[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 065  [\q  65/]     13. 1. 1]
\n[BJT Page 170] [\x 170/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n

13. Terasanipatā.

632. Yāhu raṭṭhe samaiukkaṭṭho rañño aṅgassa paddhagū,
\nSvājja dhamme su ukkaṭṭho soṇo dukkhassa pāragū.

633. Pañca chinde pañca jahe pañca cuttari bhāvaye,
\nPañca saṅgātigo bhikkhu oghatiṇṇo’ti vuccati.

634. Unnaḷassa pamattassa bāhirāsassa bhikkhuno,
\nSīlaṃ samādhi paññā ca pāripūriṃ na gacchati.

635. Yaṃ hi kiccaṃ tadapaviddhaṃ akiccaṃ pana kayirati,
\nUnnaḷānaṃ pamattānaṃ tesaṃ vaḍḍhanti āsavā.

636. Yesaṃ ca susamāraddhā niccaṃ kāyagatā sati,
\nAkiccaṃ te na sevanti kicce sātaccakārino,
\nSatānaṃ sampajānānaṃ atthaṃ gacchanti āsavā.

637. Ujumaggamhi akkhāte gacchatha mā nivattatha,
\nAttanā codayattānaṃ nibbānamabhihāraye.

638. Accāraddhamhi viriyamhi satthā loke anuttaro,
\nVīṇopamaṃ kiritvā me dhammaṃ desesi cakkhumā.

639. Tassāhaṃ vacanaṃ sutvā vihāsiṃ sāsane rato,
\nSamathaṃ paṭipādesiṃ uttamatthassa pattiyā,
\nTisso vijjā anuppattā kataṃ buddhassa sāsanaṃ.

640. Nekkhamme adhimuttassa pavivekaṃ ca cetaso,
\nAbyāpajjhādhimuttassa upādānakkhayassa ca.

[BJT Page 172] [\x 172/]
\n641. Taṇhakkhayādhimuttassa asammohaṃ ca cetaso,
\nDisvā āyatanuppādaṃ sammā cittaṃ vimuccati.

642. Tassa [PTS Page 066] [\q  66/]      sammā vimuttassa santacittassa bhikkhuno,
\nKatassa paticayo natthi karaṇīyaṃ na vijjati.

643. Selo yathā ekaghano vātena na samīrati,
\nEvaṃ rūpā rasā saddā gandhā phassā ca kevalā.

644. Iṭṭhā dhammā aniṭṭhā ca nappamedhenti tādino,
\nṬhitaṃ cittaṃ visaññuttaṃ vayañcassātupassatī’ti.

Itthaṃ sudaṃ āyasmā soṇo koḷivīso thero gāthāyo abhāsitthā’ti.

Soṇattheragāthā.

Tassuddānaṃ:
\nSoṇo koḷiviso thero ekoyeva mahiddhiko,
\nTerasamhi nipātamhi gāthāyo cettha terasā’ti.

Terasanipāto niṭṭhito.