[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 052] [\q  52/]
\n[BJT Page 142] [\x 142/]
Theragāthāpāḷi
\nNidānagāthā

Namo tassa bhagavato arahato sammāsambuddhassa

8. Aṭṭhakanipāto.

8. 1. 1
\n494. Kammaṃ  bahukaṃ na kāraye
\nParivajjeyya janaṃ na uyyame,
\nSo ussukko rasānugiddho
\nAtthaṃ riñcati yo sukhādhivāho.

495. Paṅko’ti hi naṃ avedayuṃ1
\nYāyaṃ vandanapūjanā kulesu,
\nSukhumaṃ sallaṃ durubbahaṃ
\nSakkāro kāpurisena dujjaho.

496. Na parassupidhāya nammaṃ maccassa pāsakaṃ,
\nMattanā taṃ na seneyya kammabandhūhi mātiyā.

497. Na pare vacanā coro na pare vacanā muni,
\nAttā ca naṃ2 yathā vetti3 devā’pi naṃ tathā viduṃ. 4

498. Pare ca na vijānanti mayamettha yamāmase,
\nYe ca tattha vijānanti tato sammanti medhagā.

499. Jīvate vā’pi sappacco api vittaparikkhayo, 5
\nPaññāya ca alābhena vittavā’pi na jīvati.

500. Sabbaṃ suṇati sotena sabbaṃ passati cakkhunā,
\nNa ca diṭṭhaṃ sutaṃ dhīro sabbaṃ ujjhatumarahati.

501. Cakkhumāssa6 yathā andho sotavā badhiro yathā,
\nPaññavāssa yathā mūgo balavā dubbaloriva,
\nAtha tthe samuppanne sayetha matasāyika’nti.

Itthaṃ sudaṃ āyasmā mahākaccāyano thero gāthāyo abhāsitthā’ti.

Mahākaccāyanattheragāthā.

1 Pavedayuṃ-sīmu. 1, 2.
\n2 Attānaṃca-pa, [PTS.]
\n3 Yathāveti-[PTS.]
\n4 Vidū-[PTS.]
\n5 Cittaparikkhayo-sīmu. 1. Cittaparikkhayā-sīmu. 2, [PTS.]
\n6 Cakkhumassa-sīmu. 1, 2, Pa, [PTS.]

[BJT Page 144] [\x 144/]
\n8. 1. 2
\n502. Akkodhanonupanāhī amāyo rittapesuno,
\nSave tādisako bhikkhu evaṃ pecca na socati.

503. Akkodhanonupanāhī amāyo rittapesuno,
\nGaattadvāro sadā bhikkhu evaṃ pecca na socati.
\n504. Akkodhanonupanāhī amāyo rittapesuno,
\nKalyāṇasīlo so1 bhikkhu evaṃ pecca na socati.

505. Akkodhanonupanāhī amāyo rittapesuno,
\nKalyāṇamitto so1 bhikkhu evaṃ pecca na socati.

506. Akkodhanonupanāhī amāyo rittapesuno,
\nKalyāṇapañño [PTS Page 053] [\q  53/]      so bhikkhu evaṃ pecca na socati.

507. Passa saddhā tathāgate acalā suppatiṭṭhitā
\nSīlaṃ ca yassa kalyāṇaṃ ariyakantaṃ pasaṃsitaṃ.

508. Saṅghe pasādo yassatthi uju bhūtaṃ ca dassanaṃ,
\nAdaḷiddoti taṃ āhu amoghaṃ tassa jīvitaṃ.

509. Tasmā saddhaṃ ca sīlaṃ ca pasādaṃ dhammadassanaṃ,
\nAnuyuñjetha medhāvī saraṃ buddhānasāsana’nti.

Itthaṃ sudaṃ āyasmā sirimitto thero gāthāyo abhāsitthā’ti.

Sirimittattheragāthā.

1 Yo-[PTS.]

[BJT Page 146] [\x 146/]
\n8. 1. 3
\n510. Yadā paṭhamamaddakkhiṃ satthāramakutobhayaṃ,
\nTato me ahu saṃvego passitvā purisuttamaṃ.

511. Siriṃ hatthehi pādehi yo paṇāmeyya āgataṃ,
\nEtādisaṃ so satthāraṃ ārādhetvā virādhaye.

512. Tadāhaṃ1 puttadāraṃ ca dhanadhaññaṃ va chaḍḍayiṃ,
\nKesamassūni chedetvā2 pabbajiṃ anagāriyaṃ,

513. Sikkhāsājīvasampanno indriyesu susaṃvuto.
\nNamassamāno sambuddhaṃ vihāsiṃ aparājito.

514. Tato me paṇidhī āsi cetaso abhipatthito,
\nNa nisīde muhuttampi taṇhāsalle anūhate.

515. Tassa mevaṃ viharato passa viriyaparakkamaṃ, 3
\nTisso vijjā anuppattā kataṃ buddhassa sāsanaṃ.

516. Pubbenivāsaṃ jānāmi dibbacakkhuṃ4 visodhitaṃ,
\nArahā dakkhiṇeyyomhi vippamutto nirūpadhi.
\n517. Tato ratyā vivasane suriyassuggamanaṃ pati,
\nSabbaṃ taṇhaṃ nisonetvā pallaṅkena upāvisi’nti.

Itthaṃ sudaṃ āyasmā mahāpanthako thero gāthāyo abhāsitthā’ti.

Mahāpanthakattheragāthā.

Tassuddānaṃ:
\nMahākaccāyano thero surimitto mahāpanthako,
\nEte aṭṭhanipātamhi gāthāyo catuvīsatī’ti.

Aṭṭhakanipāto niṭṭhito.

1 Yadāhaṃ-machasaṃ.
\n2 Kesamassuṃ nichedetvā-sīmu. 1.
\n3 Vīriyaparakkamaṃ-machasaṃ.
\n4 Dibbacakkhu-machasaṃ.
\n