[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 054  [\q  54/]     9. 1. 1]
\n[BJT Page 148] [\x 148/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n

9. Navakanipāto.

518. Yadā dukkhaṃ jarāmaraṇanti paṇḍito
\nAviddasū vattha sitā puthujjanā,
\nDukkhaṃ pariññāya satova jhāyati
\nTato ratiṃ paramataraṃ na vindati.

519. Yadā dukkhakha ssāvahaniṃ vīsattikaṃ
\nPapañcasaṅghāṭa dukhādhivāhiniṃ, 1
\nTaṇhaṃ pahatvāna2 satova jhāyati
\nTato ratiṃ paramataraṃ na vindati.

520. Yadā sivaṃ dve caturaṅgagāminaṃ
\nMagguttamaṃ sabbakilesasodhanaṃ,
\nPaññāya passitva satova jhāyati
\nTato ratiṃ paramataraṃ na vindati.

521. Yadā asokaṃ virajaṃ asaṅkhataṃ
\nSantaṃ padaṃ sabbakilesasodhanaṃ,
\nBhāveti saññojanabandhanacchidaṃ
\nTato ratiṃ paramataraṃ na vindati.

522. Yadā nabhe gajjati meghadundubhi
\nDhārākulā vihagapathe3 samantato,
\nBhikkhū ca pabbhāragato’va jhāyati
\nTato ratiṃ paramataraṃ na vindati.
\n523. Yadā nadīnaṃ kusumākulānaṃ
\nVicittavāneyyavaṭaṃsakānaṃ,
\nTīre nisinno samaṇo’va jhāyati
\nTato ratiṃ paramataraṃ na vindati.

524. Yadā nisīthe rahikamhi kānane
\nDeve gaḷantamhi nadanti dāṭhino,
\nBhikkhū ca pabbhāragato’va jhāyati
\nTato ratiṃ paramataraṃ na vindati.

1 Dukkhādhivāhiniṃ-pa. Dukkhādhivāhaniṃ-[PTS.]
\n2 Pahantvāna-sīmu. 1, 2.
\n3 Vihaṅgapathe-syā, [PTS.]

[BJT Page 150] [\x 150/]
\n525. Yadā vitakke uparundhiyattano
\nNagantare nagavivaraṃ samassito,
\nVītaddaro vigatakhilo’va1 jhāyati
\nTato ratiṃ paramataraṃ na vindati.

526. Yadā [PTS Page 055] [\q  55/]      sukhī valakhilasokanāsano
\nNiraggaḷo nibbanathe visallo,
\nSabbāsave byantikato’va jhāyati
\nTato ratiṃ paramataraṃ na vindatī’ti.

Itthaṃ sudaṃ āyasmā bhūto thero gāthāyo abhāsitthā’ti.

Bhūtattheragāthā.

Tassuddānaṃ:
\nBhūto tathaddaso thero eko khaggavisāṇavā,
\nNavakamhi nipātamhi gāthāyo’pi imā navā’ti.

Navakanipāto niṭṭhito.

1 Vigatakhīlova-sīmu.
\n2, Vītakhīlova-sīmu. 1.
\n