[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 037] [\q  37/]
\n[BJT Page 104] [\x 104/]
Theragāthāpāḷi
\nNidānagāthā

Namo tassa bhagavato arahato sammāsambuddhassa

5. Pañcakanipāto.

5. 1. 1
\n315. Bhikkhu sīvathikaṃ gantvā addasaṃ itthimujjhataṃ,
\nApaviddhaṃ susānasmiṃ khajjantiṃ kimihī phuṭaṃ.

316. Yaṃ hi eke jigucchanti mataṃ disvāna pāpakaṃ,
\nKāmarāgo pāturahu andho’va vasatī ahuṃ.

317. Oraṃ odanapākamhā tamhā ṭhānā apakkamiṃ,
\nSatimā sampajānohaṃ ekamantaṃ upāvisiṃ.

318. Tato me vanasikāro yoniso udapajjatha,
\nĀdīnavo pāturahu nibbidā samatiṭṭhatha.

319. Tato cittaṃ vimucci me passa dhammasudhammataṃ,
\nTisso vijjā anuppattā kataṃ buddhassa sāsana’nti.

Itthaṃ sudaṃ āyasmā rājadatto thero gāthāyo abhāsitthā’ti.

Rājadattattheragāthā.

5. 1. 2
\n320. Ayoge yuñjamattānaṃ puriso kiccamicchato,
\nCaraṃ ce nādhigaccheyya taṃ me dubbhagalakkhaṇaṃ.

321. Abbūḷhaṃ1 aghagataṃ vijitaṃ
\nEkaṃ ce ossajeyya2 kalīva siyā,
\nSabbānipi ce ossajeyya andhova siyā
\nSamavisamassa adassanato.

322. Yaṃ hi kayirā taṃ hi vade yaṃ na kayirā na taṃ vade,
\nAkarontaṃ bhāsamānaṃ parijānanti paṇḍitā.

323. Yathā’pi ruciraṃ pupphaṃ vaṇṇavantaṃ agandhakaṃ,
\nEvaṃ subhāsitā vācā aphalā hoti akubbato.

324. Yathā’pi ruciraṃ pupphaṃ vaṇṇavantaṃ sagandhakaṃ,
\nEvaṃ subhāsitā vācā saphalā hoti pakubbato’ti. 3

Itthaṃ sudaṃ āyasmā subhūto thero gāthāyo abhāsitthā’ti.

Subhūtattheragāthā.

1 Abbūḷaṃ-sīmu. 1, 2.
\n2 Ossajjeyya-sīmu. 1, 2.
\n3 Sukubbato-syā, sakubbato-sīmu. 1.
\n[BJT Page 106] [\x 106/]
\n5. 1. 3
\n325. Vassati [PTS Page 038] [\q  38/]      devo yathā sugītaṃ
\nChannā me kuṭikā sukhā nivātā,
\nTassaṃ viharāmi vūpasanto
\nAtha ve patthayasī pavassa deva.

326. Vassati devo yathā sugītaṃ
\nChannā me kuṭikā sukhā nivātā,
\nTassaṃ viharāmi santacitto
\nAtha ve patthayasī pavassa deva.

327. Vassati devo yathā sugītaṃ
\nChannā me kuṭikā sukhā nivātā,
\nTassaṃ viharāmi vītarāgo
\nAtha ve patthayasī pavassa deva.

328. Vassati devo yathā sugītaṃ
\nChannā me kuṭikā sukhā nivātā,
\nTassaṃ viharāmi vītadoso
\nAtha ve patthayasī pavassa deva.

329. Vassati devo yathā sugītaṃ
\nChannā me kuṭikā sukhā nivātā,
\nTassaṃ viharāmi vītamoho
\nAtha ve patthayasī pavassa deva.

Itthaṃ sudaṃ āyasmā girimānando thero gāthāyo abhāsitthā’ti.

Girimānandattheragāthā.

5. 1. 4
\n330. Yaṃ patthayāno dhammesu upajjhāyo anuggahī,
\nAmataṃ abhikaṅkhantaṃ kataṃ kattabbakaṃ mayā.

331. Anuppatto sacchikato sayaṃ dhammo anītiho,
\nVisuddhañāṇo nikkaṅkho vyākaromi tavantike.

332. Pubbenivāsaṃ jānāmi dibbacakkhu visodhitaṃ,
\nSadattho me anuppatto kataṃ buddhassa sāsanaṃ.

333. Appamattassa me sikkhā sussutā tava sāsane,
\nSabbe me asavā khīṇā natthi dāni punabbhavo.

334. Anusāsi maṃ ariyavatā anukampi anuggahi,
\nAmogho tuyhamovādo antevāsimhi sikkhito’ti.

Itthaṃ sudaṃ āyasmā sumano thero gāthāyo abhāsitthā’ti.

Sumanattheragāthā.

[BJT Page 108] [\x 108/]
\n5. 1. 5
\n335. Sādhū hi kira me mātā patodaṃ upadaṃsayi,
\nYassāhaṃ vacanaṃ sutvā anusiṭṭho janettiyā,
\nĀraddhaviriyo pahitatto patto sambodhimuttamaṃ.

336. Arahā dakkhiṇeyyomhi tevijjo amataddaso,
\nJetvā1 namucano senaṃ viharāmi anāsavo.

337. Ajjhattaṃ ca bahiddhā ca ye me vijjiṃsu āsavā,
\nSabbe asso ucchinnā na ca uppajjare puna.

338. Visāradā kho bhagini etamatthaṃ abhāsayi,
\nApihā nūna mayi’pi vanatho te na vijjati.

339. Pariyantakataṃ dukkhaṃ antimo’taṃ samussayo,
\nJātimaraṇasaṃsāro natthi dāni punabbhavo’ti.

Itthaṃ sudaṃ āyasmā vaḍḍho thero gāthāyo abhāsitthā’ti.

Vaḍḍhattheragāthā.

5. 1. 6
\n340. Atthāya vata me buddho nadiṃ nerañjaraṃ agā,
\nYassāhaṃ dhammaṃ sutvāna micchādiṭṭhiṃ vivajjayiṃ.

341. Yajiṃ [PTS Page 039] [\q  39/]      uccāvace yaññe aggihuttaṃ juhiṃ ahaṃ,
\nEsā suddhiti maññanto andhabhūto puthujjano.

342. Diṭṭhigahanapakkhanno2 parāmāsena mohito,
\nAsuddhiṃ maññisaṃ suddhiṃ andhabhūto aviddasu.

343. Micchādiṭṭhi pahīnā me bhavā sabbe vidālitā,
\nJuhāmi dakkhiṇeyyaggiṃ namassāmi tathāgataṃ.

344. Mohā sabbe pahīnā me bhavataṇhā padālitā,
\nVikkhīṇo jātisaṃsāro natthi dāni punabbhavo’ti.

Itthaṃ sudaṃ āyasmā nadīkassapo thero gāthāyo abhāsitthā’ti.

Nadīkassapattheragāthā.

1 Jitvāna-[PTS.]
\n2 Diṭṭhigahanapakkhanto-sīmu.

[BJT Page 110] [\x 110/]
\n5. 1. 7
\n345. Pāto majjhantikaṃ sāyaṃ tikkhattuṃ divasassahaṃ,
\nOtariṃ udakaṃ so’haṃ1 gayāya gayaphagguyā.
\n346. Yaṃ mayā pakataṃ pāpaṃ pubbe aññāsu jātisu,
\nTaṃ dānīdha pavāhemi2 evaṃdiṭṭhi pure ahuṃ.

347. Sutvā subhāsitaṃ vācaṃ dhammatthasahitaṃ padaṃ,
\nTathaṃ yāthāvataṃ3 atthaṃ yoniso paccavekkhisaṃ.

348. Ninhātasabbapāpomhi nimmalo payato suci,
\nSuddho suddhassa dāyādo putto buddhassa oraso.

349. Ogayhaṭṭhaṅgikaṃ sotaṃ sabbapāpaṃ pavāhayiṃ,
\nTisso vijjā ajjhagamiṃ kataṃ buddhassa sāsana’nti.

Itthaṃ sudaṃ āyasmā gayākassapo thero gāthāyo abhāsitthā’ti.

Gayākassapattheragāthā.

5. 1. 8
\n350. Vātarogābhinīto tvaṃ viharaṃ kānane vane,
\nPaviddhagocare4 lūkhe kathaṃ bhikkhu karissasi.

351. Pītisukhena vipulena pharamāno samussayaṃ,
\nLūkhampi abhisambhonto viharissāmi kānane.

352. Bhāvento satipaṭṭhāne indriyāni balāni ca,
\nBojjhaṅgāni ca bhāvento viharissāmi kānane.

353. Āraddhaviriyo pahitatto niccaṃ daḷhaparakkamo, 5
\nSamagge sahāte disvā viharissāmi kānane.

354. Anussaranto sambuddhaṃ aggaṃ dantaṃ6 samāhitaṃ,
\nAtandito rattindivaṃ viharissāmi kānane’ti.

Itthaṃ sudaṃ āyasmā vakkalitthero gāthāyo abhāsitthā’ti.

Vakkalittheragāthā.

1 Sotaṃ-[PTS.]
\n2 Opavāhemi-pa.
\n3 Yathāvakaṃ-nā, [PTS.]
\n4 Paviṭṭhagocare-sīmu. 1, 2, Pa.
\n5 Āraddhaviriye, pahatatte niccaṃ daḷhaparakkame-[PTS.]
\n6 Aggadantaṃ-[PTS.]

[BJT Page 112] [\x 112/]
\n5. 1. 9
\n355. Olaggessāmi te citta āṇidvāreva hatthinaṃ,
\nNa taṃ pāpe niyojessaṃ kāmajāla sarīraja.

356. Tvaṃ [PTS Page 040] [\q  40/]      olaggo na gacchasi dvāravivaraṃ gajo’va alabhanto,
\nNa ca cittakali punappunaṃ pasahaṃ pāparato carissasi.

357. Yathā kuñjaraṃ madantaṃ navaggahamaṅkusallaho,
\nBalavā āvatteti akāmaṃ evaṃ āvattayissaṃ taṃ.

358. Yathā varahayadamakusalo sārathi pavaro dameti ājaññaṃ,
\nEvaṃ damayissaṃ taṃ patiṭṭhito pañcasu balesu.

359. Satiyā taṃ nabandhissaṃ payatatto vodapessāmi,
\nViriyadhuraniggahito na niyato dūraṃ gamissase cittā’ti.

Itthaṃ sudaṃ āyasmā vijitaseno thero gāthāyo abhāsitthā’ti.

Vijitasenattheragāthā.

5. 1. 10
\n360. Upārambhacitto dummedho suṇāti jinasāsanaṃ,
\nĀrakā hoti saddhammā nabhaso paṭhavī yathā.

361. Upārambhacitto dummedho suṇāti jinasāsanaṃ,
\nParihayati saddhammā kāḷapakkheva candimā.

362. Upārambhacitto dummedho suṇāti jinasāsanaṃ,
\nParisusti saddhamme macchā appodake yathā.

363. Upārambhacitto dummedho suṇāti jinasāsanaṃ,
\nNa virūhati saddhamme khette bījaṃva pūtikaṃ.

364. Yo ca tuṭṭhena cittena suṇāti jinasāsanaṃ,
\nKhepetvā āsave sabbe sacchikatvā akuppataṃ,
\nPappuyya paramaṃ santiṃ parinibbāti anāsavo’ti. 1

Itthaṃ sudaṃ āyasmā yasadatto thero gāthāyo abhāsitthā’ti.

Yasadattattheragāthā.

1 Parisibbāyissati anāsavo-pa.

[BJT Page 114] [\x 114/]
\n5. 1. 11
\n365. Upasampadā ca me laddhā vimutto camhi anāsavo,
\nSo ca me bhagavā diṭṭho vihāre ca sahāvasiṃ.

366. Bahudeva rattiṃ bhagavā abbho kāsetināmayi,
\nVihārakusalo satthā vihāraṃ pāvisī tadā.

367. Santharitvāna saṅghāṭiṃ seyyaṃ kappesi gotamo,
\nSīho selaguhāyaṃ’va pahīnabhayabheravo.

368. Tato kalyāṇavākkaraṇo sammāsambuddhasāvako,
\nSoṇo abhāsi saddhammaṃ buddhaseṭṭhassa sammukhā.

369. Pañcakkhandhe pariññāya bhāvayitvāna añjasaṃ,
\nPappuyya paramaṃ santiṃ parinibbissatyanāsavo’ti.

Itthaṃ sudaṃ āyasmā soṇo thero gāthāyo abhāsitthā’ti.

Soṇakuṭikaṇṇattheragāthā.

5. 1. 12
\n370. Yo [PTS Page 041] [\q  41/]      ve garūnaṃ cenaññu dhīro
\nVase ca tamhi janaye ca pemaṃ,
\nSo bhattimā nāma ca hoti paṇḍito
\nÑatvā ca dhammesu visesi assa.

371. Yaṃ āpadā uppatitā uḷārā
\nNakkhamphayante paṭisaṅkhayantaṃ,
\nSo thāmavā nāma ca hoti paṇḍito
\nÑatvā ca dhammesu visesi assa.

372. Yo ve samuddo’va ṭhito anejo
\nGambhirapañño nipuṇatthadassī,
\nAsaṃhāriyo nāma ca hoti paṇḍito
\nÑatvā ca dhammesu visesi assa.

[BJT Page 116] [\x 116/]
\n373. Bahussuto dhammadharo ca hoti
\nDhammassa hoti anudhassacārī,
\nSo tādiso nāma ca hoti paṇḍito
\nÑatvā ca dhammesu visesi assa.

374. Atthaṃ ca yo jānāti bhāsitassa
\nAtthaṃ ca ñatvāna tathā karoti
\nAtthantaro nāma sa hoti paṇḍito
\nÑatvā ca dhammesu visesi assā’ti.

Itthaṃ sudaṃ āyasmā kosiyo thero gāthāyo abhāsitthā’ti.

Kosiyattheragāthā.
\nTassuddānaṃ:
\nRājadatto subhūto ca girimānandasūnunā
\nVaḍḍho ca kassapo thero gayākassapavakkalī
\nVijito yasadatto ca soṇo kosiyasavhayo
\nSaṭṭhī ca pañca gāthāyo therā ca ettha dvādasā’ti.

Pañcakanipāto niṭṭhito.