[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 118] [\x 118/]
\n[PTS Page 067] [\q  67/]  

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.

 
\n 


\n

3.Subhūtivaggo

21. Subhūtittherāpadānaṃ.

813. Himavantassa avidūre nisabho nāma pabbato,
\nAssamo sukato mayhaṃ paṇṇasālā sumāpitā.

814. Kosiyo nāma nāmena jaṭilo uggatāpano,
\nEkākiyo adutiyo vasāmi nisabhe tadā.

815. Phalaṃ mulañca paṇṇañca na bhūñajami ahaṃ tadā,
\nPavattapaṇḍupattāni1- upajivāmi tāvade.

816. Nā’haṃ kopemi ājīvaṃcajamānopi jīvitaṃ,
\nĀrādhemi sakaṃ cittaṃ vivajjemi anesataṃ.

817. Rugupasaṃhitaṃ cittaṃ yadā upapajjane mama,
\nSayaṃva paccavekkhāmi ekaggo taṃ damme’haṃ.

818. "Rajjasi rajaniye ca dosaniye ca dussasi2,
\nMuyhase mohaniye ca nikkhamassu vanā tuvaṃ.

819. Visuddhānaṃ ayaṃ vāso nimmalānaṃ tapassinaṃ,
\nMā kho visuddhaṃ dusesi nikkhamassu vanā tuvaṃ.

820. Agāriko bhavitvāna sadā yuttaṃ3- labhissasi,
\nUbhopi mā virādhesi nikkhamassu vanā tuvaṃ.

821. Chavālātaṃ yathā kaṭṭhaṃ na kvaci kiccakārakaṃ, 4-
\nNeva gāme araññe vā na hi taṃ kaṭṭhasammataṃ.

822. Chavālātupamo tvaṃsi na gihi nāpi saññato, 5-
\nUbhato muttako ajja nikkhamassu vanā tuvaṃ.

823. Siyā nu kho tava6- etaṃ ko papajānāti te7- idaṃ,
\nSaddhādhūraṃ jahasi8- te* kosajjabahulāya ca.

824. Jigucchissanti taṃ viññu asuciṃ nāgariko yathā,
\nĀkaḍḍhitvāna isayo codayissanti taṃ sadā.

825. Taṃ viññu pavadissanti samatikkantasāsanaṃ,
\nSaṃvāsaṃ alabhanto hi kathaṃ jivissasi9- tuvaṃ.

1. Pavattaṃca supātābhaṃ, ma se pattā’haṃ [PTS] 2. Dussase, the ma 3. Yadā puttaṃ, ma the 4. Kāraṇaṃ, ma the 5. Gihinā nāpi paññatto, [PTS] 6. Tuvaṃ, ma 7. Ko pajānihite, [PTS] se 8. Pāhisi, [PTS] vahasi ma pahāsi, the piṅgaduraṃpahisi, se *me 9. Jivāhisi, se ma jivihisi, [PTS] the

[BJT Page 120] [\x 120/]
\n[PTS Page 068] [\q  68/]

826. Tidhā pabhinnamātaṅgaṃ kuñajaraṃ saṭṭhihāyanaṃ,
\nKhali nāgo upagantvā yuthā niharate gajaṃ.

827. Yuthā vinissaṭo santo sukhaṃ sātaṃ na vindati,
\nDukkhito vimano1- hoti pajjhāyanto2- pavadheti3-

828. Tatheva jaṭilā tampi niharissanti dummatiṃ4,
\nTehi tvaṃ nissaṭo santo sukhaṃ sātaṃ na lacchasi

829. Divā yā yadi vā rattiṃ sokasallasamappito,
\nḌayhasi pariḷāhena gajo yuthā’va nissaṭo5-

830. Jātarūpaṃ yathā kūṭaṃ neva jhāpeti6- katthaci,
\nTathā silavibhino tvaṃ na jhāpessasi7- katthaci.

831. Agāraṃ vasamānopi kathaṃ jiviśisi tuvaṃ,
\nMattikaṃ pettikaṃ cāpi natthi te nibhitaṃ8- dhanaṃ.

832. Sayaṃ9- kammaṃ karitvāna gatte sedaṃ pamocayaṃ,
\nEvaṃ jivihisi gehe sādhu te taṃ10- na ruccati"

833. Evāhaṃ tattha vāremi11- saṅkilesagataṃ manaṃ,
\nNānādhammamakathaṃ katvā pāpā cittā nivārayiṃ.

834. Evaṃ me viharantassa appamādavihārino,
\nTiṃsa vassasahassāni vipine me12- atikkamuṃ.

835. Appamādarataṃ disvā uttamatthagavesakaṃ,
\nPadumuttarasambuddho āgacchi mama santikaṃ.

836. Timbarūsakavaṇṇabho13- appameyyo anupamo,
\nRūpena’sadiso buddho ākāse caṅkamī tadā.

837. Suphūllo sālarājā’va vijjū’va’bbhaghanantare14,
\nÑāṇenā’sadiso buddho ākāse caṅkami tadā.

838. Sīharājāva’sambhito gajarājāva dappito,
\nLasito15- vyaggharājāva ākāse caṅkami tadā.

839. Siṃginikkhasuvaṇṇābho khadiraṅgārasannibho,
\nMaṇi yathā jotiraso ākāse caṅkami tadā.

[PTS Page 069] [\q  69/]

840. Visuddhakelāsanibho puṇṇamāyeva16- candimā,
\nMajjhantikeva17- suriyo ākāse caṅkami tadā.

1. Dummano, the 2. Ujjhā, [PTS] 3. Padhācati, [PTS] 4. Dumamati, [PTS] se 5. Yuthā vinissaṭo, a mu 6. Jhāyati yāyati, [PTS] 7. Nevayāsi, [PTS] jhāyissasi 8. Nicitaṃ, the 9. Sakaṃ, [PTS] se 10. Kiṃ, the 11. Dhāremi, se 12. Pavaneva me, [PTS] se pavaneva, the 15. Durāsado, the 16. Māseva, [PTS]; se 17. Kova, [PTS]; se

[BJT Page 122] [\x 122/]

841. Disvā nabhe1- caṅkamantaṃ evaṃ cintesa’haṃ tadā,
\n"Devo nu kho ayaṃ satto, udāhu manujo ayaṃ?

842. Na me suto vā diṭṭho vā mabhiyā ediso naro,
\nApi mantapadaṃ atthi, ayaṃ satthā bhavissati. "

843. Evāhaṃ cintayitvāna sakaṃ cittaṃ pasādayiṃ,
\nNānāpuppañca gandhañca santipātetva’haṃ2- tadā

844. Pupphāsanaṃ paññapetvā sādhucittaṃ manoramaṃ,
\nNarasārathinaṃ aggaṃ idaṃ vacanamabraviṃ.

845. "Idaṃ me āsanaṃ vīra paññattaṃ tava’nucchaviṃ3,
\nHāsayanto mamaṃ cittaṃ nisida kusumāsane"

846. Nisīdi tattha bhagavā asambhitova kesarī,
\nSattarattindivaṃ buddho pavare kusumāsane.

847. Namassamāno aṭṭhāsiṃ sattarattindivaṃ ahaṃ,
\nVuṭṭhahitvā samādhimbhā satthā loke anuttaro.

848. Mama kammaṃ pakittento idaṃ vacanamabraviṃ,
\n"Bhāvehi buddhānussatiṃ bhāvanānamanuttaraṃ.

849. Imaṃ satiṃ bhāvayitvā purayissasi mānasaṃ, 4-
\nTiṃsa kappasahassāni devaloke ramissasi.

850. Asitikkhantuṃ devindo devarajjaṃ karissasi,
\nSahassakkhattuṃ cakkavatti rājā raṭṭhe bhavissasi.

851. Padesarajjaṃ vipulaṃ gaṇanāto asaṅkhiyaṃ,
\nAnubhossasi taṃ sabbaṃ buddhānussatiyā phalaṃ

852. Bhavābhave saṃsaranto mahābhogaṃ labhīssasi,
\nBhoge te ūnatā natthi buddhanussatiyā phalaṃ.

853. Kappasatasahassambhi okkākakulasambhavo,
\nGotamo nāma gottena satthā loke bhavissati.

854. Asitikoṭiṃ chaḍḍhetvā dāse5- kammakare bahu,
\nGotamassa bhagavato sāsane pabbajissasi.

855. Ārādhayitvā sambuddhaṃ gotamaṃ sakyapuṅgavaṃ,
\nSubhūti nāma nāmena hessati satthu sāvako.

1. Disvāna taṃ, ma disvāna taṃ nabhe, the 2. Santipātesa haṃ, maṃ 3. Nucchakaṃ, se 4. Purayassu sumātasaṃ, the 5. Pesa. Se

[BJT Page 124] [\x 124/]
\n[PTS Page 070] [\q  70/]

856. Bhikkhusaṅghe nisīditvā dakkhiṇeyyaguṇambhi taṃ, 1-
\nTathā’raṇavihāre ca2- dvisu agge ṭhapessati3-

857. Idaṃ vatvāna sambuddho jalajuttaranāmako, 4-
\nNabhaṃ abbhūggami dhīro haṃsarājāva ambare.

858. Sāsito lokanātheṇa namassitvā tathāgataṃ,
\nSadā bhāvemi5- mudito buddhānussatimuttamaṃ.

859. Tena kammena sukatena cetanā paṇidhi hi ca,
\nJahitvā mānusaṃ dehaṃ tāvatiṃsamagaccha’haṃ.

860. Asitikkhattuṃ devindo devarajjamakārayiṃ,
\nSahassakkhattuṃ rājā ca cakkavatti ahosa’haṃ.

861. Padesarajjaṃ vipulaṃ gaṇaṇāto asaṅkhiyaṃ,
\nAnubhomi susampattiṃ buddhānussatiyā phalaṃ.

862. Bhāvābhave saṃsaranno mahābhogaṃ labhāma’haṃ,
\nBhoge me ūnatā natthi buddhānussatiyā phalaṃ.

863. Satasahasse ito kappe yaṃ kammamakariṃ tadā,
\nDuggatiṃ nābhīkānāmi buddhānussatiyā phalaṃ.

864. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā subhūtithero imā gathāyo abhāsitthāti.
\n- Subhūtittherassāpadānaṃ paṭhamaṃ. -

22. Upavānatthepadānaṃ.

865. Padumuttaro nāma jino sabbadhammāna pāragu,
\nJalitvā aggikkhandhova sambuddho parinibbuto.

866. Mahājanā samāgamma pujayitvā tathāgataṃ,
\nCitaṃ6- katvāna sukataṃ sarīraṃ abhīropayuṃ.

[PTS Page 071] [\q  71/]

867. Sarīrakiccaṃ katvāna dhātuṃ7- tattha samānayuṃ,
\nSadevamānusā sabbe buddhathupaṃ akaṃsu te.

868. Paṭhamā kañcanamayā dutiyā’si maṇimayā,
\nTatiyā rūpiyamayā catutthā8- phaḷikāmayā.

869. Tathā pañcamiyā nemi9- lohitaṅkamayā ahu,
\nChaṭṭhā masāragallassa sabbaratanamayupari.

1. Etadagge ṭhapessati, the ṇeyyaguṇehi, ma 2. Vihārena, ma araṇavihāre dakkhiṇeyye, the 3. Visu ṭhānasu gotamo, the 4. Jalajuttamanāyako, [PTS] se 5. Bhāvesiṃ 6. Citakaṃ, a mu 7. Dhātu, [PTS] 8. Catutthi ma se the
\n9. Pañca mikācehi, ma [PTS] se tattha pañcamikā ceti, the.

[BJT Page 126] [\x 126/]

870. Jaṅghā maṇimayā āsi vedikā ratanāmayā,
\nSababasovaṇṇayo thupo uddhaṃ yojanamuggato.

871. Devā tattha samāgantvā ekato mantayuṃ tadā,
\n"Mayampi thupaṃ kassāma lokanāthassa tādino.

872. Dhātu āveṇikā natthi sarīraṃ ekapiṇḍitaṃ,
\nImambhi buddhathupambhi kassāma kañcukaṃ mayā"

873. Devā sattaratanehi1- aññaṃ vaḍḍhesu yojanaṃ,
\nThupo dviyojanubbedho timiraṃ vyapahanti so.

874. Nāgā tattha samāgantvā ekato mantayuṃ tadā,
\n"Manussā ceva devā ca buddhathupaṃ akaṃsu te.

875. Mā no pamattā assumhā appamattā sadevakā,
\nMayampi thupaṃ kassāma lokanāthassa tādino"

876. Indanilaṃ mahānīlaṃ atho jotirasaṃ maṇiṃ,
\nEkato sannipatetvā buddhathupaṃ achādayuṃ.

877. Sabbaṃ maṇimayaṃ āsi tāvatā buddhacetiyaṃ,
\nTiṃsayojanamu *bbadhaṃ2- ālokakaraṇaṃ tadā.

878. Garuḷā3- ca samāgantvā ekato mantayuṃ tadā,
\n"Manusā devā nāgā ca buddhāthupaṃ akaṃsu te.

879. Mā no pamattā assumhā appamattā sadevakā,
\nMayampi thupaṃ kassā ma lokanāthassa tādino.

880. Sabbamaṇimayaṃ thupe4- akaru’ttarakañcukaṃ, 5-
\nYojanaṃ tepi vaḍḍhesuṃ āyataṃ buddhacetiyaṃ.

881. Catuyojanamubbiddho6- buddhathupo virocati,
\nObhāseti disā sabbā sataraṃsiva uggato*

[PTS Page 072] [\q  72/]

882. Kumbhaṇḍā ca samāgantvā ekato mantayuṃ tadā,
\n"Manussā ceva devā ca nāgā ca garuḷā7- tathā

883. Paccekaṃ buddhaseṭṭhassa akaṃsu thupamuttamaṃ,
\nMā no pattā assumhā appamattā sadevakā

884. Mayampi thupaṃ kassāma lokanāthassa tādino,
\nRatanehi chādayissāma āyataṃ buddhacetiyaṃ.

885. Yojanaṃ tepi vaḍḍhesuṃ āyataṃ buddhacetiyaṃ,
\nPañcayojanamubbiddho obhāsate tadā.

*Garūḷā"ti ādayo catasso gāthāyo se [PTS] potthakesu na vijjanti 1. Sattahi rattehi, ma se 2. Mubbiddhaṃ, a mu 3. Kumbhaṇḍā, [PTS] the 4. Sabbaṃ manimayaṃ thupaṃ, ma the 5. Akaruṃ te ca kañcukaṃ, ma se the 6. . Mubbedho, the 7. Nāgā kumbhaṇḍakā, the

[BJT Page 128] [\x 128/]

886. Yakkhā nattha samāgantvā ekato mantayuṃ tadā,
\n"Manussā devanāgā ca garuḷā kumbhaaṇḍakā.

887. Paccekaṃ buddhaseṭṭhassa akaṃsu thupamuttamaṃ,
\nMā no pamattā assumhā appamattā sadevakā.

888. Mayampi thupaṃ kassāma lokanāthassa tādino,
\nEḷikāhi1- chādayissāma āyataṃ buddhacetiyaṃ.

889. Yojanaṃ tepi vaḍḍhesuṃ āyataṃ buddhacetiyaṃ,
\nCha tyājanāni ubbiddho thūpo obhāsate tadā.

890. Gandhabbā ca samāgantvā ekato mantayuṃ tadā,
\n"Manujā devatā nāgā kumbhaṇḍā guruḷā tathā

891. Sabbe’kaṃsu3- buddhathupaṃ mayamettha akārakā,
\nMayampi thupaṃ kassāma lokanāthassa tādino

892. Vediyo satta katvāna chattamāropayiṃsu te4,
\nSabbasoṇṇamayaṃ5- thupaṃ gandhabbaṃ kārayuṃ tadā*

893. Sattayojanamubbiddho thupo obhāsete tadā,
\nRattindivā na cāyanti āloko hoti6- sabbadā.

894. Abhībhonti na tassā’hā candasurā satārakā,
\nSamantā yojanasate padipopi na pajjali.

895. Tena kālena ye keci thupaṃ pujenti mānusā,
\nNa te thūpamāruhanti ambare ukkhipanti te

896. Devehi ṭhapito yakkho abhīsammata nāmako,
\nDhajaṃ vā pupphadāmaṃ vā abhiropeti uttari.

897. Na te passanti taṃ yakkhaṃ dāmaṃ passanti gacchato,
\nEvaṃ passitvā gacchantā7- sabbe gacchanti suggatiṃ.

898. Visaddhā8- ye pāvavane pasannā ye ca sāsane,
\nPāṭibhīraṃ daṭṭhaṭukāmā thūpaṃ pujenti mānusā.

899. Nagare haṃsavatiyā ahosiṃ bhatako9- tadā,
\nĀmoditaṃ janaṃ disvā evaṃ cintesa’haṃ tadā.

900. "Uḷāro bhagavā he’so10- yassa dhātughata’disā,
\nImā ca janatā tuṭṭhākāraṃ kubbantatappakaṃ11-

901. Ahmapi kāraṃ kassāmi lokanāthassa tādino,
\nTassa dhammesu dāyādo bhavissāmi anāgate.

1. Phalikaṃ, a mu 2. Kumbhaṇḍāguyahakā tathā, [PTS] garuḷā kumbhāṇḍakā, a mu 3. Kathā, ma [PTS] 4. Yāva jaṅghā akaṃsu te, [PTS] se dhajaṃ chattamakaṃsu te, the 5. Sabbāsocaṇṇayaṃ, [PTS] 6. Ālokā honti, ma 7. Gacchanti, ma 8. Viruddhā, ma the 9. Varako, ma vadako, [PTS] se 10. Neso, ma [PTS] se the 11. Kubbaṃ na tappare, ma the kubbanti tappare, [PTS] *kumbhaṇḍādinaṃ paṭipāṭiyā visadisatā ekaccesu dissati [PTS] se the potthakesu chayojanubbedhatā na vuttā garuḷā ca vajjitā.

[BJT Page 130] [\x 130/]
\n[PTS Page 073] [\q  73/]

902. Sudhotaṃ rajakenā’haṃ uttareyyapaṭaṃ mama,
\nVeḷagge ālagetvāna dhajaṃ ukkhīpimbare.

903. Abhīyammatako gayha ambare’hāsi me dhajaṃ,
\nVātaritaṃ dhajaṃ disvā vipākaṃ puccha’haṃ dhaje.

904. Tattha cittaṃ pasādetvā samaṇaṃ upasaṅkamiṃ,
\nTaṃ bhikkhūṃ abhivādetvā vipākaṃ puccha’haṃ dhaje.

905. So me kathesi ānandapitisañajanataṃ mama,
\n"Tassa dhajassa vipākaṃ anubheṣsasi sabbadā.

906. Hatthi assā rathā patti senā ca caturaṅgini,
\nParivāressanti1- taṃ niccaṃ dhajadānassi’daṃ phalaṃ.

907. Saṭṭhi turiyasahassāni bheriyo samalaṅkatā,
\nParivāressanti taṃ niccaṃ dhajadānassi’daṃ phalaṃ

908. Chaḷāsitisahassāni nāriyo samalaṅkatā,
\nVicittavatthābhaṇā āmuttamaṇikuṇḍalā.

909. Aḷārapamhā hasulā susaṇhā2- tanumajjhimā,
\nParivāressanti taṃ niccaṃ dhajadānassi’daṃ phalaṃ
\n910. Tiṃsa kappasahassāni devaloke ramissasi,
\nAsitikkhattuṃ devindo devarajjaṃ karissasi.

911. Sahassakkhattuṃ rājā ca cakkavatti bhavissasi,
\nPadesarajjaṃ vipulaṃ gaṇanāto asaṅkhīyaṃ.

912. Kappasatasahassambhī okakāka kulasambhavo,
\nGotamo nāma gottena satthā loke bhavissati

913. Delokā cavitvāna sukkamūlena codito,
\nPuññakammena saṃyutto brahmabandhu bhavissasi.

914. Asitikoṭiṃ chaḍḍhetvā dāse kammakare bahu,
\nGotamassa bhagavato sāsane pabbajissasi.

915. Ārādhayitvā sambuddhaṃ gotamaṃ sakyapuṅgavaṃ,
\nUpavānoti nāmena hessasi satthu sāvako"ti.

916. Satasahasse kataṃ kammaṃ phalaṃ dassesi me idha,
\nSumuttasaravegova kilese jhāpayī3- mama.

917. Cakkavattissa santassa catudipissarassa me,
\nTiyojanāni sāmantā4- ussīyanti dhajā sadā.

[PTS Page 074] [\q  74/]

918. Satasahasse ito kappe yaṃ kammamakariṃ tadā,
\nDuggatiṃ nābhijānāmi dhajadānassi’daṃ phalaṃ.

919. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā upavāno thero imā gathāyo abhāsitthāti.
\n- Upavānattherassāpadānaṃ dutiyaṃ. -

1. Parivārenti, [PTS] 2. Sutthanā, the susaññā, bahūsu 3. Kilesā jhāpitā, the 4. Tīṇi yojana sāmattā, se the

[BJT Page 132] [\x 132/]

23. Saraṇagamaniyattherāpadānaṃ

920. Nagare candavatiyā1- mātupaṭṭhāyako ahuṃ,
\nAndhā mātā pitā mayhaṃ te posemi ahaṃ tadā.

921. Rahogato nisīditvā evaṃ cintesa’haṃ tadā,
\nPosento mātāpitare pabbajjaṃ na labhāma’haṃ

922. Tamandhakārapihitā2- tividhaggihi ḍayhare,
\nEtādise bhatya3- jāte natthi koci vināyako.

923. Buddho loke samuppanno dippati jinasāsanaṃ,
\nSakkā uddharituṃ4- attā puññakammeta5- jantunā.

924. Uggayha tīṇi saraṇe pharipuṇṇaṇī gopayiṃ,
\nTena kammena sukatena paṭimokkhāmi6- duggati.

925. Nisabho nāma samaṇo buddhassa aggasāvako,
\nTamahaṃ upagantvāna saraṇāgamanaṃ gahiṃ.

926. Vassasatasahassāni āyu vijjati tāmade,
\nTāvatā saraṇagamanaṃ paripuṇṇaṃ agopayiṃ.

927. Carime vattamānambhi saraṇaṃ taṃ anussariṃ,
\nTena kammena sukatena tāvatiṃsaṃ agaccha’haṃ.

928. Devalokagato santo puññakammasamābhito,
\nYaṃ desaṃ upagacchāmi7- aṭṭha hetu labhāmahaṃ.

929. Disāsu pujito homi tikkhaphañño bhanāma’haṃ,
\nSabbe devā’nuvattanti amitabhegaṃ labhāma’haṃ.

[PTS Page 075] [\q  75/]

930. Suvaṇṇaṇṇo sabbattha paṭikanto bhavāma’haṃ,
\nMittānaṃ acalo homi yaso accugagato8- mama.

931. Asitikkhattuṃ devindo devarajjamakārayiṃ,
\nDibbaṃ sukhaṃ anubhaviṃ accharāhi purakkhato.

932. Pañcasattatikkhattuñca cakkavatti abhosa’haṃ,
\nPadesarajjaṃ vipulaṃ gaṇanāto asaṅkhiyaṃ.

933. Pacchimabhave sampatte puññakammasamāhito,
\nPure sāvatthiyaṃ jāto mahāsalo su aḍḍhake

934. Nagarā nikkhamitvāna dārakehi purakkhato,
\nHāsakhiḍḍhāsamaṃgihaṃ9- saṅghārāmaṃ upāgami.

935. Tattha’ddasāsiṃ samaṇaṃ vippamuttaṃ nirūpadhiṃ,
\nSo me dhammadesesi saraṇañaca adāsi me.

1. Bandhumatiyā, se a 2. Mahandhakārapihitā, 3. Bhave, ma se 4. Uttarituṃ, se 5. Puññakāmena, se 6. Pari, [PTS] 7. Upapajjāmi, ma[PTS] se 8. Abbhuggato, ma 9. Sahasā khiḍḍa, se [PTS] *tisaraṇagamaniyattherāpadāna, ma

[BJT Page 134] [\x 134/]

936. So’haṃ sutvāna saraṇaṃ me anussariṃ,
\nEkāsane nisīditvā arahattamapāpuṇiṃ.

937. Jātiyā sattavassena arahattaṃ apāpuṇiṃ,
\nUpasampādesi1- sambuddho guṇamaññā cakkhumā.

938. Aparimeyye ito kappe saraṇāni agacchi’haṃ,
\nTato me sukataṃ kammaṃ phalaṃ dassesi me idha.

939. Sugopitaṃ me saraṇaṃ mānasaṃ suppaṇihitaṃtha
\nAnuśotvā yasaṃ sabbaṃ patetāmbhi acalaṃ padaṃ.

940. Yesaṃ sotāvadhānatthi suṇātha mama bhāsato,
\nAhaṃ2- vo kathayissāmi sāmaṃ diṭṭhaṃ padaṃ3- mama.

941. "Buddho loke samuppanno vattate jinasāsanaṃ,
\nAmatā vāditā bherī sokasallavinodanā.

942. Yathā sakena thāmena puññakkhette anuttare,
\nAdhikāraṃ kareyyātha phassayissatha4- nibbutiṃ.

943. Paggayha tīṇi saraṇe pañca sīlāni gopiya5,
\nBuddhe cittaṃ pasādetvā dukkhassantaṃ karissatha.

[PTS Page 076] [\q  76/]

944. Mamopamaṃ karitvāna6- sīlāni parigopiya,
\nAciraṃ arahattaṃ vo sabbepi pāpuṇissatha"

945. Tevijjo iddhipatto’mbi cetopariyakovido,
\nSāvako te mahāvīra caraṇe7- vandati satthuno.

946. Aparimeyye ito kappe saraṇaṃ buddhassa gacchataṃ,
\nDuggatiṃ nābhijānāmi saraṇāgamane phalaṃ.

947. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā nisaraṇagamaniyo thero imā gathāyo abhāsitthāti.
\n- Tisaraṇagamaniyattherassāpadānaṃ8- tatiyaṃ. -

24. Pañcasīlasamādāniyattherāpadānaṃ

948. Nagare candavatiyā bhatako āsa’haṃ tadā,
\nParakammāyane yutto pabbajjaṃ labhāma’haṃ.

949. Tamandhakārapihitā9- tividhagagihi10- ḍayahare,
\nKena nu kho upāyena visaṃyutto bhave ahaṃ.

950. Deyyadhammo ca me natthi varāko bhatako11- ahaṃ,
\nYannunā’haṃ pañcasīlaṃ rakkheyyaṃ paripurayaṃ.

1. Upasampādayī, ma 2. Atthaṃ, se 3. Diṭṭhamidaṃ, [PTS] diṭṭhapadaṃ, se 4. Passayissatha, (sabbattha) 5. Gopaya, se [PTS] 6. Sammā dhammaṃ bhāvetvā, ma
\n7. Saraṇo, ma ṣe saraṇo, [PTS] 8. Saraṇegamaniya, ma 9. Mahandhakāra pihitā, se 10. Tividhaggi, pi [PTS] 11. Bhatako dukkhito, ma

[BJT Page 136] [\x 136/]

951. Anomadassi1- munino nisabho nāma sāvako,
\nTama’haṃ upasaṅkamma pañcasikkhāpada’ggahiṃ.

952. Vassasatasahassāni āyu vijjati tāvade,
\nTāvatā pañca sīlāni paripuṇṇāni gopayiṃ.

953. Maccukālambhi2- sampatte devā assāsayanti maṃ,
\nRatho sahassassayutto mārisā’yaṃ3- upaṭṭhito.

954. Vattante4- carime citte mama sīlaṃ anussariṃ,
\nTena kammena sukatena tātiṃsaṃ agaccha’haṃ.

[PTS Page 077] [\q  77/]

955. Tiṃsakkhattuñca devindo devarajjaṃ akārayiṃ,
\nDibbaṃ sukhaṃ anubhaviṃ accharābhi purakkhato.

956. Pañcasattatikkhattuñca cakkavatti ahosa’haṃ,
\nPapadesarajjaṃ vipulaṃ gaṇanāto asaṃkhiyaṃ.

957. Devalokā cavitvāna sukkamūlena codito,
\nPure vesāliyaṃ jāto mahāsāle suaḍḍhake.

958. Vassupanāyike kāle dippante jinasāsane,
\nMātā ca me pitā ceva pañcasikkhāpada’ggahuṃ.

959. Saha sutena’haṃ sīghaṃ mama sīlaṃ anussariṃ,
\nEkāsane nisīditvā arahattamapāpuṇiṃ.

960. Jātiyā pañcavasse’haṃ arahattamapāpuṇiṃ,
\nUpasampādayī buddho guṇamaññāya cakkhumā.

961. Paripuṇṇāni gopetvā pañca sikkhāpadāna’haṃ,
\nAparimeyye ito kappe vitipātaṃ na gaccha’haṃ.

962. Svāhaṃ yasamanubhaviṃ tesaṃ silānavāhasā,
\nKappakoṭimpi kittento kitteyya ekadesakaṃ.

963. Pañca sīlāni gopetvā tayo hetu labhāmahaṃ,
\nDīghāyuto mahābhogo tikkhapañño bhavāma’haṃ.

964. Pakittento5- va sabbesaṃ adhimattañca porisaṃ,
\nBhavābhave saṃsaritvā ete ṭhane labhāmahaṃ.

965. Aparimayya sīlesu vattanto jinasāvako, 6-
\nBhavesu yadi rajjeyya70 vipāko kidiso bhave.

1. Dasasissa, ma [PTS] se 2. Kāle ca, ma 3. Māriyassa, ma 3. Marisassa, ma 4. Sampatte, [PTS] 5. Saṃkittento, ma [PTS] 6. Vattantā jinasāvakā ma 7. Rajjayyeṃ, ma

[BJT Page 138] [\x 138/]

966. Suciṇṇaṃ me pañcasīlaṃ bhatakena vipassinā,
\nTena sīlena’haṃ ajja mocayiṃ1- sabbabandhanaṃ.

967. Aparimeyye ito kappe pañca silāni gopayiṃ,
\nDuggatiṃ nābhijānāmi pañcasīlāni’daṃ phalaṃ.

968. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pañcasīlasamādāniyo thero imā gathāyo abhāsitthāti.
\n- Pañcasīlasamādāniyattherassāpadānaṃ catutthaṃ. -

[PTS Page 078] [\q  78/]

25. Annasaṃsāvakattherāpadānaṃ

969. Suvaṇṇavaṇṇaṃ sambuddhaṃ gacchantaṃ antarāpaṇe,
\nTañcanagghiyasaṅkāsaṃ dvattiṃsavaralakkhaṇaṃ.

970. Siddhatthaṃ lokapajjotaṃ appameyyaṃ anopamaṃ,
\nAlatthaṃ paramaṃ pitiṃ disvā dantaṃ jutindharaṃ.

971. Sambuddhaṃ abhimattetvā2- bhojayiṃ taṃ mahāmuniṃ,
\nMahākāruṇiko3- nātho4- anumodi mamaṃ tadā.

972. Tasmiṃ mahākāruṇike parassāsakārake,
\nBuddhe cittaṃ pasādetvā kappaṃ saggambhi moda’haṃ.

973. Catunavute ito kappe yaṃ dānamadadiṃ tadā,
\nDuggatiṃ nābhijānāmi bhikkhādānassi’daṃ phalaṃ.

974. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā annasaṃsāvako thero imā gathāyo abhāsitthāti.
\n- Annasaṃsāvakattherassāpadānaṃ pañcamaṃ. -

26. Dhupadāyakattherāpadānaṃ

975. Siddhatthassa bhagavato lokajeṭṭhassa tādino,
\nKuṭidhupaṃ5- mayā dinnaṃ vippasannena cetasā.

976. Yaṃ yaṃ yonupapajjāmi devattaṃ atha mānusaṃ,
\nSabbesampi piyo homi dhupadānassi’daṃ phalaṃ.

1. Poṭhayiṃ, [PTS] 2. Atināmetvā, abināmetvā, ma se 3. Muni kāruṇiko, [PTS] 4. Loke, ma 5. Kuṭidhupanaṃ, [PTS] se

[BJT Page 140] [\x 140/]

977. Catunavute ito kappe yaṃ dhupaṃ adadiṃ tadā, 1-
\nDuggatiṃ nābhijānāmi dhupadānassi’daṃ phalaṃ.

978. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā dhupadāyako thero imā gathāyo abhāsitthāti.
\n- Dhupādāyakattherassāpadānaṃ chaṭṭhaṃ. -

[PTS Page 079] [\q  79/]

27. Pulinapujakattherāpadānaṃ

979. Vipassissa bhagavato bodhiyā pādaputtame,
\nPurāṇapulinaṃ chaḍḍetvā suddhaṃ pulinamākiriṃ.

980. Ekanavute ito kappeyaṃ pulinamadāsa’haṃ,
\nDuggatiṃ nābhijānāmi pulinadānassi’daṃ phalaṃ

981. Tipaññāse2- ito kappe rājā āsiṃ janādhibhu,
\nMahāpulina nāmena3- cakkavatti mahabbalo.

982. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pulinapujako thero imā gathāyo abhāsitthāti.
\n- Pulinapujakattherassāpadānaṃ satatamaṃ. -

28. Uttariyattherāpadānaṃ

983. Candabhāgānaditire suṃsumāro ahaṃ tadā,
\nSagocarappasuto’haṃ4- tadititthaṃ agañacha’haṃ.

984. Siddhattho tambhi samaye sayambhu aggapuggalo,
\nNadiṃ taritukāmo so nadititthaṃ upāgami.

985. Upāgate ca5- sambuddhe ahampi tatthu’pāgamiṃ,
\nUpagantvāna sambabuddhaṃ imaṃ vācaṃ udirayiṃ.

986. Abhirūha mahāvīra tāressāmi ahaṃ tuvaṃ,
\nPettikaṃ visayaṃ mayhaṃ anukampa mahāmune.

987. Mama uggajjanaṃ sutvā abhirūhi mahāmuni,
\nHaṭṭho haṭṭhena cittena tāresiṃ lokanāyakaṃ.

988. Nadiyā pārime tīre siddhattho lokanayako,
\nAssāsesi mamaṃ tattha amataṃ pāpuṇissasi.

1. Yaṃ dhupanamadāsa’haṃ, ma se 2. Tiṃsatime, ma 3. Mahāpulino, [PTS] se 4. Sabhojana, se [PTS] 5. Upāgatambhi

[BJT Page 142] [\x 142/]

989. Tamhā kāyā cavitvāna devalokaṃ agacachahaṃ,
\nDibbaṃ sukhaṃ anubhaviṃ accharābhi purakkhato.

990. Sattakkhattuñca devindo devarajjaṃ akasa’haṃ,
\nTīṇikkhattuṃ cakkavatti mabhiyā issaro ahuṃ.

[PTS Page 080] [\q  80/]

991. Vivekamanuyutto’haṃ nipako ca susaṃvuto,
\nDhāremi antimaṃ dehaṃ sammāsambuddhasāsane.

992. Catunavute ito kappe tāresiṃ yaṃ narāsabhaṃ,
\nDuggatiṃ nābhijānāmi tāraṇāya1- idaṃ phalaṃ.

993. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā uttariyayo2- thero imā gathāyo abhāsitthāti.
\n- Uttariyattherassāpadānaṃ3- aṭṭhamaṃ. -

29. Ekañajalikattherāpadānaṃ

994. Suvaṇṇavaṇṇaṃ sambuddhaṃ gacchantaṃ antarāpaṇe,
\nVipassiṃ satthavāhaggaṃ naraviraṃ vinayakaṃ.

995. Adantadamakaṃ4- tādiṃ mahāvādiṃ mahāmatiṃ5,
\nDisvā pasanno sumano ekañcalaṃmakāsa’haṃ

996. Ekanavute ito kappe yamañajaliṃ kariṃ6- tadā,
\nDuggatiṃ nābhijānāmi bhikkhādānassi’daṃ phalaṃ.

997. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekañjaliko thero imā gathāyo abhāsitthāti.
\n- Ekañajalikattherassāpadānaṃ navamaṃ. -

30. Khomadāyakattherāpadānaṃ

998. Nagare bandhumatiyā ahosiṃ vāṇijo tadā,
\nTene’va dāraṃ posemi ropemi bījasampadaṃ.

999. Rathiyaṃ paṭipannassa vipassissa mahesino,
\nEkaṃ khomaṃ mayā dinnaṃ kusalatthāya satthuno.

1. Taraṇāya, ma [PTS] se 2. Uttiro, ma uttiyo, [PTS] 3. Uttira, ma uttiya [PTS] 4. Damanaṃ, ma [PTS] daminaṃ, se 5. Mahāmuniṃ, [PTS] 6. Añajalimakariṃ, ma

[BJT Page 144] [\x 144/]
\n[PTS Page 081] [\q  81/]

1000. Ekanavute ito kappe yaṃ dānamadadiṃ tadā,
\nDuggatiṃ nābhijānāmi bhikkhādānassi’daṃ phalaṃ.

1001. Sattavise ito kappe eko sindhavasandano,
\nSattaratanasampanenā catudipambhi issaro.

1002. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā khomadāyako thero imā gathāyo abhāsitthāti.
\n- Khomadāyakattherassāpadānaṃ dasamaṃ. -

Uddānaṃ:
\nSubhūti upavāno ca saraṇo silagāhako,
\nAntasaṃsāvako dhupo pulino uttariyena1- ca.
\nAñajali khomadāyi ca daseva tatiye gaṇe,
\nPañcāsiti sataṃ vuttā gāthāyo sabbapiṇḍitā.

- Subhūtivaggo tatiyo -


\n