[CPD Classification 2.5.10]
\n[PTS Vol J - 4] [\z J /] [\f IV /]
\n[BJT Vol J - 1] [\z J /] [\w I /]
\n[PTS Page 200] [\q 200/]
\n[BJT Page 442. [\x 442/]     ]    

Suttantapiṭake - khuddakanikāye
\nJātakapāḷi
\n(Paṭhamo bhāgo)
\nNamo tassa bhagavato arahato sammā sambuddhassa.

Terasaka nipāto

[PTS Page 203] [\q 203/]
\n1782. Abhāsi me ambapalāni pubbe
\nAṇuni thulāni ca brahmacāri,
\nTeheva mantehi nadāni tuyhaṃ
\nDumapphalā pātubhavanti brahme.

1783. Nakkhattayogaṃ paṭimānayāmi 1-
\nKhaṇaṃ muhuttaṃ na maṃ tosayanti, 2-
\nNakkhantayogañca khaṇañca laddhā
\nAthā 3- harissambaphalaṃ pahutaṃ. 4-

[PTS Page 204] [\q 204/]
\n1784. Nakkhattayogaṃ na pure abhāṇi
\nKhaṇaṃ muhuttaṃ na pure asaṃsi,
\nAthāhari 5- ambaphalaṃ pahutaṃ
\nVaṇeṇana gandhena rasenupetaṃ.

1785. Mantāhijappena parassa 6- tuyhaṃ
\nDumapphalā pātubhavanti brahme,
\nSvājjana pāresi japampi mante 7-
\nAyaṃ so ko nāma tavajja dhammo.

1786. Caṇḍālaputto mama sampadāsa
\nDhammena manne pakatiñca saṃsi,
\nMā cassu me pucchito nāmagontaṃ.
\nGuyhittho mā taṃ vijaheyya 8- manno.

1787. Sohaṃ janindena janamhi puṭṭho
\nMakkhāhibhuto alikaṃ abhāsiṃ,
\nMantā ime brāhmaṇassāti micchā
\nPahinamanto kapaṇo rudāmi.

[PTS Page 205] [\q 205/]
\n1788. Pharaṇḍā pucimandā vā athavā pāḷibhaddakā,
\nMadhuṃ madhutthiko vinde so  tassa dumuttamo.

1. Patimānayāmi - mi machasaṃ 2. Maṇaṃmuhuttaṃ mannena passaṃmachasaṃ 3. Addhā - machasaṃ, syā 4. Bahunaṃ - machasaṃ, syā 5. Sayaṃ hari - machasaṃ 6. Purehi - machasaṃ, syā 7. Svajja na pādesi jappampi mantaṃ - machasaṃ 8. Vijaheyyu - syā

[BJT Page 444] [\x 444/]
\n1789. Khattiyā brāhmaṇā vessā suddā caṇḍālapukkusā,
\nYasmā 1- dhammā vijāneyya so hi tassa naruttamo.

1790. Imassa daṇḍañca vadhañca datvā
\nGale gahetvā balayātha jammaṃ,
\nYo uttamatthaṃ kasirena laddhaṃ
\nMānātimānena vināsayittha.

[PTS Page 206] [\q 206/]
\n1791. Yathā samaṃ maññamāno pateyya
\nSobbhaṃ guhaṃ narakaṃ putipādaṃ,
\nRajjuni vā akkame kaṇhasappaṃ
\nAndho yathā jotimadhiṭṭhaheyya 2-
\nEvampi maṃ tvaṃ khalitaṃ sapañña 3-
\nPahinamantassa punappasida, 4-

1792. Dhammena maneta 5- tava sampadāsiṃ
\nTuvampi dhammena paṭiggahesi
\nPakatimpi te attamano asaṃsiṃ 6-
\nDhamme ṭhitaṃ taṃ na jaheyya manto.

[PTS Page 207] [\q 207/]
\n1793. So bāla mantaṃ kasirena laddhaṃ
\nYaṃ dulalhaṃ ajja manussaloke,
\nKicchā laddhā jivikaṃ appapañño 7-
\nVināsayi alikaṃ bhāsamāno.

1794. Bālassa muḷhassa aññukatano ca
\nMusā bhaṇantassa asasaññatassa,
\nMante mayaṃ tādisake na dema
\nKuto mantā gaccha na mayha ruccasi’ti.
\n1. Ambajātakaṃ.

1. Yamhā - machasaṃ, syā 2. Andho yathā jotiṃ paviṭṭhaheyya - machasaṃ 3. Sapaññaṃ - vi 4. Punappadāhi - machasaṃ, sampadāhi - syā 5. Mattaṃ - machasaṃ 6. Asaṃsi - mi machasaṃ, syā 7. Kiñcāpi laddhā jīvituṃ appapañño - machasaṃ vi kicchāpi laddhā jīvitaṃ appa paññā - syā.

[BJT Page 446] [\x 446/]
\n[PTS Page 208] [\q 208/]
\n1795. Kuṭhārihattho puriso vanamogayha tiṭṭhasi, 1-
\nPuṭṭho me samma akkhāhi kiṃ dāruṃ chetumicchasi.

[PTS Page 209] [\q 209/]
\n1796. Isso 2- vanāni carasi samāni visamāni ca,
\nPuṭṭho me samma akkhāhi kiṃ dāruṃ nemiyā daḷhaṃ

1797. Neva sālo na khadhiro nāssakaṇeṇakuto dhavo, 3-
\nRukkhova endano nāma taṃ dāruṃ nemiyā daḷahanti.

1798. Kidisānissa pattāni khandho vā pana kidiso,
\nPuṭṭho me samma akkhāhi yathā jānemu endanaṃ.

1799. Yassa sākhā palambanti namanti na ca bhañajare,
\nSo rukkho endato nāma yassa mule ahaṃ 4- ṭhito.

1800. Arānaṃ cakkanāhinaṃ īsānemi rathassa ca,
\nSabbassa te kammaniyo ayaṃ hessati endano.

[PTS Page 210] [\q 210/]
\n1801. Iti endanarukkhopi tāvade ajjhabhāsatha,
\nMayhampi vacanaṃ atthi bhāradvāja suṇohi me.

1802. Issassa 5- upakhandhambhā 6- okkacca caturaṅgulaṃ,
\nTena nemiṃ pariharesi 7- evaṃ daḷhataraṃ siyā

1803. Iti endanarukkhopi veraṃ appesi 8- tāvade jātānañca ajānānaṃ issānaṃ dukkhamāvahi 9-

[PTS Page 211] [\q 211/]
\n1804. Icceva 10 endano issaṃ isso 11 ca pana endanaṃ
\nAññamaññaṃ vivādena aññamaññamaghātayuṃ.

1805. Evameva manussesu vivādo yattha jāyati,
\nMayuranavacaṃ naccanti yathā te issaphandanā 12-.

1. Tiṭṭhati - vi 2. Īso - syā, iso - simu
\n3. Nassa kaṇeṇa kakuyovā - machasaṃ 4. Savāhaṃ - machasaṃ
\n5. Imassa - machasaṃ, syā 6. Upakkhanadhamhā - machasaṃ
\n7. Pahāresi - machasaṃ 8. Appeti - machasaṃ, kappesi - syā
\n9. Devatā - syā 10. Iccevaṃ - vi, machasaṃ, syā
\n11. Īsānaṃ rukkhamāvahati - machasaṃ 12. Īsa - syā

[BJT Page 448] [\x 448/]
\n1806. Taṃ co vadāmi bhaddaṃ 1- vo yāvantettha samāgatā,
\nSammodatha māvivadittha mā hotha issaphandanā.

1807. Sāmaggimeva sikkhetha buddhehetaṃ pasaṃsitaṃ,
\nSāmaggirato 2- dhammaṭṭho yogakkhemā na dhaṃsatiti.
\n2. Endanajātakaṃ.

[PTS Page 214] [\q 214/]
\n1808. Idheva haṃsa nipata sipiyaṃ me tava dasasnaṃ,
\nIssarosi anuppanto yaṃ idhatthi pavedaya.

[PTS Page 216] [\q 216/]
\n1809. Savaṇena cekassa 3- piyā bhavanti
\nDisvā panekassa viyeti 4- chando,
\nDisvā ca sutvā ca piyā bhavanti.
\nKaccinnu 5- me piyyasi dassanena.

1810. Samaṇena piyo mesi bhiyyo cāgamma dassanaṃ,
\nEvaṃ piyadassano samāno vasa haṃsa mama santike

1811. Vaseyyāma tavāgāre niccaṃ sakkatapujitā,
\nMatto ca ekadā vajā 6- haṃsarājaṃ pacantu me.

[PTS Page 217] [\q 217/]
\n1812. Dhiratthu taṃ antapānaṃ yamme piyataraṃ tayā,
\nNa cāpi majjaṃ pāyāmi yāva me vacchasi ghare.

1813. Suvijānaṃ sigālānaṃ sakuntānañca vassitaṃ,
\nManussavassitaṃ rāja dubbijānataraṃ tato.

1814. Api ce maññati poso ñāti mitto sakhāti vā,
\nYo 7- pubbe sumano hutvā pacchā sampajjate diso.

1815. Yasmiṃ mano nivisati avidūre sabhāpi so, 8-
\nSantikepi hi so dūre yasmā vivasate mano.

1. Bhaddante - machasaṃ 2. Sāmagya - machasaṃ 3. Ekassa - syā, nekassa - machasaṃ 4. Viheti - vi vineti - machasaṃ, syā
\n5. Kacci nu me piyasi - syā 6. Vajje - machasaṃ, vajjaṃ - syā
\n7. So - machasaṃ 8. Yo - vi
\n[BJT Page 450] [\x 450/]
\n1816. Antopi so 1- hoti pasanna citto
\nPāraṃ samuddassa pasannacittā,
\nAntopi yo hoti paduṭṭhavitto
\nPāraṃ samuddassa paduṭṭacitto.

1817. Saṃvasantāpi vivasanti ye disā 2- te rathesabha,
\nĀrā santo saṃvasanti 3- manasā raṭṭhavaḍḍhana.

1818. Aticiraṃ nivāsena piyo bhavati appiyo,
\nĀmanta kho taṃ gacchāma 4- purā te homa 5- appiyā 6-

[PTS Page 218] [\q 218/]
\n1819. Evaṃ ce yācamānānaṃ añjaliṃ nāvakhujjhasi,
\nParivārakānaṃ sattānaṃ vacanaṃ na karosi no,
\nEvaṃ taṃ abhiyācāma puna kayirāsi pariyāyaṃ.

1820. Evaṃ ce no viharataṃ antarāyo na hessati,
\nTuyhaṃ cāpi mahārāja mayhaṃ vā raṭṭhavaḍḍhana. 7-
\nAppevanāma passema 6- ahorattānamaccayeti.
\n3. Javanahaṃsajātakaṃ.

[PTS Page 221] [\q 221/]
\n1821. Na te kaṭṭhāni bhinnāni na te udakamāhataṃ,
\nAggipi te na hāsito 9- kinnu mandeva jhāyasi.

1822. Na ussabhe vane vatthuṃ kassapāmantayāmi taṃ.
\nDukkho vāso araññasmiṃ eṭṭhaṃ icchāmi gantave.

1823. Yathā ahaṃ ito gantvā yasmiṃ janapade vasaṃ,
\nĀcāraṃ buhme 10- sikkheyyaṃ taṃ dhammaṃ anusāsa maṃ.

[PTS Page 222] [\q 222/]
\n1824. Sace araññaṃ hitvāna manamulaphalāni ca,
\nRaṭṭhe rocayase vāsaṃ taṃ dhammaṃ nisāmehi me.

1. Ce - syā 2. Tādisā - machasaṃ 3. Ārādhitā saṃvasantimachasaṃ 4. Gaccāmi - syā 5. Hotha - machasaṃ, syā 6. Appiyo - syā 7. Eṭṭhavaddana 8. Pamusse - machasaṃ 9. Hāpito - machasaṃ
\n10. Ācāraṃ brahmaṃ - machasaṃ

[BJT Page 452] [\x 452/]
\n1825. Visaṃ mā patisevittho papātaṃ parivajjaya,
\nPaṅke 1- ca mā visidittho 2- yatto āsivise 3- care

1826. Kinnu visaṃ papāto vā paṅko vā brahmacārinaṃ,
\nKaṃ tvaṃ āsivisaṃ brūhi tamme akkhāhi pucchito.

1827. Āsavo tāta lokasmiṃ surā nāma pavuccati,
\nManuñāñā 4- surahi vaggu madhukhudadarasupamā 5-
\nVisaṃ tadāhu ariyā brahmacariyassa nārada.

1828. Itthiyo tāta lokasmiṃ pamattaṃ pamathenati tā,
\nHaranti yuvino 6- cittaṃ tulabhaṭṭaṃva 7- māḷuto
\nPapāto eso akkhāto brahmacariyassa nārada.

1829. Lābho siloko sakkāro pujā parakulesu ca,
\nPaṅko eso 8- akkhāto brahmacariyassa nārada.

1830. Sasatthā 9- tāta rājāno āvasanti mahiṃ imaṃ,
\nTe tāsise manussinde mahante tāta nārada.

[PTS Page 223] [\q 223/]
\n1831. Issarānaṃ adhipatinaṃ na tesaṃ pādato care,
\nĀsiviso so akkāto brahmacariyassa nārada.

1832. Bhattattho 10- bhattakāle yaṃ yaṃ gehaṃ upasaṅkame,
\nYadettha kusalaṃ jaññā tattha ghāsesanaṃ care.

1833. Pavisitvā parakulaṃ pānatthaṃ 11- bhojanāya vā,
\nMitaṃ khāde mitaṃ bhuñeja na ca rupe manaṃ kare.

1834. Goṭṭhaṃ 12- majjaṃ kirāsañca 13- sabhāni kiraṇāni ca,
\nĀrakā parivajjeti yāniva 14- visamaṃ pathanti.
\n4. Cullanāradajātakaṃ.

[PTS Page 225] [\q 225/]
\n1835. Dute te brahme 15- pāhesiṃ gaṅgātirasmiṃ jhāyato,
\nTesaṃ puṭṭho na vyākāsi 16- dukkhaṃ guhaṃ matannu te.

1. Paṅko - vi machasaṃ 9. Mahanatā - machaṣaṃ, syā 2. Visiyittho - machasaṃ 10. Bhattatthe - machasaṃ 3. Cāsivise - vi, machasaṃ 11. Pānattho - vi. 4. Manuñño - machasaṃ 12. Guṭṭhaṃ - syā 5. Sādukhuddarasupamo - machasaṃ 13. Kirāṭañca - machasaṃ 6. Yatino - machasaṃ, munino - syā 14. Yāniṃva - machasaṃ, yāni va- vi 7. Kulaṃ - machasaṃ, tulaṃ - syā 15. Brāhmaṇa - machasaṃ 8. Eso ca - machasaṃ 16. Byākāsi - machasaṃ

[BJT Page 454] [\x 454/]
\n1836. Sace te dukkhaṃ uppajje kāsinaṃ raṭṭhavaḍḍhana,
\nMā kho no 1- tassa akkhāhi yo taṃ dukkhā na mocaye.

1837. Yo tassa dukkhajātassa ekantaṃ api bhāsato,
\nVippamoceyya dhammena kāmaṃ tassa pavedaye.

1838. Suvijānaṃ sigālānaṃ sakuntānañca 2- vassitaṃ
\nManussavassitaṃ rāja dubbijānataraṃ tato.

[PTS Page 226] [\q 226/]
\n1839. Api ce maññati poso ñāti mitto sakhāti vā,
\nYo pubbe sumano hutvā pacchā sampajjate diso.

1840. Yo antano addhamanānupuṭṭho
\nPavedaye jantu akālarūpe,
\nĀnandino 3- tassa bhavannamittā 4-
\n. Hitesino tassa dukhi 5- bhavanti.

1841. Kālañca ñatvāna tatāvidhassa
\nMedhāvinaṃ ekamanaṃ viditvā,
\nAkkheya tippāni parassa dhīro
\nSaṇhaṃ giraṃ atthavatiṃ pamuñce.

1842. Sace ca jaññā avisayhamattano
\nNāyaṃ niti 6- mayhasukhāgamāya,
\nEkopi tippāni 7- saheyya dhīro,
\nSaccaṃ hirottappamapekkhamāno.

[PTS Page 227] [\q 227/]
\n1843. Ahaṃ aṭṭhāni vicaranto nigame rājadhāniyo, 8-
\nBhikkhamāno mahārāja ācariyassa 9- dhanatthiko.

1844. Gahapati rājapurise mahāsāle ca brāhmaṇe,
\nAlatthaṃ 10- satta nikkhāni suvaṇaṇassa janādhipa
\nTe me naṭṭhā mahārāja tasmā socāmahaṃ bhusaṃ.

1845. Purisā te mahārāja manasā anuvicintitā
\nNālaṃ dukkhā pamocetuṃ tasmā tesaṃ na vyāhariṃ

1846. Tvaṃ ca kho me mahārāja manasā anuvicittito,
\nAlaṃ dukkhā pamocetuṃ tasmā tuyhaṃ pavedayiṃ.

1847. Tassādisi pasannatto 11- kāsinaṃ raṭṭhavaḍḍhano,
\nJātarūpamaye nikkhe suvaṇaṇassa catuddasātita
\n5. Dutajātakaṃ.

1. Naṃ - machasaṃ 2. Sakuṇañca - machasaṃ 3. Anandino - machasaṃ, syā 4. Bhananati mitatā - machasaṃ, syā 5. Dukkhi - machasaṃ, syā 6. Kālaṃ sehi mayhaṃ - machasaṃ, natehi mahyaṃ - syā 7. Ekova tibbāti - machasaṃ, ekova - vi 8. Rājaṭṭhāniyo - machasaṃ 9. Ācariya - machasaṃ 10. Alaḍaṃ - machasaṃ 11. Pasannavittomachasaṃ, syā

[BJT Page 456. [\x 456/]     ]
\n[PTS Page 232] [\q 232/]
\n1848. Rājā kāliṅgo 1- cakkavatati
\nDhammena paṭhavimanusāsaṃ,
\nAgamā 2- bodhisamipaṃ
\nNāgena mahānubhāvena.

1849. Kāliṅgo bhāradvājo
\nRājānaṃ kāliṅgaṃ samaṇakolaññaṃ,
\nCakkaṃ vattayato pariggahetvā
\nPañajali idamavoca 3-

1850. Paccoroha mahārāja
\nBhumibhāgo yathā samanugito, 4-
\nIdha anadhivarā bududhā
\nAbhisambuddhā virocanti.

1851. Padakkhiṇato āvaṭṭā 5-
\nTiṇalatā asmiṃ bhumibhāgasamiṃ,
\nPuthuviyā ayaṃ 6- maṇḍo
\nIti no sutaṃ mahārāja 7-

1852. Sāgarapariyantāya
\nMediniyā sabbabhūtadharaṇiyā,
\nPuthuviyā ayaṃ maṇḍo
\nOrohitvā namo karohi.

1853. Ye te bhavanti nāgā
\nAbhijātā 8- mātito ca pitito ca,
\nEttāvatā padesaṃ
\nTe nāgā nevamupayanti

1854. Abhijato te nāgo
\nKāmaṃ pesehi kuñajaraṃ dantiṃ,
\nEttāvatā padeso
\nSakkā nāgena mupagantuṃ 9-

1. Rājā kālaṃṅgā - machasaṃ, vi 2. Agamāsi - machasaṃ, syā
\n3. Manusāsi - syā 4. Samanuggaho - machasaṃ 5. Āvattā - vi 6. Paṭhaviyā ayaṃ - syā paṭhaviyaṃ nābhiyaṃ athavi sāya - machasaṃ 7. Iti no sutaṃ mante mahāraja - machasaṃ 8. Abhijātā ca tuñajarā - machasaṃ 9. Ettavatā padesoca na sakkā nāgena mupagantaṃ - machasaṃ

[BJT Page 458] [\x 458/]
\n1855. Taṃ sutvā rājā kāliṅgā
\nVeyyañajanikavaco 1- nisāvetvā
\nSaṃpesesi nāgaṃ
\nÑassāma 2- mayaṃ yathā idaṃ vacanaṃ.

1856. Saṃpesito ca raññā
\nNāgo koñco ca abhinaditvāna,
\nPaṭisakakitvā nisīdi
\nGarubhāraṃ asahamano.

[PTS Page 234] [\q 234/]
\n1857. Kāliṅgohāradvājo
\nNāgaṃ khīṇāyukaṃ viditvāna,
\nRājānaṃ kāliṅgaṃ
\nTaramano ajjhabhāsittha. Aññaṃ saṅkama nāgaṃ nāgo ṇīṇāyuko mabhārāja.

[PTS Page 235] [\q 235/]
\n1858. Taṃ sutvā kāliṅgo taramāno
\nSaṅkami nāgaṃ saṅkante ca rañño,
\nNāgo tattheva pati bhumyā
\nVeyyañajanikavaco yathā tathā ahu nāgo.

1859. Kāliṅgabhāradvājaṃ
\nKāliṅgo brāhmaṇaṃ idamamoca 4 tvamevāsi sambuddho
\nSabbaññu sabbadassāvi.

1860. Taṃ vacanaṃ anadhivāsento
\nKāliṅgo brāhmaṇo idamavoca,
\nVeyyañajanikā hi mayaṃ
\nBuddhā sabbaññunova mahārāja

1861. Sabbaññu sabbavidu ca
\nBuddhā na lakkhane jānanti, +
\nĀgamabalasāhi mayaṃ
\nBuddhā sabbaṃ pajānanti.

1. Veyyañchaniya - vi 2. Usasāma - machasaṃ, uyyāma - syā
\n3. Patito - vi, machasaṃ 4. Etadavoca - machasaṃ + na anadhivāsenetā kāliṅgo brāhmaṇo - syā idamavoca - machasaṃ, taṃ anadhivāso kaliṅgaṃ brāhmaṇo.

[BJT Page 460] [\x 460/]
\n[PTS Page 236] [\q 236/]
\n1862. Mahāyitvāna 1- sambodhiṃ
\nNānā turiyehi vajjamānehi,
\nMālāgandhavilepanaṃ 2-
\nĀharitvā pākāraparikkhepaṃ kāresi.

1863. Saṭṭhavāhasahassānaṃ pupphānaṃ sannipātayi,
\nPujesi rājā kāliṅgo bodhimaṇḍavaruttame’ti.
\n6. Kāliṅgabodhijātakaṃ.

[PTS Page 239] [\q 239/]
\n1864. Akittiṃ disvāna sammantaṃ sakko bhūtapati bravi,
\nKimatthiyaṃ mahābuhme eko sammasi ghammani.

[PTS Page 240] [\q 240/]
\n1865. Dukkho punabbhavo sakka sarīrassa ca bhedanaṃ,
\nSammebhamararaṇaṃ dukkhaṃ tasmā sammāmi vāsava.

1866. Etasmiṃ ce me ado sakka sabbabhūtānamissara,
\nVaraṃ kassapa te dammi yaṃ kiñci manasicchasi.

1867. Varaṃ ce me ado sakaka sabbabhūtānamissara,
\nYena putte ca dāre ca dhaṇadhaññaṃ piyāni ca
\nLaddhā narā na tappanti so lobho namayi mase.

1868. Etasmiṃ te sulapite patirūpe subhāsite, varaṃ kassapa te dammi yaṃ kiñci manasicchasi.

1869. Varaṃ ce me ado sakaka sabbabhūtānamissara,
\nKhettaṃ vatthuṃ hiraññañca gavāssa dāsaporisaṃ
\nYena jātena jiyanta so doso na mayi mase.

1870. Etasmiṃ te sulapite patirūpe subhāsite, varaṃ kassapa te dammi yaṃ kiñci manasicchasi.

1871. Varaṃ ce me ado sakaka sabbabhūtānamissara,
\nBālaṃ na passe na suṇe na ca bālena saṃvase
\nBālena allāpasallāpaṃ na kare na ca rocaye

1. Pasaṃsitvāna - syā 2. Mālāvilepanaṃ abiharitvā -machasaṃ, syā
\n3. Gavassaṃ - machasaṃ

[BJT Page 462] [\x 462/]
\n[PTS Page 241] [\q 241/]
\n1872. Kinnu te akaraṃ bālo vada kassapa kāraṇaṃ,
\nKena kassapa bālassa dassanaṃ nābhikaṅkhasi.

1873. Anayaṃ nati dummedho adhurāyaṃ niyuñajati,
\nDunnayo seyyaso hoti sammāvutto pakuppati
\nVinayaṃ so na jānāti sādhu tassa adassanaṃ.

1874. Etasmiṃ te sulapite patirūpe subhāsite,
\nVaraṃ kassapa te dammi yaṃ kiñca manasicchasi.

1875. Varaṃ ce me ado sakka sabbabhūtānamissara,
\nDhiraṃ passe suṇe dhiraṃ dhirena saha saṃvase.
\nDhirena alalāpasallāpaṃ taṃ kare taṃ ca rocaye.
\n1876. Kinnu te akaraṃ dhīro vada kassapa kāraṇaṃ,
\nKena kassapa dhirassa dassanaṃ abhikaṅkhasi.

1877. Nayaṃ nayati medhāvi adhurāyaṃ na yuñajati,
\nSunayo seyyaso hoti sammāvutto va pakuppati
\nVinayaṃ so pajānāti sādhu tena samāgamo

1878. Etasmiṃ te sulapite patirūpe subhāsite,
\nVaraṃ kassapa te dammi yaṃ kiñca manasicchasi.

1879. Varaṃ ce me ado sakka sabbabhūtānamissara,
\nTato ratyā vivasane 1- suriyassuggamanaṃ pati.
\nDibbā bhakkhā pātubhaveyyuṃ silavanto ca yācakā.
\n1880. Dadato ca me na khiyetha datvā nānutapeyyahaṃ,
\nDadaṃ kassapa te dammi yaṃ kiñci manasicchisi.
\n1881. Etasmiṃ te sulapite patirūpe subhāsite,
\nVaraṃ kassapa te dammi yaṃ kiñca manasicchasi.

1882. Varaṃ ce me ado sakka sabbabhūtānamissara,
\nNa maṃ puna upeyyāsi etaṃ sakka maraṃ vare.

1. Vivasāne - machasaṃ

[BJT Page 464] [\x 464/]
\n1883. Bahuhi vattacariyāhi narā ca atha nāriyo,
\nDassanaṃ abhikaṅkhanti kinnu me dassane bhayaṃ.

1884. Taṃ tādisaṃ devavaṇṇaṃ sabbakāmasamiddhinaṃ,
\nDisvā tapo pamajjeyyaṃ 1- etaṃ te dassane bhayanti.
\n7. Akittijātakaṃ 2-

[PTS Page 247] [\q 247/]
\n1885. Ahameva dubbhāsitaṃ bhāsi bālo
\nBhoko va araññe ahimavha yānā, 2-
\nTakkāriye sobbhamimaṃ 4- patāmi
\nNa kireva sādhu ativelabhāṇi.

[PTS Page 248] [\q 248/]
\n1886. Pappoti macco ativelabhāṇi
\nBandhaṃ vadhaṃ sokapariddavañca,
\nAttānaṃ yeva 5- garahāsi etto 6-
\nĀcera yaṃ taṃ nikhaṇanti 7- sobbhe.

[PTS Page 249] [\q 249/]
\n1887. Kimevāhaṃ tuṇḍila manupucchiṃ 8-
\nKireyya 9- saṃ bhātaraṃ kāḷikāyaṃ 10-,
\nNaggovahaṃ vatthayaguñca jino
\nAyamipi attho bahutādisova.

[PTS Page 250] [\q 250/]
\n1888. Yo yujjhamānānaṃ ayujjhamāno
\nMeṇḍantaraṃ accupati kuliṅgo,
\nSo piṃsito meṇḍasirehi tattha
\nAyampi attho bahutādisova.

[PTS Page 251] [\q 251/]
\n1889. Caturo janā potthakaṃ aggahesuṃ
\nEkañca posaṃ anurakkhamānā
\nSabbeva te bhinnasirā sayiṃsu
\nAyampi attho bahutādisova.

1890. Ajā yathā veḷugumbasmiṃ baddhā
\nAvekkhipanti asimajjhagañaji, 11-
\nTeneva tassā galakāvakantaṃ 12-
\nAyampi attho bahutādisova.

1. Pamājjayya - machasaṃ 7. Ācariyataṃ nikkhananti - machasaṃ, syā 2. Akatti jātakaṃ - machasaṃ 8. Mānupaccheyyaṃ - vi, machasaṃ
\n3. Syavhāyamāno - machasaṃ 9. Kareyyāsaṃ - syā kāme - machasaṃ 4. Sobbhamhi ahaṃ - machasaṃ 10. Kalikāyya - machasaṃ, kālikāya - syā 5. Attanāmeva - machasaṃ 11. Ādikajjhagañachaṃ - vi, machasaṃ, syā 6. Ettha - machasaṃ 12. Galakaṃ vikattā - syā, vikantuṃ - machasaṃ (gilayā katatuṃ - machasaṃ)
\n[BJT Page 466] [\x 466/]
\n[PTS Page 252] [\q 252/]

1891. Nayime 1- devā napi 2- gandhabbaputtā,
\nMigā ime atthavasāhatā ime 3-
\nEkañca naṃ sāyamāse pacantu.
\nEkañca puna pātarāse 4- pacantaa.

1892. Sataṃ sahassānaṃ dubbhāsitānaṃ 5-
\nKalampi nāgghanti subhāsitassa,
\nDubbhāsitaṃ saṅkamāno kileso
\nTasmā tuṇhi kimpuraso na bālyā.

[PTS Page 253] [\q 253/]
\n1893. Yā mesā vyākāsi pamuñcathetaṃ.
\nGiriñca 6- naṃ himavantaṃ nayantu,
\nImañca kho dentu mahānasāya
\nPātova naṃ pātarāse vacantu.

1894. Pajjunnanāthā pasavo pasunāthā ayaṃ pajā,
\nTvaṃ nāthosmi mahārāja ambhanāthā mama bhariyā, 7-
\nCinnamaññataraṃ ñatvā mutetā geccheyya pabbataṃ.

1895. Na ce nindā suparivajjayetha
\nNānā janā sevitabbā janinda,
\nYeneva eko labhate pasaṃsaṃ
\nTeneva añño labhate ninditāraṃ.

[PTS Page 254] [\q 254/]
\n1896. Sabbo loko paricittona acitto 8-
\nSabbo loko vintavāsambhi citte,
\nPaccekacittā puthusabbasattā
\nKassidha cittassa vasena vattati.

1897. Tuṇhi ahu kimpuriso sabhariyo
\nYodāni vyākāsi bhayassa hito,
\nSodāni mutto sukhito ārogo
\nVācā kirevatthavati narānanti.
\n8. Takkāriyajātakaṃ

1. Imena - machasaṃ 2. Nāpi - syā, machasaṃ 3. Atthavasaṃgatā me - machasaṃ 4. Punappātarāse - machasaṃ, syā 5. Satasabhassāni dubhāsitāni - machasaṃ 6. Giravaraṃ - machasaṃ 7. Nāthohaṃ bhariyāya me - machasaṃ 8. Atacitto - machasaṃ

[BJT Page 468] [\x 468/]
\n[PTS Page 257] [\q 257/]
\n1898. Tassa gāmacaraṃ dammi nāriyo ca alaṃkatā, ko me taṃ migamakkhāti migānaṃ migamuttamaṃ.

1899. Mayhaṃ gāmavaraṃ dehi nāriyo ca alaṅkatā,
\nAhaṃ te migamakkhissaṃ migānaṃ migamuttamaṃ.

[PTS Page 258] [\q 258/]
\n1900. Etasmiṃ vanasaṇḍasmiṃ ambā sālā ca pupaphitā
\nIndagopakakasaṃchantā ettheso tiṭṭhati migo.

1901. Dhanuṃ adejjhaṃ 1- katvāna usuṃ sandhāyupāgami, 2-
\nMigo ca disvā rājānaṃ durato ajjhabhāsatha.

1902. Āgamehi mahārāja mā maṃ vijjhi rathesabha.
\nKo nu te idamakkhāsi 3- ettheso tiṭṭhati migo.

[PTS Page 259] [\q 259/]
\n1903. Esa pāpacaro poso samma tiṭṭhati ārakā,
\nSo hi me idamakkhāsi ettheso tiṭṭhati migo.

1904. Saccaṃ kireva māhaṃsu narā ekacciyā idha,
\nKaṭṭhaṃ vipalāvitaṃ 4- seyyo natvevekacciyo naro.

[PTS Page 260] [\q 260/]
\n1905. Kinnu rurū garahasi migānaṃ
\nKiṃ pakkhinaṃ kiṃ pana mānusānaṃ,
\nBhayaṃ hi maṃ vindati napparūpaṃ
\nSutvānaṃ taṃ mānusiṃ bhāsamānaṃ.

1906. Yamuddhariṃ vahane 5- vuyhamānaṃ
\nMahodake salile sighasote,
\nTato nidānaṃ bhayamāgataṃ mama
\nDukkho bhave rāja asabbhisaṅgamo.

1907. Sohaṃ catuppannamidaṃ vihaṅgamaṃ
\nTanu cchidaṃ bhadaye ossajāmi,
\nHanāmi mittadadumakiccakāriṃ
\nYo tādisaṃ kammakataṃ na jāne.

1. Dhanu sarajjuṃ - machasaṃ 2. Sannayhupāgamiṃ - machasaṃ 3. Idhaṃ - machasaṃ 4. Kaṭṭhaṃ nipāvataṃ - syā, kaṭṭha nipalavitaṃ - machasaṃ 5. Vāhane - machasaṃ, syā

[BJT Page 470] [\x 470/]
\n[PTS Page 261] [\q 261/]
\n1908. Dhirassa bālassa bhave janinda
\nSanto vadhaṃ nappasaṃsanti jātu,
\nKāmaṃ gharaṃ gacchatu pāpadhammo
\nYañcassa bhaṭṭhaṃ tadetassa dehi
\nAhañca te kāmakaro bhavāmi.

1909. Addhā rurū aññataro sataṃ se 1-
\nYo dubbhato mānusassa na dubbhi, 2-
\nTāmaṃ gharaṃ gacchatu pāpadhammo
\nYañcassa bhaṭṭhaṃ tadetassa dammi
\nAhañca te kāmacāraṃ 3- dadāmi.

1910. Suvijānaṃ sigālānaṃ sakuntānañca vassitaṃ,
\nManussavassitaṃ rāja dubbijānataraṃ tato.

1011. Api ce maññati poso ñāti mitto sakhāti vā,
\nYo pubbe sumano hutvā pacchā sampajjate diso

[PTS Page 262] [\q 262/]
\n1912. Samāgatā jānapadā 4- negamā ca samāgatā,
\nMigā 5- dhaññāni khādanti taṃ devo paṭisedhatu 6-

1913. Kāmaṃ janapado 7- māsi raṭṭhaṃvāpi vinassatu,
\nNatvevāhaṃ rurūṃ dubbhe datvā abhayadakkhīṇaṃ.

1914. Mā me janapado āsi raṭṭhañcapi vinassatu,
\nNatveva 8- miga rājassa varaṃ datvā musā bhaṇeti.
\n9. Rūrumigajātakaṃ.
\n[PTS Page 269] [\q 269/]

1915. Āsiṃsetheva 9- puriso na nibbindeyya paṇḍito,
\nPassāmi vohaṃ attānaṃ yathā icchiṃ tathā ahu.

1916. Āsiṃsetheva puriso na nibbindeyya paṇḍito,
\nPassāmi vohaṃ antānaṃ udakā thalamubbhataṃ.
\n1917. Vāyametheva 10- puriso na nibbindeyya paṇḍito,
\nPassāmi vohaṃ antānaṃ yathā icchiṃ tathā ahu

1. Sataṃ so - machasaṃ 6. Paṭisedhetu - machasaṃ
\n2. Dubhato - vi dubbhito - syā 7. Janappado - machasaṃ
\n3. Gāmavaraṃ - machasaṃ, syā 8. Natvevāhaṃ - vi
\n4. Janappadā - machasaṃ 9. Āsasetheva - machasaṃ
\n5. Migāsassāni - machasaṃ 10. Vāyāmetheva - machasaṃ

[BJT Page 472] [\x 472/]
\n1918. Vāyametheva puriso na nibbindeyya paṇḍito,
\nPassāmi vohaṃ attānaṃ udakā thalamubbhataṃ.

[PTS Page 270] [\q 270/]
\n1919. Dukkhupinatopi nāro sapañño
\nĀsaṃ na chindeyya sukhāgamāya,
\nBahuhi phassā ahitā hitā ca
\nAvitakkitā maccumupabbajatti.

1920. Avittitampi bhavati cintitampi vinassati.
\nNahi vintāmayā bhogā itthiyā purisassa vā.

[PTS Page 271] [\q 271/]
\n1921. Sarabhaṃ giriduggasmiṃ yaṃ tvaṃ anusari pure,
\nAlinacittassa tuvaṃ vikkannamanujivasi.

1922. Yo taṃ viduggā narakā samuddhari
\nSilāya yoggaṃ sarabho karitvā,
\nDukkhupanitaṃ maccumukhā pamocayi
\nAlinacintaṃ tamigaṃ vadesi.

1923. Tuvaṃ nu tattheva tadā ahosi
\nUdāhu te koci naṃ etadakkha,
\nVivantacchaddo 1- nusi sabbadassi
\nÑāṇannu te brāhmaṇa bhiṃsarūpaṃ.

[PTS Page 272] [\q 272/]
\n1924. Na cevahaṃ tattha tadā ahosiṃ
\nNa cāpi me koci naṃ etadakkhā,
\nGāthāpadānañca subhāsitānaṃ
\nAtthaṃ tadā nenti janinda dhīrā.

1925. Ādāya pattiṃ paraviriyaghātiṃ
\nCāpe saraṃ kiṃ vicikicchase tuvaṃ,
\nNuṇeṇā 2- saro sarabhaṃ hantu khippaṃ
\nAnnaṃ hi etaṃ varapañña rañño.

[PTS Page 273] [\q 273/]
\n1926. Addhā pajānāmi ahampi etaṃ
\nAnnaṃ migo brāhmaṇa khantiyassa,
\nPubbe katañca apacāyamāno
\nTasmā migaṃ sarabhaṃ no hanāmi.

1. Vivaṭṭacchedo - machasaṃ, vivaṭacchado - syā 2. Nunto - vi.

[BJT Page 474] [\x 474/]
\n1927. Neso migo mahārāja asureso 1- disampati,
\nEtaṃ hantvā manussinda bhavassu amarādhipo.

1928. Saveva rāja 2- vicikicchase tuvaṃ
\nHantuṃ migaṃ sarabhaṃ sahāyakaṃ me
\nSapunnadāro naraviriyaseṭṭha 3-
\nGantā tuvaṃ vetaraṇiṃ 4- yamassa.

1929. Kāmaṃ ahaṃ jānapadā ca sabbe
\nPuttā ca dārā ca sahāyasaṅghā,
\nGacchemu naṃ vetaraṇiṃ yamassa
\nNatteva hañño 5- yo mamapāṇadassa. 6-

[PTS Page 274] [\q 274/]
\n1930. Ayaṃ migo kicchagatassa mayhaṃ
\nEkassa kattā vivanasmiṃ ghore
\nTaṃ tādisaṃ pubbakiccaṃ saranto
\nJānaṃ mahābuhme kathaṃ haneyyaṃ.

1931. Mittābhīrādhi 7- cirameva jiva
\nRajjaṃ imaṃ dhammaguṇe pasāsa, 8-
\nNārigaṇehi parivārayanto
\nModassu raṭṭhe tidiveva vāsavo.

1932. Akkodhano niccapasannacitto
\nSabbātithiyācayogo bhavitvā 9-
\nDatvā ca bhutvā ca yathānubhāvaṃ
\nAnindito saggamupehi ṭhānanti.
\n10. Sarabhamigajātakaṃ.

Terasakanipātaṃ niṭṭhitaṃ.

Tassuddānaṃ:
\nCarakamba 10- kuṭṭhārisahaṃvaro
\nAtha raññasmiṃ dutakapañcako
\nAtha khodhi akittisutattarinā
\nAtha rūrumigena pārāsarehoti.

1. Asuro so - vi
\n2. Rājā - mi mi
\n3. Naraviraseṭṭhaṃmachasaṃ, syā
\n4. Vattaraṇi - machasaṃ
\n5. Bhañña - machasaṃ, syā
\n6. Mama pāṇa - machasaṃ
\n7. Mittābhidhirā - machasaṃ
\n8. Rajajampivassa paṇepasaṃsa - machasaṃ
\n9. Sabbātithi pāhutake karitvā - syā, sabbatithi yāvayoge viditvā - machasaṃ
\n10. Caramamba -syā.
\n