[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 162] [\x 162/]
\n[PTS Page 091 [\q  91/]  

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n Upālivaggo

41. Bhāgineyyaupālittherāpadānaṃ.

1116. Khiṇāsamasahassehi parivuto lokanāyako,
\nVivekamanuyutto so gacchate paṭisallituṃ.

1117. Ajitena nivattho’haṃ tidaṇḍaparidhārako1-,
\nBhikkhusaṃghaparibbuḷahaṃ addasaṃ lokanāyakaṃ.

[PTS Page 092] [\q  92/]

1118. Ekaṃsaṃ ajinaṃ katvā sire katvāna añjaliṃ,
\nSambuddhaṃ abhivādetvā santhaviṃ lokanāyakaṃ:

1119. "Yathāṇḍajā ca saṃsedā opapāti jalābujā,
\nKākādipakkhino sabbe antaḷikkhavarā sadā2-

1120. Ye keci pāṇabhūtatthi saññino vā asaññino,
\nSabbe te tava ñāṇambhi anto honti samogadhā.

1121. Gandhā ca pabbateyyā ye bhimavantanaguttame,
\nSabbe te tava silambhi kalāya3- pi na yujjare.

1122. Mohandhakārapakkhanno ayaṃ loko sadevako,
\nTava ñāṇampi jotante andhakārā vidhaṃsitā.

1123. Yathā atthaṅgate suriye honti sattā tamogatā,
\nEvaṃ buddho anuppanne hoti loko tamogato4-

1124. Yathodayanto ādicco vinodeti tamaṃ sadā,
\nTatheva tvaṃ buddhaseṭṭha viddhaṃsesi tamaṃ sadā.

1125. Padhāpabhitatto’si buddho loke sadevake,
\nTava kammābhiraddhena tosesi janataṃ bahuṃ"

1126. Taṃ sabbaṃ anumodivo padumuttaro mahāmuni,
\nNabhaṃ abbhuggami dhīro haṃsarājā’va ambare.

1127. Abbhuggantvāna sambuddho mahesi padumuttaro,
\nAntaḷikkhe ṭhito satthā imā gāthā abhāsatha:

1128. "Yadi’daṃ thavitaṃ ñāṇaṃ opammehi samāyutaṃ,
\nTamahaṃ kittayissāmi suṇātha mama bhāsato.

1129. Aṭṭhārasakkhattuṃ so devarājā bhavissati,
\nPathavyā rajjaṃ tisataṃ vasudhaṃ āvasissati.

1130. Pañcavisatikkhattuñca cakkavatti bhavissati,
\nPadesarajjaṃ vipulaṃ gaṇanāto asaṃkhiyaṃ.

1131. Kappasatasahassambhi okkākakulasambhavo,
\nGotamo nāma nāmena satthā loke bhavissati.

1. Dhāraṇe, se parivāreṇo, [PTS] 2. Antaḷikkhe padesagā, [PTS] 3. Kālāyo, se [PTS] 4. Honti lokā tamogatā, se

[BJT Page 164] [\x 164/]

1132. Tusitā hi cavitvāna sukkamūlena codito,
\nBhino’va jātiyā santo upāli nāma hessati.

[PTS Page 093] [\q  93/]

1133. So ca pacchā pabbajitvā virājetvāna pāpakaṃ,
\nSabbasave pariññāya nibbāyissatanāsavo.

1134. Tuṭṭho ca gotamo buddho sakyaputto mahāyaso,
\nVinayādhigataṃ taṃ sa etadagge ṭhapessati"

1135. Saddhāyāhaṃ pabbajito katakicco anāsavo,
\nSabbāsave pariññāya viharāmi anāsavo.

1136. Bhagavā cānukampi maṃ vinaye’haṃ visārado,
\nSakakammābhiraddho ca vihārāmi anāsavo.

1137. Saṃvuto pātimokkhambhi indriyesu ca pañcasu, .
\nDhāremi vinayaṃ sabbaṃ kevalaṃ ratanākaraṃ.

1138. Mamañca guṇamaññāya satthā loke anuttaro,
\nBhikkhusajaṃghe nisīditvā etadagge ṭhapesi maṃ

1139. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā upāli thero imā gathāyo abhāsitthāti.
\n- Bhāgineyyaupālittherassa1- apadānaṃ paṭhamaṃ. -

42. Soṇakoṭikaṇṇa2-ttherāpadānaṃ

1140. *Anomadassimunino lokajeṭṭhassa tādino,
\nSudhāya lepanaṃ katvā caṅkamaṃ kārayiṃ ahaṃ.

1141. Nānāvaṇṇehi pupphehi caṅkamaṃ santhariṃ ahaṃ,
\nĀkāse vitānaṃ katvā bhojasiṃ buddhamuttamaṃ.

1. Bhāgineyyaupālittherassa, aṭṭhakathā; sihalakkharamuddita potthake "bhāgineyya" iti na dissate.
\n2. "Kuṭikaṇṇa" itipi pātho.
\n*. Ito paṭṭhāya dissamānaṃ apadānaṃ soṇakeṃḷiyavessattherassāti sihalakkharamuddita apadānapāḷiyaṃ ca soṇakoḷivisattherassāni marammakkharamudditāpadānapāḷiyaṃ ca āgacchati. Theragāthaṭṭhakathāyampi imā gāthā kolivisattheracarite nicesitā. Apadānaṭṭhakathā cariyo pana apadānamidaṃ soṇakoṭikaṇṇattherassāni ca so thero koliyarājavajase jāno ti ca dassesi so panāyaṃ thero soṇo koḷiviso vā soṇo kuṭikaṇṇo vā bhavatu ayaṃ ambhākaṃ bhagavato sāsane etadaggaṭṭhānaṃ labhi’ti apadānapāḷiyā eva viññāyate. Āraddhaviriyānaṃ aggataṃ gato soṇo kolivisatthero campānagare vessakule jāto ’ni ca kalyāṇavākkaraṇānaṃ aggaṭṭhānappatto koṭikaṇṇatthero avantijanapade kāḷiyā nama seṭṭhihariyāya kucchimbhi uppanno’ti ca mahāvaggapāḷi manorathapuraṇiādihi pāmāṇikehi gatthehi suvisadaṃ pākaṭi bhavati. Apadānapāḷiyaṃ ekunacattāḷisatime vaggedisasamānaṃ soṇakoṭivisattherassa apadānaṃ pana manorathapuraṇiyā dassitena āraddhaviriyānaṃ aggataṃ gatassa soṇakoḷivisattherassa caritte saddhiṃ sameti. Tasmāidaṃ (42) apadānaṃ apadānaṭṭhakathāyaṃ dissamānassa soṇassa koṭikaṇṇattherassevā’ti avagantabbaṃ.

[BJT Page 166] [\x 166/]

1142. Añajalimpaggahetvāna abhivādetvāna subbataṃ,
\nDighasālaṃ bhagavato niyyādesamahaṃ tadā.

1143. Mama saṅkappamaññāya satthā loke anutataro,
\nPaṭiggahesi bhagavā anukampāya cakkhumā.

1144. Paṭiggahetvā sambuddho dakkhiṇeyyo sadevake,
\nBikkhusaṃghe nisīditvā imā gāthā abhāsatha:

1145. "Yo so haṭṭhena cittena dighasālaṃ akāsi1- me,
\nTamahaṃ kittayissāmi suṇātha mama bhāsato.

[PTS Page 094] [\q  94/]

1146. Imassa maccukālambhi puññakammasamaṅgino,
\nSahassayutta’ssaratho upaṭṭhassati tāvade,

1147. Tena yānena’yaṃ poso devalokaṃ gamissati,
\nAnumodissare devā sampate kusale bhave.

1148. Mahārahaṃ vyamhaseṭṭhaṃ ratanamattikalepanaṃ2,
\nKuṭāgāravarūpetaṃ vyambhaṃ ajjhavasissati.

1149. Tiṃsa kappasahassāni devaloke ramissati,
\nPañcavisati kappāni devarājā bhavissati.

1150. Sattasattatikkhattuñca cakkavatti bhavissati.
\nYasodhara sanāmā3- te sabbepi ekanāmakā.

1151. Dve sampatti anubhotvā cinitvā4-puññasañcayaṃ,
\nAṭṭhavisatikappambi cakkavatti bhavissati

1152. Tatrāpi vyamhaṃ pavaraṃ vissakammena māpitaṃ,
\nDasasaddāvicittaṃ taṃ puramajjhivasissati.

1153. Aparimeyye ito kappe bhumipālo mahiddhiko;
\nOkkāko nāma nāmena rājā raṭṭhe bhavissati.

1154. Soḷasitthisahassānaṃ sabbāsaṃ pavarā ca sā5,
\nAbhijātā khattiyāni tava putte janessati

1155. Tava putte janetvāna khattiyāni marissati,
\nTaruṇi ca piyā6- aññā* mahesittaṃ karissati.

1156. Okkākaṃ tosayitvāna varaṃ kaññā7- labhissati,
\nVaraṃ laddhānaṃ8- sā kaññā putte pabbajayissati.

1157. Pabbājitā ca te sabbe gamissanti taguttamaṃ,
\nJātibhedabhayā sabbe bhaginihi saṃvasissare9-

1158. Ekā ca kaññā vyadhihi bhavissati parikkhatā10-
\nMā no jāti pabhijja’ ti nikkhiṇissanti khattiyā.

1159. Khattiyo niharitvāna tāya saddhiṃ vasisasati,
\nBhavissati tadā bhedo okkākakulasambhavo.

1. Adāsi, the se machasaṃ 2. Ratanabhittisamujjalaṃ, the 3. Samānā, simu 4. Vaḍḍhetvā si mu 5. Yā, the sāyā 6. Sāsiyā, the *kaññā, machasaṃ 7. Kaññaṃ, the 8. Varaladadhā, the 9. Vasissare, machasaṃ [PTS] 10. Purakkhatā, [PTS] se syā

[BJT Page 168] [\x 168/]
\n[PTS Page 095] [\q  95/]

1160. Tesaṃ pajā bhavissanti kolāyā nāma jātiyā,
\nTattha mānusakaṃ bhogaṃ anubossantanappakaṃ.
\n.
\n1161. Tamhā kāyā cavivona devalokaṃ gamissati,
\nTatrāpi pavaraṃ vyambhaṃ vindissati1- manoramaṃ.

1162. Devalokā cavitvāna sukkamūlena codino,
\nĀgantvāna manussattaṃ soṇo nāma bhavissati.

1163. Āraddhaviriyo pabhitatto padahaṃ satthu sāsane,
\nSabbāsave pariññāya nibbāyissanatāsavo.

1164. Anantadassi2- bhagavā gotamo sakyapuṅgavo,
\nVisesaññu mahāvīro aggaṭṭhāne ṭhapessati"

* ---

1165. Uttame damathe3- danto cittaṃ me suppaṇihitaṃ,
\nBhāro me obhito sabbo nibbuto’mhi anāsavo.

1166. Aṃgiraso mahānāgo abhijātova kesarī,
\nBhikkhusaṃghe nisīditvā etadagge ṭhapesi maṃ.

1167. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā soṇo koṭikaṇṇo thero imā gathāyo abhāsitthāti.
\n- Soṇakoṭikaṇṇattherassa apadānaṃ dūtiyaṃ. -

43. Kāḷigodhāputtabhaddiyattherāpadānaṃ

1168. Padumuttarasambuddhaṃ mettacittaṃ mahāmuniṃ,
\nUpeti janatā sabbā sabbalokagganāyakaṃ.

1169. Vattha ṃsenāsanaṃ ceva5- āmisaṃ pānabhojanaṃ,
\nDadanti satthuno sabbe puññakkhette anuttare

[PTS Page 096] [\q  96/]

1170. Ahampi dānaṃ dassāmi devadevassa tādino,
\nBuddhaseṭṭhaṃ nimantetvā saṃghampi ca anuttaraṃ.

1171. Uyyojitā mayā cete nimantesuṃ tathāgataṃ,
\nKevalaṃ bhikkhusaṅghañca puññakkhettaṃ anuttaraṃ.

1. Labhissati, the machasaṃ 2. Atthadassi, se the *"vuṭṭhāmbhi deve caturaṅgulambhi - tiṇe anilerita aṅgaṇambhi, ṭhātvāna yogassa payuttatādino - tatottariṃ pajaragatā na vijjati" dissate cāyaṃ gāthā maramma chaṭṭhasaṅgiti potthake. Theragāthaṭṭhakathāyaṃ pana "vaṭṭambhi deve caturaṅgule patite anileritāpādapasampaghuṭṭhe, jhane ratassappasussata tādino tato rati paramatarā na vijjati"ti gāthā āgatā tathāpissā ḷuttha ucitanā natthi. 3. Uttamena damathena, te 4. Bhadadiyattherāpadānaṃ, sī mu 5. Satatukañcabaddhakañca, machasaṃ [PTS] padakaṃ, se sattukañca pavākañca, syā

[BJT Page 170] [\x 170/]

1172. Satasahassa1- pallaṅkaṃ sovaṇṇaṃ goṇakatthataṃ,
\nTulikā paṭalikāya2- khomakappāsikehi3- ca,
\nMahārahaṃ paññapesiṃ āsanaṃ buddhayuttakaṃ.

1173. Padumuttaro lokavidu devadevo narāsabho,
\nBhikkhusaṃghaparibbuḷho mama dvāraṃ upāgami.

1174. Paccuggantvāna sambuddhaṃ lokanāthaṃ yasassinaṃ,
\nPasannacitto sumāno atināmayiṃ sakaṃ4- gharaṃ.

1175. Bhikkhunaṃ satasahassaṃ buddañca lokanāyakaṃ,
\nPasannacitto sumano paramannena tappayiṃ.

1176. Padumuttaro lokavidu āhutinaṃ paṭiggaho,
\nBhikkhusaṃghe nisīditvā imā gāthā abhasatha:

1177. "Yenidaṃ āsanaṃ dinnaṃ sovaṇṇaṃ goṇakatthataṃ,
\nTamahaṃ kittayisasāmi suṇātha mama bhāsato.

1178. Catusattatikkhattuṃ so devarajjaṃ karissati,
\nAnubhossati sampattiṃ accharāhi purakkhato

1179. Padesarajjaṃ sahassaṃ vasudhaṃ āvasissati,
\nEkapaññasakkhattuñca cakakvatti bhavissati.

1180. Sabbāsu bhavayonisu uccākuli5- bhavissati,
\nSo ca pacchā pabbajitvā sukkamūlena codito,
\nBhaddiyo nāma nāmena hessati satthusāvako"

1181. Vivekamanuyutto’mhi pantasenanivāsahaṃ,
\nPhalañcādhigataṃ sabbaṃ catta6-kelayo’mhi ajaja’haṃ.

1182. Mama sabbaṃ abhiññāya sababaññu lokanāyako,
\nBhikkhusaṃghe nisīditvā etadagge ṭhapesi maṃ.

1183. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

[PTS Page 097] [\q  97/]

Itthaṃ sudaṃ āyasmā bhaddiyo kāḷigodhāya thero imā gathāyo abhāsitthāti.
\n- Kāḷigodhāputassa bhaddiyattherassa apadānaṃ tatiyaṃ. -

1. Sahassa, [PTS] se 2. Paṭalikā ca, the 3. Kappāsikepi, the 4. Atināmayitaṃ, the saṃgharaṃ, machasaṃ 5. Kulinova, the 6. Bhinna, the

[BJT Page 172] [\x 172/]

44. Santiṭṭhāpakattherāpadānaṃ

1184. Araññe kuṭikaṃ katvā vasāmi pabbatantare,
\nLābhālābhena santuṭṭho yasena ayasena ca.

1185. Padumuttaro lokavidu āhutitaṃ paṭiggaho,
\nVisisatasahassehi āgacchi mama sanatikaṃ.

1186. Upāgataṃ mahāvīraṃ jalajuttaranāmakaṃ,
\nTiṇasattharaṃ paññapetvā adāsiṃ satthuno ahaṃ.

1187. Pasannacitto sumano āmaṇḍaṃ pāniyañca’haṃ,
\nAdāsiṃ ujubhūtassa vippasannena cetasā.

1188. Satasahasse ito kappe1- yaṃ dānadadiṃ tadā,
\nDuggatiṃ nābhijānāmi āmaṇḍassa idaṃ phalaṃ.

1189. Ekatāḷisakappambhi eko āsiṃ arindamo,
\nSattaratanasampanno cakkavatti mahabbalo.

1190. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sanniṭṭhāpako2- thero imā gathāyo abhāsitthāti.
\n- Sanniṭapakattherassa apadānaṃ catutthaṃ. -

45. Pañcahatthiyattherāpadānaṃ

1191. Sumedho nāma sambuddho gacchate antarāpaṇe,
\nOkkhittacakkhu3- mitabhāṇi satimā saṃvutindriyo.

1192. Pañca uppalahatthāni āvalatthaṃ ahaṃsu4- me,
\nTena buddhaṃ apūjesiṃ pasanto sehi pāṇihi.

[PTS Page 098] [\q  98/]

1193. Āropitā ca te pupphā chadanaṃ āsu5- satthuno,
\nSaṃsāviṃsu6- mahānāgaṃ sissā ācariyaṃ yathā.

1194. Tiṃsakappasahassamhi yaṃ pupphamabhiropayiṃ,
\nDuggatiṃ nābhijānami buddhapūjāyidaṃ phalaṃ.

1195. Ito visakappasate ahesuṃ pañca khattiyā,
\nHatthiyā nāma nāmena cakkavatti mahabbalā.

1196. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pañcahatthiyo thero imā gathāyo abhāsitthāti.
\n- Pañcahattiyattherassa apadānaṃ catutthaṃ. -

1. Ito kappasatasahasse, se 2. Sannidhāpako, sī mu 3. Khitta cakkhu, (sabbattha) 4. Ācelatthamakāsi, [PTS] se 5. Assa, machasaṃ [PTS] se assu, a 6. Samādhiṃsu, machasaṃ

[BJT Page 174] [\x 174/]

46. Padumacchadaniyattherāpadānaṃ

1197. Nibbute lokanāthambhi vipassimhaggapuggalo,
\nSuphullaṃ padumaṃ gayha citakamāropayiṃ ahaṃ1-

1198. Āropite ca citake cehāsaṃ nabhamuggami,
\nĀkāsacchadanaṃ katvā citakambhi adhārayiṃ2-

1199. Ekanavute ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

1200. Sattatāḷisito kappe padumissaranāmako,
\nCāturanto vijitāvi cakkavatti mahabbalo.

1201. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā padumacchadaniyo thero imā gathāyo abhāsitthāti.
\n- Padumacchadaniyattherassa apadānaṃ chaṭṭhaṃ. -

47. Sayanadāyakattherāpadānaṃ

1202. Siddhatthassa bhagavato mettacittassa tādino,
\nSayanaggaṃ mayā dinanaṃ dussabhaṇḍehi atthataṃ.

1203. Paṭiggahesi bhagavā kappiyaṃ sayanāsanaṃ,
\nUṭṭhāya āsanā tamhā vehāsaṃ uggami jino.

[PTS Page 099] [\q  99/]

1204. Catunavute ito kappe yaṃ sayanamadāsahaṃ,
\nDuggatiṃ nābhijānāmi sayanadānassidaṃ3- phalaṃ.

1205. Ekapaññāsito kappe varuṇo4- devasavahayo,
\nSattaratanasampanno cakkavatti mahabbalo.

1206. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sayanadāyako thero imā gathāyo abhāsitthāti.
\n- Sayanadāyakattherassa apadānaṃ sattamaṃ. -

48. Caṅkamadāyakattherāpadānaṃ

1207. Atthadassa munino lokajeṭṭhassa tādino,
\nIṭṭhakāhi cinitvāna caṅkamaṃ kārayiṃ ahaṃ.

1208. Uccato pañcaratanaṃ caṅkamaṃ sādhu māpitaṃ,
\nĀyāmato hatthasataṃ bhāvaniyaṃ5- manoramaṃ.

1209. Paṭiggahesi bhagavā atthadassi naruttamo,
\nHatthena pulinaṃ gayha imā gāthā abhāsatha:

1. Tadā, sīmu 2. Adhārayi, sī mu 3. Sayanassa idaṃ, machasaṃ 4. Carako, machasaṃ 5. Bhāvaniyyaṃ machasaṃ

[BJT Page 176] [\x 176/]

1210. "Iminā pulinadānena caṅkamaṃ sukatena ca,
\nSattaratanasampannaṃ pulinaṃ anubhossati.

1211. Tīṇikappāni devesu devarajjaṃ karissati,
\nAnubhossati sampattiṃ accharāhi purakkhato.

1212. Manussalokaṃ āgantvā rājā raṭṭhe bhavissati,
\nTikkhattuṃ cakkavatti ca mabhiyā so bhavissati"

1213. Aṭṭhārase kappasate yaṃ kammamakariṃ tadā.
\nDuggatiṃ nābhijānami caṅkamassa idaṃ phalaṃ

1214. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā caṅkama1-dāyako thero imā gathāyo abhāsitthāti.
\n- Caṅkamadāyakattherassa* apadānaṃ aṭṭhamaṃ. -

[PTS Page 100] [\q 100/]

49. Subhaddattherāpadānaṃ

1215. Padumutaro lokavidu āhutinaṃ paṭiggaho,
\nJanataṃ uddharitvāna nibbāyati mahāyaso.

1216. Nibbāyante ca sambuddhe dasasahassī pakamapatha, 2-
\nJanakāyo mahā āsi devā sannipatuṃ.

1217. Vandanaṃ pūjayitthāna3- nagara4- mallikābhi ca,
\nHaṭṭho haṭṭhena cittena ālepesiṃ5- naruttamaṃ.

1218. Mama saṅkappamaññāya satthā loke anuttaro,
\nNipannakova sambuddho imā gāthā abhāsatha:

1219. "Yo me pacchimake kāle gandhamālyena6- chādayī,
\nTamahaṃ kittayissāmi suṇātha mama bhāsato.

1220. Ito cuto ayaṃ poso tusitakāyaṃ gamissati,
\nTattha rajjaṃ karitvanā nimmānaṃ so gamissati.

1221. Eteneva upāyena datvā malyaṃ7- varuttamaṃ,
\nSakakammābhiraddho so sampattiṃ anubhossati.

1222. Punāpi tusite kāye nibbattisastayaṃ naro,
\nTamhā kāyā cavitvāna manussattaṃ gamissati.

1223. Sakyaputto mahānāgo aggo loke sadevake,
\nBodhayitvā bahu satte nibbāyissati cakkhumā.

1. Caṅkamanā, machasaṃ se 2. Dahasahasasikampatha, machasaṃ 3. Purayitvāna, sīmu machasaṃ 4. Tagarā, machasaṃ 5. Aropesiṃ, se syā āropayiṃ machasaṃ 6. Mālena, machasaṃ mallena, syā 7. Mālaṃ, machasaṃ mallā, syā *caṅkamanadāyakattherassa, machasaṃ

[BJT Page 178] [\x 178/]

1224. Pabbajjupagato1- santo sukkamūlena codito,
\nUpasaṅkamama sambuddhaṃ pañahaṃ pucchissati tadā.

1225. Hāsayitvāna2- sambuddho sabbaññu lokanayako,
\nPuññakammaṃ pariññāya saccāni vicarissati.

1226. Āraddho ca ayaṃ pañeha tuṭṭho ekaggamānaso,
\nSatthāraṃ abhivādetvā pabbajjaṃ yāvayissati.

1227. Pasannamānasaṃ disvā sakkammena tositaṃ,
\nPabbājessati so buddho aggadhammassa kovido.

1228. Vāyamitvāna’yaṃ poso sammāsambuddhasāsane,
\nSabbāsave pariññāya nibbāyissatanāvo".
\n(Pañcamahāṇavāraṃ. )

[PTS Page 101] [\q 101/]

1229. Pubbakammena saṃyutto ekaggo susamābhito,
\nBuddhassa oraso putto dhammajo’mbhi sunimmito.

1230. Dhammarājaṃ upāgamma3- āpucchiṃ pañahamuttamaṃ,
\nKathayanto ca me pañahaṃ dhammasotaṃ upānayī.

1231. Tassāhaṃ dhammamaññāya vihāsiṃ sāsane rato,
\nSabbāseve pariññāya viharāmi anāsavo.

1232. Satasahasse ito kappe jalajuttaranāyako,
\nNibbāyi anupādāno dipo’va telasaṅkhayā.

1233. Sattayojanikaṃ āsi thupañca ratanāmayaṃ,
\nDhajaṃ tattha apūjesiṃ sabbabhaddaṃ manoramaṃ.

1234. Kassapassa ca buddhassa tisso nāmaggasāvako,
\nPutto me oraso āsi dāyado jinasāsane.

1235. Tassa bhanena manasā vācaṃ bhāsiṃ abhaddakaṃ,
\nTena kammavipākena pacchime addasaṃ jinaṃ4-,

1236. Upavattane sālavane pacchime sayane muni,
\nPabbājesi mahāvīro hito kāruṇiko jino.

1237. Ajjeva’dāni pabbajā ajjeva upasampadā,
\nAjjeva parinibbāṇaṃ sammukhā dipaduttame.

1238. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā subhaddo thero imā gathāyo abhāsitthāti.
\n- Subhaddattherassa apadānaṃ navamaṃ. -
\n 

1. Tadāsopagato, sīmu machasaṃ 2. Bhāsayitvāna, se [PTS] 3. Upāgantvā, [PTS] 4. Pacchā me āsi bhaddakaṃ, machasaṃ se

[BJT Page 180] [\x 180/]

50. Cundattherāpadānaṃ

1239. Siddhatthassa bhagavato lokajeṭṭhassa tādino,
\nAgghiyaṃ kārayitvāna jātipupphehi chādayi.

1240. Niṭṭhāpevona taṃ pupphaṃ buddhassa upanāmayiṃ,
\nPupphāvasesaṃ paggayha buddhassa abhiropayiṃ.

[PTS Page 102] [\q 102/]

1241. Kañcanagaghiyasaṅkāyaṃ buddhaṃ lokagganāyakaṃ,
\nPasannacitto sumano pupphagaghiyamupānayiṃ.

1242. Vitiṇṇakaṅkho sambuddho tiṇṇoghehi purakkhato,
\nBhikkhusaṃghi nisīdivo imā gāthā abhāsatha:

1243. "Dibbagandhaṃ pavāyantaṃ yo me pupphagghiyaṃ adā,
\nTamahaṃ nittayissāmi suṇātha mama bhāsato.

1244. Ito cuto ayaṃ peso devasaṃghapurakkhato,
\nJātipupphehi parikiṇṇo devalokaṃ gamissati.

1245. Ubbiddhaṃ bhagavanaṃ tassa sovaṇṇañca maṇimayaṃ,
\nVyamhaṃ pātubhavissati puññakammappabhāvitaṃ.

1246. Catusattatikkhattuṃ so devarajjaṃ karissati,
\nAnubhossati sampattiṃ accharāhi purakkhato.

1247. Pathavyā rajjaṃ tisataṃ vasudhaṃ āvasissati,
\nPañcasattanikkhattuñca accharābhi purakkhato.

1248. Dujjayo nāma nāmena hessati manujādhipo,
\nAnubhotvāna taṃ puññaṃ sakakammaṃ apassito.

1249. Vinipātaṃ aganvāna1- manussattaṃ gamissati,
\nHiraññassa ca nicitaṃ koṭisatamanappakaṃ.

1250. Nibbattissati yonimbhi2- brāhmaṇe3- so bhavissati,
\nVaṅgattassa suto sāriyā oraso piyo.

1251. So ca pacchā pabbatvā aṅgirasassa sāsane,
\nCulavundo’ti nāmena hessati satthu sāvako.

1252. Sāmaṇero’va so santo khiṇāsavo bhavissati,
\nSabbāsave pariññāya nibbāyissatanāsavo"

1253. Upaṭṭhahiṃ mahāvīraṃ aññe ca pesale bahu,
\nBhātaraṃ ce cupaṭṭhāsiṃ uttamatthassa pattiyā.

1254. Bhātaraṃ me upaṭṭhitvā dhātu pattambhi opiya,
\nSambuddhaṃ upanāmesiṃ lokajeṭṭhaṃ narāsabhaṃ.

1. Āgantvā, [PTS] 2. Lokambhi, [PTS] 3. Brāhmaṇo, machasaṃ [PTS]

a mahā āsi3- asaniyā phalantiyā.

1284. Tenevāsanivegena ta

1255. Ubho hatthehi paggayha buddho loke sadevake,
\nSaṃdassayanto taṃ dhātuṃ kittayī aggasāvakaṃ.

1256. Cittaṃ ca suvimuttaṃ me saddhā mayhaṃ patiṭṭhitā,
\nSabbāsave pariññāya viharāmi anāsavo.

1257 Paṭisambhidā catasse ca vimokkhāpi ca phassito,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā cundo thero imā gathāyo abhāsitthāti.
\n- Cundattherassa apadānaṃ dasamaṃ. -

Uddānaṃ:
\nUpāli soṇo bhaddiyo santiṭṭhāpaka1- hatthiyo,
\nGāthā sḷisaṃ catasso ca taduttari.

- Upālivaggo pañcamo