[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 067  [\q  67/]     14. 1. 1]
\n[BJT Page 174] [\x 174/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n

14. Cuddasanipāto.

645. Yadā ahaṃ pabbajito agārasmānagāriyaṃ,
\nNābhijānāmi saṅkappaṃ anariyaṃ dosasaṃhitaṃ.

646. Ime haññantu vajjhantu dukkhaṃ pappontu pāṇino,
\nSaṅkappaṃ nābhijānāmi imasmiṃ dīghamantare.

647. Mettaṃ ca abhijānāmi appamāṇaṃ subhāvitaṃ,
\nAnupubbaṃ paricitaṃ yathā buddhena desitaṃ.

648. Asaṃhīraṃ asaṃkuppaṃ cittaṃ āmodayāmahaṃ,
\nBrahmavihāraṃ bhavemi ānāpurisasevitaṃ.

650. Avitakkaṃ samāpanno sammāsambuddhasāvako,
\nAriyena tuṇhībhāvena upeto hoti tāvade.

651. Yathā’pi pabbato selo acalo suppatiṭṭhito,
\nEvaṃ mohakkhayā bhakkhu pabbato’va na vedhati.

652. Anaṅgaṇassa posassa niccaṃ sucigavesino,
\nVālaggamattaṃ pāpassa abbhamattaṃ2 va khāyati.

653. Nagaraṃ yathā paccantaṃ guttaṃ santarabāhiraṃ,
\nEvaṃ gepetha attānaṃ khaṇo vo3 mā upaccagā.

654. Nābhinandāmi maraṇaṃ nibhinandāmi jīvitaṃ,
\nKālaṃ ca paṭikaṅkhāmi sampajānā patissato.

655. Nābhinandāmi maraṇaṃ nābhinandāmi jīvitaṃ,
\nKālaṃ ca paṭikaṅkhāmi sampajāno patissato.

656. Pariciṇṇo mayā satthā kataṃ buddhassa sāsanaṃ,
\nOhito garuko bhāro bhavanetti samūhatā.

657. Yassa catthāya pabbajito agārasmānagāriyaṃ,
\nSo me attho anuppatto sabbasañño janakkhayo.

1 Abyāpajjarato-sīmu. 1, 2.
\n2 Abbhāmattaṃ-[PTS] pa.
\n3 Ve-[PTS.]

[BJT Page 176] [\x 176/]
\n658. Sampādethappamādena esā me anusāsanī,
\nHandāhaṃ parinibbassaṃ vippamuttomhi sabbadhī’ti.

Itthaṃ sudaṃ āyasmā khadiravaniyo revato thero gāthāyo abhāsitthā’ti.

Khadiravaniyarevatattheragāthā.

14. 1. 2
\n659. Yathā’pi bhaddo ājañño dhure yutto dhurāsaho, 1
\nMathito atibhārena saṃyugaṃ nātivattati.

660. Evaṃ paññāya ye tittā samuddo vārinā yathā,
\nNa pare atimaññanti ariyadhammo’va pāṇinaṃ.

661. Kāle [PTS Page 068] [\q  68/]      kālavasaṃ pattā bhavābhavavasaṃ gatā,
\nNarā dukkhaṃ nigacchanti tedha socanti mānavā.

662. Unnatā sukhadhammena dukkhadhammena conatā, 2
\nDvayena bālāhaññanti yathābhūtaṃ adassino.

663. Ye ca dukkhe sukhasmiṃ ca majjhasibbanimaccagū3
\nṬhitā te indakhīlo’va na te unnataonatā.

664. Naheva lābhe nālābhe ayase4 na ca kittiyā,
\nNa nindāyaṃ pasaṃsāya na te dukkhe sukhamhi ca.

665. Sabbattha te na lippanti udabindūva pokkhare,
\nSabbattha sukhitā dhīrā sabbattha aparājitā.

666. Dhammena ca alābho yo yo ca lābho adhammiko,
\nAlābho dhammiko seyye yaṃ ve lābho adhammiko.

667. Yaso ca appabuddhīnaṃ viññūnaṃ ayaso ca yo,
\nAyaso’va seyyo viññūnaṃ na yaso appabuddhinaṃ.

668. Dummedhehi pasaṃsā ca miññūhi garahā ca yā,
\nGarahā’va seyyo viññūhi yaṃ ce bālapasaṃsanā.

1 Dhurassaho-sīmu. 1, 2.
\n2 Vonatā-[PTS.]
\n3 Sibbinimajjhagu-[PTS.]
\n4 Nayase-machasaṃ, [PTS.]

[BJT Page 178] [\x 178/]
\n669. Sukhaṃ ca kāmamayikaṃ dukkhaṃ ca pavivekiyaṃ,
\nPaviveka1 dukkhaṃ seyyo yaṃ ce kāmamayaṃ sukhaṃ.

670. Jīvitaṃ ca adhammena dhammena maraṇaṃ ca yaṃ,
\nMaraṇaṃ dhammikaṃ seyyo yaṃ ce jīve adhammikaṃ.

671. Kāmakopappahīnā ye santacittā bhavābhave,
\nCaranti loke asitā natthi tesaṃ piyāppiyaṃ.

672. Bhāvayitvāna bojjhaṅge indriyāni balāni ca,
\nPappuyya paramaṃ santiṃ parinibbantyanāsavā’ti. 2

Itthaṃ sudaṃ āyasmā godatto thero gāthāyo abhāsitthā’ti.

Godattattheragāthā.

Tassuddānaṃ:
\nRevato ceva gedatto therā dve te mahiddhikā,
\nCuddasamhi nipātamhi gāthāyo aṭṭhavīsatī’ti.

Cuddasanipāto niṭṭhito.

1 Pavivekiyaṃ-syā, [PTS,]
\n2 Parinibbantianāsavā’ti-[PTS.]
\n