[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 071  [\q  71/]     20. 1. 1]
\n[BJT Page 186] [\x 186/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n

20. Vīsatinipāto.

705. Yaññatthaṃ vā dhanatthaṃ vā ye hanāma mayaṃ pure,
\nAvase taṃ bhayaṃ hoti vedhanti vilapanti ca.

706. Tassa te natthī bhītattaṃ bhiyyo vaṇṇo pasīdati,
\nKasmā na paridevesi evarūpe mahabbhaye.

707. Natthi cetadikaṃ dukkhaṃ anapekkhassa gāmaṇi,
\nAtikkantā bhayā sabbe khīṇasaṃyojanassa ve.

708. Khīṇāya bhavanettiyā daṭṭhe dhamme yathātathe,
\nNa bhayaṃ maraṇe hoti bhāranikkhepane yathā.

709. Suciṇṇaṃ brahmacariyaṃ me maggo cāpi subhāvito,
\nMaraṇe me bhayaṃ natthi rogānamiva saṅkhaye.

710. Suciṇṇaṃ brahmacariyaṃ me maggo cāpi subhāvito,
\nNirassādā bhavā diṭṭhā visaṃ pītvāva1 chaḍḍitaṃ.

711. Pāragū anupādāno katakicco anāsavo,
\nTuṭṭho āyukkhayā hoti mutto āghātanā yathā.

712. Uttamaṃ dhammataṃ patto sabbaloke anatthiko,
\nĀdittāva gharā mutto maraṇasmiṃ na socati.

713. Yadatthi saṅgataṃ kiñci bhavo vā2 yattha labbhati,
\nSabbaṃ anissaraṃ etaṃ iti vuttaṃ mahesinā.
\n714. Yo taṃ tathā pajānāti yathā buddhena desitaṃ,
\nNa gaṇhāti bhavaṃ kiñci sutattaṃva ayoguḷaṃ.

715. Na me hoti ahosinti bhavissanti na hoti me,
\nSaṅkhārā vigamissanti tattha kā paridevanā.

716. Suddhaṃ dhammasamuppādaṃ suddhaṃ saṅkharasantatiṃ,
\nPassantassa yathābhūtaṃ na bhayaṃ hoti gāmaṇi.

717. Tiṇakaṭṭhasamaṃ lonaṃ yadā paññāya passati,
\nMamattaṃ so asaṃvindaṃ ’natthi me’ti na socati.

1 Pītvāna-[PTS.]
\n2 Ca-[PTS.]

[BJT Page 188] [\x 188/]
\n718. Ukkaṇṭhāmi [PTS Page 072] [\q  72/]      sarīrena bhavenamhi anatthiko,
\nSo’yaṃ bhijjissati kāyo añño ca na bhavissati.

719. Yaṃ vo kiccaṃ sarīrena taṃ karotha yadicchatha,
\nNa me tappaccayā tattha doso pemaṃ ca hohiti.

720. Tassa taṃ vacanaṃ sutvā abbhutaṃ lomahaṃsanaṃ,
\nSatthāni nikkhipitvāna māṇavā etadabravuṃ.

721. Kiṃ bhaddante1 karitvāna ko vā ācariyo tava,
\nKassa sāsanamāgamma labbhafata taṃ asokatā.

722. Sabbaññū sabbadassāvī jino ācariyo mama,
\nMahākāruṇiko satthā sabbalokatikicchako.

723. Tenāyaṃ desito dhammo khayagāmī anuttaro,
\nKassa sāsanamāgamma labbhato taṃ asokatā.

724. Sutvāna corā isino subhāsitaṃ,
\nNikkhippa satthāni ca āvudhāni ca
\nTamhā ca kammā viramiṃsu eke
\nEke pabbajja marocayiṃsu.

725. Te pabbajitvā sugatassa sāsane
\nBhavetva bojjhaṅgabalāni paṇḍitā
\nUdaggacittā sumanā katindriyā
\nPhusiṃsu nibbānapadaṃ asaṅkhata’nti.

Itthaṃ sudaṃ āyasmā adhimutto thero gāthāyo abhāsitthā’ti.

Adhimuttattheragāthā.

20. 1. 2
\n726. Samaṇassa ahu cintā pārāsariyassa2 bhikkhuno,
\nEkakassa nisinnassa pavivittassa jhāyino.

727. Kimānupubbaṃ puriso kiṃ vataṃ3 kiṃ samācaraṃ,
\nAttano kiccakirissa na ca kiñci viheṭhaye.

728. Indriyāni manussānaṃ hitāya ahitāya ca,
\nArakkhitāni ahitāya rakkhitāni hitāya ca.

729. Indriyānevaṃ sārakkhaṃ indriyāni ca gopayaṃ,
\nAttano kiccakārisusa na ca nakiñci viheṭhaye.

730. Cakkhundriyaṃ ce rūpesu gacchantaṃ anivārayaṃ,
\nAnādīnavadassāvī so dukkhā na hi muccati.

1 Cibhavissanti-[PTS.]
\n2 Pārāpariyassa-sīmu. 1, 2.
\n3 Vattaṃ-syā.

[BJT Page 190] [\x 190/]
\n731. Sotindriyaṃ ce1 saddesu gacchantaṃ anivārayaṃ,
\nAnādīnavadassāvī so mukkhā na hi muccati.

732. Anissaraṇadassāvī [PTS Page 073] [\q  73/]      gandhe ce paṭisevati,
\nNa so muccati dukkhamhā gandhesu adhimucchito.

733. Ambilaṃ madhuraggaṃ ca tittakaggamanussaraṃ,
\nRasataṇhāya gadhito hadayaṃ nāvabujjhati.

734. Subhānyappaṭikūlāni phoṭṭhabbāni anussaraṃ,
\nRatto ragādhikaraṇaṃ vividhaṃ vindate dukhaṃ.

735. Manaṃ cetehi dhammehi yo na sakkoti rakkhituṃ,
\nTato naṃ dukkhamanveti sabbehetehi pañcahi.

736. Pubbalohitasampuṇṇaṃ bahussa kuṇapassa ca,
\nNaravīrakataṃ vagguṃ2 samuggamiva cittitaṃ.

737. Kaṭukaṃ madhurassādaṃ piyanibandhanaṃ dukhaṃ, 3
\nKhuraṃva madhunā littaṃ ullihaṃ4 nāvabujjhati.

738. Itthirūpe itthisare5 phoṭṭhabbe’pi itthiyā,
\nItthigandhesu sāratto vividhaṃ vindate dukhaṃ.
\n739. Itthisotāni sabbāni sandanti pañca pañcasū,
\nTesamāvaraṇaṃ kātuṃ so sakkoti viriyavā.

740. So atthavā so dhammaṭṭho so dukkho so vicakkhaṇo,
\nKareyya ramamāno pi6 kiccaṃ dhammatthasaṃhitaṃ.

741. Atho sīdati saññuttaṃ majje kiccaṃ niratthakaṃ,
\nNa taṃ kiccanti maññitvā appamatto vicakkhaṇo.

742. Yaṃ ca atthena saññuntaṃ yā ca dhammagatā rati,
\nTaṃ samādāya vattetha sā hi  uttamā rati.

743. Uccāvacehupāyehi
\nParesamabhijigīsati,
\nHantvā vadhitvā atha socayitvā,
\nĀlopati sāhasā yo paresaṃ.

744. Tacchanto āṇiyā āṇiṃ nihanti balavā yathā,
\nIndriyānindreyeheva nihanti kusalo7 tathā.

1 Ca-[PTS.]
\n2 Vaggu-sīmu. 1, 2.
\n3 Dukkhaṃ piyanibandhanaṃ-sīmu. 1, 2.
\n4 Ullittaṃ-[PTS.]
\n5 Itthirase-[PTS.]
\n6 Ramamāno hi-[PTS.]
\n7 Kusalā-[PTS.]

[BJT Page 192] [\x 192/]
\n745. Saddhaṃ viriyaṃ samādhiṃ ca satiṃ paññañca1 bhāvayaṃ,
\nPañca pañcahi hantvāna anīgho yāti brāhmaṇo.

746. So atthavā so dhammaṭṭho katvā vākyānusāsaniṃ,
\nSabbena sabbaṃ buddhassa so naro sukhamedhatī’ti.

Itthaṃ sudaṃ āyasmā parāsariyo thero gāthāyo abhāsitthā’ti.

Pārāsariyattheragāthā.

20. 1. 3
\n747. Cirarattaṃ matātāpī dhammaṃ anuvicintayaṃ,
\nSamaṃ cittassa nālatthaṃ pucchaṃ samaṇabrāhmaṇe.

748. Ko [PTS Page 074] [\q  74/]      so pāraṅgato loke ko patto amatogadhaṃ,
\nKassa dhammaṃ paṭicchāmi paramatthavijānanaṃ.

749. Antovaṅkagato āsi2 macchova ghasamāmisaṃ,
\nBaddho3 mahindapāsena vepacittyasuro yathā.

750. Añchāmi4 naṃ na muñcāmi asmā sokapariddavā,
\nKo me bandhaṃ muñcaṃ loke sambodhiṃ vedayissati.

751. Samaṇaṃ brāhmaṇaṃ vā kaṃ ādisantaṃ pabhaṅgunaṃ,
\nKassa dhammaṃ paṭicchāmi jarāmaccupavāhanaṃ.

752. Vicikicchākaṅkhāgathitaṃ5 sārambhabalasaññutaṃ,
\nKodhappattamanatthaddhaṃ abhijappappadāraṇaṃ. 6

753. Taṇhādhanusamuṭṭhānaṃ dve ca pannarasāyutaṃ,
\nPassa orasikaṃ bāḷhaṃ7 bhetvā yadi tiṭṭhati.

754. Anudiṭṭhīnaṃ appahānaṃ saṅkappaparatejitaṃ, 8
\nTena viddho pavedhāmi pattaṃ’va māluteritaṃ.

755. Ajjhattaṃ me samuṭṭhāya khippaṃ paccati māmakaṃ, 9
\nChaphassāyatanī kāyo yattha sarati sabbadā.

756. Taṃ na passāmi tekicchaṃ yo metaṃ sallamuddhare,
\nNānārajjena satthena nāññena vicikicchitaṃ.

1 Satipaññaṃca-[PTS.]
\n2 Asiṃ-[PTS.]
\n3 Bandho-pa.
\n4 Añcāmi-[PTS.]
\n5 Vicikicchākaṅkhāganthitaṃ-pa.
\n6 Abhijappapadāraṇaṃ-[PTS.]
\n7 Bālaṃ-syā, [PTS.]
\n8 Saratejitaṃ-[PTS.]
\n9 Pāpakaṃ-syā.

[BJT Page 194] [\x 194/]
\n757. Ko me asattho avaṇo sallamabbhantarapassayaṃ,
\nAhiṃsaṃ sabbagattānā sallaṃ me uddharissataṃ.

758. Dhammappati hi so seṭṭho visadosappavāhako,
\nGambhīfara patitassa me thalaṃ pāṇiṃ ca1 dassaye.

759. Rahade’hamasmi ogāḷho ahāriyarajamattike, 2
\nMāyāusūyasārambha3 thīnamiddhamapatthaṭe.

760. Uddhaccameghathanitaṃ saññojanavalāhakaṃ,
\nVāhā vahanti duddiṭṭhiṃ4 saṅkappā rāganissitā.
\n761. Savanti sabbadhi sotā latā ubbhijja tiṭṭhati,
\nTe sote ko nivāreyya taṃ lataṃ ko hi checcati.

762. Velaṃ [PTS Page 075] [\q  75/]      karotha bhaddante sotānaṃ sannivāraṇaṃ,
\nMā te manomayo soto rukkhaṃ’va sahasā luve.

763. Evaṃ me bhayajātassa apārā pāramesato,
\nTāṇo paññāvudho satthā isisaṅghanisevito.

764. Sopāṇaṃ sukataṃ suddhaṃ dhammasāramayaṃ daḷaṃ, 5
\nPādāsi vuyhamānassa ’mā bhāyī’ti ca abravī. 6

765. Satipaṭṭhānapāsādaṃ āruyha paccavekkhisaṃ,
\nYaṃ taṃ pubbe amaññisisaṃ sakkāyābhirataṃ pajaṃ.

766. Yadā ca maggamaddakkhiṃ nāvāya abhirūhanaṃ,
\nAnadhiṭṭhaya attānaṃ titthamaddakkhimuttamaṃ.

767. Sallaṃ attasamuṭṭhānaṃ bhavanettipabhāvitaṃ, 7
\nEtesaṃ appavattāya desesi maggamuttamaṃ.

768. Dīgharattānusayitaṃ cirarattamadhiṭṭhitaṃ, 8
\nBuddho me pānudī ganthaṃ9 visadosappavāhano’ti.

Itthaṃ sudaṃ āyasmā telakāni thero gāthāyo abhāsitthā’ti.

Telakānittheragāthā.

1 Pāṇiva-syā, [PTS.]
\n2 Ahāriyarajamantite-[PTS.]
\n3 Māyāusuyyasārambha-[PTS.]
\n4 Kuddiṭṭhiṃ-pa.
\n5 Daḷhaṃ-[PTS.]
\n6 Mabravi-[PTS.]
\n7 Bhavanettippabhāvitaṃ-sīmu. 1, 2.
\n8 Cirarattapatiṭṭhitaṃ-[PTS.]
\n9 Gandhaṃ-[PTS.]

[BJT Page 196] [\x 196/]
\n20. 1. 4
\n769. Passa cittakataṃ1 bimbaṃ arukāyaṃ samussitaṃ,
\nĀturaṃ bahusaṅkappaṃ yassa natthi dhuvaṃ ṭhiti.

770. Passa cittaka1 rūpaṃ maṇinā ka1ṇḍalena ca,
\nAṭṭhiṃ tacena2 onaddhaṃ saha vatthehi sobhati.

771. Alattakatā pādā mukhaṃ cuṇṇakamakkhitaṃ,
\nAlaṃ bālassa mohāya no ca pāragavesino.

772. Aṭṭhapādakatā3 kesā nettā añjanamakkhitā,
\nAlaṃ bālassa mohāya no ca pāragavesino.

773. Añjanīva navā cittā pūtikāyo alaṅkato,
\nAlaṃ bālassa mohāya no ca pāragavesino.

774. Odahi migavo pāsaṃ nāsadā vāguraṃ4 migo,
\nBhatvā nivāpaṃ gacchāma kandante migabandhake.

775. Chinno pāso5 migavassa nāsadā vāguraṃ4 migo,
\nBhutvā nivāpaṃ gacchāma socante migaluddake.

776. Pasisāmi loke sadhane manusse
\nLaddhāna vittaṃ na dadanti mohā,
\nLuddhā6 [PTS Page 076] [\q  76/]      dhanaṃ sannicayaṃ karonti
\nBhiyyo va kāme abhipatthayanti.

777. Rājā pasayha paṭhaviṃ visetvā
\nSasāgarantaṃ mahimāvasanto,
\nOraṃ samuddassa atittarūpo
\nPāraṃ samuddassa’pi patthayetha.

778. Rājā ca aññe ca bahū manussā
\nAvītataṇhā maraṇaṃ upenti,
\nŪnāva hutvāna jahanti dehaṃ
\nKāmehi lokamhi na hatthi titti.

779. Kandanti naṃ ñāti pakiriya kese
\nAho vatā no amarāti cāhu,
\nVatthena naṃ pārutaṃ nīharitavā
\nCitaṃ samedhāya tato ḍahanti.

780. So ḍayhati sūlehi tujjamāno
\nEkena vatthena pahāya bhoge,
\nNa mīyamānassa bhavanti tāṇā
\nGñātī ca mittā athavā sahāyā.

781. Dāyādakā tassa dhanaṃ haranti
\nSatto pana gacchati yena kammaṃ,
\nNa mīyamānaṃ dhanamanveti kiñci
\nPuttā ca dārā ca dhanaṃ ca raṭṭhaṃ.

1 Cittīkataṃ-sīmu. 1, 2, Pa.
\n2 Aṭṭhitacena-[PTS.]
\n3 Aṭṭhāpadakatā-syā, [PTS] Aṭṭhapadakatā-pa.
\n4 Vākuraṃ-syā, [PTS.]
\n5 Chinnapāso-syā, [PTS.]
\n6 Laddhā-syā.

[BJT Page 198] [\x 198/]
\n782. Na dīghamāyu labhate dhanena
\nNa cā’pi vittena jaraṃ vihanti,
\nAppaṃ hi taṃ1 jīvitamāhu dhīrā
\nAsassataṃ vippariṇāmadhammaṃ.

783. Aḍḍhā daḷiddā ca phusanti phassaṃ
\nBālo ca dhīro ca tatheva phuṭṭho,
\nBālo hi bālyā vadhito’va seti
\nDīro ca no vedhati phassaphuṭṭho.

784. Tasmā hi paññā’va dhanena seyyā2
\nYāya vosānamidādhigacchati,
\nAbyositattā3 hi bhavābhavesu,
\nPāpāni kammāni karoti4 mohā.

785. Upeti [PTS Page 077] [\q  77/]      gabbhañca parañca lokaṃ
\nSaṃsāramāpajja paramparāya,
\nTassappañco abhisaddahanto
\nUpeti gabbhañca parañca lokaṃ.

786. Coro yathā sandhimukhe gahīto
\nSakammunā haññati pāpadhammo,
\nEvaṃ pajā pacca5 paramhi loke
\nSakammukā haññati pāpadhammā. 6

787. Kāmā hi citrā madhurā manoramā
\nVirūparūpena mathenti cittaṃ,
\nĀdīnavaṃ kāmaguṇesu disvā
\nTasmā ahaṃ pabbajitomhi rāja.

788. Dumapphalānīva patanti mānavā
\nDaharā ca vuddhā ca sarīrabhedā,
\nEtampi disvā pabbajitomhi rāja
\nApaṇṇakaṃ sāmaññameva seyyo,

789. Saddhāyāhaṃ pabbajito upeto jinasāsane,
\nAvañjhā mayhaṃ pabbajjā anaṇo bhuñjāmi bhojanaṃ.

790. Kāme ādittato disvā jātarūpāni satthato,
\nGabbhavokkantito dukkhaṃ nirayesu mahabbhayaṃ.

791. Etamādīnavaṃ ñatvā saṃvegaṃ alabhiṃ tadā,
\nSo’haṃ viddho tadā santo sampatto āsavakkhayaṃ.

792. Pariciṇṇo mayā satthā kataṃ buddhassa sāsanaṃ,
\nOhito garuko bhāro bhavanetti samūhatā.

793. Yassatthāya pabbajito agārasmānagāriyaṃ,
\nSo me atthe anuppatto sabbasaṃyojanakkhayo’ti.

Itthaṃ sudaṃ āyasmā raṭṭhapālo thero gāthāyo abhāsitthā’ti.

Raṭṭhapālattheragāthā.

1 Appañhi naṃ-syā, [PTS.]
\n2 Seyyo-[PTS.]
\n3 Abyesitatthā-syā, [PTS.]
\n4 Karonti-[PTS.]
\n5 Pecca-sīmu. 1, 2, [PTS.]
\n6 Pāpadhammo-[PTS.]

[BJT Page 200] [\x 200/]
\n794. Rūpaṃ disvā sati muṭṭhā piyaṃ nimittaṃ1 manasikaroto,
\nSārattacitto vedeti taṃ ca ajjhossa2 tiṭṭhati.

795. Tassa vaḍḍhanti vedanā anekā rūpasambhavā,
\nAbhijjhā ca vihesā ca cittamassūpahaññati,
\nEvamācinato dukkhaṃ ārā nibbānaṃ3 vuccati.

796. Saddaṃ sutvā sati muṭṭhā piyaṃ nimittaṃ manasikaroto,
\nSārattacitto vedeti taṃ ca ajjhossa2 tiṭṭhati.

797. Tassa vaḍḍhanti vedanā anekā saddasambhavā,
\nAbhijjhā ca vihesā ca cittamassūpahaññati,
\nEvamācinato dukkhaṃ ārā nibbānaṃ3 vuccati.

798. Gandhaṃ ghatvā sati muṭṭhā piyaṃ nimittaṃ manasikaroto,
\nSārattacitto vedeti taṃ ca ajjhossa2 tiṭṭhati.

799. Tassa vaḍḍhanti vedanā anekā gandhasambhavā,
\nAbhijjhā ca vihesā ca cittamassūpahaññati,
\nEvamācinato dukkhaṃ ārā nibbānaṃ3 vuccati.

800. Rasaṃ bhotvā sati muṭṭhā piyaṃ nimittaṃ manasikaroto,
\nSārattacitto vedeti taṃ ca ajjhossa2 tiṭṭhati.
\n801. Tassa vaḍḍhanti vedanā anekā rasasambhavā,
\nAbhijjhā ca vihesā ca cittamassūpahaññati,
\nEvamācinato dukkhaṃ ārā nibbānaṃ3 vuccati.

802. Phassaṃ [PTS Page 078] [\q  78/]      phussa sati muṭṭhā piyaṃ nimittaṃ manasikaroto,
\nSārattacitto vedeti taṃ ca ajjhossa2 tiṭṭhati.

803. Tassa vaḍḍhanti vedanā anekā phassasambhavā,
\nAbhijjhā ca vihesā ca cittamassūpahaññati,
\nEvamācinato dukkhaṃ ārā nibbānaṃ3 vuccati.

804. Dhammaṃ ñatvā sati muṭṭhā piyaṃ nimittaṃ manasikaroto,
\nSārattacitto vedeti taṃ ca ajjhossa2 tiṭṭhati.

805. Tassa vaḍḍhanti vedanā anekā dhammasambhavā,
\nAbhijjhā ca vihesā ca cittamassūpahaññati,
\nEvamācinato dukkhaṃ ārā nibbānaṃ3 vuccati.

806. Naso rajjati rūpesu rūpaṃ disvā patissato,
\nVirattacitto vedeti taṃ ca nājjhossa4 tiṭṭhati.

807. Yathāssa passato rūpaṃ sevato cā’pi vedanaṃ,
\nKhīyati nopacīyati evaṃ so caratī sato,
\nEvaṃ apacinato dukkhaṃ santike nibbānaṃ3 vuccati.

1 Piyanimittaṃ-[PTS] syā.
\n2 Ajjhosa-syā, [PTS.]
\n3 Nibbāna-pa, [PTS.]
\n4 Nājjhosa-syā, [PTS.]

[BJT Page 202] [\x 202/]
\n808. Naso rajjati saddesu saddaṃ sutvā patissato,
\nVirattacitto vedeti taṃ ca nājjhossa1 tiṭṭhati.

809. Yathāssa suṇato saddaṃ sevato cā’pi vedanaṃ,
\nKhīyati nopacīyati evaṃ so caratī sato,
\nEvaṃ apacinato dukkhaṃ santike nibbānaṃ2 vuccati.

810. Naso rajjati gandhesu gandhaṃ ghatvā patissato,
\nVirattacitto vedeti taṃ ca nājjhossa1 tiṭṭhati.

811. Yathāssa ghāyato gandhaṃ sevato cā’pi vedanaṃ,
\nKhīyati nopacīyati evaṃ so caratī sato,
\nEvaṃ apacinato dukkhaṃ santike nibbānaṃ2 vuccati.

812. Naso rajjati rasesu rasaṃ bhotvā3 patissato,
\nVirattacitto vedeti taṃ ca nājjhossa1 tiṭṭhati.

813. Yathāssa sāyato rasaṃ sevato cā’pi vedanaṃ,
\nKhīyati nopacīyati evaṃ so caratī sato,
\nEvaṃ apacinato dukkhaṃ santike nibbānaṃ2 vuccati.

814. Naso rajjati phassesu phassaṃ phussa patissato,
\nVirattacitto vedeti taṃ ca nājjhossa1 tiṭṭhati.

815. Yathāssa phusato phassaṃ sevato cā’pi vedanaṃ,
\nKhīyati nopacīyati evaṃ so caratī sati,
\nEvaṃ apacinato dukkhaṃ santike nibbānaṃ2 vuccati.

816. Naso rajjati dhammesu dhammaṃ ñatvā patissato,
\nVirattacitto vedeti taṃ ca nājjhossa tiṭṭhati.

817. Yathāssa vijānato dhammaṃ sevato cā’pi vedanaṃ,
\nKhīyati nopacīyati evaṃ so caratī sato,
\nEvaṃ apacinato dukkhaṃ santike nibbānaṃ2 vuccati.

Itthaṃ sudaṃ āyasmā māluṅkyaputto thero gāthāyo abhāsitthā’ti.

Māluṅkyaputtattheragāthā.

1 Nājjhosa-syā, [PTS.]
\n2 Nibbāna-pa, [PTS.]
\n3 Bhutvā-sīmu. 1, 2.

[BJT Page 204] [\x 204/]
\n20. 1. 6
\n818. Paripuṇṇakāyo suruci sujāto cārudassano,
\nSuvaṇṇavaṇaṇosi bhagavā susukkadāṭho1 viriyavā.

819. Narassa hi sujātassaye bhavanti viyañjanā,
\nSabbe te tava kāyasmiṃ mahāpurisalakkhaṇā.

820. Pasannanetto sumukho brahmā uju patāpavā,
\nMajjhe samaṇasaṅghassa ādicco’va virocasi.

821. Kalyāṇadassano bhikkhu kañcanasannibhattaco,
\nKiṃ te samaṇabhāvena evaṃ uttamavaṇṇino.

822. Rājā arahasi bhavituṃ cakkavattī rathesabho,
\nCāturanto vijitāvī jambusaṇḍassa2 issaro.

823. Khattiyā bhogā rājāno3 anuyantā bhavanti te,
\nRājādhirājā4 manujindo rajjaṃ kārehi gotama.

824. Rājāhamasuhi [PTS Page 079] [\q  79/]      sela (selati bhagavā) dhammarājā anuttaro,
\nDhammena vakkaṃ vattemu cakkaṃ appativattiyaṃ.

825. Sambuddho paṭijānāsi (iti selo brāhmaṇo) dhammarājā sanuttaro,
\nDhammena cakkaṃ vattemi iti bhāsasi5 gotama.

826. Ko nu senāpati bhoto sāvako satthu anvayo, 6
\nKo te maṃ anuvatteti dhammacakkaṃ pavattitaṃ.

827. Mayā pavattitaṃ cakkaṃ (selāti bhagavā) dhammacakkaṃ anuttaraṃ,
\nSāriputto anuvatteti anujāto tathāgataṃ.

828. Abhiññeyyaṃ abhiññātaṃ bhāvetabbaṃ ca bhāvitaṃ,
\nPahātabbaṃ pahīnaṃ me tasmā buddhosmi brāhmaṇa.

829. Vinayassu mayi kaṅkhaṃ adhimuccassu brāhmaṇa,
\nDullabhaṃ dassanaṃ hoti sambuddhānaṃ abhiṇhaso.

830. Yesaṃ ve dullabho loke pātubhāvo abhiṇhaso,
\nSo’haṃ brāhmaṇa sambuddho7 sallakatto anuttaro.

831. Brahmabhūto atitulo mārasenappamaddano,
\nSabbāmitte vase katvā8 modāmi akutobhayo.

1 Susukkadāṭhosi-machasaṃ, [PTS.]
\n2 Jambumaṇḍassa-sīmu. 1, 2.
\n3 Bhojarājāno-[PTS.]
\n4 Rājāhirājā-[PTS.]
\n5 Bhāsatha-sīmu. 1, 2.
\n6 Satathuranavayo-[PTS.]
\n7 Buddho’smi-[PTS.]
\n8 Vasīkatvā-[PTS.]
\n[BJT Page 206] [\x 206/]
\n832. Idaṃ bhonto nisāmetha yathā bhāsati cakkhumā,
\nSallakatto1 mahāvīro nīho’va nadatī vane.

833. Brahmabhūtaṃ atitulaṃ mārasenappamaddanaṃ,
\nKo disvā nappasīdeyya api kaṇhābhijātiko.

834. Yo maṃ icchati anvetu yo vā nicchati gacchatu,
\nIdhāhaṃ pabbajissāmi varapaññassa santike.

835. Etaṃ ce ruccati bhoto sammāsambuddhasāsanaṃ,
\nMayampi pabbajissāma varapaññassa santike.
\n836. Brāhmaṇā tisatā ime yācanti pañjalīkatā,
\nBrahmacariyaṃ carissāma bhagavā tava santike.

837. Svākkhātaṃ brahmacariyaṃ (selāti bhagavā) sandiṭṭhikamakālikaṃ,
\nYattha amoghā pabbajjā appamattassa sikkhato.

839. Tuvaṃ [PTS Page 080] [\q  80/]      buddho tuvaṃ satthā tuvaṃ mārābhibhū muni,
\nTuvaṃ anusaye chetvā tiṇṇo tāresimaṃ pajaṃ.

840. Upadhī te samatikkantā āsavā te padālitā,
\nSīho’va anupādāno pahīnabhayabheravo.

841. Bhikkhavo tisatā ime tiṭṭhanti pañjalīkatā,
\nPāde vīra pasārehi nāgā vandantu satthuno’ti.

Itthaṃ sudaṃ āyasmā selo thero gāthāyo abhāsitthā’ti.

Selattheragāthā.

1 Sallakanto-sīmu. 1, 2.
\n2 Aṭṭhamī-pa, [PTS.]

[BJT Page 208] [\x 208/]
\n20. 1. 7
\n842. Yātaṃ me hatthigīvāya sukhumā vatthā padhāritā,
\nSālīnaṃ odano bhutto sucimaṃsūpasecano.

843. Sojja bhaddo sātatiko uñchāpattāgate1 rato,
\nJhāyati anupādāno putto godhāya bhaddiyo.

844. Paṃsukūlī sātatiko uñchāpattāgate1 rato,
\nJhāyati anupādāno putto godhāya bhaddiyo.

845. Piṇḍapātī sātatiko uñchāpattāgate1 rato,
\nJhāyati anupādāno putto godhāya bhaddiyo.

846. Tecivarī sātatiko uñchāpattāgate1 rato,
\nJhāyati anupādāno putto godhāya bhaddiyo.

847. Sapadānacārī sātatiko uñchāpattāgate1 rato,
\nJhāyati anupādāno putto godhāya bhaddiyo.

848. Ekāsanī sātatiko uñchāpattāgate1 rato,
\nJhāyati anupādāno putto godhāya bhaddiyo.

849. Pattapiṇḍī sātatiko uñchāpattāgate1 rato,
\nJhāyati anupādāno putto godhāya bhaddiyo.

850. Khalupacchābhattī sātatiko uñchāpattāgate1 rato,
\nJhāyati anupādāno putto godhāya bhaddiyo.

851. Āraññiko sātatiko uñchāpattāgate1 rato,
\nJhāyati anupādāno putto godhāya bhaddiyo.

852. Rukkhamūliko sātatiko uñchāpattāgate1 rato,
\nJhāyati anupādāno putto godhāya bhaddiyo.

853. Abbhokāsī sātatiko uñchāpattāgate1 rato,
\nJhāyati anupādāno putto godhāya bhaddiyo.

854. Sosāniko sātatiko uñchāpattāgate1 rato,
\nJhāyati anupādāno putto godhāya bhaddiyo.

855. Yathāsanthatiko sātatiko uñchāpattāgate1 rato,
\nJhāyati anupādāno putto godhāya bhaddiyo.

856. Nesajjiko sātatiko uñchāpattāgate1 rato,
\nJhāyati anupādāno putto godhāya bhaddiyo.

857. Appiccho sātatiko uñchāpattāgate1 rato,
\nJhāyati anupādāno putto godhāya bhaddiyo.

858. Santuṭṭho sātatiko uñchāpattāgate1 rato,
\nJhāyati anupādāno putto godhāya bhaddiyo.

1 Uñjāpattagate-sīmu. 1, 2.

[BJT Page 210] [\x 210/]
\n859. Pavivitto sātatiko uñchāpattāgate1 rato,
\nJhāyati anupādāno putto godhāya bhaddiyo.

860. Asaṃsaṭṭho sātatiko uñchāpattāgate1 rato,
\nJhāyati anupādāno putto godhāya bhaddiyo.

861. Āraddhaviriyo sātatiko uñchāpattāgate1 rato,
\nJhāyati anupādāno putto godhāya bhaddiyo.

862. Hitvā satapalaṃ kaṃsaṃ sovaṇṇaṃ satarājikaṃ,
\nAggahiṃ mattikāpattaṃ idaṃ dutiyābhisecanaṃ.

863. Ucce maṇḍalipākāre daḷhamaṭṭālakoṭṭhake,
\nRakkhito khaggahatthehi uttasaṃ vihariṃ pure.
\n864. Sojja bhaddo anutrāsī pahīnabhayabheravo,
\nJhāyati vanamogayha putto godhāya bhaddiyo.

865. Sīlakkhandhe patiṭṭhāya satiṃ paññaṃ ca bhāvayaṃ,
\nPāpuṇiṃ anupubbena sabbasaṃyojanakkhaya’nti.

Itthaṃ sudaṃ āyasmā bhaddiyo thero gāthāyo abhāsitthā’ti.

Bhaddiyattheragāthā.

20. 1. 8
\n866. Gacchaṃ vadesi samaṇaṭṭhitomhi
\nMamaṃ ca brūsi ṭhitamaṭṭhito’ti,
\nPucchāmi [PTS Page 081] [\q  81/]      taṃ samaṇa etamatthaṃ
\nKathaṃ2 ṭhito tvaṃ ahamaṭṭhitomhi.

867. Ṭhito ahaṃ aṅgulimāla sabbadā
\nSabbesu bhūtesu nidhāya daṇḍaṃ,
\nTuvañca pāṇesu asaññatosi
\nTasmā ṭhitohaṃ tuvamaṭṭhitosi.

868. Cirassaṃ vata me mahito mahesi
\nMahāvanaṃ samaṇo paccupādi,
\nSo’haṃ cajissāmi sahassapāpaṃ
\nSutvāna gāthaṃ tava dhammayuttaṃ.

869. Icceva coro asimāvudhaṃ ca
\nSobbhe papāte narake anvakāsi,
\nAvandi coro sugatassa pāde
\nTattheva pabbajjamayāci buddhaṃ.

870. Buddho ca kho kāruṇiko mahesi
\nYo satthā lokassa sadevakassa,
\nTamehi bhikkhū’ti tadā avoca
\nEso’va tassa ahu bhikkhubhāvo.

871. Yo ca pubbe pamajjitvā pacchā so nappamajjati,
\nSo’maṃ lokaṃ pabhāseti abbhā mutto’va candimā.

1 Uñjāpattagate-sīmu. 1, 2.
\n2 Kasmā-[PTS.]

[BJT Page 212] [\x 212/]
\n872. Yassa pāpaṃ kataṃ kammaṃ kusalena pithīyati, 1
\nSo’maṃ lokaṃ pabhāseti abbhā mutto’va candimā.

873. Yo have daharo bhikkhu yuñjati buddhasāsane,
\nSo’maṃ lokaṃ pabhaseti abbhā mutto’va candimā.

874. Disā’pi2 me dhammakathaṃ suṇantu
\nDisā’pi me yuñjantu buddhasāsane,
\nDisā’pi2 me te manuje3 bhajantu
\nYe dhammamevādāpenti4 santo.

875. Disā hi me khantivādānaṃ avirodhappasaṃsinaṃ,
\nSuṇantu dhammaṃ kālena tañca anuvidhīyantu.

876. Nahi jātu so mamaṃ hiṃse aññaṃ vā pana kiñcanaṃ,
\nPappuyya paramaṃ santiṃ rakkheyya tasathāvare.

877. Udanaṃ [PTS Page 082] [\q  82/]      hi nayanti nettikā usukārā namayanti tejanaṃ,
\nDāruṃ namayanti tacchakā attānaṃ damayanti paṇḍitā.

878. Daṇḍeneke damayanti aṅkusehi kasāhi ca,
\nAdaṇḍena asatthena ahaṃ antomhi tādinā.

879. Abhiṃsako’ti me nāmaṃ nahiṃsakassa pure sato,
\nAjjāhaṃ saccanāmomhi na naṃ hiṃsāmi kiñcanaṃ.

880. Coro ahaṃ pure āsiṃ aṅgulimālo’ti vissuto,
\nVuyhamāno mahoghena buddhaṃ saraṇamāgamaṃ.

881. Lohitapāṇī5 pure āsiṃ aṅgulimālo’ti vissuto,
\nSaraṇāgamanaṃ passa bhavanetti samūhatā.

882. Tādisaṃ kammaṃ katvāna bahuṃ duggatigāminaṃ
\nPhuṭṭho kammavipākena anaṇo bhuñjāmi bhojanaṃ.

883. Pamādamanuyuñjanti bālā dummedhino janā.
\nAppamādaṃ ca medhāvī dhanaṃ seṭṭhaṃ’va rakkhati.

884. Mā pamādamanuyuñjetha mā kāmaratisanthavaṃ,
\nAppamatto hi jhāyanto pappoti paramaṃ sukhaṃ.

885. Svāgataṃ nāpagataṃ netaṃ dummantitaṃ mama,
\nSaṃvibhattesu6 dhammesu yaṃ seṭṭhaṃ tadupāgamaṃ.

1 Pidhiyati-pa.
\n2 Disāhi-[PTS.]
\n3 Manusse-[PTS.]
\n4 Dhammamevādāpayanti-pa, [PTS.]
\n5 Lohitapāṇi-[PTS.]
\n6 Savibhattesu -sīmu. 1, 2.

[BJT Page 214] [\x 214/]
\n886. Svāgataṃ nāpagataṃ netaṃ dummantitaṃ mama,
\nTisso vijjā anuppattā kataṃ buddhassa sāsanaṃ.

887. Araññe rukkhamūle vā pabbatesu guhāsu vā,
\nTattha tattheva aṭṭhāsiṃ ubbiggamanaso tadā.

888. Sukhaṃ sayāmi ṭhāyāmi sukhaṃ kappemi jīvitaṃ,
\nAhatthapāso mārassa aho satthānukampito.

889. Brahmajacco pure āsiṃ udicco ubhato ahu, 1
\nSojja putto sugatassa dhammarājassa satthuno.

890. Vītataṇho anādāno guttadvāro susaṃvuto,
\nAghamūlaṃ vadhitvāna2 patto me āsavakkhayo.

891. Pariciṇṇo mayā satthā kataṃ buddhassa sāsanaṃ,
\nOhito garuko bhāro bhavanetti samūhatā’ti.

Itthaṃ sudaṃ āyasmā aṅgulimālo thero gāthāyo abhāsitthā’ti.

Aṅgulimālattheragāthā.

20. 1. 9
\n892. Pahāya [PTS Page 083] [\q  83/]      mātāpitaro bhaginī ñātibhātaro,
\nPañcakāmaguṇe hitvā anuruddho’va jhāyatu.

893. Sameto naccagītehi sammatāḷappabodhano,
\nNa tena suddhimajjhagaṃ3 mārassa visaye rato.

894. Etaṃ ca samatikkamma rato buddhassa sāsane,
\nSabboghaṃ samatikkamma anuruddho’va jhāyati.

895. Rūpā saddā rasā gandhā pheṭṭhabbā ca manoramā’
\nEte ca samatikkamma anuruddho’va jhāyati.

896. Piṇḍapātā paṭikkanto4 eko adutiyo muni,
\nEsati paṃsukūlāni anuruddho anāsavo.

897. Vicinī aggahī dhovī rajayī dhārayī muni,
\nPaṃsukūlāni matimā anuruddho anāsavo.

1 Ahuṃ-[PTS.]
\n2 Vamitvāna-[PTS.]
\n3 Sudadhimajjhagā-sīmu. 1, 2, [PTS] machasaṃ.
\n4 Piṇḍapātamatikkanto-sīmu. 1, 2, Pa. Piṇḍapātapaṭikkanto-[PTS.]

[BJT Page 216] [\x 216/]
\n898. Mahiccho ca asantuṭṭho saṃsaṭṭho yo ca uddhato,
\nTassa dhammā ime honti pāpakā saṅkilesikā.

899. Sato ca hoti appiccho santuṭṭho avighātavā,
\nPavivekarato vitto niccamāraddhavīriyo.

900. Tassa dhamma ime honti kusalā bodhipakkhikā,
\nAnāsavo ca so hoti iti vuttaṃ mahesinā.

901. Mama saṅkappamaññāya satthā loke anuttaro,
\nManomayena kāyena iddhiyā upasaṅkami.

902. Yadā me ahu saṅkappo tato uttari desayi,
\nNippapañcarato buddho nippapañcamadesayi.

903. Tasmāhaṃ dhammamaññāya vihāsiṃ sāsane rato,
\nTisso vijjā anuppattā kataṃ buddhassa sāsanaṃ.

904. Pañcapaññāsavassāni yato nesajjiko ahaṃ,
\nPañcavīsativassāni yato middhaṃ samūhataṃ.

905. Nāhu assāsapassāsā ṭhitavittassa tādino,
\nAnejo santimārabbha cakkhumā parinibbuto.

906. Asallīnena cittena vedanaṃ ajjhavāsayī,
\nPajjotasseva nibbānaṃ vimokkho cetaso ahu.

907. Ete pacchimikā dāni munino phassapañcamā,
\nNāññe dhammā bhavissanti samubaddhe parinibbute.

908. Natthi dāni punāvāso devakāyamhi1 jālini,
\nVikkhīṇo jātisaṃsāro natthi dāni punabbhavo.

909. Yassa [PTS Page 085] [\q  85/]      muhuttena2 sahassadhā loko saṃvidito sabrahmakappo,
\nVasī iddhiguṇe cutūpapāte kāle passati devatā sa bhikkhu. 3

910. Annabhāro4 pure āsiṃ daḷiddo ghāsahārako,
\nSamaṇaṃ paṭipādesiṃ upariṭṭhaṃ yasassinaṃ.

911. Somhi sakyakule jāto anuruddho’ti maṃ vidū,
\nUpeto naccagītehi sammatāḷappabodhano.

1 Devakāyasmi-[PTS] Devakāyasmiṃ-pa.
\n2 Muhutte-[PTS.]
\n3 Bhikkhuno-sīmu. 1, 2.
\n4 Annahāro-sīmu. 1, 2.

[BJT Page 218] [\x 218/]
\n912. Athaddasāsiṃ sambuddhaṃ satthāraṃ akutobhayaṃ,
\nTasmiṃ cittaṃ pasādetvā pabbajiṃ anagāriyaṃ.

913. Pubbenivāsaṃ jānāmi yattha me vusitaṃ pure,
\nTāvatiṃsesu devesu aṭṭhāsiṃ satajātiyā.

914. Sattakkhattuṃ manussindo ahaṃ rajjamakārayiṃ,
\nCāturanto vijitāvī jambusaṇḍassa1 issaro,
\nAdaṇḍena asatthena dhammena anusāsayiṃ.

915. Ito satta tato2 satta saṃsārāni catuddasa,
\nNivāsamabhijānissaṃ devaloke ṭhito tadā.

916. Pañcaṅgike samādhimhi sante3 ekodibhāvite,
\nPaṭippassaddhiladdhamhi4 dibbacakkhu5 visujjha me.

917. Cutūpapātaṃ jānāvi sattānaṃ āgatiṃ gatiṃ,
\nItthabhāvaññathābhāvaṃ jhāne pañcaṅgike ṭhito.

918. Pariciṇṇo mayā satthā kataṃ buddhassa sāsanaṃ,
\nOhito garuko bharo bhavanetti samūhatā.

919. Vajjīnaṃ vephavagāme ahaṃ jīvitasaṅkhayā,
\nHeṭṭhato vephagumbasmiṃ nibbāyissaṃ anāsavo’ti.

Itthaṃ sudaṃ āyasmā anuruddho thero gāthāyo abhāsitthā’ti.

Anuruddhattheragāthā.

20. 1. 10
\n920. Samaṇassa ahu6 cintā pupphitamhi mahāvane,
\nEkaggassa nisinnassa pavivattassa jhāyino.

921. Aññathā lokanāthamhi tiṭṭhante purisuttame,
\nIriyaṃ āsi bhakkhūnaṃ aññathā dāni dissati. 7

922. Sīthavātaparittānaṃ hirikopīnachādanaṃ,
\nMattatthiyaṃ abhaañjiṃsu santuṭṭhā itarītare.

923. Paṇītaṃ yadi vā lūkhaṃ appaṃ vā yadi vā bahuṃ,
\nYāpanatthaṃ abhuñjiṃsu agiddhā nādhimucchitā.

924. Jīvitānaṃ parikkhāre bhesajje atha paccaye,
\nNa bāḷhaṃ ussukā āsuṃ yathā te āsavakkhaye.

1 Jambumaṇḍassa-sīmu. 1, 2.
\n2 Ito-[PTS.]
\n3 Santo-sīmu. 1, 2.
\n4 Paṭippassaddhiladdhomhi-sīvu. 1, 2. Paṭippassaddhiladdhāmhi-[PTS.]
\n5 Dibbacakkhuṃ-[PTS.]
\n6 Ahu-[PTS.]
\n7 Dissate-[PTS.]

[BJT Page 220] [\x 220/]
\n925. Araññe rukkhamūlesu kandarāsu guhāsu ca,
\nVivekamanubrūhentā1 vihaṃsu2 tapparāyanā.

926. Nīcā niviṭṭhā subharā mudū atthaddhamānasā,
\nAbyāsekā amukharā atthacintāvasānugā.

927. Tato pāsādikaṃ āsi gataṃ bhuttaṃ nisevitaṃ,
\nSiniddhā teladhārā’va ahosi iriyāpatho.

928. Sabbāsavaparikkhīṇā mahājhāyī mahāhitā,
\nNibbutā dāni te therā parittā dāni tādisā.

929. Kusalānaṃ ca dhammānaṃ paññāya ca parikkhayā,
\nSabbākāravarūpetaṃ lujjate jinasāsanaṃ.

930. Pāpakānaṃ ca dhammānaṃ kilesānaṃ ca yo utu,
\nUpaṭṭhitā vivekāya ye ca saddhammasesakā.

931. Te kilesā pavaḍḍhantā āvisanti bahuṃ janaṃ,
\nKīḷanti maññe bālehi ummattehi va rakkhasā.

932. Kilesehābhibhūtā te tena tena vidhāvitā,
\nNarā kilesavatthūsu sasaṅgāmeva3 ghosite.

933. Pariccajitvā saddhammaṃ aññamaññehi bhaṇḍare,
\nDiṭṭhigatāni anventā idaṃ seyyoti raññare.

934. Dhanaṃ ca puttaṃ bhariyaṃ ca chaḍḍayitvāna niggatā,
\nKaṭacchubhikkhāhetū4 akiccāni nisevare.

935. Udarāvadehakaṃ bhutvā sayantuttānaseyyakā,
\nKathā vaḍḍhenti5 paṭibuddhā yā kathā satthugarahitā.
\n936. Sabbakārukasippāni cittīkatvāna7 sikkhare,
\nAvūpasantā ajjhattaṃ sāmaññattho’ti acchati.

937. Mattikaṃ telaṃ cuṇṇaṃ ca udakāsanabhojanaṃ,
\nGihīnaṃ upanāmenti ākaṅkhantā bahuttaraṃ.

938. Dantaponaṃ kapitthaṃ ca pupphaṃ khādaniyāni8 ca,
\nPiṇḍapāte ca sampanne9 ambe āmalakāni ca.

939. Bhesajjesu yathā vejjā kiccākicce yathā gihī,
\nGaṇikā’va vibhūsāyaṃ issare khattiyā yathā.

940. Nekatikā [PTS Page 086] [\q  86/]      mañcanikā kūṭasakkhi apāṭukā, 10
\nBahūhi parikappehi āmisaṃ paribhuñjare.

1 Vivekamanubrūhanta-pa, [PTS.]
\n2 Vihiṃsu-pa, [PTS.]
\n3 Sayaṃ gaheva-[PTS.]
\n4 Kaṭacchubhikkhahetūpi-[PTS.]
\n5 Kathā vadenti-[PTS.]
\n6 Pabuddhā-pa.
\n7 Cittikatvāna-[PTS.]
\n8 Pupphakhādaniyāni-sīmu. 1, 2.
\n9 Sampaṇṇo-sīmu. 1, 2.
\n10 Avāṭukā-[PTS.]

[BJT Page 222] [\x 222/]
\n941. Lesakappe pariyāye parikappenudhavitā,
\nJīvikatthā upāyena saṅkaḍḍhanti bahuṃ dhanaṃ.

942. Upaṭṭhāpenti parisaṃ kammato no ca dhammato,
\nDhammaṃ paresaṃ desenti lābhato no ca atthato.

943. Saṅghalābhassa bhaṇḍanti saṅghato paribāhirā, 1
\nParalābhūpajīvantā2 ahirīkā3 na lajjare.

944. Nānuyuttā tathā eke muṇḍā saṅghāṭipārutā,
\nSambhāvanaṃ yevicchanti lābhasakkāramucchitā.

945. Evaṃ nānappayātamhi na dāni4 sukaraṃ tathā,
\nAphusitaṃ5 vā phunituṃ phunasitaṃ nānurakkhituṃ.

946. Yathā kaṇaṭakaṭṭhānamhi careyya anupāhano,
\nSatiṃ upaṭṭhapetvāna evaṃ gāme munī care.

947. Saritvā pubbake yogī tesaṃ vattamanussaraṃ,
\nKakiñcā’pi pacchimo kālo phuseyya amataṃ padaṃ.

948. Idaṃ vatvā sālavane samaṇo bhāvitindriyo,
\nBrāhmaṇo parinibbāyī isi khīṇapunabbhavo’ti.

Itthaṃ sudaṃ āyasmā pārāsariyo thero gāthāyo abhāsitthā’ti.

Pārāsariyattheragāthā.

Tassuddānaṃ:
\nAdhimutto pārāsariyo telakāni raṭṭhapālo,
\nMāluṅkyaselo bhaddiyo aṅguli dibbacakkhuko.
\nPārāsariyo dasete vīsatinipātamhi parikittitā,
\nGāthāyo dvesatā honti pañcatālīsa uttarinti.

Vīsatinipāto niṭṭhito.

1 Paribāhiyā-pa.
\n2 Paralābhopajīvantā-[PTS.]
\n3 Ahirikāva-[PTS.]
\n4 Nidāni-[PTS.]
\n5 Apphusitaṃ-sīmu. 1, 2.
\n