[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 063  [\q  63/]     12. 1. 1]
\n[BJT Page 166] [\x 166/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n

12. Dvādasanipāto.

608. Sīlamevidha sikkhetha asmiṃ loke susikkhitaṃ,
\nSīlaṃ hi sabbasampattiṃ upanāmeti sevitaṃ.

609. Sīlaṃ rakkheyya medhāvī patthayāno tayo sukhe,
\nPasaṃsaṃ vittilābhaṃ ca pecca sagge ca modanaṃ.

601. Sīlavā hi bahū mitte saññamenādhigacchati,
\nDussīlo pana mittehi dhaṃ sate pāpamācaraṃ.

611. Avaṇṇaṃ ca akittiṃ ca dusīlo labhate naro,
\nVaṇṇaṃ kittiṃ pasaṃsaṃ ca sadā labhati sīlavā.

612. Ādi sīlaṃ patiṭṭhā ca kalyāṇā naṃ ca mātukaṃ,
\nPamukhaṃ sabbadhammānaṃ tasmā sīlaṃ visodhaye.

613. Velā ca saṃvaro1 sīlaṃ cittassa abhihāsanaṃ,
\nTitthaṃ ca sabbabuddhānaṃ tasmā sīlaṃ visodhaye.

614. Sīlaṃ balaṃ appaṭimaṃ sīlaṃ āvudhamuttamaṃ,
\nSīlamābharaṇaṃ seṭṭhaṃ sīlaṃ kavacamabbhutaṃ.

615. Sīlaṃ setu mahesakkho sīlaṃ gandho2 anuttaro,
\nSīlaṃ vilepanaṃ seṭṭhaṃ yena vāti disodisaṃ.

616. Sīlaṃ sambalamenaggaṃ sīlaṃ pātheyyamuttamaṃ,
\nSīlaṃ seṭṭho ativāho yena yāti disodisaṃ.

617. Idheva nindaṃ labhati peccāpāye ca dummano,
\nSabbattha dummano bālo sīlesu asamāhito.

618. Idheva kittiṃ labhati pecca sagge ca summano,
\nSabbattha sumano dhīro sīlesu susamāhito.

619. Sīlameva idha aggaṃ paññavā pana uttamo,
\nManussesu ca devesu sīlapaññāṇato jaya’nti.

Itthaṃ sudaṃ āyasmā sīlavo thero gāthāyo abhāsitthā’ti.

Sīlavattheragāthā.

1 Saṃvaraṃ-[PTS.]
\n2 Sīlagandho-sīmu. 1, 2.

[BJT Page 168] [\x 168/]
\n12. 1. 2
\n620. Nīce kulamhi jāto’haṃ daḷiddo appabhojano,
\nHīnakammaṃ mamaṃ āsi ahosi pupphachaḍḍako.

621. Jigucchito panussānaṃ paribhūto ca vamhito,
\nNīcaṃ manaṃ karitvāna vandisaṃ1 bahukaṃ janaṃ.

622. Athaddasāsiṃ [PTS Page 064] [\q  64/]      sambuddhaṃ bhikkhusaṅghapurakkhataṃ,
\nPavisantaṃ mahāvīraṃ magadhānaṃ puruttamaṃ.

623. Nikkhipitvāna vyābhaṅgiṃ vandituṃ upasaṅkamiṃ,
\nMameva anukampāya aṭṭhāsi purisuttamo.
\n624. Manditvā satthuno pāde ekamantaṃ ṭhito tadā,
\nPabbajjaṃ ahamāyāciṃ sabbasattānamuttamaṃ.

625. Tato kāruṇiko satthā sabbalokānukampako,
\nEhi bhikkhūti maṃ āha sā me āsūpasampadā.

626. So’haṃ eko araññasmiṃ viharanto atandito,
\nAkāsiṃ satthu vacanaṃ yathā maṃ ovadī jino.

627. Rattiyā paṭhamaṃ yāmaṃ pubbajātimanussariṃ,
\nRattiyā majjhamaṃ yāmaṃ dibbacakkhuṃ visodhayiṃ, 2
\nRattiyā pacchime yāme tamekhandhaṃ padālayiṃ.

628. Tato ratyā vivasane3 suriyassuggamanaṃ pati,
\nIndo brahmā ca āgantvā maṃ namassiṃsu pañjilī.

629. Namo te purisājañña namo te purisuttama,
\nYassa te āsavā khīṇā dakkhiṇeyyosi mārisa.

630. Tato disvāna maṃ satthā devasaṅghapurakkhataṃ,
\nSitaṃ pātukaritvāna imamatthaṃ abhāsatha.

631. Tapena brahmacariyena saññamena damena ca,
\nEtena brāhmaṇo hoti etaṃ brāhmaṇamuttama, nti.

Itthaṃ sudaṃ āyasmā sunīto thero gāthāyo abhāsitthā’ti.

Dunītattheragāthā.

Tassuddānaṃ:
\nSīlavā ca sunīto ca therā dve te mahiddhikā
\nDvādasamhi nipātamhi gāthāyo catuvīsasatī’ti.

Dvādasanipāto niṭṭhito.

1 Vandissaṃ-sīmu. 1, 2, Pa.
\n2 Visodhitaṃ-[PTS.]
\n3 Vivasāne-sīmu. 1, 2.
\n