[CPD Classification 2.5.10]
\n[PTS Vol J - 4] [\z J /] [\f IV /]
\n[BJT Vol J - 1] [\z J /] [\w I /]
\n[PTS Page 004] [\q   4/]
\n[BJT Page 348] [\x 348/]

Suttantapiṭake - khuddakanikāye
\nJātakapāḷi
\n(Paṭhamo bhāgo)
\nNamo tassa bhagavato arahato sammā sambuddhassa.

10. Dasakanipāto

1355. Catudvāramidaṃ nagaraṃ āyasaṃ 1- pākāraṃ,
\nOruddha pati2-ruddhosmiṃ kiṃ pāpaṃ pakataṃ mayā.

1356. Sabbe apihitā dvārā oruddhosmiṃ yathā dvijo, 3-
\nKimādhikaraṇaṃ 4- yakkha cakkāhinihato ahaṃ.

1357. Laddhā satasahassāni atirekāni visati,
\nAnukampakānaṃ ñātinaṃ vacanaṃ samma nākari.

1358. Laṅghiṃ samuddaṃ pakkhandi sāgaraṃ appasiddhikaṃ.
\nCatubbhi 5- aṭṭhajjhagamā aṭṭhāhipi soḷasa,
\nSoḷasāhi ca khattiṃsā 6- atricchaṃ 7- cakkamāsado;
\nIcchāhatassa posassa cakkaṃ bhamati matthake.

1359. Upari visālā duppurā icchā visaṭagāmini,
\nYe ca taṃ anugijhanti te honti cakkadhārino.

1360. Bahuṃ bhaṇḍaṃ 8- apahāya 9- maggaṃ appaṭivekkhiya,
\nYesaṃ cetaṃ asaṅkhātaṃ 10- te honti cakkadhārino.

[PTS Page 005] [\q   5/]
\n1361. Kammaṃ samekkhe vipulañca bhogaṃ
\nIcchā naṃ seveyya 11- anatthasaṃhitaṃ.
\nKareyya vākyaṃ anukampakānaṃ
\nTaṃ tādisaṃ nātivatteyya cakkaṃ.

[PTS Page 006] [\q   6/]
\n1362. Kiva 12- ciraṃ nu me yakkha cakkaṃ sirasi ṭhassati,
\nKati vassasahassāni taṃ tādisaṃ nātivatteyya cakkaṃ.

1363. Atisāro accasaro mittavinda suṇohi me,
\nCakkaṃ te siramāviddhaṃ na taṃ jīvaṃ pamokkhasīti.
\n1. Catudvārajātakaṃ.

[PTS Page 009] [\q   9/]
\n1364. Kaṇhovatāyaṃ puriso kaṇhaṃ bhuñjati bhojanaṃ,
\nKaṇhovatāyaṃ bhumippadesasmiṃ mayhaṃ mananaso piyo.
\n1. Āsayaṃ - machasaṃ 2. Paṭi - machasaṃ, syā 3. Dijo - machasaṃ, syā 4. Kimadhi - machasaṃ 5. Catūhi - a. 6. Dvattiṃsa - machasaṃ
\n7. Atricchaṃ - machasaṃ 8. Bahukhaṇḍaṃ - machasaṃ, syā 9. Avahāya - machasaṃ, cimu. 10. Asaṅkhakhātā - machasaṃ 11. Seve - machasaṃ 12. Kiṃva - machasaṃ

[BJT Page 350] [\x 350/]
\n1365. Na kaṇho tacasā hoti antosāro brāhmaṇo
\nYasmiṃ pāpāni kammāni sace kaṇho sujampati.

[PTS Page 010] [\q  10/]
\n1366. Etasmiṃ te sulapite patirūpe subhāsite,
\nVaraṃ brāhmaṇa te dammi yaṃ kiñci manasicchasi.

1367. Varaṃ ce me ado sakka sabbabhūtānamissara,
\nSunikkodhaṃ 1- suniddosaṃ nillobhaṃ vuttimattano.
\nNisnehamabhikaṅkhāmi ete me caturo vare.

1368. Ninnu kodhe ca dose vā lobhe senaheva brāhmaṇa,
\nĀdinavaṃ sampassi 2- taṃ me akkhāhi pucchito.

[PTS Page 011] [\q  11/]
\n1369. Appo hutvā bahu hoti vaḍḍhate so akhantijo,
\nĀsaṅgi bahupāyāso tasmā kodhaṃ na rocaye.

1370. Duṭṭhassa pharusā vācā parāmāso anantarā,
\nTato pāṇi tato daṇḍo satthassa paramā gati 3-
\nDosā kodhasamuṭṭhāno tasmā dosaṃ na rocaye.

1371. Alopasahasākārā nikati vañcanāni ca,
\nDissanti lobhadhammesu tasmā lobhaṃ na rocaye.

1372. Senaha saṅgathitā ganthā 4- senti manomayā puthu,
\nTe bhusaṃ upatāpenti tasmā snehaṃ na rocaye.

[PTS Page 013] [\q  13/]
\n1373. Etasmiṃ te sulapite patirūpe subhāsite,
\nVaraṃ brāhmaṇa te dammi yaṃ kiñci manasicchasi.

[PTS Page 014] [\q  14/]
\n1374. Varaṃ ce me ado sakka sabbabhūtānamissara,
\nAraññe me viharato nicaṃ ekavihārino.
\nĀbādhā mā uppajjeyyuṃ antarāyakarā bhusā.

1375. Etasmiṃ te sulapite patirūpe subāsite,
\nVaraṃ brahmaṇa te dammi yaṃ kiñci manasicchasi.

[PTS Page 014] [\q  14/]
\n1376. Varaṃ ce me ado sakaka sabbabhūtānamissara
\nNa mano vā sariraṃ vā maṅkate sakka kassaci
\nKadāvi apahaññetha etaṃ sakka varaṃ vareti.
\n2. Kaṇhajātakaṃ.

1. Sunikodhaṃ - machasaṃ 2. Ādinavaṃ sampassi - machasaṃ 3. Parāmasati - machasaṃ, syā 4. Saṅgatthitā - syā.

[BJT Page 352] [\x 352/]
\n1377. Yo kopaneyye na karoti kopaṃ,
\nNa kujjhati sappuriso kadāci,
\nKuddhopi yo nāvikarāti loke.
\nTaṃ ve naraṃ samaṇaṃ āhu loke.

1378. Ūnodaro 2- yo sahate jighacchaṃ
\nDanto tapassi 3- mitapānabhojano,
\nĀhārahetu na kāroti pāpaṃ
\nTaṃ ve naraṃ samaṇaṃ āhu loke.

1379. Khiḍḍaṃ ratiṃ vippajahitva 4- sabbaṃ
\nNa cālikaṃ bhāsati kiñci loke,
\nVibhusanaṭṭhānā virato methunasmā
\nTaṃ ve naraṃ samaṇaṃ āhu loke.

1380. Pariggahaṃ lohadhammañca sabbaṃ
\nYo ce pariññāya paribbajeti,
\nDantaṃ ṭhitattaṃ amamaṃ nirāsaṃ
\nTaṃ ve naraṃ samaṇaṃ āhu loke.

1381. Pucchāma kattāraṃ anomapaññaṃ
\nGāthāsu no viggaho atthi jato,
\nChindajja kaṅkhaṃ vicikicchitāni
\nTayajja kaṅkhaṃ vitaremu sabbe.

1382. Ye paṇḍitā atthadassā bhavanti
\nBhāsanti te yoniso tattha kāle,
\nKathaṃ nu gāthānaṃ 5- abhāsitānaṃ atthaṃ nayeyyuṃ kusalā janinda.

1383. Kathaṃ bhave bhāsati nāgarājā
\nKathaṃ pana garuḷo venateyyo, 6-
\nGandhabbarājā pana kiṃ vadeti
\nKathaṃ pana kurunaṃ rājaseṭṭho.

1384. Khantiṃ bhatva bhāsati nāgarājā
\nAppahāraṃ garuḷo venateyyo gandhabbarājā rativippahānaṃ
\nAkiñcanaṃ kurunaṃ rājaseṭṭhā’ti. +

1385. Sabbāni etāni subhāsitāni
\nNahettha dubbhāsitamatthi kiñci,
\nYasmiñca etāni patiṭṭhitāni
\nArāva nābhyā 7- susamohitāni,
\nCatubbhi dhammehi samaṅgibhūtaṃ
\nTaṃ ve naraṃ samaṇaṃ āhu loke.

1. Samaṇamāhu - machasaṃ, syā 2. Onodaro - syā 3. Tapisaṃ - machasaṃ 4. Vippajahitvāna - machasaṃ, syā 5. Kathānaṃ - machasaṃ, syā 6. Garuḷo pana venateyye kimāha - machasaṃ, syā 7. Nabhyā - machasaṃ, syā + ayaṃ gāthā muddita jātakapāḷiyaṃ natthi.

[BJT Page 354] [\x 354/]

1386. Tuvaṃ 1- seṭṭho tvamanuttarosi
\nTvaṃ dhammagu dhammavidu sumedho
\nPaññāya pañhaṃ samadhiggahetvā,
\nAcchecchi dhīro vicikicchitāni
\nAcchecchi 2- kaṅkhaṃ vivikicchitāni
\nCundo yathā nāgadantaṃ kharena.

1387. Niluppalāhaṃ vimalaṃ anāgaghaṃ
\nVatthaṃ imaṃ 3- dhumasamānavaṇṇaṃ,
\nPañcassa veyyākaraṇena tuṭṭho
\nDadāmi te dhammapujāya dhīra.

1388. Suṇṇamālaṃ satapattathulalaṃ 4-
\nSakesaraṃ ratanasabhassamaṇaḍitaṃ
\nPañhassa veyyākaraṇena tuṭṭho
\nDadāmi te dhammapujāya dhīra.
\n1389. Maṇiṃ anagghaṃ ruciraṃ pabhassaraṃ,
\nKaṇṭhāvasattaṃ maṇibhusitaṃ me,
\nPañhassa veyyākaraṇena tuṭṭho
\nDadāmi te dhammapujāya dhīra.

1390. Gavaṃ sahassaṃ usabhañca nāgaṃ
\nĀjaññayutte ca rathe dasa ime,
\nPañahassa veyyākaraṇena tuṭṭho
\nDadāmi te gāmavarāni soḷasāti.
\n3. Catuposathikajātakaṃ. +

[PTS Page 017] [\q  17/]
\n1391. Bahussuto sutadhammosi saṅkha
\nDiṭṭhā tayā samaṇabrāhmaṇā ca,
\nAthakkhaṇe dassayase vilāpaṃ
\nAññonu ko te paṭimantako mayā.

[PTS Page 018] [\q  18/]
\n1392. Subbhu subhā suppaṭimuttakambu
\nPaggayha sovaṇṇamayāya 5- pātiyā, 6-
\nBhuñajassu bhattaṃ iti maṃ vadeti
\nSaddhā 7- cittā tamhaṃ noti brūmi.

1. Tuvaṃ hi - machasaṃ, syā 2. Acchejji - machasaṃ, syā
\n3. Phullikaṃ - machasaṃ, syā + vidhurajātake - puṇṇakajātaketipi vadanti. 5. Sovaṇṇamayā - machasaṃ 6. Pāṭiyā - syā 7. Tadā - machasaṃ

[BJT Page 356] [\x 356/]
\n1393. Etādisaṃ brāhmaṇa disva 1- yakkhaṃ
\nSuccheyya poso sukhamāsasāno 2-
\nUṭṭhehi taṃ pañajalikāhi puccha 3-
\nDevinusi tvaṃ uda mānusī nu.

[PTS Page 019] [\q  19/]
\n1394. Yaṃ tvaṃ sukhenābhisamekkhase maṃ
\nBhuñajassu bhattaṃ iti maṃ vadesi,
\nPucchāmi taṃ nāri mahānubhave 4-
\nDevinusi tvaṃ uda mānusi nu.

1395. Devi ahaṃ saṅkha mahānubhāvā
\nIdhāgatā sāgaravārimajjhe,
\nAnukampikā no ca paduṭṭhacittā
\nTameva atthāya idhāgatosmi.

1396. Idhannapānaṃ sayanāsanañca
\nYānāni nānā vividhāni saṅkha,
\nSabbassa tyāhaṃ paṭipādayāmi
\nYaṃ kiñci tuyhaṃ manasābhipatthitaṃ.

1397. Yaṃ kiñci yiṭṭhaṃva hutaṃ va mayhaṃ
\nSabbassa no issarā tvaṃ sugatte,
\nSussoṇi subbhu suvilākamajjhe
\nKissa me kammassa ayaṃ vipāko.

[PTS Page 020] [\q  20/]
\n1398. Ghamme pathe brāhmaṇa ekabhikkhuṃ
\nUgghaṭṭapādaṃ tasitaṃ kilantaṃ,
\nPaṭipādayi saṅkha upāhanāhi
\nSā dakkhiṇā kāmaduhā tavajja.

1399. Sā hotu nāvā phalakuppantā
\nAnavassutā erakavātayuttā,
\nAññassa yānassa na hettha bhumi
\nAjjeva maṃ molinaṃ pāpayassu.

[PTS Page 021] [\q  21/]
\n1340. Sā tattha cittā 5- sumanā patitā
\nNāvaṃ sucittaṃ abhinimmiṇitvā,
\nĀdāya saṅkhaṃ purisena saddhiṃ
\nUpānayi nagaraṃ sādhu ramma’nti.
\n4. Saṅkhajātakaṃ.

1. Disvāna vi - machasaṃ, syā 2. Māsasamāno - machasaṃ, māsisāno - si
\n3. Pucchā - machasaṃ 4. Mahānubhāvena - machasaṃ 5. Tuṭṭhavittā - machasaṃ, syā.

[PTS Page 024] [\q  24/]
\n[BJT Page 358] [\x 358/]
\n1401. Yo te imaṃ visālakkhi piyaṃ sammillabhāsiniṃ 1,
\nĀdāya balā gaccheyya kinnu kayirāsi brāhmaṇa.

1402. Uppajja 2- me na mucceyya na me mucceyya 3jivato
\nRajaṃva vipulā vuṭṭhi khippameva nivāraye.

[PTS Page 025] [\q  25/]
\n1403. Yannu pubbe vikatthittho 4- balamhi ca apassito,
\nSvājja 5- tuṇhikakodāni 6- saṅghāṭiṃ sibbamacchasi.

1404. Uppajja me na mucceyya na me mucceyya jivato
\nRajaṃva vipulā vuṭṭhi khippameva nivārayi.

1405. Kinne uppajji no mucci 7- kinne no mucci jivato,
\nRajaṃva vipulā vuṭṭhi katamaṃ tvaṃ nivārayī.

[PTS Page 026] [\q  26/]
\n1406. Yamhi jāte na passati ajāte sādhu passati,
\nSo me uppajjati no mucci kodho dummedhagocaro.

1407. Yena jātena nandanti amittā dukkhamesino,
\nSo me uppajjati no mucci kodho dummedhagocaro.
\n1408. Yasmiñca jayamānasmiṃ sadatthaṃ nāvakhujjhati. ,
\nSo me uppajjati no mucci kodho dummedhagocaro.
\n1409. Yenāhibhuto kusalaṃ jahāti
\nParakkare vipulañcāpi atthaṃ,
\nSa bhimaseno balavā pamaddi
\nKodho mahārāja na me amuccatha.

1410. Kaṭṭhasmiṃ manthamānasmiṃ pāvako nāma jāyati,
\nTameva kaṭṭhaṃ ḍahati yasmā so jāyate gini.

1. Samahita bhāsiniṃ - machasaṃ, saṃsilabhāsani - syā 2. Uppajje rā uppajji - machasaṃ, syā. 3. Muñceyya - machasaṃ, syā
\n4. Vikatthito - machasaṃ, syā 5. Svajja - machasaṃ
\n6. Tuṇhitato - machasaṃ 7. Muñcittha - machasaṃ, syā.

[BJT Page 360] [\x 360/]
\n1411. Evaṃ mandassa posassa bālassa avijānato
\nSārambhā jāyate kodho sopi teneva ḍahayhati. 1-

1412. Aggiva tiṇakaṭṭhasmiṃ kodho pavaḍḍhati,
\nNihiyati tassa yaso kāḷapakkheva candimā.

1413. Anindho 2- dhumaketuva kodho yassupasammati,
\nĀpurati tassa yaso sukkapakkheva candimāti.
\n4. Cullabodhijātakaṃ.

[PTS Page 031] [\q  31/]
\n1414. Santāhamevāhaṃ pasannacitto
\nPuññatthiko acariṃ 3- brahmacariyaṃ
\nAthāparaṃ yaṃ caritaṃ mamayidaṃ 4-
\nVassāni paññāsa samādhikāni
\nAkāmako vāpi ahaṃ carāmi
\nEtena saccena suvatthi
\nHataṃ visaṃ jivatu yaññadatto.

[PTS Page 032] [\q  32/]
\n1415. Yasmā dānaṃ nābhinandiṃ kadāci
\n. Disvānāhaṃati atithiṃ vāsakāle,
\nNacāpi me appiyataṃ aveduṃ
\nBahussutā samaṇā brahmanā ca 5-
\nAkāmako vā hi ahaṃ dadāmi,
\nE tena saccena savatthi hotu
\nHataṃ visaṃ jivatu yaññadatto.

1416. Āsiviso tāta pahutatejo 6-
\nYo taṃ adaṃsi 7- khilarā 8- udicca tasmiñca me appiyatāya ajja,
\nPitarañca te natthi koci viseso
\nE tena saccena savatthi hotu
\nHataṃ visaṃ jivatu yaññadatto.

[PTS Page 033] [\q  33/]
\n1417. Santā dantā yeva paribbajanti
\nAññatra kaṇhā anakāmarūpā,
\nDipāyana kissa jigucchamāno
\nAkāmako carasi brahmacariyaṃ.

1. Dahati - machasaṃ, syā dayhati - machasaṃ, syā 2. Aniḍo - machasaṃ, syā
\n3. Ācari - machasaṃ, syā 4. Mamedaṃ - machasaṃ
\n5. Samaṇabrāhmaṇa - machasaṃ 6. Bahutta - machasaṃ
\n7. Adhasi - syā adasi - machasaṃ 8. Khilārā - machasaṃ

[BJT Page 362] [\x 362/]
\n1418. Saddhāya nikkhamma punaṃ 1- nivatto
\nSo eḷamugova balo2- vatāyaṃ,
\nEtassa vādassa jigucchamano
\nAkāmako carāmi brahmacariyaṃ
\nViññappasatthañca 3- satañca ṭhānaṃ
\nEvampahaṃ puññakāro bhavāmi.

[PTS Page 034] [\q  34/]
\n1419. Samaṇe tuvaṃ brāhmaṇe addhike ca
\nSantappayāsi antapānena bhikkhaṃ,
\nOpānabhūtaṃ ca gharaṃ tavayidaṃ
\nAnnena pānena upetarūpaṃ
\nAtha kissa vādassa jigucchamano
\nAkāmako dānamimaṃ dadāsi.

1420. Pitaro ca me āsuṃ pitāmahā ca
\nSaddhā ahu 4 dānapati vadañña
\nTaṃ kullavantaṃ 5- anuvattamāno,
\nMāhaṃ kule antima gandhino ahuṃ etassa vādassa jigucchamano
\nAkāmako dānamimaṃ dadāsi.

[PTS Page 035] [\q  35/]
\n1421. Dahariṃ kumāriṃ asamatthapaññaṃ
\nYaṃ tānayiṃ 6- ñātikulā sugatte
\nNa cāpi me appiyataṃ avedi,
\nAññatra kāmā paricārayanti 7-
\nAtha kena vaṇṇena mayā te 8- hoti
\nSaṃvāsadhammo ahu evarūpo.

1422. Ārā dūre na idha 9- kadāci atthi
\nParamparā nāma kule imasmiṃ
\nTaṃ kullavantaṃ anuvattamānā,
\nMāhaṃ kule antimagandhini ahuṃ
\nEtassa vādasasa jigucchamānā
\nAkāmikā 10- baddhacarāsmi tuyhaṃ.

[PTS Page 036] [\q  36/]
\n1423. Maṇḍavya bhāsissaṃ abhāsaneyyaṃ 11-
\nTaṃ khamyataṃ puttahetu mamajja,
\nPuttapemā 12- na idha paratthi kiñci.
\nSo no ayaṃ jīvati yaññadattoti.
\n6. Kaṇhadīpāyanajātakaṃ.

1. Puna - machasaṃ, syā 7. Parivārayantā - machasaṃ, syā
\n2. Capalo - machasaṃ, syā 8. Hi - machasaṃ, syā
\n3. Viññupasaṭṭhaṃ - machasaṃ 9. Hi - machasaṃ.
\n4. Ahuṃ - machasaṃ 10. Akāmakā - machasaṃ
\n5. Kulavattaṃ - machasaṃ, syā 11. Bhāsiṃ samabhāsamaneyaṃ - machasaṃ 6. Ānayi - machasaṃ 12. Taṃ puttapemaṃ - machasaṃ

[PTS Page 041] [\q  41/]
\n[BJT Page 364] [\x 364/]
\n1424. Nacāhametaṃ jānāmi kovāyaṃ kassa cāti vā, 1-
\nYathā sākho vadi evaṃ nigrodha kinti maññasi.

1425. Tato galavinitena purisā nihariṃsu maṃ,
\nDatvā mukha pahārāni sākhassa vacanaṃ karā.

1426. Etādisaṃ dummatinā akataññuta 2- dubbhinā,
\nKataṃ anariyaṃ sākhena sākhinā te janādhipa.

[PTS Page 042] [\q  42/]
\n1427. Ncāhaṃ metaṃ jānāmi napi me koci saṃsati,
\nYamme tvaṃ samma akkhāsi sakhena kaḍḍhanaṃ kataṃ 3-

1428. Sakhīnaṃ sājivakāro mama sākhassa cubhayaṃ,
\nTvaṃ no issariyaṃ dātā manusessu mahaggataṃ.
\nTayambhā labhitā iddhi ettha me natthi saṃsayo.

1429. Yathāpi khijaṃ aggismiṃ ḍayhati na viruhati,
\nEvaṃ kataṃ asappurise nassati na virūhati.

1430. Kataññumhī ca posambhi sīlavante ariyavuttine,
\nSukhette viya khijāni kataṃ kambhi na nassati.

1431. Imañca jammaṃ 4- nekatikaṃ asappurisacintakaṃ, 5-
\nHanattu sākhaṃ satthihi nāssa icchāmi jīvitaṃ.

[PTS Page 043] [\q  43/]
\n1432. Khamyatassa 6- mahārāja pāṇā duppaṭiānayā,
\nKhama dve asappurisassa nāssa icchāmahaṃ vadhaṃ.

1433. Nigrodhameva seveyya na sākhamupasaṃvase,
\nNigrodhasmiṃ mataṃ seyyo yañce sākhasmiṃ jīvitanti.
\n7. Nigrodhajātakaṃ.

1. Cāti vā - machasaṃ, 2. Akatañakadunā - machasaṃ akataññena - syā
\n3. Karaṇaṃ machasaṃ 4. Imaṃ - machasaṃ 5. Cittitaṃ - machasaṃ 6. Khamitassa - machasaṃ, syā

[PTS Page 046] [\q  46/]
\n[BJT Page 366] [\x 366/]
\n1434. Na takkaḷā santi na ālupāni
\nNa khiḷāliyo na kalambāni tāta, eko araññambhi susānamajjhe
\nKimatthiko tāta khaṇāsi 1- kāsuṃ.

1435. Pitāmaho tāta sudubbalo te
\nAnekavyādhihi dukhena 2- phuṭṭho,
\nTamajjahaṃ nikhaṇissāmi sobbhe
\nNahissa taṃ jīvitaṃ rocayāmi

1436. Saṅkappametaṃ paṭiladdha pāpaṃ
\nAccāhitaṃ kamma karosi luddaṃ.
\n[PTS Page 047] [\q  47/]
\nMayāpi tāta paṭilacchase tuvaṃ
\nEtādisaṃ kamma 3- jarūpanito, 4-
\nTaṃ kullavantaṃ anuvattamāno
\nAhampi taṃ nikhaṇissāmi sobbhe.

1437. Pharusāhi vācāhi pakubbamāne
\nĀsajja maṃ tvaṃ vadase kumāra,
\nPutto mama orasako samāno
\nAbhitānukampi me tvaṃsi putta.

1438. Na tāhaṃ 5- tāta abhitānukampi
\nHitānukampi te ahaṃpi tāta,
\nPāpañca taṃ kamma pakubbamānaṃ
\nArahāmi no vārayituṃ tato hi.

1439. Yo mātaraṃ pitaraṃ vā vasiṭṭha 6-
\nAdusake hiṃsati pāpadhammo,
\nKāyassa bhedā abhisamparāyaṃ
\nAsaṃsayaṃ so sugatiṃ pareti.

[PTS Page 048] [\q  48/]
\n1440. Yo mātaraṃ pitaraṃ vā vasiṭṭha
\nAnnena pānena upaṭṭhahāti,
\nKāyassa bhedā abhisamparāyaṃ
\nAsaṃsayaṃ so sugatiṃ pareti.

1441. Na me tvaṃ putta abhitānukampi
\nHitānukampi me tvaṃ si putta,
\nAhañca taṃ mātarā vuccamāno
\nEtādisaṃ kamma karomi ludadaṃ.

1. Khaṇasi - machasaṃ 2. Dukkhena - machasaṃ, syā 3. Kammaṃ - machasaṃ, syā
\n4. Jaropanito- machasaṃ 5. Tyāhaṃ - machasaṃ 6. Saviṭṭha - machasaṃ, syā.

[BJT Page 368] [\x 368/]

1442. Yā te sā bhariyā anariyarūpā.
\nMatā mamesā sakiyā 1- janenti
\nNiddhāpayetaṃ sakā agārā
\nAññampi te sā dukha 2- māvaheyya.

[PTS Page 049] [\q  49/]
\n1443. Yā te sā bhariyā anariyarūpā.
\nMatā mamesā sakiyā janenti
\nDannā kareṇuva vasupanitā
\nSā pāpadhammā punarāvajātuti. 8. Takkalajātakaṃ.

[PTS Page 052] [\q  52/]
\n1444. Kinne vataṃ kimpana brahmacariyaṃ
\nKissa suciṇṇassa ayaṃ vipāko,
\nAkkhāhi me brāhmaṇa etamatthaṃ
\nKasmā hi tumbhaṃ daharā na miyare.

[PTS Page 053] [\q  53/]
\n1445. Dhammaṃ carāma na musā bhaṇāma
\nPāpāni kammāni vivajjayāma,
\nAnariyaṃ parivajjemu sabbaṃ
\nTa smā hi ambhaṃ daharā na mīyare.

4446. Suṇoma dhammaṃ asataṃ sataṃ ca
\nNa cāpi dhammaṃ asataṃ rocayāma
\nHitvā asante na jahāma sante
\nTa smā hi ambhaṃ daharā na mīyare.

1447. Subbeva dānā sumanā bhavāma
\nDadampi ce antamanā bhavāma,
\nDatvāpi ce nānutappāma 3- pacchā ta smā hi ambhaṃ daharā na mīyare.

1448. Samaṇe mayaṃ brāhmaṇe addhike ca
\nVaṇibbake sācanake daḷidde,
\nAnnena pānena abhitappayāma 4 ta smā hi ambhaṃ daharā na mīyare.
\n1. Jātiyā - machasaṃ 2. Dukkha - simu 3. Nānu tapāma - machasaṃ 4. Abhitapāma - machasaṃ

[BJT Page 370] [\x 370/]
\n1449. Mayañca bhariyā nātikkamāma
\nAmbhe ca bhariyā nātikkamanti,
\nAññatu tāhi brahmacariyaṃ carāma
\nTasmā hi ambhaṃ daharā na mīyare.

1450. Pāṇātipāti viramāma sabbe
\nLoke adidantaṃ parivajjayāma,
\nAmajjapā no ca musā bhaṇāma
\nTasmā hi ambhaṃ daharā na miyare.

1451. Etāsu ce jāyare suttamāsu
\nMedhāvino honti pahutapaññā 1-
\nBahussutā vedaguno ca 2- honti
\nTasmā hi ambhaṃ daharā na miyare.

1451. Etāsu ce jāyare suttamāsu
\nMedhāvino honti pahutapaññā 1-
\nBahussutā vedaguno ca 2- honti
\nTasmā hi ambhaṃ daharā na miyare.

1452. Mātāpitā ca bhagini bhātaro ca
\nPuttā ca dārā ca mayañca sabbe,
\nDhammaṃ carāma paralokahetu.
\nTasmā hi ambhaṃ daharā na miyare.

[PTS Page 053] [\q  53/]
\n1453. Dāsā ca dasso 6- anujivino ca
\nParicārakā kammakarā ca sabbe,
\nDhammaṃ caranti paralokahetu
\nTasmā hi ambhaṃ daharā na miyare.

1454. Dhammo bhave rakkhati dhammacāriṃ
\nDhammo suciṇṇo sukhamāvahāti
\nEsānisaṃso dhammo suciṇeṇa
\nNa duggatiṃ gacchati dhammacārī.

[PTS Page 055] [\q  55/]
\n1455. Dhammo bhave rakkhati dhammacāriṃ
\nChattaṃ mahantaṃ viya vassakāle,
\nDhammena gutto mama dhammapālo
\nAññassa aṭṭhiti sukhī kumāroti.
\n9. Mahādhammapālajātakaṃ.

1. Pahutta - machasaṃ, bahuta - syā 2. Vedaguṇā - machasaṃ 3. Dāso -machasaṃ dāsi - syā

[PTS Page 056] [\q  56/]
\n[BJT Page 372] [\x 372/]
\n1456. Nāsmase katapāpambhi nāsmase alikavādine, nāsmasantaṭṭhapaññambhi 1- atisantepi 2- nāsamase.

1457. Bhavanti heke purisā gopipāsakajātikā,
\nGhasanti maññe mittāni vācāya na ca kammunā

1458. Sukkhañajali paggahitā vācāya paḷiguṇṭhitā
\nSakuddapheggu nāside yasmiṃ natthi kataññutā.

[PTS Page 057] [\q  57/]
\n1459. Na hi aññañña 3- cittānaṃ itthīnaṃ purisāna 4- vā,
\nNānāva katvā saṃsaggaṃ tādisampi nāsamase.

1460. Anariyakammaṃ okkantaṃ 5- atthetaṃ 6- sabba ghātinaṃ, 7-
\nNisitaṃva paṭicchannaṃ tādisampi nāsmase.

1461. Vittarūpenidhekacce sākhallena 8- acetasā,
\nVividhehi upāyehi 9- tāsisampi nāsamase.

1462. Āmisaṃ vā dhanaṃ vāpi yattha passati tādiso,
\nDubhiṃ 10- karoti dummedho tañca jhatavāna 11- gacchati.

[PTS Page 058] [\q  58/]
\n1463. Mittarūpena bahavo chantā sevanti sattavo,
\nJahe kāpurisehete kukkuṭo viya senakaṃ.

1464. Yo ca uppatitaṃ atthaṃ na khippamanuṇujjhati,
\nAmittavasamanovati pacchā ca manutappati.

1465. Yo ca uppatitaṃ atthaṃ khippameva nibodhati,
\nMuccate satatusambādhā kukkuṭo viya senakā.

1466. Taṃ tādisaṃ kuṭamivoḍḍitaṃ 12- vane
\nAdhammikaṃ niccavidhaṃsakārinaṃ,
\nĀrā vivajjeyya nāro vicakkhaṇo
\nSenaṃ yathā kukkuṭo vaṃsakānane’ti.
\n10. Kukkuṭajātakaṃ.

1. Nāsmase attatatha paññambhi - syā 2. Attasantepi - machasaṃ
\n3. Aññoñña - syā 3. Aññoñña - syā
\n4. Purisanaṃ - machasaṃ 5. Mukakantaṃ - syā
\n6. Athetaṃ - machasaṃ 7. Ghāṭinaṃ - machasaṃ
\n8. Sābbalena - machasaṃ, syā 9. Upāyanti - machasaṃ, syā
\n10. Dubbhiṃ - machasaṃ, syā 11. Hanatvāna - machasaṃ, syā
\n12. Kuṭṭa - machasaṃ

[PTS Page 060] [\q  60/]
\n[BJT Page 374] [\x 374/]
\n1467. Alaṅkato maṭṭakuṇḍali
\nMālāhāri haricandanussado,
\nBāhā paggayha nandasi
\nVanamajjhe kiṃ dukkhito tuvaṃ.

1468. Sovaṇṇamayo pahassaro
\nUppanno athapañajaro mama
\nTassa cakkayugaṃ na vindāmi
\nTena dukkhena jahāmi jititaṃ.

1469. Sovaṇṇamayaṃ maṇimayaṃ
\nLohamayaṃ atha rūpiyāmayaṃ,
\nPāvada rathaṃ kārayāmi te
\nCakkayugaṃ paṭipādayāmi taṃ.

1470. So māṇavo tassa pāvadi
\nCandasuriyā ubhayettha bhātaro, sovaṇṇamayo raratho mama
\nTena cakkayugena sobhati.

[PTS Page 061] [\q  61/]
\n1471. Bālo kho tvamasi māṇava
\nYo tvaṃ patthayase apatthiyaṃ, 1-
\nMaññāmi tuvaṃ marissasi
\nNa hi tvaṃ 2- lacchasi candasuriye.

1472. Gamanāgamanampi dissati
\nVaṇṇadhātu ubhayettha vithiyo.
\nPeto pana neva dissati
\nKo nu kho kandataṃ bālyataro.

1473. Saccaṃ kho vadesi māṇava
\nAhameva kandataṃ bālyataro,
\nCandaṃ viya dārako rudaṃ
\nPetaṃ kālakatāhipatthaye.

1474. Ādinnaṃ vata maṃ mantaṃ ghatasittaṃ va pāvakaṃ,
\nVārinā viya osiñcaṃ sabbaṃ nibbāpaye daraṃ.

[PTS Page 062] [\q  62/]
\n1475. Sohaṃ abbuḷhasallosmi vitasoko anāvilo,
\nNa socāmi na rodāmi tava sutvāna māṇavāti.
\n11. Maṭṭakuṇḍalijātakaṃ.

1. Apatthayaṃ - machasaṃ - syā 2. Natvaṃ - machasaṃ 3. Abbuḷhaṃ - machasaṃ
\n4. Yamāsi hadayassitaṃ - machasaṃ - syā.

[BJT Page 376] [\x 376/]
\n[PTS Page 064] [\q  64/]
\n1477. Apacantāpi 1- dicchanti sanno laddhāna bhojanaṃ,
\nKimeva tvaṃ pacamāno yaṃ na dajjā na taṃ samaṃ.

1478. Maccherā ca pamādā ca evaṃ dānaṃ na diyati,
\nPuññaṃ ākaṅkhamānena deyyaṃ hoti vijānatā.

1479. Yasseva hito na dadāti macchari tareva adadato bhayaṃ,
\nJighacchā ca pipāsā ca yassa bhāyati macchari.
\nTameva bālaṃ phusati 2- asmiṃ loke paramhi ca.

1480. Tasmā vineyya maccheraṃ dajjā dānaṃ malābhibhu,
\nPuññāti paralokasmiṃ patiṭṭhā honti pāṇinaṃ.

[PTS Page 065] [\q  65/]
\n1481. Duddadaṃ dadamānānaṃ dukkaraṃ kamma kubbataṃ,
\nAsanto nānukubbanti sataṃ dhammo durantayo.

1482. Tasmā satañca asatañca nānā hoti ito gati,
\nAsanto nirayaṃ yanti santo saggaparāyanā.

1483. Appasemake pavecchinti 3- bahuneke 4- na dicchare,
\nAppasmā dakkhiṇā dintā sahassena samaṃ mitā.

[PTS Page 066] [\q  66/]
\n1484. Dhammaṃ care yopi samuñajakaṃ 5- care dārañca 6posaṃ dadaṃ appakasmiṃ,
\nSataṃ sahassānaṃ sahassayāginaṃ
\nKalampi nāgghanti tathāvidhassa te.

1485. Kenesa yañño vipulo mahagghano
\nSamenana dinnassa na agghameti,
\nKathaṃ sahassānaṃ sahassa yāginaṃ
\nKalampi nāgghanti tathāvidhassa te.

[PTS Page 067] [\q  67/]
\n1486. Dadanti heke visame niviṭṭhā
\nJhatvā 7- vadhitvā atha socayitvā,
\nSā dakkhiṇā assumukhā sadaṇḍā
\nSamena dinnassa na agghameti
\nEvaṃ sahassānaṃ sahassayāginaṃ
\nKalampi nāgghanti tathāvidhassa te’ti.
\n12. Khiḷārakosiyajātakaṃ.

1. Apacayantopi - machasaṃ 2. Phusasati - machasaṃ 3. Appameke pavacchanti - machasaṃ
\n4. Bahunā eke - syā
\n5. Samuñajikaṃ - machasaṃ 6. Puttadāraṃ - machasaṃ 7. Jhetvā - machasaṃ.

[PTS Page 070] [\q  70/]
\n[BJT Page 378] [\x 378/]
\n1487. Vaṇṇavā abhirūposi ghano sañajātarohito,
\nCakakkavāka surūposi vippasannamukhindriyo.

1488. Pāṭhinaṃ 1- pāvusaṃ macchaṃ valajaṃ muñajarohitaṃ.
\nGaṅgāya tīre nisinto 2- evaṃ bhuñjasi bhojanaṃ.

[PTS Page 071] [\q  71/]
\n1489. Na cāhametaṃ bhuñjāmi jaṅgalā nodakāni vā,
\nAññatra sevālapaṇakā etaṃ me samma bhojanaṃ.

1490. Na cāhametaṃ saddahāmi cakkavākassa bhojanaṃ,
\nAhaṃ hi 3- samma bhuñjāmi gāme loṇiyateliyaṃ.

1491. Manussesu kataṃ bhattaṃ sucimaṃsupasecanaṃ,
\nNa ca me tādiso vaṇṇo cakkavāka yathā tavaṃ.

1492. Sampassaṃ antani veraṃ hiṃsayaṃ 4- mānusiṃ pajaṃ,
\nUtusto ghasasi hito tena vaṇeṇā tavediso.

1493. Sabbaloka viraddhosi 5- dhaṅka pāpena kammunā,
\nLaddho piṇḍo na piṇeti tena vaṇena tavediso.

1494. Ahampi samma bhuñjāmi ahiṃsā 6- sabbapāṇinaṃ.
\nApposasukko nirāsaṅki asoko akuto bhayo.

1495. So karassu anubhāvaṃ vitivattassu siliyaṃ,
\nAhiṃsāya varaṃ loke piyo hohisi mamiva.

1496. Yo na hanti na ghāteti na jināti napāpaye,
\nMettaṃso sabbabhutesu veraṃ tassa na kenaciti.
\n13. Cakkavātajātakaṃ.

1. Pātinaṃ - machasaṃ 2. Gaṅgā tīre nisinnosi - machasaṃ, syā
\n3. Ahaṃpi - syā 4. Hiṃsāya - machasaṃ, syā
\n5. Ciruddhosi - machasaṃ - syā 6. Abhiṃsa - machasaṃ

[PTS Page 072] [\q  72/]
\n[BJT Page 380] [\x 380/]
\n1497. Saccaṃ kira tvampi bhuripañño 1-
\nYā tādisi siri dhiti muti 2- ca,
\nNa tāyate bhāvavasupanitaṃ
\nYo yāvakaṃ bhuñjasi appasupaṃ.

1498. Sukhaṃ dukkhena paripācayanto
\nKālākālaṃ vicinaṃ chandachanto, 3-
\nAtthassa dvārāni avāpuranto
\nTenāhaṃ 4- tussāmi yavodanena.

1499. Kālañca ñatvā abhijihanāya
\nMantehi atthaṃ paripācayitvā,
\nVijambhissaṃ 5- sihavijamhitāni
\nTāyiddhiyā dakkhasi maṃ punāpi.

1500. Sukhihi eke 6- na kāronti pāpaṃ.
\nAvaṇaṇasaṃsaggabhayā puneke,
\nPahu samāno vipulatthavinti
\nKiṃ kāraṇā me na kārosi dukkhaṃ.

1501. Na paṇḍitā antasukhassa hetu
\nPāpāni kammāni samācaranti,
\nDukkhena puṭṭhā khalitattāpi santā
\nChandā ca dosā na jahanti dhammaṃ.

1502. Yena kenaci vaṇeṇana mudunā dāruṇena vā,
\nUddhare dinamantānaṃ pacchā dhammaṃ samācare.

1503. Yassa rukkhassa chāyāya nisideya sayeyya vā,
\nNa tassa sākhaṃ bhañejayya mittadubbho hi pāpako.

1504. Yassāhi dhammaṃ 7- manujo vijaññā
\nYecassa kaṅkhaṃ vinayanti santo,
\nTaṃ hissa dipañca parāyaṇañca
\nNa tena mittaṃ jarayetha 8- pañño.

1. Bhuripañña - machasaṃ 2. Mati - machasaṃ 3. Chinnachanno - machasaṃ
\n4. Tenāha - machasaṃ 5. Vichambhisaṃ - machasaṃ 6. Sukhī pi ete - machasaṃ
\n7. Yassa hi dhamma puriso vijaññā - machasaṃ 8. Jiyetha - syā

[BJT Page 382] [\x 382/]
\n1505. Alaso gihi kāmabhogi na sādhu
\nAsaññato pabbajito na sādhu,
\nRājā na sādhu anisammakāri
\nYo paṇḍito kodhano taṃ na sādhu.

1506. Nisamma khantiyo kayirā nānisamma disampati,
\nNisammakārino rāja yaso kinti ca vaḍḍhatiti.
\n14. Bhuripaññajātakaṃ.

[PTS Page 075] [\q  75/]
\n1507. Kiṃ su naro jappamadhiccakāle
\nKaṃ vā vijjaṃ katamaṃ vā sutānaṃ,
\nSo macco asamiñca parambhi loke
\nKathaṃ karo sotthānena gutto.

1508. Yassa devā pitaro ca sabba
\nSiriṃsapā 1- sabbabhūtāni cāpi,
\nMettāya niccaṃ apacitāni honti
\nBhutesu ce sotthānaṃ tadāhu.

[PTS Page 076] [\q  76/]
\n1509. Yo pabbalokasa nivātavutti
\nItthi pumānaṃ saha dārakānaṃ,
\nKhantā duruttānaṃ apaṭikkulavādi
\nAdhivāsanaṃ sotthānaṃ tadāhu.

1510. Yo nāvajānāti sahāyamatte
\nSippena kalyāhi dhanena jaccā,
\nRucipañño atthakāle mutimā
\nSahāyesu ve sotthānaṃ tadāhu.

1511. Mittāni ve yassa bhavanti santo
\nSaṃvissatthā 2- avisaṃvādakassa,
\nNa mittaduhi 3- saṃvihāgi dhanena
\nMittesu ve sotthānaṃ tadāhu

1512. Yassa bhariya tulyavayā mahaggā
\nAnubbatā dhammakāmā pajātā, 4-
\nKoliniyā silavati patibbatā
\nDāresu ve sotthānaṃ tadāhu.

1. Sarisapā - machasaṃ 2. Saṃvissaṭṭhā - machasaṃ 3. Na mitta dubbhi - machasaṃ
\n4. Sajātā - machasaṃ.

[BJT Page 384] [\x 384/]
\n1513. Yassa rājā bhūtapati yasassi
\nJānāti soceyyaṃ 1- parakkamañca,
\nAdvejjhatāsu 2- bhadayaṃ mamanti
\nRājusu ve sotthānaṃ tadāhu.

1514. Antañca pānañca dadāti saddho
\nMālañca gandhañca vilepananañca, 3-
\nPasantacitto anumodamāno
\nSaggesu ve sotthānaṃ tadāhu.

[PTS Page 077] [\q  77/]
\n1515. Yamariyadhammena punanti vaddhā 4-
\nĀrādhitā samacariyāya santo,
\nBahussutā isayo 5- silavantaṃ
\nArahantamajjhe sotthānaṃ tadāhu.

[PTS Page 078] [\q  78/]
\n1516. Etāni kho sotthānāti loke
\nViññuppasatthāni 6- sukhuduyāni,
\nTānidha sevetha nāro sapañño
\nNa hi maṅgale kikañcanamatthi 7- saccanti.
\n15. Mahāmaṅgalajātakaṃ.

[PTS Page 084] [\q  84/]
\n1517. Uṭṭhehi kaṇha kiṃ sesi ko attho supine tena
\nYopi tuyha sako bhātā bhadayaṃ cakkhuñca 8- dakkhiṇaṃ
\nTassa vātā baliyanti ghato jappati kesava.

[PTS Page 085] [\q  85/]
\n1518. Tassasa taṃ vacanaṃ sutvā rohiṇeyyassa kesavo,
\nTaramānarūpo vuṭṭhāsi bhātusokena aṭṭitā.

1519. Kinnu ummattarūpova kevalaṃ dvārakaṃ imaṃ,
\nSaso sasoti lapasi ko nu te sasamāhari.

1520. Sovaṇaṇamayaṃ maṇimayaṃ lohamayaṃ atha rūpiyāmayaṃ,
\nSaṅkhasilāpavāḷamayaṃ kārayissāmi te sasaṃ.

1521. Santi aññapi sasakā araññe vanagocarā,
\nTepi te ānayissāmi kidisaṃ sasamicchasi.

1. Soveyya - machasaṃ 2. Amijjhatā - machasaṃ 3. Vibhusanañca - machasaṃ
\n4. Punatti vuddhā - machasaṃ 5. Issayo - machasaṃ 6. Viññadupasaṭṭhāni - machasaṃ
\n7. Kiṃcina - syā 8. Cakkhu - machasaṃ
\n[BJT Page] [\x 386/]
\n1522. Nacāhametaṃ icchāmi ye sasā paṭhiviṃ sitā,
\nCandato sasamicchāmi tamme obhara kesava.

[PTS Page 086] [\q  86/]
\n1523. So nūna madhuraṃ ñāti jīvitaṃ vijahissasi,
\nApatthiyaṃ yo patthayasi candato sasamicchasi.

1524. Evañce kaṇha jānāsi yadaññamanusāssi.
\nKasmā pure mataṃ puttaṃ ajjāpimanusocasi.

1525. Yaṃ na labbhā manussena amanussena vā puna, 1-
\nJato me māmari putto kuto labbhā alabbhiyaṃ.

1526. Na mantā mulabhesajjā osadhehi dhanena vā,
\nSakkā ānayituṃ kaṇhā yampetamanusocasi.

[PTS Page 087] [\q  87/]
\n1527. Yassa etādisā assu amaccā purisapaṇḍitā,
\nYathā nijjhāpaye ajja ghato purisapaṇḍito.

1528. Ādinnaṃ vata maṃ santaṃ ghatasintaṃ va pāvakaṃ, vārinā viya osiñcaṃ sabbaṃ nibbāpaye daraṃ.

1529. Abbahi vata me sallaṃ yamāsi hadayanissitaṃ,
\nYo me sokaparetassa puttasokaṃ apānudi.

1530. Sohaṃ abbuḷhasallosmi vitasoko anāvilo,
\nNa socāmi na rodāmi tava sutvāna māṇava.

1531. Evaṃ karonti sappaññā ye honti anukampakā,
\nNivattayanti sokamhā ghato jeṭṭhaṃva bhātaranti:
\n16. Ghatapaṇḍitajātakaṃ.

Dasakanipātaṃ niṭṭhitaṃ.

Tassuddānaṃ:
\nDaḷhakaṇhadhanañcayasaṅkhavaro
\nRājā sattāha sasakha takkaḷinā,
\nDhammaṃ kukkuṭakuṇḍalibhojanadā
\nCakkavāka subhurisasotthi ghattā

1. Pana - machasaṃ
\n