahabbalo.

1451. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tiṇasattharadāyako thero imā gathāyo abhāsitthāti.
\n- Tiṇasantharadākattherassa apadānaṃ chaṭṭhaṃ. -

77. Sucidāyakattherāpadānaṃ

1452. Tiṃsakappasahassambhi sambuddho lokenayako,
\nSumedho nāma nāmena khattiṃsavaralakkhaṇo.

1453. Tassa kañcanavaṇṇassa dipadindassa tādino,
\nPañca suci mayā dinnā sibbanatthāya cīvaraṃ.

1. Lokavināyako, [PTS] 2. Paṭikuṭiko, machasaṃ ukkuṭiko, syā paṭikkuṭiko, se
\n3. Avasakkiṃ, se [PTS]

[BJT Page 114] [\x 114/]

1454. Tene’va sucidānena nipuṇatthavipassakaṃ,
\nTikkhaṃ lahuñca phāsuñca ñāṇaṃ me udapajjatha.

1455. Dipadādhipati nāma rājāno caturo ahuṃ,
\nSattarananasampanno cakkavatti mahabbalo.

1456. Kilesā jhāpitā mayhaṃ bhavā sabbe samuhatā,
\nDhāremi antimaṃ dehaṃ sammāsambuddhasāsane.

1457. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sucidāyako thero imā gathāyo abhāsitthāti.
\n- Sucidāyakattherassa apadānaṃ sattamaṃ. -

78. Pāṭalipupaphiyattherāpadānaṃ

1458. Seṭṭhiputto tadā āsiṃ sukhumālo sukhedhito
\nUcchaṅge pāṭalipupphaṃ katvā taṃ abhisaṃhariṃ.

1459. Suvaṇṇavaṇṇaṃ sambuddhaṃ gacchantaṃ antarāpaṇe,
\nKañcanagghiyasaṅkāsaṃ dvatatiṃsa1- varalakkhaṇaṃ*

[PTS Page 123] [\q 123/]

1460. Haṭṭho haṭṭhena cittena pupphena2- abhipujayīṃ,
\nTissaṃ lokaviduṃ nāthaṃ naradevaṃ namassahaṃ.

1461. Dvenavute ito kappe yaṃ kammamakariṃ tadā,
\nDuggatiṃ nābhijānāmi pupphapujāyidaṃ phalaṃ.

1462. Ito tesaṭṭhikappambhi abhisammatanāmako,
\nSattarananasampanno cakkavatti mahabbalo.

1463. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pāṭalipupphiyo thero imā gathāyo abhāsitthāti.
\n- Pāṭalaṭipupaphiyattherassa apadānaṃ aṭṭhamaṃ. -

79. Ṭhitañajaliyattherāpadānaṃ

1464. Migaluddo pure āsiṃ araññe kānane ahaṃ,
\nTatthaddasāsiṃ sambuddhaṃ tissaṃ pavaralakkhaṇaṃ.

1465. Tassāhaṃ3- añjaliṃ katvā pakkāmiṃ pācināmukho,
\nAvidūre nisinnassa niyake paṇṇasatthare.

1466. Tato me asanipāto matthake nipati tadā,
\nSo’haṃ maraṇakālambhi akāsiṃ punarañajaliṃ.

1. Khattiṃsa, machasaṃ 2. Pupphehi machasaṃ se 3. Tatthāhaṃ, machasaṃ [PTS] *ayaṃ gāthā asamiṃ apadāne paṭhamagāthāvasne potthakesu dissate.

[BJT Page 216] [\x 216/]

1467. Dvenavute ito kappe añjaliṃ akariṃ tadā,
\nDuggatiṃ nābhijānāmi añajalissa idaṃ phalaṃ.

1468. Catupaññāsakappambhi migaketu sanāmako,
\nSattarananasampanno cakkavatti mahabbalo.

1469. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ṭhitañajaliyo thero imā gathāyo abhāsitthāti.
\n- Ṭhitañajaliyattherassa apadānaṃ navamaṃ. -

[PTS Page 124] [\q 124/]

80. Tipadumiyattherāpadānaṃ

1470. Padumuttaro nāma jino sabbadhammānapāragu,
\nDanto dantaparivuto nagarā nikkhami jino.

1471. Nagare haṃsavatiyā ahosiṃ māliko tadā,
\nYaṃ tattha uttamaṃ pupphaṃ tīṇi pupphāni1- aggahiṃ.

1472. Addasaṃ virajaṃ buddhaṃ paṭimaggantarāpaṇe,
\nSo’haṃ2- disvāna sambuddhaṃ evaṃ cintesahaṃ tadā:

1473. "Kimme imehi pupphehi rañño upanatehi3- me,
\nGāmaṃ vā gāmakkhettaṃ vā sahassaṃ vā labheyyahaṃ.

1474. Adantadamakaṃ dhiraṃ sabbasattasukhāvahaṃ,
\nLokanāthaṃ pujayitvā lacchāmi amataṃ dhanaṃ"

1475. Evāhaṃ cintayitvāna sakaṃ cittaṃ pasādayiṃ,
\nTīṇilohitake gayha ākāse ukkhipiṃ4- tadā.

1476. Mayā ukkhittamattambhi ākāse patthariṃsu5- te,
\nDhāriṃsu matthake tattha uddhaṃvaṇṭā adhomukhā.

1477. Ye keci manujā disvā ukkuṭṭhiṃ sampavattayuṃ,
\nDevatā antaḷikkhamhi sādhukāraṃ pavattayuṃ:

1. Padamapupphā, machasaṃ 2. Sabha, se 3. Upanitehi, sabbattha 4. Ukakiraṃ, se 5. Ukakiraṃsu se

[BJT Page 218] [\x 218/]

1478. "Accheraṃ loke uppannaṃ buddhaseṭṭhassa vāhasā,
\nSabbe dhammaṃ suṇissāma pupphānaṃ cāhasā mayaṃ"

1479. Padumutataro lokavidu āhuninaṃ paṭiggaho,
\nVithiyaṃ hi ṭhito satthā1- imā gāthā abhāsatha:

1480. "Yo so buddhaṃ apūjesi rattapadmebhi2- māṇavo,
\nTamhaṃ kittayissāmi suṇotha mama bhāsato.

1481. Tiṃsa kappasahassāni devaloke ramissati,
\nTiṃsa kappāni devindo devarajjaṃ karissati.

1482. Mahācitthārikaṃ nāmaṃ vyamhaṃ hessati tāvade,
\nTiyojanasatubbedhaṃ diyaḍḍhasatavitthataṃ.

[PTS Page 125] [\q 125/]

1483. Cattāri satasahassāni niyyuhā ca sumāpitā,
\nKūṭāgāravarūpetā mahāsayanavositā.

1484. Koṭisatasahassāyo parivāressanti accharā
\nKusalā naccagitassa vādinepi padakkhiṇā

1485. Etādise vyamhavare nārigaṇasamākule,
\nVassissati pupphavasso dibbo lohitako sadā.

1486. Bhittikhile nāgadante dvārabāhāya3- toraṇe,
\nCakkamattā lobhitakā olambissanti tāvade.

1487. Patetana pattasañachanne4- antovyamhavare idha,
\nAttharitvā pārupitvā tuvaṭṭissanti tāvade.

1488. Bhavanaṃ parivāretvā samantā satayojanaṃ,
\nTe visuddhā lohitakā dibbagandhaṃ pavāyare.

1489. Pañcasattatikkhattuññaca cakkavatti bhavissati,
\nPadesarajjaṃ vipulaṃ gaṇanāto asaṃkhiyaṃ.

1490. Sampattiyo duve bhutvā aniti anupadadavo,
\nSampatte pariyosāne nibbāṇaṃ phassayissati"

1491. Sudiṭṭho vata me buddho vāṇijjaṃ suppayojitaṃ,
\nPadamāni5- tīṇi pujetvā anubhosiṃ tisampadaṃ.

1492. Ajja me dhammappattassa vippamuttassa sabbaso,
\nSupupphitaṃ lohitakaṃ dhārayissati matthake.

1. Santo, se 2. Rattapadumbhi, sīmu 3. Dvārabābhe, se 4. Pattaṃ piñajarena, se 5. Padumāni, se [PTS]

[BJT Page 220] [\x 220/]

1493. Mama kammaṃ1- kathentassa padumuttarasatthuno,
\nSattapāṇasahassānaṃ dhammābhisamayo ahu.

1494. Sattasahasse ito kappe yaṃ buddhamebhabipujayiṃ,
\nDuggatiṃ nābhijānāmi tiṇṇaṃ padumānidaṃ2- phalaṃ.

1495. Kilesā jhāpitā mayhaṃ bhavā sabbe samuhatā,
\nSabbāsavā parikkhiṇā natthi’dāni punabbhavo.

[PTS Page 126] [\q 126/]

1496. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tipadumiyo thero imā gathāyo abhāsitthāti.
\n- Tipadumiyattherassa apadānaṃ dasamaṃ. -

Uddānaṃ:
\nNāgasamālo padasaññi sasaññoluvadāyako
\nEkasaññi tiṇadado suci pāṭalipupphiyo
\nṬhitañajali tipadumi gāthāyo pañcasattati.

- Nāgasamālavaggo aṭṭhamo -