[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 033  [\q  33/]     4. 1. 1]
\n[BJT Page 94] [\x  94/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n

4. Catukkanipāto.

267. Alaṅkatā suvasanā mālinī candanussadā,
\nMajjhe mahapathe nārī turiye naccanti nāṭakī.

268. Piṇḍikāya paviṭṭhohaṃ gacchanto naṃ udikkhisaṃ, 1
\nAlaṅkataṃ savasanaṃ maccupāsaṃva oḍḍitaṃ.

269. Tato me manasīkāro yoniso udapajjatha,
\nĀdīnavo pāturahu nibbidā samatiṭṭhatha.

270. Tato cittaṃ vimucci me passa dhammasudhammataṃ,
\nTisso vijjā anuppattā kataṃ buddhassa sāsana’nti.

Itthaṃ sudaṃ āyasmā nāgasamālo thero gāthāyo abhāsitthā’ti.

Nāgasamālattheragāthā.

4. 1. 2
\n271. Ahaṃ middhena pakato vihārā upanikkhamiṃ,
\nCaṅkamaṃ abhirūhanto tattheva papatiṃ2 ’chamā.

272. Gattāni parimajjitvā punapāruyuha caṅkamaṃ,
\nCaṅkame caṅkamiṃ sohaṃ ajjhattaṃ susamāhito.

273. Tato me manasīkāro yoniso udapajjatha,
\nĀdīnavo pāturahu nibbidā samatiṭṭhatha.

274. Tato cittaṃ vimucci me passa dhammasudhammataṃ,
\nTisso vijjā anuppattā kataṃ buddhassa sāsana’nti.

Itthaṃ sudaṃ āyasmā bhaguthero gāthāyo abhāsitthā’ti.

Bhaguttheragāthā.

4. 1. 3
\n275. Pare ca na vijānanti mayamettha yamāmase,
\nYe ca tattha vijānanti tato sammanti medhagā.

276. Yadā ca avijānantā iriyantyamarā3 viya,
\nVijānanti ca ye mmaṃ āturesu anāturā.

277. Yaṃ kiñci sithilaṃ kammaṃ saṅkiliṭṭhaṃ ca yaṃ vataṃ,
\nSaṅkassaraṃ brahmacariyaṃ na taṃ hoti mahapphalaṃ.

278. Yassa sabrahmacārisu gāravo nūpalabbhati,
\nĀrakā hoti saddhammā nabhaṃ puthuviyā yathā’ti.

Itthaṃ sudaṃ āyasmā sabhiyo thero gāthāyo abhāsitthā’ti.

Sabhiyattheragāthā.

1 Udakkhisaṃ-pa.
\n2 Papate-machasaṃ.
\n3 Iriyantamarā-machasaṃ.

[BJT Page 96] [\x  96/]
\n4. 1. 4
\n279. Dhiratthu pure duggandhe mārapakkhe avassute,
\nNavasotāni te kāye yāni sandanti sabbadā.

280. Māpurāṇaṃ [PTS Page 034] [\q  34/]      amaññittho māsā desi tathāgate,
\nSagge’pi te na rajjanti kimaṅga pana mānuse.

281. Ye ca kho bālā dummedhā dummantī mohapārutā,
\nTādisā tattha rajjanti mārakhittamhi bandhate.

282. Yesaṃ rāgo ca doso ca avijjā ca virājitā,
\nTādītattha na rajjanti1 chinnasuttā abandhanā’ti.
\nItthaṃ sudaṃ āyasmā nandako thero gāthāyo abhāsitthā’ti.

Nandakattheragāthā.

4. 1. 5
\n283. Pañcapaññāsavassāni rajojallamadhārayiṃ,
\nBhuñjanto māsikaṃ bhattaṃ kesamassuṃ alocayiṃ.

284. Ekapādena aṭṭhāsiṃ āsanaṃ parivajjayiṃ,
\nSukkhagūthāni ca khādiṃ udādasaṃ ca na sādiyiṃ.

285. Etādisaṃ karitvāna bahuṃ duggatigāminaṃ,
\nVuyhamāno mahoghena buddhaṃ saraṇamāgamaṃ.

286. Saraṇāgamanaṃ passa passa dhammasudhammataṃ,
\nTisso vijjā anuppattā kataṃ buddhassa sāsana’nti.

Itthaṃ sudaṃ āyasmā jambuko thero gāthāyo abhāsitthā’ti.

Jambukattheragāthā.

4. 1. 6
\n287. Svāgataṃ vata me āsi gayāyaṃ gayāphagguyā, 2
\nYaṃ addasāsiṃ sambuddhaṃ desentaṃ dhammamuttamaṃ.

288. Mahappabhaṃ gaṇācariyaṃ aggappattaṃ vināyakaṃ,
\nSadevakassa lekassa jinaṃ atuladassanaṃ.

289. Mahānāgaṃ mahāvīraṃ mahājutimanasavaṃ,
\nSabbāsavaparikkhīṇaṃ satthāramakutobhayaṃ.

290. Cirasaṅkiliṭṭhaṃ vata maṃ diṭṭhisandānasanditaṃ, 3
\nVimocayī so bhagavā sabbaganthehi senaka’nti.

Itthaṃ sudaṃ āyasmā senako thero gāthāyo abhāsitthā’ti.

Senakattheragāthā.

1 Tādisā tattha rajjanti-machasaṃ.
\n2 Gayaphagguyā-machasaṃ.
\n3 Diṭṭhisandāmasandhitaṃ-sīmu. 2, Daṭaṭhisantānabandhitaṃ-machasaṃ.

[BJT Page 98] [\x    /]
\n4. 1. 7
\n291. Yo dandhakāle tarati taraṇīye ca dandhaye
\nAyoni1 saṃvidhānena bālo dukkhaṃ nigacchati.
\n292. Tassatthā parihāyanti kāḷapakkheva candimā
\nĀyasasyañca2 pappoti mittehi ca virujjhati.

293. Yo dandhakāle dandheti taraṇīye ca tāraye
\nYoniso saṃvidhānena sukhaṃ pappoti paṇḍito.

294. Tassatthā paripūrenti sukkhapakkheva candimā
\nYaso kittiñca pappoti mittehi na virujjhatī’ti.

Itthaṃ sudaṃ āyasmā sambhūto thero gāthāyo abhāsitthā’ti.

Sambhūtattheragāthā.

4. 1. 8
\n295. Ubhayeneva [PTS Page 035] [\q  35/]      sampanno rāhulabhaddo’ti maṃ vidū
\nYañcamhi putto buddhassa yaṃ ca dhammesu cakkhumā.

296. Yaṃ ca āsavā khīṇā yaṃ 8 natthi punabbhavo
\nArahā dakkhiṇeyyomhi tevijjo amataddaso.

297. Kāmandhā jālapacchannā3 taṇhāchadanachāditā
\nPamattabandhunā baddhā macchāva kumināmukhe.

298. Taṃ kāmaṃ ahamujjhatvā chetvā mārassa bandhanaṃ
\nSamūlaṃ taṇhamabbuyha sītibhūtosmi nibbuto’ti.

Itthaṃ sudaṃ āyasmā rāhulo thero gāthāyo abhāsitthā’ti.

Rāhulattheragāthā.

4. 1. 9
\n299. Jātarūpena pacchannā4 dāsīgaṇapurakkhatā
\nAṅkena puttamādāya bhariyā maṃ upāgami.

300. Taṃ ca disvāna āyantiṃ sakaputtassa mātaraṃ
\nAlaṅkataṃ suvasanaṃ maccupāsaṃ’va oḍḍitaṃ.

301. Tato me manasīkāro yoniso udapajjatha
\nĀdīnavo pāturahu nibbidā samatiṭṭhatha. 5

302. Tato cittaṃ vimucci me passa dhammasudhammataṃ
\nTisso vijjā anuppattā kataṃ buddhassa sāsananti.

Itthaṃ sudaṃ āyasmā candano thero gāthāyo abhāsitthā’ti.

Candanattheragāthā.
\n1 Ayāniso-machasaṃ, [PTS.]
\n2 Āyasakyañca-[PTS.]
\n3 Jālasañjannā-[PTS.]
\n4 Sañjannā-machasaṃ.
\n5 Samyatiṭṭhatha-machasaṃ.

[BJT Page 100] [\x 100/]
\n4. 1. 10
\n303. Dhammo have rakikhati dhammacāriṃ
\nDhammo suciṇṇo sukhamāvahāti,
\nEsānisaṃso dhamme suciṇṇe
\nNa duggatiṃ gacchati dhammacārī.

304. Na hi dhammo adhammo ca ubho samavipākino,
\nAdhammo nirayaṃ neti dhammo pāpeti suggatiṃ.

305. Tasmā hi dhammesu kareyya ’ndaṃ
\nIti modamāno sugatena tādinā,
\nDhamme ṭhitā sugatavarassa sāvakā
\nNīyanti dhīrā saraṇavaraggagāmino.

306. Vipphoṭito gaṇḍamūlo1
\nTaṇhājālo samūhato,
\nSo khīṇasaṃsāro na catthi niñcanaṃ
\nCando yathā dosinā puṇṇamāsiyāti. 2

Itthaṃ sudaṃ āyasmā dhammiko thero gāthāyo abhāsitthā’ti.

Dhammikattheragāthā.

4. 1. 11
\n307. Yadā [PTS Page 036] [\q  36/]      balākā sucipaṇḍaracchadā
\nKāḷassa meghassa bhayena tajjitā,
\nPalehiti ālayamālayesinī
\nTadā nadī ajakaraṇī rameti maṃ.

308. Yadā balākā suvisuddhapaṇaḍarā
\nKāḷassa meghassa bhayena tajjitā,
\nPariyesati leṇamaleṇadassinī
\nTadā nadī ajakaraṇī rameti maṃ.

309. Kaṃ nu tattha na ramenti jambuyo ubhato tahiṃ,
\nSobhenti āpagākūlaṃ mama leṇassa pacchato.

310. Tā matamadasaṅghasuppahīnā
\nBhekā mandavatī panādayanti,
\nNājja girinadīhi vippavāsasamayo
\nKhemā ajakaraṇī sivā surammā’ti.

Itthaṃ sudaṃ āyasmā sappako thero gāthāyo abhāsitthā’ti.

Sappakattheragāthā.

1 Gandhamūlo-sīmu. 1, [PTS.]
\n2 Puṇṇamāsiyanti-sīmu. 1, 2.

[BJT Page 102] [\x 102/]
\n4. 1. 12
\n311. Pabbajiṃ jīvikattho’haṃ laddhāna upasampadaṃ,
\nTato saddhaṃ paṭilabhiṃ daḷhaviriyo parakkamiṃ.

312. Kāmaṃ bhijjatu’yaṃ kāyo maṃsapesī visīyaruṃ,
\nUbho jaṇṇukasandhīhi jaṅghāyo papatantu me.

313. Nāsissaṃ na pivissāmi vihārā ca na nikkhame,
\nNa’pi passaṃ nipātessaṃ taṇhasalle anūhate.

314. Tassa mevaṃ viharato passa viriyaparakkamaṃ,
\nTisso vijjā anuppattā kataṃ buddhassa sāsana’nti.

Itthaṃ sudaṃ āyasmā mudito thero gāthāyo abhāsitthā’ti.

Muditattheragāthā.

Tassuddānaṃ:
\nNāgasamālo bhagu ca sabhiyo nandako’pi ca
\nJambuko senako thero sambhūto rāhulo’pi ca
\nBhavati candano thero dasete buddhasāvakā
\nDhammiko sappako thero mudito cā’pi te tayo
\nGāthāyo dve ca paññāsa therā sabbe’pi terasā’ti.

Catukkanipāto niṭṭhito.