[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 056  [\q  56/]     10. 1. 1]
\n[BJT Page 152] [\x 152/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n

10. Dasakanipāto.

527. Aṅgārino dāni dumā bhadante
\nPhalesino chadanaṃ vippahāya,
\nTe accimanto’va pabhāsayanti
\nSamayo mahāvīra bhagīrathānaṃ. 1

528. Dumāni phullāni manoramāni
\nSamantato sabbadisā pavanti, 2
\nPattaṃ pahāya phalamāsasānā
\nKālo ito pakkamanāya vīra.

529. Nevātisītaṃ na panātiuṇhaṃ
\nSukhā utu addhaniyā bhadante,
\nPassantu taṃ sākiyā koḷiyā ca
\nPacchāmukhaṃ rohiṇiṃ tārayantaṃ. 3

530. Āsāya kasate4 khettaṃ bījaṃ āsāya vappati, 5
\nAsāya vāṇijā yanti samuddaṃ dhanahārakā,
\nYāya āsāya tiṭṭhāmi sā me āsā samijjhatu.

531. Punappunaṃ ceva vapanti bījaṃ
\nPunappunaṃ vassati devarājā,
\nPunappunaṃ khettaṃ kasanti kassakā
\nPunappunaṃ dhaññamupeti raṭṭhaṃ.

532. Punappunaṃ yācanakā caranti
\nPunappunaṃ dānapati dadanti,
\nPunappunaṃ dānapatī daditvā
\nPunappunaṃ saggamupentiṭhānaṃ.

533. Vīro [PTS Page 057] [\q  57/]      have sattayugaṃ puneti
\nYasumiṃ kule jāyati bhūripañño,
\nMaññāmahaṃ sakkati devādavo
\nTayā hi5 jāto6 muni saccanāmo.

534. Suddhedano nāma pitā mahosino
\nBuddhassa mātā pana māyanāmā,
\nYābodhisattaṃ parihariya kucchinā
\nKāyassa bhedā tidivamhi modati.

535. Sā gotamī kālakatā ito cutā
\nDibbehi kāmehi samaṅgibhūtā,
\nSāmodati kāmaguṇehi pañcahi
\nParivāritā devagakhehi tehi.

536. Buddhassa puttomhi asayhasāhino
\nAṅgīrasassappaṭimassa tādino,
\nPitupitā mayhaṃ tuvaṃsi sakka
\nDhammena me gotama ayyakosī’ti.

Itthaṃ sudaṃ āyasmā kāphadāyī thero gāthāyo abhāsitthā’ti.

Kāphadāyīttheragāthā.

1 Bhāgīrasānaṃ-sīmu. 1, 2, Pa. Bhagīrasānaṃ-pu, [PTS.]
\n2 Sababadisā savanti-sīmu. 1. Sababadisaṃ savanti-sīmu. 2.
\n3 Rohiniyaṃ tarantaṃ-[PTS.]
\n4 Kassate-[PTS.]
\n5 Vuppati-[PTS. 6] Tayābhijāto-sīmu. 1, 2, Pa.

[BJT Page 154] [\x 154/]
\n10. 1. 2
\n537. Purato pacchato vā pi aparo ce na vijjati,
\nAtīva phāsu bhavati rakassa vasato vane.

538. Handa eko gamissāmi araññaṃ buddhavaṇṇitaṃ,
\nPhāsu1 ekaviharissa pahitattassa bhikkhuno.

539. Yogī pītikaraṃ rammaṃ mattakuñjarasevitaṃ,
\nEko atthavasī khippaṃ pavisissāmi kānanaṃ.

540. Supupphite sītavane sītale girikandare,
\nGattāni parisiñcitvā caṅkamissāmi ekako.

541. Ekākiyo adutiyo ramaṇīye mahāvane,
\nKadāhaṃ viharissāmi katakicco anāsavo.

542. Evaṃ me kattukāmassa adhippāyo samijjhatu,
\nSādhayissāmahaṃ2 yeva nāñño aññassa kārako.

543. Esabandhāmi sannāhaṃ pavisissāmi kānanaṃ,
\nNa tato nikkhamissāmi appatto āsavakkhayaṃ.

544. Mālute upavāyante sīte surabhigandhike, 3
\nAvijjaṃ dāḷayissāmi nisinno nagamuddhani.

545. Vane kusumasañjanne pabbhāre nūna sītale,
\nVimuttisukhena sukhito ramissāmi giribbaje.

546. Sohaṃ [PTS Page 058] [\q  58/]      paripuṇṇasaṃkappo cando paṇṇaraso yathā,
\nSabbāsava parikkhīṇo natthi dāni punabbhavo’ti.

Itthaṃ sudaṃ āyasmā ekavihāriyo thero gāthāyo abhāsitthā’ti.

Ekavihāriyattheragāthā.

10. 1. 3
\n547. Anāgataṃ yo paṭigacca passati
\nHitaṃ ca atthaṃ ahitaṃ ca taṃ dvayaṃ,
\nViddesino tassa hitesino vā
\nRandhaṃ na passanti samekkhamānā.

548. Ānāpānasatī yassa paripuṇṇā subhāvitā,
\nAnupubbaṃ paricitā yathā buddhena desitā,
\nSomaṃ lokaṃ pabhāseti abbhā muttova candimā.

549. Odātaṃ vata me cittaṃ appamāṇaṃ subhāvitaṃ,
\nNibbiddhaṃ paggahītaṃ ca sabbā obhāsate disā.

1 Phāsuṃ-pa, [PTS.]
\n2 Sādhayissāmyahaṃ-sīmu. 1, 2.
\n3 Surabhigandhake-[PTS.]

[BJT Page 156] [\x 156/]
\n550. Jīvite vā pī sappañño api vittaparikkhayo, 1
\nPaññāya ca alābhena vittavā pi na jīvati.

551. Paññā sutavinicchinī paññākittisilokavaḍḍhanī,
\nPaññā sahito naro idha api dukkhesu sukhāni vindati.

552. Nāyaṃ ajjatano dhammo na cchero na pi abbhuto,
\nYattha jāyetha mīyetha tattha kiṃ viya abbhutaṃ.

553. Anantaraṃ hi jātassa jīvitā2 maraṇaṃ dhuvaṃ,
\nJātā jātā marantīdha evaṃ dhammā hi pāṇino.

554. Na hetadatthaya matassa hoti
\nYaṃ jīvitatthaṃ paraporisānaṃ,
\nMatamhi ruṇṇaṃ na yaso na lokyaṃ
\nNa vaṇṇitaṃ samaṇabrāhmaṇehi.

555. Cakkhuṃ sarīraṃ upahanti ruṇṇaṃ3
\nNihīyati vaṇṇabalaṃ matī ca,
\nĀnandino tassa disā bhavanti
\nHitesino nāssa sukhī bhavanti.

556. Tasmā hi iccheyya kule vasante4
\nMedhāvino ceva bahussute ca,
\nYesaṃ [PTS Page 059] [\q  59/]      hi paññāvibhafavana kiccaṃ
\nTaranti nāvāya nadiṃ va puṇṇa’nti.

Itthaṃ sudaṃ āyasmā mahākappiko thero gāthāyo abhāsitthā’ti.

Mahākappinattheragāthā.
\n10. 1. 4
\n557. Dandhā mayhaṃ gati āsi paribhūto pure ahaṃ,
\nBhātā ca maṃ paṇāmesi gaccha dāni tuvaṃ gharaṃ.

558. Sohaṃ paṇāmito bhātā5 saṅghārāmassa koṭṭhake,
\nDummano tattha aṭṭhāsiṃ sāsanasmiṃ apekhavā. 6

559. Bhagavā tattha āgañchi sīsaṃ mayhaṃ parāmasi,
\nBāhāya maṃ gahetvāna saṅghārāmaṃ pavesayī.

560. Anukampāya me satthā pādāsi pādapuñjaniṃ
\nEtaṃ suddhaṃ adhiṭṭhehi ekamantaṃ svadhiṭṭhitaṃ.

561. Tassāhaṃ vacanaṃ sutvā vihāsiṃ sāsane rato,
\nSamādhiṃ paṭipādesiṃ uttamatthassa pattiyā.

562. Pubbenivāsaṃ jānāmi dibbacakkhu7 visodhitaṃ,
\nTisso vijjā anuppattā kataṃ buddhassa sāsanaṃ.

1 Vittaparikkhayā-sīmu. 1, 2.
\n2 Jīvitaṃ-sīmu. 1, 2.
\n3 Teta-machasaṃ.
\n4 Vasanto-sīmu. 1, 2.
\n5 Santo-sīmu. 1, 2, [PTS.]
\n6 Apekkhavā-sīmu. 1, 2, [PTS.]
\n7 Dibbacakkhuṃ-[PTS.]

[BJT Page 158] [\x 158/]
\n563. Sahassakkhattumattānaṃ nimminitvāna panthako,
\nNisīdambavane ramme yāva kālappavedanā. 1

564. Tato me satthā pāhesi dūtaṃ kālappavedakaṃ,
\nPaveditamhi kālamhi vehāsādupasaṅkamiṃ. 2

565. Vanditvā satthuno pāde ekamantaṃ nisīdahaṃ,
\nNisinnaṃ maṃ viditvāna atha satthā paṭiggahī.

566. Āyāgo sabbalokassa āhutīnaṃ paṭiggaho,
\nPuññakkhettaṃ manussānaṃ paṭigaṇhittha dakkhiṇa’nti.

Itthaṃ sudaṃ āyasmā cūḷapanthako thero gāthāyo abhāsitthā’ti.

Cūḷapanthakattheragāthā.
\n10. 1. 5
\n567. Nānākuṇapasampuṇṇo mahāukkārasambhavo,
\nCandanikaṃ va paripakkaṃ mahāgaṇḍo mahāvaṇo.
\n568. Pubbaruhirasampuṇṇo gūthakūpena gāḷahito, 3
\nĀpo paggharaṇo4 kāyo sadā sandati pūtikaṃ.

569. Saṭṭhikaṇḍarasambandho [PTS Page 069] [\q  69/]      maṃsalepanalepito,
\nCammakañcukasannaddho pūtikāyo niratthako.

570. Aṭṭhasaṅghāṭaghaṭito nahāru5 suttanibandhano,
\nNekesaṃ saṅgatibhāvā kappeti iriyāpathaṃ.

571. Dhuvappayāto maraṇassa6 maccurājassa santike,
\nIdheva chaḍḍayitvāna yena kāmaṅgamo naro.

572. Avijjā7 nivuto kāyo catuganthena gatthito,
\nOghasaṃsīdano kāyo anusayajālamotthato.

573. Pañcanīvaraṇe yutto vitakkena samappito,
\nTaṇhāmūlenānugato mohacchadanachādito.

574. Evāyaṃ vattate kāyo kammayantena yantito,
\nSampatti ca vipattyantā ninābhāvo vipajjati.

575. Yemaṃ kāyaṃ mamāyanti andhabālā puthujjanā,
\nVaḍḍhenti kaṭasiṃ gheraṃ ādiyanti punabbhavaṃ.

576. Ye’maṃ kāyaṃ vivajjenti gūthalittaṃ’va pannagaṃ,
\nBhavamūlaṃ vamitvāna parinibbantyanāsavā. 8

Itthaṃ sudaṃ āyasmā kappo thero gāthāyo abhāsitthā’ti.

Kappattheragāthā.

1 Kālappavedanaṃ-[PTS.]
\n2 Vehāsānupasaṅkamiṃ-[PTS.]
\n3 Gathakūpenigāḷhiko-syā, [PTS. ’]Guthakūpenibāhito’ tipipāḷi-syā, [PTS.]
\n4 Paggharaṇī-[PTS.]
\n5 Nhāru-[PTS.]
\n6 Maraṇāya-sīmu. 1, 2.
\n7 Avijjāya-machasaṃ, pa, [PTS.]
\n8 Parinibbissantyanāsavā-[PTS.] Parinibbāyissantyanāsavā-pa.

[BJT Page 160] [\x 160/]
\n10. 1. 6
\n577. Vivittaṃ appanigghosaṃ vāḷamiganisevitaṃ,
\nSeve senāsanaṃ bhakkhu paṭisallānakāraṇā.

578. Saṅkārapuñjā āhatvā susānā rathiyāhi ca,
\nTato saṅghāṭikaṃ katvā lūkhaṃ dhāreyya cīvaraṃ.

579. Nīcaṃ manaṃ karitvāna sapadānaṃ kulākulaṃ,
\nPiṇḍikāya care bhikkhu guttadvāro susaṃvuto.

580. Lūkhena’pi ca santusse nāññaṃ patthe rasaṃ bahuṃ,
\nRasesu anugiddhassa jhāne naramatī mano.

582. Yathā jaḷo’va mūgo’va attānaṃ dassaye tathā,
\nNātivelaṃ pabhāseyya saṅghavajjhamhi paṇḍito.

583. Na so upavade kañci upaghātaṃ vivajjaye,
\nSaṃvuto pātimokkhasmiṃ mattaññū cassa bhojane.

584. Paggahītanimittassa1 cittassuppādakovido,
\nSamathaṃ anuyuñjeyya kālana ca vipassanaṃ.

585. Viriyasātaccasampanno [PTS Page 061] [\q  61/]      yuttayogo sadā siyā,
\nNa ca appatvā dukkhantaṃ2 vissāsaṃ eyya paṇḍito.

586. Evaṃ viharamānassa suddhikāmassa bhikkhuno,
\nKhīyanti āsavā sabbe kibbutiñcādhigacchatī’ti.

Itthaṃ sudaṃ āyasmā upaseno vaṅgantaputto thero gāthāyo abhāsitthā’ti.
\nUpasenattheragāthā.

10. 1. 7
\n587. Vijāneyya sakaṃ atthaṃ avalokeyyātha pāvacanaṃ,
\nYañcettha assa patirūpaṃ sāmaññaṃ ajjhapagatassa.

588. Mittaṃ idha ca3 kalyāṇaṃ sikkhā vipulaṃ samādānaṃ,
\nSussūsā ca garūnaṃ etaṃ samaṇassa patirūpaṃ,

589. Buddhesu ca sagāravatā dhamme apaciti yathābhūtaṃ,
\nSaṅghe ca cittīkāro etaṃ samaṇassa patirūpaṃ.

1 Suggahīta nimittassa-sīmu. 1, 2, [PTS. ’]Paggahīta nimitto so’ tipipāṭho.
\n2 Dukkhassantaṃ-[PTS.]
\n3 Idha-pa, [PTS.]

[BJT Page 162] [\x 162/]
\n590. Ācāragocare yutto ājīvo sodhito agārayho,
\nCttassa ca saṇṭhapanaṃ etaṃ samaṇassa patirūpaṃ.

591. Cārittaṃ atha mārittaṃ iriyāpathiyaṃ pasādaniyaṃ,
\nAdhicitte ca āyogo etaṃ samaṇassa patirūpaṃ.
\n592. Āraññakāni senāsanāni pantāni appasaddāni,
\nBhajitabbāni muninā etaṃ samaṇassa patirūpaṃ.

593. Sīlaṃ ca bāhusaccañca dhammānaṃ pavicayo yathābhūtaṃ,
\nSaccānaṃ abhisamayo etaṃ samaṇassa patirūpaṃ.

594. Bhāvaye ca1 aniccanti anattasaññaṃ asubhasaññaṃ ca,
\nLokamhi ca anabhiratiṃ etaṃ samaṇassa patirūpaṃ.

595. Bhaveyya ca bojjhaṅge iddhipādāni indriyāni balāni,
\nAṭṭhaṅgamaggamariyaṃ etaṃ samaṇassa patirūpaṃ.

596. Taṇhaṃ pajaheyya muni samūlake āsave padāleyya,
\nVihareyya vippamutto2 etaṃ samaṇassa patirūpa’nti.

Itthaṃ sudaṃ āyasmā gotamo thero gāthāyo abhāsitthā’ti.

Aparagotamattheragāthā.

Tassuddānaṃ:
\nKāḷudāyī ca so thero ekavihārī ca kappino
\nCūḷapanthako kappo ca upaseno ca gotamo,
\nSattime dasake therā gāthāyo cettha sattatī’ti.

Dasakanipāto niṭṭhito.

1 Bhāvaye-sīmu. 1, 2, Pa, [PTS.]
\n2 Vimutto-[PTS.]
\n