[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 018  [\q  18/]     2. 1. 1]
\n[BJT Page 52] [\x  52/]
Theragāthāpāḷi
\nNidānagāthā

Namo tassa bhagavato arahato sammāsambuddhassa
\n 


\n

2. Dutakanipāto

121. Natthi koci bhavo nacco saṅkhārā vā pi sassatā,
\nUppajjanti ca te khandhā vacanti aparāparaṃ.

122. Etamādīnavaṃ ñatvābhavenamhi anatthi ko,
\nNissaṭo sabbakāmehi patto me āsavakkhayo’ti.

Itthaṃ sudaṃ āyasmā attaro thero gāthāyo abhāsitthā’ti.
\nUttarattheragāthā.

2. 1. 2
\n123. Nayidaṃ anayena jīvitaṃ nāhāro hadayassa santiko,
\nĀhāraṭṭhitiko samussayo iti disvāna carāmi esanaṃ.

124. Paṅkoti hi naṃ pavedayuṃ yāyaṃ vandanapūjanā kulesu,
\nSukhumaṃ sabbaṃ darullahaṃ sakkāro kāpurisena dujjaho’ti.

Itthaṃ sudaṃ āyasmā piṇḍolabhāradvājo thero gāthāyo abhāsitthā’ti.

Paṇḍolabhādvājattheragāthā.

2. 1. 3
\n125. Makkaṭo pañcadvārāyaṃ kuṭikāyaṃ pasakkiya,
\nDvārena anupariyeti ghaṭṭayento muhuṃ muhuṃ.

126. Tiṭṭha makkaṭa mā dhāvi nahi te taṃ yathā pure,
\nNiggahītosi paññāya neva1 dūraṃ gamissasī’ti.

Itthaṃ sudaṃ āyasmā valliyo thero gāthāyo abhāsitthā’ti.

Valliyattheragāthā.

1 Neto-[PTS.]

[BJT Page 54] [\x  54/]
\n2. 2. 4
\n127. Tiṇṇaṃ me tālapattānaṃ gaṅgātīre kuṭī katā,
\nJavasittova me patto paṃsukūlaṃ ca cīvaraṃ.

128. Dvinnaṃ antaravassānaṃ ekā vācā me bhāsitā,
\nTatiye antaravassamhi tamokkhandho padālito.

Itthaṃ sudaṃ āyasmā gaṅgātīriyo thero gāthāyo abhāsitthā’ti.

Gaṅgātīriyattheragāthā.

2. 1. 5
\n129. Api ce hoti tevijjo maccuhāyī anāsavo,
\nAppaññātoti naṃ bālā avajānanti ajānatā.

130. Yo [PTS Page 019] [\q  19/]      ca kho annapānassa lābhī hotīdha puggalo,
\nPāpadhammopi ce hoti so nesaṃ hoti sakkato’ti.

Itthaṃ sudaṃ āyasmā ajino thero gāthāyo abhāsitthā’ti.
\nAjinattheragāthā.

2. 1. 6
\n131. Yadāhaṃ dhammamassosiṃ bhāsamānassa satthuno,
\nNa kaṅkhamabhijānāmi sabbaññū aparājite.

132. Satthavāhe mahāvīre sārathīnaṃ varuttame,
\nMagge paṭipadāyaṃ vā kaṅkhā mayhaṃ na vijjatī’ti.

Itthaṃ sudaṃ āyasmā melajino thero gāthāyo abhāsitthā’ti.

Melajinattheragāthā.

2. 1. 7
\n133. Yathā agāraṃ ducchannaṃ vuṭṭhi samativijjhati,
\nEvaṃ abhāvitaṃ cittaṃ rāgo samativijjhati.

134. Yathaagāraṃ succhannaṃ vuṭṭhi na samativijjhati,
\nEvaṃ abhāvitaṃ cittaṃ rāgo na samativijjhati.

Itthaṃ sudaṃ āyasmā rādho thero gāthāyo abhāsitthā’ti.

Rādhattheragāthā.

[BJT Page 56] [\x  56/]
\n2. 1. 8
\n135. Khīṇā hi mayhaṃ jāti vusitaṃ jinasāsanaṃ,
\nPahīno jālasaṅkhāto bhavanetti samūhatā.

136. Yassatthāya pabbajito agārasmānagāriyaṃ,
\nSo me attho anuppatto sabbasaṃyojanakkhayo’ti.

Itthaṃ sudaṃ āyasmā surādho thero gāthāyo abhāsitthā’ti.

Surādhattheragāthā.

2. 1. 9
\n137. Sukhaṃ supanti munayo ye itthīsu na bajjhare,
\nSadā ve rakkhitabbāsu yāsu saccaṃ sudullabhaṃ.

138. Vadhaṃ carimha te kāma anaṇā dāni te mayaṃ,
\nGacchāma dāni nibbānaṃ yattha gantvā na socatī’ti.

Itthaṃ sudaṃ āyasmā gotamo thero gāthāyo abhāsitthā’ti.

Gotamattheragāthā.
\n2. 1. 10
\n139. Pubbe hanti attānaṃ pacchā hanti so pare,
\nSuhataṃ hanti attānaṃ vītaseneva pakkhimā.

140. Na brāhmaṇo bahivaṇṇo anto vaṇṇo hi brāhmaṇo,
\nYasumiṃ pāpani kammāni sa ve kaṇho sujampatī’ti.

Itthaṃ sudaṃ āyasmā vasabho thero gāthāyo abhāsitthā’ti.

Vasabhattheragāthā.

Vaggo paṭhamo.

Tassuddānaṃ:
\nUttaro ceva piṇḍo lo vallito tīriyo isi,
\nAjino ca melajino rādho surādho gotamo,
\nVasabhena ime honti dasa therā mahiddhikā’ti.
\n[BJT Page 58] [\x  58/]
\n2. 2. 1
\n141. Sussūsā [PTS Page 020] [\q  20/]      sutavaddhanī sutaṃ paññāya vaddhanaṃ,
\nPaññāya atthaṃ jānāti ñāto attho sukhāvaho.

142. Sevetha pantāni senāsanāni
\nCareyya saṃyojana vippamokkhaṃ,
\nSace ratiṃ nādhigaccheyya tattha
\nSaṅghe vase rakkhitatto satīmā’ti.

Itthaṃ sudaṃ āyasmā mahācundo thero gāthāyo abhāsitthā’ti.

Mahācundattheragāthā.

2. 2. 2
\n143. Ye kho te veghamissena1 nānatthena2 ca kammunā
\nManusse uparundhanti pharusūpakkamā janā,
\nTepi tattheva3 kīranti nahi kammaṃ panassati.

144. Yaṃ karoti naro nammaṃ kalyāṇaṃ yadi pāpakaṃ,
\nTassa tassevadāyādo yaṃ yaṃ kammaṃ pakubbatī’ti.

Itthaṃ sudaṃ āyasmā jotidāso thero gāthāyo abhāsitthā’ti.

Jotidāsattheragāthā.

2. 2. 3
\n145. Accayanti ahorattā jīvitaṃ uparujjhati,
\nAyu khīyati maccānaṃ kunnadīnaṃ va odakaṃ.
\n146. Atha pāpāni kammāni karaṃ bālo na bujjhati,
\nPacchāssa kaṭukaṃ hoti vipāko hissa pāpako’ti.

Itthaṃ sudaṃ āyasmā heraññakānitthero gāthāyo abhāsitthā’ti.

Heraññakānittheragāthā.

2. 2. 4
\n147. Parittaṃ dārumāruyha yathā sīde mahaṇṇave,
\nEvaṃ kusītamāgamma sādhujīvī pi sīdati, 4
\nTasmā taṃ parivajjeyya nusītaṃ hīnavīriyaṃ.

148. Pavivittehi ariyehi pahitattehi jhāyihi,
\nNiccaṃ araddhaviriyehi paṇḍitehi sahāvase’ti.

Itthaṃ sudaṃ āyasmā somacitto thero gāthāyo abhāsitthā’ti.

Somacittattheragāthā.

1 Vesamissena-pa. Veṭhamissena-pū.
\n2 Nānattena-sīmu1, 2. [PTS.]
\n3 Tatheva-pu.
\n4 Sādhujīvīvisīdati-pu.

[BJT Page 60] [\x  60/]
\n2. 2. 5
\n149. Jano janamhi sambuddho janamevassito jano,
\nJano janena heṭhīyati heṭheti ca jano janaṃ.

150. Kohi [PTS Page 021] [\q  21/]      tassa janenattho janena janitena vā,
\nJanaṃ ohāya gacchaṃ taṃ heṭhayitvā bahuṃ jananti.

Itthaṃ sudaṃ āyasmā sabbamitto thero gāthāyo abhāsitthā’ti.

Sabbamittattheragāthā.

2. 2. 6
\n151. Kāḷi itthī brahatī dhaṅkarūpā
\nSatthiṃ ca bhetvā aparaṃ ca satthiṃ,
\nBāhaṃ1 ca bhetvā aparaṃ ca bāhuṃ
\nSīsaṃ ca bhetvā dadhithālakaṃ’ va
\nEsā nisinnā abhisaddahitvā.

152. Yo ve avidvā upadhiṃ karoti
\nPunappunaṃ dukkhamupeti mando,
\nTasmā pajānaṃ2 upadhiṃ na kayirā
\nMāhuṃ puna bhinnasiro sayissanti.

Itthaṃ sudaṃ āyasmā mahākāḷo thero gāthāyo abhāsitthā’ti.

Mahākāḷattheragāthā.

2. 2. 7
\n153. Bahū sapatte labhati muṇaḍo saṅghāṭipāruto,
\nLābhī annassa pānassa vatthassa sayanassa ca.

154. Etamādīnavaṃ ñatvā sakkāresu mahabbhayaṃ,
\nAppalābho ’navassuto sato bhikkhu paribbaje’ti.

Itthaṃ sudaṃ āyasmā tisso thero gāthāyo abhāsitthā’ti.

Tissattheragāthā.

2. 2. 8
\n155. Pācīnavaṃsadāyamhi sakyaputtā sahāyakā,
\nPahāyānappake bhoge uñchāpattāgate ratā.

156. Āraddhaviriyā pahitattā niccaṃ daḷahaparakkamā,
\nRamanti dhammaratiyā hitvāna lokiyaṃ ratinti.

Itthaṃ sudaṃ āyasmā kimbilo thero gāthāyo abhāsitthā’ti.

Kimbilattheragāthā.

1 Bāhuñca-sīmu, 1, 2.
\n2 Pajā- sīmu, 1, 2.

[BJT Page 62] [\x  62/]
\n2. 2. 9
\n157. Ayeniso manasikārā maṇḍanaṃ anuyuñjisaṃ,
\nUddhato capalo cāsiṃ kāmarāgena aṭṭito.

158. Upāyakusalenāhaṃ buddhenādiccabandhunā,
\nYoniso paṭipajjitvā bhave cittaṃ udabbahinti.

Itthaṃ sudaṃ āyasmā nando thero gāthāyo abhāsitthā’ti.

Nandattheragāthā.

2. 2. 10
\n159. Pare ca naṃ pasaṃsanti attā ce asamāhito,
\nMoghaṃ pare pasaṃsanti attā hi asamāhito.
\n160. Pare ca naṃ garahanti attā ce susamāhi,
\nMoghaṃ pare garahanti attā hi susamāhito’ti.

Itthaṃ sudaṃ āyasmā sirimā thero gāthāyo abhāsitthā’ti.

Sirimāttheragāthā.

Vaggo dutiyo.

Tassuddānaṃ:
\nCundo [PTS Page 022] [\q  22/]      ca jotidāso ca thero heraññakāni ca,
\nSomamitto sabbamitto kālo tisso ca kimbilo
\nNando ca sirimā ceva dasa therā mahiddhikā’ti.

[BJT Page 64] [\x  64/]
\n2. 3. 1
\n161. Khandhā mayā pariññātā taṇhā me susamūhatā,
\nBhāvitā mama bojjhaṅgā patto me āsavakkhayo.

162. Sohaṃ khandhe pariññāya abbūhitvāna1 jāliniṃ,
\nBhāvayitvāna bojjhaṅge nibbāyissaṃ anāsavo’ti.

Itthaṃ sudaṃ āyasmā uttaro thero gāthāyo abhāsitthā’ti.

Uttarattheragāthā.

2. 3. 2
\n163. Panādo nāma so rājā yassa yūpo suvaṇṇayo,
\nTiriyaṃ soḷasapabbedho2 uddhamāhu3 sahassadhā.

164. Sahassakaṇḍo4 satabheṇḍu5 dhajālū haritāmayo,
\nAnaccuṃ tattha gandhabbā chasahassāni sattadhā’ti.

Itthaṃ sudaṃ āyasmā bhaddaji thero gāthāyo abhāsitthā’ti.

Bhaddajittheragāthā.

2. 3. 3
\n165. Satimā paññavā bhikkhu āraddhabalavīriyo,
\nPañcakappasatānāhaṃ ekarattiṃ anussariṃ.

166. Cattāro satipaṭṭhāne sattaaṭṭha ca bhāvayaṃ,
\nPañcakappasatānāhaṃ ekarattiṃ anussarinti.

Itthaṃ sudaṃ āyasmā sobhito thero gāthāyo abhāsitthā’ti.

Sobhitattheragāthā.

2. 3. 4
\n167. Yaṃ kiccaṃ saḷhaviriyo yaṃ kaccaṃ boddhumicchatā,
\nKarissaṃ nāvarujjhassaṃ passa viriyaṃ parakkamaṃ. 6

168. Tvaṃ ca me maggamakkhāhi añjasaṃ amatogadhaṃ,
\nAhaṃ monena monissaṃ gaṅgāsoto’va sāgaranti.

Itthaṃ sudaṃ āyasmā valliyo thero gāthāyo abhāsitthā’ti.

Valliyattheragāthā.

1 Abbahitvāna-sīmu. 1, 2 Abbuhitvāna-machasaṃ.
\n2 Soḷasubbedho-sīmu. 1, 2,
\n3 Ubbhamāhu-machasaṃ. , [PTS.]
\n4 Sahassataṇhā-machasaṃ, sahassakaṇaḍu-[PTS.]
\n5 Sataheṇḍu-sīmu.
\n6 Viriyaparakkamaṃ-[PTS.]

[BJT Page 66] [\x  66/]
\n2. 3. 5
\n169. Kese me salikhissa’nti kappako upasaṅkami,
\nTato adāsamādāya sarīraṃ paccavekkhisaṃ.

170. Tuccho [PTS Page 023] [\q  23/]      kāyo adissittha andhakāro1 tamo vyagā,
\nSabbecāḷā smaiucchinnā natthi dāni punabbhavo’ti.

Itthaṃ sudaṃ āyasmā vītasoko thero gāthāyo abhāsitthā’ti.

Vītasokattheragāthā.

2. 3. 6
\n171. Pañcanīvarāṇa hitvā yogakkhemassa pattiyayā,
\nDhammādāsaṃ gahetvāna ñāṇadassanamattano.

172. Paccavekakhiṃ imaṃ kāyaṃ sabbaṃ santarabāhiraṃ,
\nAjjhattañca bahiddhā ca tuccho kāyo adissathā’ti.

Itthaṃ sudaṃ āyasmā puṇṇamāso thero gāthāyo abhāsitthā’ti.

Paṇṇamāsattheragāthā.

2. 3. 7
\n173. Yathāpi bhaddo ājañño khalitvā patitiṭṭhati,
\nBhiyyo laddhāna saṃvegaṃ adīno vahate dhuraṃ.
\n174. Evaṃ dassanasampannaṃ sammāsambuddhasāvakaṃ,
\nĀjānīyaṃ2 maṃ dhāretha puttaṃ buddhassa orasanti.

Itthaṃ sudaṃ āyasmā nandako thero gāthāyo abhāsitthā’ti.

Nandakattheragāthā.

2. 3. 8
\n175. Ehi nandaka gaccāma upajjhāyassa santikaṃ,
\nSīhanādaṃ nadissāma buddhaseṭṭhassa sammukhā.

176. Yāya no anukampāya amhe pabbājayī muni,
\nSo no attho anuppatto sabbasaṃyojanakkhayo’ti.

Itthaṃ sudaṃ āyasmā bharato thero gāthāyo abhāsitthā’ti.

Bharatattheragāthā.

1 Andhakāre-[PTS.]
\n2 Ajāniyaṃ-[PTS.]

[BJT Page 68] [\x  68/]
\n2. 3. 9
\n177. Nadanti evaṃ sappaññā sīhāva girigabbhare,
\nVīrā vijitasaṅgāmā chetvā māraṃ savāhiniṃ1,

178. Satthā ca pariciṇṇo me dhammo saṅgho ca pūjito,
\nAhaṃ ca vitto sumano puttaṃ disvā anāsavanti.

Itthaṃ sudaṃ āyasmā bhāradvājo thero gāthāyo abhāsitthā’ti.

Bhāradvājattheragāthā.

2. 3. 10
\n179. Upāsitā sappurisā sutā dhammā abhiṇhaso,
\nSuttāna paṭipajjissaṃ añjasaṃ amatogadhaṃ.

180. Bhavarāgahatassa me sato bhavarāgo puna me na vijjati,
\nNa cāhu na ca me3 bhavissati na ca me etarahipi2 vijjatī’ti.

Itthaṃ sudaṃ āyasmā kaṇhadinno thero gāthāyo abhāsitthā’ti.

Kaṇhadinnattheragāthā.

Vaggo tatiyo.

Tassuddānaṃ:
\nUttaro bhaddajitthero sobhito valliyo isi,
\nVīsoko ca yo thero puṇṇamāso ca nandako,
\nBharato bhāradvājo ca kaṇhadinno mahāmunī’ti.

1 Savāhanaṃ-sīmu. 1, 2.
\n2 Name-sīmu. 1, 2.
\n3 Etarahi-sīmu. 1, 2.

[BJT Page 70] [\x  70/]
\n2. 4. 1
\n181. Yato [PTS Page 024] [\q  24/]      ahaṃ pabbajito sammāsambuddhasāsane,
\nVimuccamāno uggacchiṃ kāmadhātuṃ upaccagaṃ.

182. Brahmuno pekkhamānassa tato cittaṃ vimucci me,
\nAkuppā me vimuttīti sabbasaṃyojanakkhayā’ti.

Itthaṃ sudaṃ āyasmā migasiro thero gāthāyo abhāsitthā’ti.

Migasirattheragāthā.

2. 4. 2
\n183. Aniccāni gahakāni tattha punappunaṃ,
\nGahakāraṃ gavesanto dukkhā jāti punappunaṃ.

184. Gahakāraka diṭṭhosi puna gehaṃ na kāhasi,
\nSabbā te phāsukā bhaggā thūṇikā1 ca vidāḷitā, 2
\nVimariyādīkataṃ3 cittaṃ idheva vidhamissatī’ti.

Itthaṃ sudaṃ āyasmā sīvako thero gāthāyo abhāsitthā’ti.

Sīvakattheragāthā.

2. 4. 3
\n185. Arahaṃ sugato loke vātehābādhito muni,
\nSace uṇhādakaṃ atthi munino dehi brāhmaṇa.

186. Pūjito pūjanīyānaṃ4 sakkareyyāna sakkato,
\nApacitopacanīyānaṃ5 tassa icchāmi hātave’ti.

Itthaṃ sudaṃ āyasmā upavāno thero gāthāyo abhāsitthā’ti.

Upavānattheragāthā.

2. 4. 4
\n187. Diṭṭhā mayā dhammadharā upāsakā
\nKāmā aniccā iti bhāsamānā,
\nSārattarattā maṇikuṇḍalesu
\nPuttesu dāresu ca te apekkhā.

188. Addhā na jānanti yathāva6 dhammaṃ
\nKāmā aniccā iti cāpi āhu, 7
\nRāgaṃ ca tesaṃ na balatthi chettuṃ
\nTasmā sitā puttadāraṃ dhanañcā’ti.

Itthaṃ sudaṃ āyasmā isidinno thero gāthāyo abhāsitthā’ti.

Isidinnattheragāthā.

1 Thūṇīrā-[PTS.]
\n2 Padāḷitā-sīmu. 1, 2.
\n3 Vipariyādikataṃ-sīmu. 1, 2, [PTS.]
\n4 Pūjaneyyānaṃ-machasaṃ, [PTS.]
\n5 Apacitopaceyyānaṃ-machasaṃ, apacito apacineyyānaṃ-[PTS.]
\n6 Yathodha-simu. 1, 2.
\n7 Ahu-pa.

[BJT Page 72] [\x  72/]
\n2. 4. 5
\n189. Devo ca vassati devo ca gaḷagaḷāyati
\nEkako cāhaṃ bherave bile viharāmi,
\nTassa mayhaṃ ekakassa bherave bile viharato
\nNatthi bhayaṃ vā chambhitattaṃ vā lomahaṃso vā.

190. Dhammatā mama sā yassa me
\nEkakassa bherave bile
\nViharato natthi bhayaṃ vā
\nChambhitattaṃ vā lomahaṃso vā’ti.

Itthaṃ sudaṃ āyasmā sambulakaccāno thero gāthāyo abhāsitthā’ti.

Sambulakaccānattheragāthā.

2. 4. 6
\n191. Kassa [PTS Page 025] [\q  25/]      selūpamaṃ cittaṃ ṭhitaṃ nānūpakampati,
\nVirattaṃ rajanīyesu kuppanīye na kuppati,
\nYassevaṃ bhāvitaṃ cittaṃ kuto taṃ dukkhamessati.

192. Mama selūpamaṃ cittaṃ ṭhitaṃ nānūpakampati,
\nVirattaṃ rajanīyesu kuppanīye na kuppati,
\nMamevaṃ bhāvitaṃ cittaṃ kuto maṃ dukkhamessatī’ti.

Itthaṃ sudaṃ āyasmā khitako thero gāthāyo abhāsitthā’ti.

Khitakattheragāthā.

2. 4. 7
\n193. Na tāva supituṃ hoti ratti nakkhattamālinī,
\nPaṭijaggitumevesā ratti hoti vijānatā.

194. Hatthikkhandhāvapatitaṃ kuñjaro ce anukkame,
\nSaṅgāme me mataṃ seyyo yaṃ ce jīve parājito’ti.

Itthaṃ sudaṃ āyasmā soṇo selissariya1puttatthero gāthāyo abhāsitthā’ti.
\nSelissariyattheragāthā.

2. 4. 8
\n195. Pañcakāmaguṇe hitvā piyarūpe manorame,
\nSaddhāya abhinikkhamma dukkhassantakaro2 bhave.

196. Nābhinandāmi maraṇaṃ nābhanandāmi jīvitaṃ,
\nKālaṃ ca paṭikaṅkhāmi sampajāno patissato’ti.

Itthaṃ sudaṃ āyasmā nisabho thero gāthāyo abhāsitthā’ti.

Nisabhattheragāthā.

1 Soṇo poṭirisaputto-syā, [PTS.]
\n2 Dukkhassanta karo-sīmu. 1, 2.

[BJT Page 74] [\x  74/]
\n2. 4. 9
\n197. Ambapallava saṅkāsaṃ aṃse katvāna cīvaraṃ,
\nNisinno hatthi gīvāya gāmaṃ piṇḍāya pāvisiṃ.

198. Hatthikkhandhato oruyha saṃvegaṃ alabhiṃ tadā,
\nSohaṃ ditto tadā santo patto me āsavakkhayo’ti.

Itthaṃ sudaṃ āyasmā usabho thero gāthāyo abhāsitthā’ti.

Usabhattheragāthā.

2. 4. 10
\n199. Ayamiti kappaṭo kappaṭakuro acchāya atibharitāya1
\nAmataghaṭikāyaṃ dhammakatamatto katapadaṃ jhānāni ocetuṃ.

200. Mā [PTS Page 026] [\q  26/]      kho tvaṃ kappaṭa pacālesi
\nMā taṃ upakaṇṇakamhi2 tāḷessaṃ,
\nNaha3 tvaṃ kappaṭa mattamaññāsi
\nSaṅghamajjhamhi pacalāyamāno’ti.

Itthaṃ sudaṃ āyasmā kappaṭakuro thero gāthāyo abhāsitthā’ti.

Vaggo catuttho.

Kappaṭakurattheragāthā.

Tassuddānaṃ:
\nMigasiro sīvako ca upavano ca paṇḍito
\nIsidanno ca kaccāno khitano ca mahāvasi
\nSelissariyo nisabho ca usabho kappaṭakuro’ti.

1 Atibhariyāya-sīmu. 1, 2.
\n2 Upakaṇṇamgi-sīmu. 1, 2.
\n3 Nahi-sīmu. 1, 2.

[BJT Page 76] [\x  76/]
\n2. 5. 1
\n201. Aho buddhā aho dhammā aho no satthu sampadā,
\nYattha etādisaṃ dhammaṃ sāvako sacchikāhisi.

202. Asaṅkheyyemu kappesu sakkāyādhigatā ahū1
\nTesamayaṃ pacchiko carimo’ yaṃ samussayo,
\nJātimaraṇasaṃsāro natthi dāni punabbhavo’ti.

Itthaṃ sudaṃ āyasmā kumārakassapo thero gāthāyo abhāsitthā’ti.

Kumārakassapattheragāthā.

2. 5. 2
\n203. Yo have daharo bhikkhu yuñjati buddhasāsane,
\nJāgaro patisuttesu2 amāghaṃ tassa jīvitaṃ.

204. Tasmā saddhañca sīlañca pasādaṃ dhammadassanaṃ,
\nAnuyuñjetha medhāvī saraṃ buddhāna sāsana’nti.

Itthaṃ sudaṃ āyasmā dhammapālo thero gāthāyo abhāsitthā’ti.

Dhammapālattheragāthā.

2. 5. 3
\n205. Kassindriyāni samathaṅgatāni
\nAssā yathā sārathinā sudantā
\nPahīnamānassa anāsavassa
\nDevāpi mayhaṃ pihayanti tādino’ti.

206. Mahindriyāni samathaṅgatāni
\nAssā yathā sārathinā sudantā
\nPahīnamānassa anāsavassa
\nDevāpi mayhaṃ pihayanti tādino’ti.

Itthaṃ sudaṃ āyasmā brahamāli thero gāthāyo abhāsitthā’ti.

Brahmālittheragāthā.

1 Ahuṃ-[PTS.]
\n2 Sa hi suttesu-machasaṃ.

[BJT Page 78] [\x  78/]
\n2. 5. 4
\n207. Chavipāpaka [PTS Page 027] [\q  27/]      cittabhaddaka
\nMogharāja satataṃ samāhito,
\nHemantikasītakālarattiyo
\nBhikkhu tvaṃsi kathaṃ karissasi.

208. Sampannasassā magadhā kevalā iti me sutaṃ,
\nPalālacchannako seyyaṃ yathaññe sukhajīvino’ti.

Itthaṃ sudaṃ āyasmā mogharājatthero gāthāyo abhāsitthā’ti.

Mogharājattheragāthā.

2. 5. 5
\n209. Na ukkhipe no ca parikkhipe pare
\nNa okkhipe pāragataṃ na eraye,
\nNa cattavaṇṇaṃ parisāsu byāhare
\nAnuddhato sammitabhāṇi subbato.

210. Susukhumanipuṇatthadassinā
\nMatikusalena nivātavuttinā,
\nSaṃsevitavuddhasīlinā
\nNibbānaṃ na hi tena dullabhanti.

Itthaṃ sudaṃ āyasmā visākho pañcālaputto thero gāthāyo abhāsitthā’ti.

Visākhapañcālaputtattheragāthā.

2. 5. 6
\n211. Nadanti morā susikhā supekhuṇā
\nSunīlagīvā sumukhā sugajjino,
\nSusaddalā cāpi mahāmahī ayaṃ
\nSubyāpitambu1 suvalāhakaṃ nabhaṃ.

212. Sukallarūpo sumanassa jhāya taṃ2
\nSunikkhamo3 sādhu subuddhasāsane,
\nSusukkasukkaṃ nipaṇaṃ sududdasaṃ
\nPhusāmi taṃ uttamamaccutaṃ padanti.

Itthaṃ sudaṃ āyasmā cūḷako thero gāthāyo abhāsitthā’ti.

Cūḷakattheragāthā.

1 Susuddhatambu-pu, sīmu. 2.
\n2 Jhāyitaṃ-
\n3 Sunikkaṭo-sīmu. 1, 2.

[BJT Page 80] [\x  80/]
\n2. 5. 7
\n213. Nandamānāgataṃ cittaṃ sūlamāropamānakaṃ,
\nTena teneva vajasi yena sūlaṃ kaliṅgaraṃ.

214. Tāhaṃ cittakaliṃ brūmi taṃ brūmi cittadubbhakaṃ,
\nSatthā te dullabho laddho mānatthe maṃ niyojayīti.

Itthaṃ sudaṃ āyasmā anupamo thero gāthāyo abhāsitthā’ti.

Anupamattheragāthā.

2. 5. 8
\n215. Saṃsaraṃ dīghamaddhānaṃ gatīsu parivattisaṃ,
\nApassaṃ ariyasaccāni andhabhūto puthujjano.

216. Tassa [PTS Page 028] [\q  28/]      me appamattassa saṃsārā vinalīkatā,
\nGati1 sabbā samucchinnā natthi dāni punabbhavo’ti.

Itthaṃ sudaṃ āyasmā vajjito thero gāthāyo abhāsitthā’ti.

Vajjitattheragāthā.

2. 5. 9
\n217. Assatthe haritokāse saṃvirūḷhampi pādape,
\nEkaṃ buddhagataṃ saññaṃ alabhitthaṃ patissato.

218. Ekatiṃse ito kappe yaṃ saññamalabhiṃ tadā,
\nTassā saññāya vāhasā patto me āsavakkhayo’ti.

Itthaṃ sudaṃ āyasmā sandhito thero gāthāyo abhāsitthā’ti.

Sandhitattheragāthā.

Vaggo pañcamo.

Tassuddānaṃ:
\nKumārakassapo thero dhammapālo ca brahmāli,
\nMogharārā visākho ca cūḷako ca anūpamo,
\nVajjito sandhito thero kilesarajavāhano’ti.

Gāthā dukanipātamhi navuti ceva aṭṭha ca
\nTherā ekūnapaññāsaṃ bhāsitā nayakovidā’ti.

Dukanipāto niṭṭhito.

1 Sabbāgati-sīmu. 1, 2, [PTS.]
\n