[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 062  [\q  62/]     11. 1. 1]
\n[BJT Page 164] [\x 164/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n

11. Ekādasanipāto.

597. Kiṃ tavattho vane tāta ujjuhāno va pāvuse,
\nVerambā ramaṇīyā te paviveko hi jhāyinaṃ.

598. Yathā abbhāni verambo vāto nudati pāvuse,
\nSaṭñā me abhikīranti vivekapaṭisaṭñutā.

599. Apaṇḍaro aṇḍasambhavo sīvathikāya niketavāriko,
\nUppādayātava me satiṃ sandehasmiṃ1 virāganissitaṃ.

600. Yaṃ ca aṭñe na rakkhanti yo ca aṭñe na rakkhati,
\nSa ve bhikkhu sukhaṃ seti kāmesu anapekkhavā.

601. Acchodikā puthusilā gonaṅgulamigāyutā,
\nAmbusevālasaṭchannā te selā ramayanti maṃ.

602. Vasitaṃ me araṭñesu kandarāsu guhāsu ca,
\nSenāsanesu pantesu vāḷamiganisevite.

603. Ime haṭñantu vajjhantu dukkhaṃ pappontu pāṇino.
\nNaṅkappaṃ nābhijānāmi anariyaṃ dosasaṃhitaṃ.

604. Pariciṇṇo mayā satthā kataṃ buddhassa sāsanaṃ,
\nOhito garuko bhāro bhavanetti samūhatā.

605. Yassa catthāya pabbajito agārasmānagāriyaṃ,
\nSo me attho anuppatto sabbasaṭñojanakkhayo.

606. Nābhinandāmi maraṇaṃ nābhinandāmi jīvitaṃ,
\nKālaṃ ca paṭikaṅkhāmi nibbisaṃ bhatako yathā.

607. Nābhinandāmi maraṇaṃ nābhinandāmi jīnitaṃ,
\nKālaṃ ca paṭikaṅkhāmi sampajāno patissato’ti.

Itthaṃ sudaṃ āyasmā saṅkicco thero gāthāyo abhāsitthā’ti.

Saṅkiccattheragāthā.

Tassuddānaṃ:
\nSaṅkiccathero eko’va katakicco anāsavo,
\nEkādasanipātamhi gāthā ekādaseva cā’ti.

Ekādasanipāto niṭṭhito.

1 Sandehasa-[PTS.]
\n