[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 029] [\q  29/]
\n[BJT Page 82] [\x  82/]
Theragāthāpāḷi
\nNidānagāthā

Namo tassa bhagavato arahato sammāsambuddhassa
\n 


\n

3. Tikanipāto.

3. 1. 1
\n219. Ayoni    suddhimanvesaṃ aggiṃ paricariṃ vane,
\nSuddhimaggaṃ ajānanto akāsiṃ amaraṃ tapaṃ.

220. Taṃ sukhena sukhaṃ laddhaṃ passa dhammasudhammataṃ,
\nTisso vijjā anuppattā kataṃ buddhassa sāsanaṃ.

221. Brahumabandhu pure āsiṃ idāni khomhi brāhmaṇo,
\nTevijjo nahātako1 camhi setthiyo camhi vedagū’ti.

Itthaṃ sudaṃ āyasmā aggikabhāradvājo thero gāthāyo abhāsitthā’ti.

Aggikabhāradvājattheragāthā.

3. 1. 2
\n222. Pañcāhāhaṃ pabbajito sekho appattamānaso,
\nVihāraṃ me paviṭṭhassa cetaso paṇidhī ahu.

223. Nāsissaṃ2 na pivissāmi vihārato na nikkhame,
\nNapi passaṃ nipātessaṃ3 taṇhāsalle anūhate.

224. Tassa cevaṃ viharato passa viriyaparakkamaṃ,
\nTisso vijjā anupupattā kataṃ buddhassa sāsana’nti.

Itthaṃ sudaṃ āyasmā paccayo thero gāthāyo abhāsitthā’ti.

Paccayattheragāthā.

3. 1. 3
\n225. Yo pubbe karaṇīyāni pacchā so kātumicchati,
\nSukhā so dhaṃsate ṭhānā pacchā ca manutappati.

226. Yaṃ hi kayirā taṃ hi vade yaṃ na kayirā na taṃ vade,
\nAkarontaṃ bhāsamānaṃ4 parijānanti paṇaḍitā.

227. Susukhaṃ vata nibbānaṃ sammāsambuddhadesitaṃ,
\nAsokaṃ virajaṃ khemaṃ yattha dukkhaṃ nirujjhatī’ti.

Itthaṃ sudaṃ āyasmā bakkulo thero gāthāyo abhāsitthā’ti.

Bakukulattheragāthā.

1 Nhātako-sīmu. 1, 2, [PTS.]
\n2 Nā sessaṃ-pa.
\n3 Na nipātessaṃ-pa.
\n4 Bhāsamānaṃ taṃ-pa.

[BJT Page 84] [\x  84/]
\n3. 1. 4
\n228. Sukhañce [PTS Page 030] [\q  30/]      jīvituṃ icche sāmaññasmiṃ apekkhavā,
\nSaṅghikaṃ nātimaññeyya cīvaraṃ pānabhojanaṃ.

229. Sukhañce jīvituṃ icche sāmaññasmiṃ apekkhavā,
\nAhi musikasobbhaṃ va sevetha sayanāsanaṃ.

230. Sukhañce jīvituṃ icche sāmaññasmiṃ apekkhavā,
\nItarītarena tusseyya ekadhammañca bhāvayeti.

Itthaṃ sudaṃ āyasmā dhaniyo thero gāthāyo abhāsitthā’ti.

Dhaniyattheragāthā.

3. 1. 5
\n231. Atisītaṃ atiuṇhaṃ atisāyamidaṃ ahu,
\nIti vissaṭṭhakammante khaṇā accenti māṇave.

232. Yo ca1 sītañca uṇhañca tiṇā bhiyyo na maññati,
\nKaraṃ purisakiccāni so sukha na vihāyati.

233. Dabbaṃ kusaṃ poṭakilaṃ usīraṃ muñjababbajaṃ2
\nUrasā panudissāmi3 vivekamanubrūhayanti.

Itthaṃ sudaṃ āyasmā mātaṅgaputto thero gāthāyo abhāsitthā’ti.

Mataṅgaputtattheragāthā.

3. 1. 6
\n234. Ye cittakathī bahussutā
\nSamaṇā pāṭaliputtavāsino,
\nTesaññataroyamāyumā4
\nDvāre tiṭṭhati khujjasobhito.

235. Ye cittakathī bahussutā
\nSamaṇā pāṭaliputtavāsino,
\nTesaññataroyamāyuvā
\nDvāre tiṭṭhati māluterito.

236. Suyuddhena suyiṭṭhena saṅgāmavijayena ca,
\nBrahmacariyānucaṇṇena evāyaṃ sukhamedhatī’ti.

Itthaṃ sudaṃ āyasmā khujjasobhito thero gāthāyo abhāsitthā’ti.

Khujjasobhitattheragāthā.

1 Yo’dha-sīmu. 1, 2, [PTS.]
\n2 Muñjapabbajaṃ-machasaṃ.
\n3 Panudahissasāmi-pa, [PTS.]
\n4 Tesaññataroyamāyuvā-bahūsu.

[BJT Page 86] [\x  86/]
\n3. 1. 7
\n237. Yodha koci manussesu parapāṇāni hiṃsati,
\nAsmā lokā paramhā ca ubhayā dhaṃsate naro.

238. Yo ca mettena cittena sabbapāṇānukampati,
\nBahuṃ1 so pasavati puññaṃ tena tādisako2 naro.

239. Subhāsitassa sikkhetha samaṇūpāsanassa ca,
\nEkāsanassa raho cittavūpasamassa cāti.

Itthaṃ sudaṃ āyasmā vāraṇo thero gāthāyo abhāsitthā’ti.

Vāraṇattheragāthā.

3. 1. 8
\n240. Ekopi saddho medhāvī assaddhānīdha ñātinaṃ,
\nDhammaṭṭho sīlasampanno hoti atthāya bandhunaṃ,

241. Niggayha anukampāya codito ñātayo mayā,
\nÑātibandhavapemena kāraṃ katvāna bhikkhūsu.

242. Te abbhatītā kālaṃkatā pattā te tividhaṃ sukhaṃ,
\nBhataro mayuhaṃ mātā ca modanti kāmakimino’ti.

Itthaṃ sudaṃ āyasmā passiko3 thero gāthāyo abhāsitthā’ti.

Passikattheragāthā.

3. 1. 9
\n243. Kāḷapabbaṅgasaṅkāso4 kiso dhamanisanthato,
\nMattaññū annapānamhi adīnamanaso naro.

244. Phuṭṭho [PTS Page 031] [\q  31/]      ḍaṃsehi makasehi araññasmiṃ brahāvane,
\nNāgo saṅgāmasīseva sato tatrādhivāsaye.

245. Yathā brahmā tathā eko yathā devo tathā duve,
\nYathā gāmo tathā tayo kolāhālaṃ tatuttarinti.

Itthaṃ sudaṃ āyasmā yasojo thero gāthāyo abhāsitthā’ti.

Yasojattheragāthā.

1 Bahubhi-[PTS.]
\n2 Puññaṃtādisako-[PTS.]
\n3 Vassiko-machasaṃ.
\n4 Kālapabbaṅgasaṅkāso-sīmu. 1, 2.

[BJT Page 88] [\x  88/]
\n3. 1. 10
\n246. Ahutuyhaṃ pure saddhā sā te ajja na vijjati,
\nYaṃ tuyhaṃ tuyhamevetaṃ natthi duccaritaṃ mama.

247. Aniccā hi calā saddhā evaṃ diṭṭhā hi sā mayā,
\nRajjantipi virajjaniti tattha kiṃ jiyyate muni.

248. Paccati munino bhattaṃ theka thokaṃ kule kule,
\nPiṇḍikāya carissāmi atthi jaṅghābalaṃ mamā’ti.

Itthaṃ sudaṃ āyasmā sāṭimattiyo thero gāthāyo abhāsitthā’ti.

Sāṭimattiyattheragāthā.

3. 1. 11
\n249. Saddhāya abhinikkhamma navapabbajito navo,
\nMatte bhajeyya kalyāṇe suddhājīve atandite.

250. Saddhāya abhinikkhamma navapabbajito navo,
\nSaṅghasmiṃ viharaṃ bhikkhu sikkhetha vinayaṃ budho.

251. Saddhāya abhinikkhamma navapabbajito navo,
\nKappākappesu kusalo vihareyya1 apurakkhato.

Itthaṃ sudaṃ āyasmā upālitthero gāthāyo abhāsitthā’ti.

Upālittheragāthā.

3. 1. 12
\n252. Paṇḍitaṃ vata maṃ santaṃ alamatthavicintakaṃ,
\nPañcakāmaguṇā loke sammohā pātayiṃsu maṃ.

253. Pakkhanno2 māravisaye daḷhasallasamappito,
\nAsakkhiṃ maccurājassa ahaṃ pāsā pamuccituṃ.

254. Sabbe kāmā pahīnā me bhavā sabbe vidāḷitā, 3
\nCikkhīṇo jātisaṃsāro natthi dāni punabbhavo’ti.

Itthaṃ sudaṃ āyasmā uttarapālatthero gāthāyo abhāsitthā’ti.

Uttarapālattheragāthā.

1 Careyya-sīmu. 1, [PTS.]
\n2 Pakkhanto-sīmu. 1, 9.
\n3 Padāḷitā-sīmu. 2, [PTS.]

[BJT Page 90] [\x  90/]
\n3. 1. 13
\n255. Suṇātha ñātayo sabbe yāvantettha samāgatā,
\nDhammaṃ vo desayissami dukkhā jāti punappunaṃ.

256. Ārabhatha nikkhamatha yuñjatha buddhasāsane,
\nDhanātha maccuno senaṃ naḷāgāraṃ va kuñjaro.

257. Yo imasmiṃ dhammavinaye appamatto vihessati, 1
\nPahāya jātisaṃsāraṃ dukkhassantaṃ karissatī’ti.

Itthaṃ sudaṃ āyasmā abhibhūto thero gāthāyo abhāsitthā’ti.

Abhibhūtattheragāthā.

3. 1. 14
\n258. Saṃsaraṃ [PTS Page 032] [\q  32/]      hi nirayaṃ agacchisaṃ2
\nPetalokamagamaṃ punappunaṃ,
\nDukkhamamhi pi tiracchānayoniyaṃ3
\nNekadhā hi vusitaṃ ciraṃ mayā.

259. Mānuso ca bhavobhirādhito
\nSaggakāyamagamaṃ sakiṃ sakiṃ,
\nRūpadhātusu arūpadhātusu
\nNevasaññisu asaññīsuṭṭhitaṃ.

260. Sambhavā suviditā asārakā
\nSaṅkhatā pacalitā saderitā,
\nTaṃ viditva4 mahamattasambhavaṃ,
\nSantimeva satimā samajjhaga’nti.

Itthaṃ sudaṃ āyasmā gotamo thero gāthāyo abhāsitthā’ti.

Gotamattheragāthā.

3. 1. 15
\n261. Yo pubbe karaṇīyāni pacchā so kātumicchati,
\nSukhā so dhaṃsate ṭhānā pacchā ca manutappati.

262. Yañhi kayirā tañhi vade yaṃ na kayirā na taṃ vade,
\nAkarontaṃ bhāsamānaṃ5 parijānanti paṇḍitā.

263. Susukhaṃ vata nibbānaṃ sammāmbuddhadesitaṃ,
\nAsokaṃ virajaṃ khemaṃ yattha dukkhaṃ nirujjhatī’ti.

Itthaṃ sudaṃ āyasmā hārito thero gāthāyo abhāsitthā’ti.

Hāritattheragāthā.

1 Vihassati-sīmu. 1, 2, [PTS.]
\n2 Agacchissaṃ-bahūsu. Agacchīssaṃ-pa.
\n3 Tiracchānayoniyā-[PTS.]
\n4 Viditvā-bahūsu
\n5 Bhāsamānaṃ taṃ-pa.

[BJT Page 92] [\x  92/]
\n3. 1. 16
\n264. Pāpamitte vivajjetvā bhajeyyuttamapuggale
\nOvāde cassa tiṭṭheyya patthento acalaṃ sukhaṃ.

265. Parittaṃ dārumāruyha yathā sīde mahaṇṇave,
\nEvaṃ kusītamāgamma sādhujīvīpi sīdati,
\n266. Pavivittehi ariyehi pahitattehi jhāyihi
\nNiccaṃ āraddhaviriyehi1 paṇḍitehi sahāvase’ti.

Itthaṃ sudaṃ āyasmā vimalo thero gāthāyo abhāsitthā’ti.

Vimalattheragāthā.

Tassuddānaṃ:
\nAṅgāṇiko bhāradvājo paccayo bakkulo isi
\nDhaniyo mātaṅgaputto sobhito vāraṇo isi

Vassiko ca yasojo ca sāṭimattiyupāli 8
\nUttarapālo abhibhūto gotamo hārito’pi ca

Thero tikanipātamhi nibbāne vimalo kato
\nAṭṭhatālisa gāthāyo therā soḷasa kittitā’ti.

Tikanipāto niṭṭhito.

1 Niccāraddha viriyehi-sīmu. 1, 2, [PTS.]
\n