[CPD Classification 2.5.10]
\n[PTS Vol J - 3] [\z J /] [\f III /]
\n[PTS Page 153] [\q 153/]
\n[BJT Vol J - 1] [\z J /] [\w I /]
\n[BJT Page 206. [\x 206/]     ]
Suttantapiṭake - khuddakanikāye
\nJātakapāḷi
\n(Paṭhamo bhāgo)
\nNamo tassa bhagavato arahato sammā sambuddhassa.


\n

Pañcakanipāto

1. Maṇikuṇḍalavaggo
\n708. Jino 1- rathassa 2- maṇikuṇḍale ca
\nPutte ca dāre ca tatheva jino,
\nSabbesu bhogesu asesitesu
\nKasmā na santappasi sokakāle.

[PTS Page 154] [\q 154/]
\n709. Pubabe va maccaṃ vijahanti bhogā
\nMacco vā te 3- pubbataraṃ jahāti,
\nAsassatā bhogino kāmakāmi
\nTasmā na socāmabaṃ sokakāle.

710. Udeti āpurati 4- veti cando
\nAtthaṃ tapetvāna 5- paleti suriyo,
\nViditā mayā sattuka lokadhammā
\nTasmā na socāmahaṃ sokakāle.

711. Alaso gihi kāmabhogi na sādhu
\nAsaññato pabbajito na sādhu,
\nRājā na sādhu anisammakāri
\nYo paṇḍito kodhano taṃ na sādhu.

712. Nisamma khantiyo kayirā nānisamma disampati,
\nNisamma kārino rañño yaso kinti ca vaḍḍhatīti.
\n1. Maṇikuṇḍalajātakaṃ.

[PTS Page 156] [\q 156/]
\n713. Kinnu santaramānova lāyitvā haritaṃ tiṇaṃ,
\nKhāda khādāti vilapi gatasattaṃ jaraggava.

714. Na hi attena pātena mato goṇo samuṭṭhahe,
\nTvañca tucchaṃ vilapasi yathā taṃ dummati tathā.

715. Yatheva tiṭṭhati sīsaṃ hatthapādā ca vāḷadhi,
\nSotā tatheva tiṭṭhanti maññe goṇo samuṭṭhahe.

1. Janno - syā, machasaṃ 2. Raṭṭhassa - syā 3. Macco dhane - machasaṃ, sīmu
\n4. Pureti khiyati - syā 5. Andhaṃ tapetvāna - machasaṃ

[BJT Page 208] [\x 208/]
\n716. Nevayyakassa sīsaṃ vā hatthapādā na dissare,
\nRudaṃ mattikathupasmiṃ nanu tvaññeva dummati.

[PTS Page 157] [\q 157/]
\n717. Ādintaṃ vata maṃ santaṃ ghatasittaṃva pāvakaṃ,
\nVārinā viya osiñcaṃ sabbaṃ nibbāpaye daraṃ.

718. Abbuḷhaṃ vata me sallaṃ sokaṃ badayanissitaṃ,
\nYo me sokaparetassa pitusokaṃ apānudi.

719. Sohaṃ abbuḷhasallosmi vitasoko anāvilo,
\nNa socāmi na rodāmi tava sutvāna māṇava.

720. Evaṃ karonti sappaññā ye honti anukampakā,
\nVinivattayanti 1- sokambhā sujato pitaraṃ yathāti.
\n2. Sujātajātakaṃ.

[PTS Page 158] [\q 158/]
\n721. Nayidaṃ niccaṃ bhavitabbaṃ brahmadanta
\nKhemaṃ subhikkhaṃ sukhatā ca kāye,
\nAtthaccaye vā ahu sampamuḷho
\nBhintaplavo sāgarasseva majjhe.

722. Yāni karoti puriso tāni attani passati,
\nKalyāṇakari kalyāṇaṃ pāpakāri ca pāpakaṃ,
\nYādisaṃ vapate khijaṃ tādisaṃ harate phalaṃ.

[PTS Page 160] [\q 160/]
\n723. Idaṃ tadācariyavaco pārāsariyo 2- yadabravi,
\nMāssu tvaṃ akarā pāpaṃ yaṃtaṃ pacchā kataṃ tape.

724. Ayameva so piṅgiya dhonasākho 3-
\nYambhi 4- ghātayiṃ khattiyānaṃ sahassaṃ,
\nTameva dukkhaṃ paccāgataṃ mamaṃ.

[PTS Page 161] [\q 161/]
\n725. Sāmāpi kho candana littagattā 5-
\nSiṅguva sohañjanakassa uggatā,
\nAdisvāva kālaṃ karissāmi ubbaraṃ
\nTaṃ me tato 6- dukkhataraṃ bavissatiti.
\n3. Dhonasākha jātakaṃ.

1. Vinavattenti - machasaṃ 5. Candanalittagatti - simu, syā
\n2. Pārānācariyo - machasaṃ 6. Ito - simu
\n3. Venasākho - machasaṃ 7. Dhona sākha - sīmu, machasaṃ
\n4. Yahaṃ - machasaṃ

[PTS Page 164] [\q 164/]
\n[BJT Page 210] [\x 210/]
\n726. Uragova tavaṃ jiṇṇaṃ hitvā gacchati saṃ tanuṃ,
\nEvaṃ sarīre nibbhoge pete kālakate sati,

727. Ḍayhamāno na jānāti ñātinaṃ paridevitaṃ,
\nTasmā etaṃ na sovāmi gato so tassa yā gati.

[PTS Page 165] [\q 165/]
\n728. Anabbhito tato āga 1- ananuññāto 2- ito gato,
\nYathā gato tathā gato tattha kā paridevanā.

729. Ḍayhamāno na jānāti ñātinaṃ paridevitaṃ,
\nTasmā etaṃ na sovāmi gato so tassa yā gati.

730. Sace rode kisā assaṃ tassā me kiṃ phalaṃ siyā,
\nÑātimittasuhajjānaṃ bhiyyo no rati siyā.

[PTS Page 166] [\q 166/]
\n731. Ḍayhamāno na jānāti ñātinaṃ paridevitaṃ,
\nTasmā etaṃ na sovāmi gato so tassa yā gati.

732. Yathāpi dārako candaṃ gacchannamanurodati,
\nEvaṃ sampadamevetaṃ yo petamanusocati.

733. Ḍayhamāno na jānāti ñātinaṃ paridevitaṃ,
\nTasmā etaṃ na sovāmi gato so tassa yā gati.

[PTS Page 167] [\q 167/]
\n734. Yathāpi udakakumbho hinno appaṭisandhiyo,
\nEvaṃ sampadamevetaṃ yo petamanusocati.

735. Ḍayhamāno na jānāti ñātinaṃ paridevitaṃ,
\nTasmā etaṃ na sovāmi gato so tassa yā gati.
\n4. Uragajātakaṃ.

[PTS Page 169] [\q 169/]
\n736. Aññe socanti rodanti aññe assumukhā janā, 3-
\nPasannamukhavaṇṇosi kasmā ghata na socasi.

1. Āgā - machasaṃ, syā 2. Nanuññāto - machasaṃ, syā
\n3. Añño assu mukho jano.

[BJT Page 212. [\x 212/]     ]
\n737. Nābbhatitaharo soko nānāgatasukhāvabho,
\nTasmā dhaṃka 1- na sovāmi natthi soko dutiyatā.

738. Sovaṃ paṇḍu kiso hoti bhattañcassi na ruccati,
\nAmintā sumanā honti sallaviddhassa na ruccati.

739. Gāme vā yadi vā raññe ninte vā yadi vā thale,
\nṬhitaṃ maṃ nāgamissati 2- evaṃ diṭṭhapado ahaṃ

740. Yassantā nālamekova sabbakāmarasāraho,
\nSabbāpi yaṭhavi tassa na sukhaṃ āvahissatiti.
\n5. Ghatajātakaṃ 3-

[PTS Page 172] [\q 172/]
\n741. Eko araññe girikandarāyaṃ
\nPaggayha paggayha sīlaṃ pavecchasi, 4-
\nPunappunaṃ santaramānarūpo
\nKāraṇḍiya ko nu tava yidhattho.

742. Ahaṃ himaṃ sāgarasevitantaṃ
\nSamaṃ karissāmi yathāpi pāṇiṃ,
\nVikiriya sānuni ca pabbatāni ca
\nTasmā sīlaṃ dariyā pakkhipāmi.

743. Nayimaṃ mahiṃ arahati pāṇikappaṃ.
\nSamaṃ manusso karaṇāyameko,
\nMaññāmimaññeva dariṃ jigiṃsaṃ
\nKāraṇḍiya hāyasi jivalokaṃ.

[PTS Page 173] [\q 173/]
\n744. Sace ayaṃ bhūta dharaṃ na sakko
\nSamaṃ manusso karaṇāyameko,
\nEvameva tvaṃ buhme ime manusse
\nNānādiṭṭhike nānayissasi te.

745. Saṅkhittarūpena bhavaṃ mamatthaṃ
\nAkkhāsi kāraṇḍiya evametaṃ
\nYathā na sakkā paṭhavi samāyaṃ
\nKātuṃ manussena tathā manussāti.
\n6. Kāraṇḍiyajātakaṃ.

1. Vaṃka - simu. 2. Na taṃ maṃ āgamissati - simu 3. Dhaṅkajātakaṃ - syā
\n4. Pavejhasi - sīmu, machasaṃ.

[PTS Page 175] [\q 175/]
\n[BJT Page 214] [\x 214/]
\n746. Vandāmi taṃ kuñajara saṭṭhihāyanaṃ
\nĀraññakaṃ yuthapatiṃ yasassiṃ,
\nPakkhehi taṃ pañajalikaṃ karomi
\nMā me vadhi puttake dubbalāya.

[PTS Page 175] [\q 175/]
\n747. Vandāmi taṃ kuñajara ekacāriṃ
\nĀraññakaṃ pabbatasānugocaraṃ,
\nPakkhehi taṃ pañjalikaṃ karomi
\nMā me vadhi puttake dubbalāyaṃ.

748. Vadhissāmi te laṭukike puttakāni
\nKiṃ me tuvaṃ kāhasi dubbalāsi,
\nSataṃ sahassānipi tādisinaṃ
\nVāmena pādena papothayeyya.

[PTS Page 176] [\q 176/]
\n749. Naheva sabbattha balena kiccaṃ
\nBalaṃ hi bālassa vadhāya hoti,
\nKarissāmi te nāgarājā anatthaṃ
\nYo me vadhi puttake dubbalāya.

[PTS Page 177] [\q 177/]
\n750. Kākañca passa laṭukikaṃ maṇḍukaṃ nilamakkhikaṃ,
\nEte nāgaṃ aghātesuṃ passa verassa verinaṃ.
\nTasmā veraṃ na kayirātha appiyena ca kenaci’ti.
\n7. Laṭukikajātakaṃ.

[PTS Page 179] [\q 179/]
\n751. Ahameva dusiyā bhunahatā rañño mahāpatāpassa,
\nEtaṃ muñcatu dhammapālaṃ hatthe me deva chedehi.

[PTS Page 180] [\q 180/]
\n752. Ahameva dusiyā bhunahatā rañño mahāpatāpassa,
\nEtaṃ muñcatu dhammapālaṃ pāde me deva chedehi.

753. Ahameva dusiyā bhunahatā rañño mahāpatāpassa,
\nEtaṃ muñcatu dhammapālaṃ sīsaṃ me deva chedehi.

[PTS Page 181] [\q 181/]
\n754. Nahanunimassa rañño mittāmaccā ca vijjare suhadā,
\nYe na vadanti rājānaṃ mā ghātayi orasaṃ puttaṃ.
\n755. Nahanunimassa rañño mittāmaccā ca vijjare suhadā,
\nYe na vadanti rājānaṃ mā ghātayi atrajaṃ puttaṃ.
\n756. Candanarasānulittā bāhā chijjanti dhammapālassa,
\nDāyādassa pathavyā pāṇā me deva rujjhattīti.
\n8. Culladhammapālajātakaṃ

[PTS Page 184] [\q 184/]
\n[BJT Page 216] [\x 216/]
\n757. Vikkama re mahāmiga vikkama re haripada, 1-
\nChinda vārattikaṃ pāsaṃ nāhaṃ ekā vane rame.

[PTS Page 185] [\q 185/]
\n758. Vikkamāmi na pāremi bhumiṃ sumbhāmi vegasā,
\nDaḷho vārattiko pāso pādaṃ me parikantati.

759. Attharassu palāsāni asiṃ nibbāha luddaka,
\nPaṭhamaṃ maṃ hanitvāna 2- hana pacchā mahāmigaṃ.

[PTS Page 186] [\q 186/]
\n760. Na me sutaṃ vā diṭṭhaṃ vā bhāsantiṃ mānusiṃ migiṃ,
\nTvañca bhadde sukhī hohi eso cāpi mahāmigo.

761. Evaṃ luddaka nandassu saha sabbehi ñātihi,
\nYathāhamajja nandami muttaṃ disvā mahāmiganti.
\n9. Suvaṇṇamigajātakaṃ.

[PTS Page 189] [\q 189/]
\n762. Vāti gandho timirānaṃ kusamuddo ca ghosavā,
\nDure ito hi susandhi tambakāmā 3- tudanti maṃ

763. Kathaṃ samuddamatari kathaṃ addakkhi serumaṃ 4-
\nKathaṃ tassā ca tuyhañca ahu saggasamāgamo. 5-

[PTS Page 190] [\q 190/]
\n764. Bharukacchā payātānaṃ vāṇijāna dhanesinaṃ 6,
\nMakarehambhidā 7- nāvā phalakenāhamaplaviṃ.

765. Sā maṃ saṇhena mudunā niccaṃ candanagandhini,
\nAṅkena 8- uddharī bhaddā mātā puttaṃva orasaṃ.

766. Sāmaṃ antena pāṇena vatthena sayanena ca,
\nAttanāpi ca maddakkhi 9- evaṃ tambi vijānahiti.
\n10. Susandhijātakaṃ. 10-.
\nMaṇikuṇḍalavaggo paṭhamo.
\nTassuddānaṃ:
\nAthajivavaroharitaṃ tiṇako
\nAthabhinnapalavo uragocaghato,
\nDariyā puna kuñajara bhunahatā
\nMigaputtamasaggavarena dasa.

1. Vikkamare haripada vikkamare mahāmiga - machasaṃ 7. Maṅkarehibhidā - syā.
\n2. Vadhitvāna - machasaṃ. 8. Aṅgena - syā
\n3. Tappakāha - machasaṃ 9. Mandakkhi - machasaṃ, syā
\n4. Sedumaṃ - machasaṃ 10. Suyonandi jātakaṃ - machasaṃ
\n5. Agga - syā 6. Dhanesinaṃ machasaṃ

[BJT Page 218] [\x 218/]
\n2. Vaṇṇārohavaggo

[PTS Page 192] [\q 192/]
\n767. Vaṇṇarohena jātiyā balanikkamaṇena ca, 1-
\nSukhāhu na mayā seyyo sudāṭha 2- iti bhāsati.

768. Vaṇṇarohena jātiyā balanikkamaṇena ca,
\nSudāṭho na mayā seyyo subāhu iti bhāsati.

769. Evañce maṃ viharantaṃ subāhu samma dubbhasi,
\nNadānāhaṃ tayā saddhiṃ saṃvāsamabhirocaye.

770. Yo paresaṃ vacanāni saddahetha 3- yathātathaṃ,
\nKhippaṃ bhijjetha mittasmiṃ verañca pasave bahuṃ.

771. Na so mitto yo sadā appamatto
\nBhedāsaṅki randhamecānupassi,
\nYasmiñca seti urasiva putto
\nSa ce mitto yo abhejjo parehiti.
\n1. Vaṇṇārohajākataṃ.

[PTS Page 194] [\q 194/]
\n772. Sīlaṃ seyyo sutaṃ seyyo iti me saṃsayo ahu,
\nSilameva sutā seyyo iti me natthi saṃsayo.
\n773. Moghā jāti ca vaṇṇe ca silameva kiruttamaṃ,
\nSilena anupetassa sutenattho na vijjati.

774. Khattiyo ca adhammaṭṭho vesso cādhammanissito,
\nTe pariccajjajubho loke upapajjanti duggatiṃ.

775. Khattiya brāhmaṇā vessā saddā caṇḍālapukkusā,
\nIdha dhammaṃ caritvāna bhavanti tidive samā.

[PTS Page 195] [\q 195/]
\n776. Na do saṃparāyāya na jāti nopi bandhāvā,
\nSakañca sīlaṃ saṃsuddhaṃ samparāyasukhāvabhanti.
\n2. Sīlavimaṃsa jātakaṃ.

1. Balā - simu 2. Sudāṭho - machasaṃ, simu 3. Saddaheyya - machasaṃ

[PTS Page 196] [\q 196/]
\n[BJT Page 220] [\x 220/]
\n777. Hiraṃ tarattaṃ vijigucchamānaṃ
\nTavāhamasmiṃ iti bhāsamānaṃ,
\nSeyyāni kammāni anādiyantaṃ.
\nNoso mamanti iti taṃ vijaññā.

778. Yaṃ hi kayirā taṃ hi vade yaṃ na kayirā na taṃ vade,
\nAkarontaṃ bhāsamānaṃ parijānanti paṇḍitā.

779. Na so mitto yo sadā appamatto
\nBhedāsaṅki randhamevānupassi,
\nYasmiñca seti urasiva putto
\nSa ve mitto yo abhejjo parehi.

780. Pāmojjakaraṇaṃ ṭhānaṃ pasaṃsāvahanaṃ sukhaṃ.
\nPhalānisaṃso bhāveti vahanto porisaṃ dhuraṃ.

781. Pavivekarasaṃ vitvā rasaṃ upasamassa ca,
\nNiddaro hoti nippāpo dhammapitirasaṃ piva’nti.
\n3. Hirijātakaṃ.

[PTS Page 197] [\q 197/]
\n782. Ko nu santambhi pajjote aggapariyesanaṃ caraṃ,
\nAddakkhi rattiṃ khajjotaṃ jātavedaṃ amaññatha.

783. Svāssa gomayacuṇṇāni abhimatthaṃ tiṇāni ca,
\nViparitāya saññāya nāsakkhi pajjaletace.

784. Evampi anupāyena atthaṃ na labhate mago,
\nVisāṇato gavaṃ dohaṃ yattha khiraṃ na vindati.

785. Vividhehi upāyehi atthaṃ papponti māṇavā,
\nNiggahena amittānaṃ mittānaṃ paggahena ca.

786. Seṇimokkho palāhena vallabhānaṃ nayena ca,
\nJagatiṃ jalatipālā āvasanti vasundharanti.
\n4. Khajjopaṇakapañho.

[PTS Page 198] [\q 198/]
\n[BJT Page 222] [\x 222/]
\n787. Dhattombhi 1- samma sumukha jute akkhaparājito,
\nHarehi 2- ambapakkāni viriyante bhakkhayāmase.

788. Alikaṃ vata maṃ samma abhutena pasaṃsasi,
\nKo te suto vā diṭṭhā vā sumukho nāma makkaṭo.

[PTS Page 199] [\q 199/]
\n789. Ajjāpi me tvaṃ manasi yaṃ maṃ tvaṃ ahituṇḍika,
\nDhaññāpaṇaṃ pavisitvā matto chātaṃ hanāsi ma.

790. Tāhaṃ saraṃ dukkhaseyyaṃ api rajjampi kāraye,
\nNevāhaṃ yācito dajjaṃ tathā hi bhayatajjito.

791. Yañca jaññā kulejātaṃ gabbhe tittaṃ amacchariṃ,
\nTena sakhiñca mittañca dhiro sandhātumarahati’ti.
\n5. Ahituṇḍikajātakaṃ.

[PTS Page 201] [\q 201/]
\n792. Madhuvaṇṇaṃ madhurasaṃ madhugandhaṃ visaṃ ahu,
\nGumbiyā ghāsamesāno araññe odahi misaṃ.

793. Madhu iti maññamānā ye taṃ visamasāyisuṃ, 3-
\nTesaṃ taṃ kaṭukaṃ āsi maraṇaṃ tenupāgamuṃ.

794. Ye ca kho paṭisaṅkhāya visaṃ taṃ parivajjayuṃ,
\nTe āturesu sukhitā ḍayhamānesu nibbutā.

795. Evameva manussesu visaṃ kāmā samohitā,
\nĀmisaṃ bandhanaṃ cetaṃ maccuvaso guhāsayo.

796. Evameva ime kāme āturā paricārake,
\nYe sadā parivajjenti saṅgaṃ loke upaccagutti.
\n6. Gumbiyajākataṃ.

1. Muttombhi - simu 2. Sevehi - simu, hārehi - machasaṃ 3. Visamakhāsisuṃ - machasaṃ, syā.

[PTS Page 203] [\q 203/]
\n[BJT Page 224] [\x 224/]
\n797. Yvāyaṃ sāḷiyachāpoti kaṇhasappaṃ agāhayi,
\nTena sappenayaṃ daṭṭho hato pāpānusāsako.

798. Ahanantamahantāraṃ 1- yo naro hantumicchiti,
\nEvaṃ so nihato seti yathāyaṃ puriso hato.

799. Ahanantamahantāraṃ 2- yo naro hantumicchiti,
\nEvaṃ so nihato seti yathāyaṃ puriso hato.

800. Yathā paṃsumuṭṭhiṃ puriso paṭivātaṃ paṭikkhipe,
\nTameva so rajo hanti tathāyaṃ puriso hato.

801. Yo appaduṭṭhassa narassa dussati
\nSuddhassa posassa anaṅgaṇassa,
\nTameva bālaṃ pacceti pāpaṃ
\nSukhumo rajo paṭivātaṃva khittoti.
\n7. Sāḷiyajātakaṃ.

[PTS Page 204] [\q 204/]
\n802. Amittahatthatthagatā tacasārasamappitā,
\nPasannamukhavaṇṇattha kasmā tumbhe na socatha.

803. Na socanāya paridevanāya
\nAttho ca labbhā 3- api appakopi,
\nSocantamenaṃ dukhitaṃ viditvā
\nPaccatthikā attamanā bhavanti.

[PTS Page 205] [\q 205/]
\n804. Yato ca kho paṇḍito āpadāsu
\nNa vedhati atthavinicchayaññu,
\nPaccatthikāssa dukhitā bhavanti
\nDisvā mukhaṃ avikāraṃ purāṇaṃ.

805. Jappena mantena subhāsitena
\nAnuppadānena paveṇiyā vā
\nYathā yathā yattha labhetha atthaṃ
\nTathā tathā tattha parakkameyya.

806. Yato ca jāneyya alabbhaneyyo +
\nMayāva 4- aññena vā esa attho,
\nAsocamāno adhivāsayeyya
\nKammaṃ daḷhaṃ kinti kāromidāniti.
\n8. Tacasārajātakaṃ.

1. Ahantāra mahantāraṃ - simu, machasaṃ 2. Ahantāramaghātentaṃ - machasaṃ
\n3. Atthova labbho - syā atthocalabbhā - machasaṃ 4. Mahā vā - machasaṃ, syā
\n(+ Sace pajāneyya alabbhaneyyo - aṃguttaranikāya).

[PTS Page 206] [\q 206/]
\n[BJT Page 226] [\x 226/]
\n807. Kyāhaṃ devānamakaraṃ kiṃ pāpaṃ pakataṃ mayā, yamme sirasmiṃ obhacca 1- cakkaṃ bhamati matthake.

[PTS Page 207] [\q 207/]
\n808. Atikkamma ramaṇakaṃ sadāmattañca dubhakaṃ, 2-
\nBrāhmatarañca 3- pāsādaṃ kenaṭṭhena idhāgato.

809. Ito bahutarā bhogā atura maññe bhavissare,
\nIti etāya saññāya passa maṃ vyasanaṃ gataṃ.

810. Catubbhi aṭṭhajjhagamā aṭṭhakāhi ca soḷasa, 4-
\nSoḷasāhi ca khattiṃsa atricchaṃ cakkamāsado.
\nIcchāhatassa posassa cakkaṃ bhamati matthake.

811. Upari visālā 5- dupapurā icchā visadagāmini, 6-
\nYo taṃ anugijjhanti te honti cakkadhārino’ti.
\n9. Mittavindakajātakaṃ.

[PTS Page 209] [\q 209/]
\n812. Haṃso palāsamavaca nigrodho samma jāyati, 7-
\nAṅkasmiṃ 8- te nisinnova so te mammāni checchati.

813. Vaḍḍhatume 9- nigrodho patiṭṭhassa bhavāmahaṃ,
\nYathā pitā ca mātā ca 10- evameso bhavissati.

814. Yaṃ tvaṃ aṅkasmi vaḍḍhesi 11- khirarukkhaṃ bhayānakaṃ,
\nĀmanta kho taṃ gacchāma vuḍḍhimassa na ruccati.

[PTS Page 210] [\q 210/]
\n815. Idāni kho maṃ bhāyati mahāneru nadassanaṃ,
\nHaṃsassa anabhiññāya mahā me bhayamāgataṃ.

816. Na tassa vuṭṭhi kusalappasatthā
\nYo vaḍḍhamāno ghasate patiṭṭhaṃ,
\nTassuparodhaṃ parisaṅkamano
\nPatārayi mulavadhāya dhīroti.
\n10. Palāsajātakaṃ
\nVaṇṇārobhavaggo dutiyo.

1. Uhacca sīmu ūhacca - machasaṃ 2. Atikkammarammaṇaṃ - saddāmattañcadubhakaṃ - machasaṃ
\n3. Brahmattarañca - simu, machasaṃ 4. Aṭṭhahicāpisoḷasa duppuraṃ - machasaṃ
\n5. Uparivisālaṃ - machasaṃ 6. Icchā visaṭagāmini - machasaṃ, simu
\n7. Sasampajāyati - machasaṃ 8. Aṅgasmiṃ - machasaṃ
\n9. Vaḍḍhitameva - machasaṃ 10. Pitāvā mātā vā - simu 11. Vadedhasi - simu, machasaṃ

[BJT Page 228] [\x 228/]
\n3. Aḍḍhavaggo

[PTS Page 211] [\q 211/]
\n817. Evambhutassa te rāja āgatassa vase mamaṃ,
\nAtthi nu koci pariyāyo yo taṃ dukkhā pamocaye.

818. Evambhutassa me tāta āgatassa vase tava,
\nNatthi no koci pariyāyo yo maṃ dukkhā pamocaye.

[PTS Page 212] [\q 212/]
\n819. Nāññaṃ sucaritaṃ rāja nāññaṃ rāja subhāsitaṃ,
\nTāyate maraṇa kāle evamevitaraṃ dhanaṃ.

820. Akkocchi maṃ avadhi maṃ ajini maṃ ahāsi me,
\nYe taṃ upanayhanti veraṃ tesaṃ na sammati.

821. Akkocchi maṃ avadhi maṃ ajini maṃ ahāsi me,
\nYe taṃ upanayhanti veraṃ tesupasammati.

822. Nahi verena verāni sammanatidha kudācanaṃ,
\nAverena ca sammanti esa dhammo sanantanoti.
\n1. Dīghitikosalajātakaṃ.

[PTS Page 214] [\q 214/]
\n823. Agārā paccupetassa anāgārassa 1- te sato,
\nSamaṇassa na taṃ sādhu yaṃ petamanusocasi.

824. Saṃvāsena bhave sakka manussassa migassa vā,
\nBhadaye jāyate pemaṃ taṃ na sakkā asocituṃ.

825. Mataṃ marissaṃ rodanti ye rudanti lapanti ca,
\nTasmā tvaṃ isi mā rodi roditaṃ moghamāhu santo.

826. Roditena bhave brahme mato peto samuṭṭhahe,
\nSabbe saṅgamma rodāma aññamaññassa ñātake.

[PTS Page 215] [\q 215/]
\n827. Ādittaṃ vata maṃ santaṃ ghatasittaṃva pāvakaṃ,
\nCārinā viya masiñcaṃ sabbaṃ nibbāpaye daraṃ.

828. Abbahi vata me sallaṃ yamāsi hadayanissitaṃ,
\nYo me sokaparetassa puttasokaṃ apānudi.

1. Anagārassa machasaṃ

[BJT Page 230] [\x 230/]
\n829. Sohaṃ abbuḷabhasallosmi vitasoko anāvilo,
\nNa socāmi na rodāmi tava sutvāna vāsavāti.
\n2. Vigapotajātakaṃ.

[PTS Page 217] [\q 217/]
\n830. Tuhiṃ gātā kattha gatā iti lālappati jano,
\nAhameva eko jānāmi udapāne musikā hatā

831. Yathetaṃ 1- iti citi ca gadrabhova nivattasi,
\nUdapāne musikaṃ hanatvā yavaṃ bhakkhitumicchasi.

[PTS Page 218] [\q 218/]
\n832. Daharo cāsi dummedha paṭhamuppattiko 2- susu,
\nDighametaṃ samāsajja 3- na te dassami jīvitaṃ.

833. Nāntalikkhahavanenāhaṃ 4- nāṅgaputtasirena vā, 5-
\nPuttena sipatthayito silokehi pamovito.

834. Sabbaṃ sutamadhiyetha hinamukkaṭṭhamajjhimaṃ,
\nSabbassa atthaṃ jāneyya na ca sabbaṃ payojaye
\nHoti tādisako kālo tattha atthāvahaṃ suta’nti.
\n3. Musikajātakaṃ.

[PTS Page 221] [\q 221/]
\n835. Sabbaṃ bhaṇḍaṃ samādāya pāraṃ tiṇṇosi brāhmaṇa,
\nPaccāgaccha lahuṃ khippaṃ mampi tārehidanito.

836. Asanthukaṃ maṃ cirasanthutena 6-
\nNiminti hoti adhuvaṃ dhuvena,
\nMayāpi hoti nimineyya aññaṃ
\nIto ahaṃ durataraṃ gamissaṃ.

[PTS Page 223] [\q 223/]
\n837. Kāyaṃ phaḷagalāgumbhe 7- kāroti ahuhāsiyaṃ,
\nNayidha naccaṃ vā gitaṃ vā tālaṃ vā susamāhitaṃ
\nAnambhi kāle sussoṇi kinnu jagghasi sobhane.

838. Sigāla bāla dummedha appapaññosi jambuka,
\nJino macchañca pesiñca kapaṇo viya jhāyasi.

839. Sudassaṃ vajjaṃ aññesaṃ attano pana duddasaṃ,
\nJinā patiñca jārañca mampi tvaññeva jhāyasi.

1. Yañevataṃ - sīmu, machasaṃ 2. Paṭhamuppattito - syā, machasaṃ. Simu
\n3. Dīghaṃ cetaṃ samāpajja - machasaṃ 4. Nattalikkhabhavanena - machasaṃ
\n5. Nāṅgaputtasitena vā - machasaṃ 6. Asanadhataṃ maṃ cirasandhatenanimisi hoti - machasaṃ 7. Kāyaṃ phaḷagaṇagubbe - syā, phaḷagaṇi gumbe - machasaṃ

[PTS Page 224] [\q 224/]
\n[BJT Page 232] [\x 232/]
\n840. Evametaṃ migarāja yathā bhāsasi jambuka,
\nSā nunāhaṃ ito gantvā bhattu bhessaṃ vasānugā.

841. Yo hare mattikaṃ thālaṃ kaṃsathālampi so hare,
\nKataṃyeva tayā pāpaṃ punapevaṃ karissasiti.
\n4. Tulladhanuggabhajātakaṃ.

[PTS Page 225] [\q 225/]
\n842. Idāni khombhi sukhito arogo.
\nNikkaṇṭako nippatito kapoto,
\nKāhāmidāni hadayassa tuṭṭhiṃ
\nTathāhi maṃ maṃsasākaṃ baleti.

[PTS Page 226] [\q 226/]
\n843. Kāyaṃ balākā sikhini cori laṅghipitāmahā,
\nOraṃ balāke āgaccha caṇḍo me vāyaso sakhā.

844. Alaṃ hi te jagghitāye mmaṃ disvāna edisaṃ,
\nVilunaṃ sudaputtena piṭṭhimaddena makkhitaṃ.

845. Sunābhāto sucilittosi antapānena tappito,
\nKaṇṭho ca te veḷuriyo agamā nu kajaṅgalaṃ.

846. Mā te mitto amitto vā agamāsi kajaṅgalaṃ.
\nPiñchāni tattha lāyitvā kāṇṭhe bandhanti vaṭṭanaṃ.

[PTS Page 227] [\q 227/]
\n847. Punapāpajjasi samma sīlaṃ hi tava tādisaṃ
\nNa hi vānusakā bhogā subhuñajā honti pakkhinā’ti.
\n5. Kapotajātakaṃ.

Aḍḍhavaggo tatiyo.
Tassuddānaṃ:
\nAtha vaṇaṇā sasila hiri labhate
\nSumukhāmisasāliya mittavaro,
\nAtha cakka palāsa sarāja sato
\nYavabālakapokataṃ paṇṇa rasāti.
Pañcakanipato niṭṭhito.
Tatra vagguddānaṃ:
\nJinañca vaṇṇaṃ asamaṃ vaggupari
\nSudesitā jātakanti pañca visati,
\nMahesino burahmacarittamuttama
\nmavoca gāthā atthavati subyañcatā’ti.
\n