[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 098] [\x  98/]
\n[PTS Page 055] [\q  55/]     

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n2.Sihāsanadāyakavaggo


\n

11. Sīhāsanadāyakattherāpadānaṃ

674. Nibbute lokanāthambhi siddhatthe dipaduttame,
\nVitthārite pāvacane bāhujaññamhi sāsane.

675. Pasannacitto sumano sihāsanamakāsa’haṃ,
\nSihāsanaṃ karitvāna pādapiṭhamakāsa’haṃ.

676. Sihāsane ca vassante gharaṃ tattha akāsa’haṃ,
\nTena citatappasādena tusitaṃ apapajja’haṃ.

677. Āyamena catubbisayojanaṃ āsi tāvade,
\nVimānaṃ sukataṃ mayhaṃ vitthārena catuddasa1-

678. Sataṃ2- kaññāsabhassāna parivārenti maṃ sadā,
\nSoṇṇaṃmayañca palalaṅka vyambhe āsi sunimmitaṃ.

679. Hatthiyānaṃ assayānaṃ dibbayānaṃ upaṭṭhitaṃ,
\nPāsādā sivikā ceva upapajjanti3- yadicchakaṃ.

680. Maṇimayā ca pallaṅkā aññe sāramayā bahu.
\nNibbattanti mamaṃ sabbe sihāsanassi’daṃ phalaṃ

681. Soṇṇamayā rupimayā eḷikā veḷuriyāmayā,
\nPādukā abhīrūhāmi pādapiṭhassi’daṃ phalaṃ

682. Catunavute ito kappe yaṃ kammavakari tadā,
\nDuggatiṃ nābhijānimi puññakammassi’daṃ phalaṃ.

683. Tesattanimbhito kappe indanāmā tayo janā,
\nDvesattatimbhito kappe tayo sumana namakā. .

684. Samasattanimbhito kappe tayo varuṇanāmakā, sattaratanasampannā catudipambhi issarā.

685. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sihāsanadāyako thero imā gathāyo abhāsitthāti.
\n- Sīhāsanadāyakattherāpadānaṃ paṭhamaṃ. -

[PTS Page 056] [\q  56/]

12. Ekatthambhikattherāpadānaṃ.

686. Siddhatthassa bhagavato mahāpuggaṇo ahu,
\nSaraṇaṅgatā ca te buddhaṃ saddahanti tathāgataṃ.

687. Sabbe saṅgamma mantetvā māḷaṃ4- kubbanti satthuno,
\nEkatthambhaṃ alabhantā vicinatti buhāvane.
\n1. Catuddasaṃ 2. Sata ma satta se 3. Nibibattanti se 4. Salā se the

[BJT Page 100] [\x 100/]

688. Te’haṃ araññe disvāna upagamma gaṇaṃ tadā,
\nAñajalimpaggahetvāna paṭipucchā gaṇaṃ ahaṃ.

689. Te me puṭṭhā viyākaṃsu sīlavanto upāsakā,
\nMāḷaṃ1- mayaṃ kattukāmā ekatthambho na labbhati.

690. "Ekatthambhaṃ mamaṃ detha ahaṃ dassāmi satthuno,
\nĀharissāma’haṃ thambhaṃ appossukkā bhavantu vo.

691. Te me thambhaṃ pavecchaṃsu pasannā tuṭṭhamānasā,
\nTato paṭinivattitvā agamiṃsu sakaṃ gharaṃ.

692. Aciraṃ gate puggaṇe thambhaṃ adāsa’haṃ2- tadā,
\nHaṭṭho haṭṭhena cittena paṭhamaṃ ussapesa’haṃ

693. Tena cittappasādena vimānaṃ upapajja’haṃ
\nUbbiddhaṃ bhavanaṃ mayhaṃ satabhumaṃ3- samuggataṃ.

694. Vajjamānāsu bherisu paricārema’haṃ tadā,
\nPañcapaññāsakappambhi rājā āsiṃ yasodharo.

695. Tatthāpi bhavanaṃ mayhaṃ satabhumaṃ samuggataṃ,
\nKuṭāgāravarūpetaṃ ekatthambhaṃ manoramaṃ.

696. Ekavisatikappambhi udeno nāma khattiyo,
\nTatra’pi bhavanaṃ mayhaṃ satabhumaṃ samuggataṃ.

697. Yaṃ yaṃ yonu’ppajjāmi devattaṃ atha mānusaṃ,
\nAnubhomi sukhaṃ sabbaṃ4- ekatthambhassi’daṃ phalaṃ.

[PTS Page 057] [\q  57/]

698. Catunavute ito kappe yaṃ thambhamaddiṃ tadā,
\nDuggatiṃ nābhijānāmi ekatthambhassi’daṃ phalaṃ.

699. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekatthimbhiko thero imā gathāyo abhāsitthāti.
\n- Ekatthambhikattherāpadānaṃ dutiyaṃ. -

13. Nandattherāpadānaṃ.

700. Padumattarassa bhagavato lokajeṭṭhassa tādino,
\nVatthaṃ khomaṃ5- mayā dinnaṃ sayambhussa mahesino.

701. Taṃ me buddho viyākāsi jalajuttaranāmako, 6-
\nIminā vatthadānena hemavaṇṇo bhavissasi.

1. Sālaṃ the se 2. Ahāsa’haṃ a: mu ākāsahaṃ the 3. Satabhuma [PTS] sattabhumaṃ se the 4. Anubhomi sabbametaṃ [PTS] se 5. Vatthuttamaṃ [PTS] 6. Jalajuttamanāyako [PTS] * theragāthaṭṭhakathāya visadisaṃ.

[BJT Page 102] [\x 102/]

702. Dve sampatti anubhotvā kusalamulehi vodito,
\nGotamassa bhagavato kaniṭṭho tvaṃ bhavissasi.

703. Rāgaratto sukhasilo kāmesu gedhamāyuto,
\nBuddhena codito santo tadā1- tvaṃ pabbajissasi.

704. Pabbajitvāna tvaṃ tattha kulamulena codito,
\nSabbāsave pariññāya nibbāyissasa’nāsavo.

705. Satakappasahassambhi2- caturo celanāmakā,
\nSaṭṭhikappasahassambhi upacelā catujjanā.

706. Pañcakappasahassambhi celāva caturo janā,
\nSattaratanasampannā catudipambhi issarā.

707. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā nanado thero imā gathāyo abhāsitthāti.
\n- Nandattherāpadānaṃ tatiyaṃ. -

[PTS Page 058] [\q  58/]

14. Cullapatthakattherāpadānaṃ.

708. Padumuttaro nāma jino āhutinaṃ paṭiggaho,
\nGaṇamahā vupakaṭṭho so himavante vasī tadā.

709. Ahampi himavattamhi vasāmi assame tadā,
\nAcirāgataṃ vahāvīraṃ upesiṃ lokanāyakaṃ.

710. Pupphacchattaṃ gahetvāna upapagacchiṃ narāsabhaṃ,
\nSamādhiṃ samāpajjantaṃ antarāyamakāsa’haṃ3-

711. Ubhohatthehi paggayha pupphachattaṃ adāsa’haṃ,
\nPaṭiggahesi bhagavā padumuttaro mahāmuni.

712. Sabbe devā attamanā himavantaṃ upenti4- te,
\nSādhukāraṃ pavattesuṃ5- anumodissati cakkhumā.

1. Tato se a 2. Sattakappasahassambhi 3. Ārādhanamakāsahaṃ te
\n4. (Evaṃ sabbattha) 5. Pavattiṃsu ma [PTS] se the

[BJT Page 104] [\x 104/]

713. Idaṃ vatvāna te devā upagacchuṃ naruttamaṃ,
\nĀkāse dhārayantaṃ me1- padumacchattamuttamaṃ2-

714. Satapattachattaṃ3- paggayha4- adāsi tāpaso mamaṃ,
\nTama’haṃ kittayissāmi; suṇotha mama bhāsato:

715. Pañcavisati kappāti devarajjaṃ karissati,
\nCatuntiṃsatikkhattuñca cakkavatti bhavissati.

716. Yaṃ yaṃ yoniṃ saṃsarati devattaṃ atha mānusaṃ,
\nAbbhokāse patiṭṭhantaṃ padumaṃ dhārayissati.

717. Kappasatasahassambhi okkākakulasambhavo,
\nGotamo nāma nāmena satthā leke bhavissati.

718. Pakāsite pāvacane manussattaṃ labhissati,
\nManomayambhi kāyambhi uttamo so bhavissati.

719. Dve bhātaro bhavissanti ubhopi patthakavhayā,
\nAnubhotvā uttamatthaṃ jotayissanti sāsanaṃ.

720. So’haṃ aṭṭhārasamasso5- pabbajiṃ anagāriyaṃ,
\nVisesā’haṃ na vindāmi sakyaphūttassa sāsane.

721. Dandhā mayhaṃ gati āsi paribhūto pure ahuṃ6,
\nBhātā ca maṃ panāmesi: gaccha dāni sakaṃ gharaṃ.

722. So’haṃ panāmito santo saṃghārāmassa koṭṭhake,
\nDummano tattha aṭṭhāsiṃ sāmaññasmiṃ7- apekkhavā.

[PTS Page 059] [\q  59/]

723. Bhagavā tattha8- āgañachi sisaṃ mayhaṃ parāmasi,
\nBāhāya maṃ gahetvāna saṃghārāmaṃ pavesayi.

724. Anukampāya me satthā adāsi pādapuñachaniṃ,
\nEvaṃ suddhaṃ adhiṭṭhehi ekamantaṃ svadhiṭṭhitaṃ9-

725. Hatthehi tamahaṃ gayha sariṃ kokanadaṃ ahaṃ;
\nTattha cittaṃ vimucci me arahattaṃ apāpuṇiṃ.

726. Manomayesu kāyesu sabbattha pāramiṅgato,
\nSabbāsave pariññāya viharāmi anāsavo.

727. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā cullapanthako thero imā gathāyo abhāsitthāti.
\n- Cullapanthakattherassā’padānaṃ catutthaṃ. -

1. Dhārayantassa a mu 2. Padumaṃ ma the 3. Padumachattaṃ [PTS] 4. Gaṇaha ma
\n5. So aṭṭhārasavasso haṃ the aṭṭhārasañcavasso haṃ ma [PTS] se 6. Ahaṃ [PTS] the 7. Sāsanasmiṃ the 8. Athe satthā a mu 9. Ekamannamadhiṭṭhāhaṃ ma madhiṭṭhitaṃ [PTS] se

[BJT Page 106] [\x 106/]

15. Piḷindivacchattherāpadānaṃ

728. Nibbute lokanāthambhī sumedhe aggapuggale,
\nPasannacitto sumano thupapujamakāsa’haṃ

729. Ye ca khiṇāsavā tattha chaḷabhiññā mahiddhikā,
\nTe’haṃ tattha samānetvā saṃghabhattaṃ akāsa’haṃ

730. Sumedhassa bhagavato upaṭṭhāko tadā ahu,
\nSumodho nāma nāmena anumodittha so tadā.

731. Tena cittappasādena vimānaṃ upapajjahaṃ,
\nChāḷāsitisahassāni accharāyo ramiṃsu me.

732. Mameva anuvattanti sabbakāmehi tā sadā,
\nAññe deve atibhomi1- puññakammassi’daṃ phalaṃ.

733. Pañcavisatikappambhi varuṇo nāma khattiyo,
\nSusuddhabhojano2- āsiṃ cakkavatti ahaṃ tadā.

734. Na te bījaṃ pavapanti na pi niyanti naṅgalā,
\nAkaṭṭhapākimaṃ sāliṃ paribhuñajanti mānusā.

[PTS Page 060] [\q  60/]

735. Tattha rajjaṃ karitvāna devattaṃ puna gaccha’haṃ,
\nTadāpi edisā mayhaṃ nibbattā bhogasampadā.

736. Na maṃ mittā amittā vā bhiṃsanti sababapāṇino,
\nSabbesampi piyo homi puññakammassi’daṃ phalaṃ

737. Tiṃsakappasahassambhi yaṃ dānamadadiṃ tadā,
\nDuggatiṃ nābhīkānāmi gandhālepassi’daṃ phalaṃ.

738. Imasmiṃ bhaddake kappe eko āsiṃ3- janādhīpo,
\nMahānubhāvo rājā’haṃ4- cakkavatti mahabbalo.

739. So’haṃ pañcasu silesu ṭhapetvā janataṃ bahuṃ,
\nPapetvā sugatiṃyeva devatānaṃ piyo ahuṃ.

740. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā piḷindiccho thero imā gathāyo abhāsitthāti.
\n- Piḷīndivacchattherassāpadānaṃ pañcamaṃ. -

1. Abhihomi the 2. Visudadha ma se the 3. Āsi ma se 4. Rājāsiṃ [PTS] ma

[BJT Page 108] [\x 108/]

16. Rāhulattherāpadānaṃ

741. Padumuttarassa bhagavato lokajeṭṭhassa tādino,
\nSattabhummabhi pāsāde ādāsaṃ satthariṃ1- ahaṃ.

742. Khiṇāsavasahassehi parikiṇṇo mahāmuni,
\nUpāgami gandhakuṭiṃ dipadindo narāsabho.

743. Virocento2- gandhakuṭiṃ devadevo narāsabho,
\nBhikkhūsaṃghe ṭhito satthā imā gāthā abhāsatha.

744. Yenā’yaṃ jotitā seyyā3- ādāso ca susanthato,
\nTama’haṃ nittayissāmi suṇotha mama bhāsato.

745. Soṇṇamayā rūpimayā4- atho veḷuriyāmayā,
\nNibbantissanti ādāsā5- ye keci manaso piyā.

[PTS Page 061] [\q  61/]

746. Catusaṭṭhikkhattuṃ devindo devarajjaṃ karissati,
\nSahassakkhantuṃ cakkavatti bhavissati anattarā.

747. Ekavisatikappambhi vimalo nāma khattiyo,
\nCāturanto vijitāvi cakkavatti bhavissati.

748. Nagaraṃ reṇuvati nāma iṭṭhakābhi sumāpitaṃ,
\nĀyāmato tīṇi sataṃ caturassasamāyutaṃ6-

749. Sudassano nāma pāsādo vissakammena nimmito, 7-
\nKuṭāgāravarūpeto sattaratanabhusito.

750. Dasa saddā acivittaṃ8- vijjādharasamākulaṃ,
\nSudassanaṃva nagaraṃ devatānaṃ bhavissati.

751. Pabhā niggacchate tassa uggacchanteva suriye, 9-
\nVirocessati10- taṃ niccaṃ samantā aṭṭhayojanaṃ.

752. Kappasatasahassambhi okkākakulasambhavo,
\nGotamo nāma nāmena satthā loke bhavissati.

753. Tusitā so cavitvāna sukkamūlena codito,
\nGotamassa bhagavato atrajo so bhavissati.

754. Sace vaseyyā’gāraṃ cakkavatti bhaveyya so11,
\nAṭṭhānametaṃ yaṃ tādi agāre ratimajjhagā.

755. Nikkhamitvā agāramhā pabbajissati subbato,
\nRāhulo nāma nāmena arahā so bhavissati.

1. Ādāsiṃ sattharaṃ [PTS] sethe adāsiṃ ma 2. Virocantaṃ [PTS] 3. Ādāsiṃ sattharaṃ [PTS] 4. Sovaṇṇamayā maṇimayā se the 5. Ākāse ma [PTS] the se 6. Caturassaṃ [PTS] se 8. Dasasaddāvicittaṃ taṃ ma 9. Uggacchantova suriyo ma se 10. Virovissati [PTS] 11. Bhavissati se ma

[BJT Page 110] [\x 110/]

756. Kikiva aṇḍaṃ rakkheyya, camarī viya vāladhiṃ,
\nNipako silasampanno evaṃ rakkhiṃ1- mahāmune.

757. Tassā’haṃ dhammamaññāya vihāsiṃ sāsane rato,
\nSabbāsave pariññāya viharāmi anāsavo.

758. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā rahulo thero imā gathāyo abhāsitthāti.
\n- Rāhulattherassāpadānaṃ chaṭṭhaṃ. -

[PTS Page 062] [\q  62/]

17. Upasenattherāpadānaṃ.

759. Padumuttaraṃ bhagavantaṃ lokajeṭṭhaṃ narāsabhaṃ,
\nPabbhārambhi nisinnaṃ taṃ2- upagacchiṃ naruttamaṃ.

760. Kaṇikāraṃ pupphitaṃ disvā vaṇṭe3- chetvāna’haṃ tadā,
\nAlaṅkaritvā chattambhi buddhassa abhiropayiṃ.

761. Piṇḍapātañca pādāsiṃ4- paramannaṃ subhojanaṃ,
\nBuddheṇa navame tattha samaṇe aṭṭha bhojayiṃ.

762. Anumodi mahāvīro sayambhu aggapuggalo,

763. Tena cittappasādena sampattimanubhossati,
\nChattiṃsakkhattuṃ devindo devarajjaṃ karissati.

764. Ekavisatikkhattuñca cakkavatti bhavissati,
\nPadesarajjaṃ vipulaṃ gaṇanāto asaṅkhiyaṃ.

765. Satasahasse ito kappe okkāka kulasambhavo,
\nGotamo nāma gottena satthā loke bhavissati*

766. Sāsane dippamānambhi manussattaṃ gamissati,
\nTassa dhammesu dāyādo oraso dhammanimmito
\nUpasenoti nāmena hessati satthūsāvako+

767. Carimā vattate mayhaṃ bhavā sabbe samubhatā;
\nDhāremi antimaṃ dehaṃ chetvā māraṃ savāhanaṃ.

768. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā upaseno vaṅgataputto thero imā gathāyo abhāsitthāti.
\n- Upasenavaṅgantaputtattherassāpadānaṃ sattamaṃ. -
\n(Tatiyabhāṇavāraṃ)

1. Mamaṃ rakkhi [PTS] se mamarakkhi te 2. Nisidantaṃ ma se 3. Vaṇaṭā [PTS] vaṇaṭaṃ the 4. Piṇḍapātaṃ upanesiṃ the *ma se [PTS] potthakesu imissā gāthāya ṭhāne "yaṃ vadanti sumedhoti bhūripaññaṃ sumedhaṣaṃ kappe to satasahasse esa buddho bhavissatī" iti ayaṃ gāthā dissati. +"Samattapāsādikatāya aggaṭhāne ṭhapessati"ti gāthaddhopi theragāthaṭṭha kathāyaṃ dissati.

[BJT Page 112] [\x 112/]
\n[PTS Page 063] [\q  63/]

18. Raṭṭhapālattherāpadānaṃ

769. Padumuttarassa bhagavato lokajeṭṭhassa tādino,
\nVaranāgo mayā dinno īsādanto urūḷhavā1-

770. Setacchattopasobhito2- sakappano3- sahatthipo,
\nAgghāpevona taṃ sabbaṃ saṃghārāmaṃ akārayiṃ.

771. Catupaññāsa sahasasāni pāsāde kārayiṃ ahaṃ,
\nMahābhattaṃ4- karitvāna niyyādesiṃ mahesino.

772. Anumodi mahāvīro sayambhu aggapuggalo,
\nSabbe jane bhāsayanto desesi amataṃ padaṃ.

773. Taṃ me buddho viyākāsi jalajuttaranāmako, 5-
\nBhikkhusaṃghe nisīditvā imā gātha abhāsatha.

774. Catupaññasa sahassāni pāsāde kārayī ayaṃ,
\nKathayissāmi vipākaṃ suṇetha mama bhāsato.

775. Aṭṭhārasa sahassāni kuṭāgārā bhavissare,
\nVyamahuttamambhī nibbattā sabbasoṇṇamayā ca te.

776. Paññāsakkhattuṃ devindo devarajjaṃ karisasati.
\nAṭṭhapaññāsakkhattuñca cakkavatti bhavissati.

777. Kappasatasahassambhi okkākakulasambhavo,
\nGotamo nāma nāmena satthā loke bhavissati.

778. Devalokā cavitvāna sukkamūlena codito,
\nAḍḍhe kule mahābhoge nibbattissati tāmade.

779. So pacchā pabbajitvāna sukkamūlena codito,
\nRaṭṭhapālo’ti nāmena hessati satthūsāvako.

780. Padhānapahitatto so upasanto nirūpadhi,
\nSabbāsave pariññāya nibbāyissata’nāsavo.

781. Uṭṭhāya abhinikkhamma jahitā6- bheghasampadā,
\nKheḷapiṇḍeva bhogambhi pemaṃ mayhaṃ na vijjati.

[PTS Page 064] [\q  64/]

782. Virāyaṃ me dhūradhorayhaṃ yogakkhemādhivāhanaṃ,
\nDhāremi antimaṃ dehaṃ sammāsambuddhasāsane.

783. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā raṭṭhapālo thero imā gathāyo abhāsitthāti.
\n- Raṭṭhapālattherassa apadānaṃ aṭṭhamaṃ. -

1. Urūḷabhavo [PTS] 2. Chattopasevito [PTS] se chatto sopadhiko ma the
\n3. Sādabbino ma sidabbano the 4. Mahoghañca ma se a mahaṅghañca the 5. Jalajuttamanāyako [PTS] 6. Jahitvā ma te se

[BJT Page 114] [\x 114/]

19. Sopākattherāpadānaṃ

784. Pabbhāraṃ sevayantassa1- vipine2- pabbatuttame,
\nSiddhattho nāma bhagavā āgacchi mama santikaṃ.

785. Buddhaṃ upāgataṃ disvā lokajeṭṭhassa tādino,
\nSattharaṃ santharitvāna3- pupphasanamādāsa’haṃ

786. Pupphāsane nisīditvā siddhattho lokanāyako,
\nMamañca gatimaññāya aniccatamudāhi:

787. "Aniccā vana saṅkhārā uppādavayadhammino,
\nUpapajjitvā nirujjhanti tesaṃ vupasamo sukho"

788. Idaṃ vatvāna sababaññu lokajeṭṭho narāsabho,
\nNahaṃ abbhūggami dhīro haṃsarājāva ambare.

789. Sakaṃ diṭṭhaṃ jahitvāna bhāvayā’niccasañña’haṃ,
\nEkāhaṃ bhāvayitvāna tattha kālakato ahaṃ.

790. Dve sampatti anubhotvā sukkamūlena codito,
\nPacchībhave sampatte sapākayonu’pāgamiṃ4-

791. Agārā abhinikkhamma pabbajiṃ anagāriyaṃ.
\nJātiyā sattavassohaṃ arahattamapāpuṇiṃ.

792. Āraddhaviriyo pahitatto sīlesu susamāhito,
\nTosetvānamahānāgaṃ alatthaṃ upasampadaṃ.

[PTS Page 065] [\q  65/]

793. Vatunavute ito kappe yaṃ kammamakariṃ tadā,
\nDuggatiṃ nābhijānāmi pupphadānassi’daṃ phalaṃ.

794. Catunavute ito kappe yaṃ saññaṃ bhāvayiṃ tadā,
\nTaṃ saññaṃ bhāvayantassa patto me āsavakkhayo.

795. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sopāko thero imā gathāyo abhāsitthāti.
\n- Sopākattherassāpadānaṃ navamaṃ. -

20. Sumaṅgalattherāpadānaṃ.

796. Āhutiṃ yiṭṭhukāmo’haṃ paṭiyādetvāna bhojanaṃ,
\nBrāhmaṇe patimānento visāle māḷake ṭhito

797. Atha’ddasāsiṃ sambuddhaṃ piyadassiṃ mahāyasaṃ,
\nSabbalokavinetāraṃ sayambhuṃ aggapuggalaṃ.

798. Bhagavantaṃ jutimantaṃ sāvakehi purakkhataṃ,
\nĀdiccamiva rocantaṃ rathiyaṃ paṭipannakaṃ5-

1. Sodhayantassa, [PTS] sobhayattassa, se 2. Papare, [PTS] pavane, se pavare, the 3. Paññapetvāna. Se te 4. Sopākaṃ, the 5. Pavisantakaṃ, [PTS] *theragāthaṭṭhakathāyaṃ pana visadisaṃ apadānaṃ paññāyati, tampana dvādasamavagge sumaṅgalāpadānne sameti.

[BJT Page 116] [\x 116/]

799. Añajalimpaggahetvāna sakaṃ cittaṃ pasādayiṃ,
\nManasā ca nimantesiṃ āgacchatu mahāmuniti.

800. Mama saṅkappamaññāya satthā loke anuttaro,
\nKhiṇāsavasahassehi mama dvāraṃ upāgami.

801. "Namo te purisājañña namo te purisuttama,
\nPāsādaṃ abhirūhitvā sihāsane nisida tvaṃ"

802. Danto dantaparivāro tiṇṇo tārayataṃ varo,
\nPāsādaṃ abhirūhitvā nisīdi pavarāsane.

803. Yaṃ me atthi sake gehe āmisaṃ paccupaṭṭhitaṃ,
\nTā’haṃ buddhassa pādāsiṃ pasanno sehi pāṇihi.

804. Pasannacitto sumano vedajāto katañajalī,
\nBuddhaseṭṭhaṃ namassāmi aho buddhassuḷāratā

[PTS Page 066] [\q  66/]

805. Aṭṭhannaṃ payirūpāsataṃ1- bhuñjaṃ2- khiṇāsavā bahu,
\nTuyheveso ānubhāvo saraṇaṃ taṃ upemahaṃ.

806. Piyadassī ca bhagavā lokajeṭṭho narāsabho,
\nBhikkhusaṃghe nisīditvā imā gāthā abhāsatha:

807. "Yo so saṃghaṃ abhojesi ujubhūtaṃ samāhitaṃ,
\nTathāgatañca sambuddhaṃ suṇātha mama bhāsato.

808. Sattavisatikkhattuṃ so devarajjaṃ karissati,
\nSakakammābhiraddho so devaloke ramissati.

809. Dasañca’ṭṭhakkhattuṃ so cakkatti bhavissati,
\nPathavyā rajjaṃ pañcasataṃ vasudhaṃ āvasissati"

810. Araññaṃ vanamogayha kātanaṃ vyagghasevitaṃ,
\nPadhānaṃ padahitvāna kiso jhāpitā mayā.

811. Aṭṭhārase kappasate yaṃ dānamadadiṃ tadā,
\nDuggatiṃ nābhījānāmi bhattadānassi’daṃ phalaṃ

812. Paṭisambhidā catasse ca vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sumaṅgalo thero imā gathāyo abhāsitthāti.
\n- Sumaṅgalattherassāpadānaṃ dasamaṃ. -

1Uddānaṃ:
\nSīhāsani ekathambhi nando cullapanthako,
\nPiḷindo3- rāhulo ceva vaṅganto raṭṭhapālako
\nSopāko maṅgalo ceva daseva dutiye vagge.
\nSatañca aṭṭhatiṃsā ca gāthā ettha pakāsitā.

- Sihāsanadāyakavaggo dutiyo -

1. Payirupāsaṃ, ma
\n2. (Sabbattha)
\n3. Piḷinda, ma piḷindi, se.
\n 
\n 
\n