[CPD Classification 2.5.8]
\n[PTS Vol Th 1 ] [\z Th /] [\f I /]
\n[BJT Vol Th 1 ] [\z Th /] [\w I /]
\n[PTS Page 001] [\q   1/]
\n[BJT Page 002] [\x   2/]
Theragāthāpāḷi
\nNidānagāthā

Namo tassa bhagavato arahato sammāsambuddhassa


\n
\n

Sīhānaṃ’va nadantānaṃ dāṭhīnaṃ girigabbhare
\nSuṇātha bhāvitattānaṃ gāthā attūpanāyikā

Yathānāmā yathāgottā yathādhammavihārino
\nYathādhimuttā sappaṭñā vihariṃsu atanditā

Tattha tattha vipassitvā phusitvā accutaṃ padaṃ
\nKatantaṃ paccavekkhantā imamatthamabhāsisuṃ.

Ekakanipāto

1. 1. 1
\n1. Channā me kuṭikā sukhā nivātā vassa deva yathāsukhaṃ
\nCittaṃ me susamāhitaṃ vimuttaṃ ātāpī viharāmi vassa devā’ti.

Itthaṃ sudaṃ āyasmā subhūtitthero gāthaṃ abhāsitthā’ti.

Subhūtittheragāthā.

1. 1. 2
\n2. Upasanto uparato mantabhāṇī1 anuddhato
\nDhunāti pāpake dhamme dumapattaṃ va māluto’ti.

Itthaṃ sudaṃ āyasmā mahākoṭṭhito thero gāthaṃ abhāsitthā’ti.

Mahākoṭṭhitattheragāthā.

1 Mattabhāṇī-sīmu 2.

[BJT Page 4] [\x   4/]
\n1. 1. 3
\n3. Paṭñaṃ [PTS Page 002] [\q   2/]      imaṃ passa tathāgatānaṃ
\nAggi yathā pajjalito1 nisīthe
\nĀlokadā cakkhudadā bhavanti
\nYe āgatānaṃ vinayanti kaṅkhaṃ’ti.

Itthaṃ sudaṃ āyasmā kaṅkhārevato thero gāthaṃ abhāsitthā’ti.
\nKaṅkhārevatattheragāthā.

1. 1. 4
\n4. Sabbhireva samāsetha paṇḍitehatthadassibhi2
\nAtthaṃ mahantaṃ gambhiraṃ duddasaṃ nipuṇaṃ aṇuṃ
\nDhīrā samadhigacchanti appamattā vicakkhaṇā’ti.

Itthaṃ sudaṃ āyasmā puṇṇo mantāṇiputto thero gāthaṃ abhāsitthā’ti.

Puṇṇattheragāthā.
\n 

1. 1. 5.
\n5. Yo duddamiyo3 damena danto dabbo santusito vitiṇṇakaṅkho
\nVijitāvī apetabheravo hi dabbo so parinibbuto ṭhitatto’ti.

Itthaṃ sudaṃ āyasmā dabbo thero gāthaṃ abhāsitthā’ti.

Dabbattheragāthā.

1. 1. 6
\n6. Yo sītavanaṃ upāga4 bhikkhu eko santusito samāhitatto
\nVijitāvī apetalomahaṃso rakkhaṃ kāyagatāsatiṃ dhitīmā’ti. 5

Itthaṃ sudaṃ āyasmā sītavaniyo thero gāthaṃ abhāsitthā’ti.

Sītavaniyattheragāthā.
\n1. 1. 7
\n7. Yopānudī maccurājassa senaṃ
\nNaḷasetuṃ va sūdubbalaṃ mahogho
\nVijitāvī apetabheravo hi
\nDanto so parinibbuto ṭhitatto’ti.

Itthaṃ sudaṃ āyasmā bhalliyo thero gāthaṃ abhāsitthā’ti.

Bhalliyattheragāthā.

1 Pajjālito-[PTS] sīmu.
\n2 Hatthadassibhi-sīmu. 1, 2.
\n3 Duddamayo-[PTS.]
\n4 Upagā-sīmu. 1, 2. Upāgā-
\n5 Dhitimāti-sīmu. 1, 2.

[BJT Page 6] [\x   6/]
\n1. 1. 8
\n8. Yo duddamiyo1 damena danto vīro santusito vitiṇṇakaṃkho
\nVijitāvī apetalomahaṃso vīro so parinibbuto ṭhitatto’ti.

Itthaṃ sudaṃ āyasmā vīro thero gāthaṃ abhāsittha’ti.

Vīrattheragāthā.

1. 1. 9
\n9. Svāgataṃ na durāgataṃ nayidaṃ dumantitaṃ mama
\nSaṃvibhattesu dhammesu yaṃ seṭṭhaṃ tadupāgaminti.

Itthaṃ sudaṃ āyasmā piḷindavaccho thero gāthaṃ abhāsitthā’ti.

Piḷindavacchattheragāthā.

1. 1. 10
\n10. Vihari [PTS Page 003] [\q   3/]      apekkhaṃ idha vā huraṃ vā
\nYo vedagu samito yatatto
\nSabbesu dhammesu anūpalitto
\nLokassa dhaṭñā udayabbayaññā’ti.

Itthaṃ sudaṃ āyasmā puṇṇamāso thero gāthaṃ abhāsitthā’ti.

Puṇṇamāsattheragāthā.

Paṭhamo vaggo.

Tassuddānaṃ:
\nSubhūti koṭṭhito thero kaṅkhārevatasammato2
\nMantāṇiputto dabbo ca sītavaniyo ca bhalliyo
\nVīro piḷindavaccho ca puṇṇamāso tamonudo’ti.

1 Duddamayo-[PTS.]
\n2 Subbato-[PTS.]

[BJT Page 8] [\x   8/]
\n1. 2. 1
\n11. Pāmojjabahulo1 bhikkhu dhamme buddhappavedite
\nAdhigacche padaṃ santaṃ saṅkhārūpasamaṃ sukhanti.

Itthaṃ sudaṃ āyasmā cūḷavaccho2 thero gāthaṃ abhāsitthā’ti.

Cūḷavacchattheragāthā.

1. 2. 2
\n12. Paṭñābalī sīlavatūpapanno
\nSamāhito jhānarato satīmā
\nYadatthiyaṃ bhojanaṃ bhuṭjamāno
\nKaṅkhetha kālaṃ idha vītarāgo’ti.
\nItthaṃ sudaṃ āyasmā mahāvaccho3 thero gāthaṃ abhāsitthā’ti.

Mahāvacchattheragāthā.

1. 2. 3
\n13. Nīlabbhavaṇṇā rucirā sītavārī sucindharā
\nIndagopakasaṭchannā te selā ramayanti ma’nti.

Itthaṃ sudaṃ āyasmā vanavaccho thero gāthaṃ abhāsitthā’ti.

Vanavacchattheragāthā.

1. 2. 4
\n14. Upajjhāyo maṃ avaca4 ito gacchāma5 sīvaka
\nGāme me vasati kāyo araṭñaṃ me gato mano
\nSemānako pi gacchāmi natthi saṅgo vijānata’nti.

Itthaṃ sudaṃ āyasmato vanavacchassa therassa sāmaṇero gāthaṃ abhāsitthā’ti.

Vanavacchattherasāmaṇeragāthā.

1. 2. 5
\n15. Paṭca chinde pañca jahe pañca cuttari bhāvaye
\nPaṭcasaṅgātigo bhikkhu oghatiṇṇo’ti vuccatī’ti.

Itthaṃ sudaṃ āyasmā kuṇḍadhāno thero gāthaṃ abhāsitthā’ti.

Kuṇḍadhānattheragāthā.

1. 2. 6
\n16. Yathā pi bhaddo ājaṭño naṅgalāvattanī sikhī
\nGacchati appakasirena evaṃ rattindivā mama
\nGacchati appakasirena sukhe laddhe nirāmise’ti.

Itthaṃ sudaṃ āyasmā bellaṭṭhisīso thero gāthaṃ abhāsitthā’ti.

Bellaṭṭhisīsattheragāthā.

1 Pāmujjabahulo-[PTS.]
\n2 Cuḷagavaccho-sīmu. 1, 2.
\n3 Mahāgavaccho-sīmu. 1, 2.
\n4 Avacasi-
\n5 Gacchāmi-[PTS.]

[BJT Page 10] [\x  10/]
\n1. 2. 7
\n17. Middhi [PTS Page 004] [\q   4/]      yadā hoti mahagghaso ca
\nNiddāyitā samparivattasāyī
\nMahāvarāho’va nivāpapuṭṭho
\nPunappunaṃ gabbhamupeti mando’ti.

Itthaṃ sudaṃ āyasmā dāsako thero gāthaṃ abhāsitthā’ti.

Dāsakattheragāthā.

1. 2. 8
\n18. Ahu buddhassa dāyādo bhikkhu bhesakalāvane
\nKevalaṃ aṭṭhikasaṭñāya1 apharī paṭhaviṃ imaṃ
\nMaṭñe’haṃ kāmarāgaṃ so khippameva pahissatīti.

Itthaṃ sudaṃ āyasmā sigālapitā2 thero gāthaṃ abhāsitthā’ti.

Sigālapituttheragāthā.

1. 2. 9
\n19. Udakaṃ hi nayanti nettikā usukāro namayanti tejanaṃ
\nDāruṃ namayanti tacchakā attānaṃ damayanti subbatā’ti.

Itthaṃ sudaṃ āyasmā kuṇḍalo thero gāthaṃ abhāsitthā’ti.

Kuṇḍalattheragāthā.

1. 2. 10
\n20. Maraṇe me bhayaṃ natthi nikanti natthi jīvite
\nSandehaṃ nikkhipissāmi sampajāno patissato’ti.

Itthaṃ sudaṃ āyasmā ajito thero gāthaṃ abhāsitthā’ti.

Ajitattheragāthā.

Dutiyo vaggo.

Tassuddānaṃ:
\nCūḷavaccho mahāvaccho vanavaccho ca sīvako
\nKuṇḍadhāno ca belaṭṭhi dāsako ca tatopari
\nSigālapitiko thero kuṇḍalo ca ajito dasā’ti.

1 Aṭṭhisaṭñāya-[PTS.]
\n2 Siṅgālapitā-[PTS.]

[BJT Page 12] [\x  12/]
\n1. 3. 1
\n21. Nāhaṃ bhayassa bhāyāmi satthā no amatassa kovido
\nYattha bhayaṃ nāvatiṭṭhati tena maggena vajanti bhikkhavo’ti.

Itthaṃ sudaṃ āyasmā nigrodho thero gāthaṃ abhāsitthā’ti.

Nigrodhattheragāthā.

1. 3. 2
\n22. Nīlā sugīvā sikhino morā kāraṃciyaṃ abhinadanti.
\nTe sītavātakadditakalitā1 suttaṃ jhāyaṃ nibodhentī’ti.

Itthaṃ sudaṃ āyasmā cittako thero gāthaṃ abhāsitthā’ti.

Cittakattheragāthā.

1. 3. 3
\n23. Ahaṃ [PTS Page 005] [\q   5/]      kho veegumbasmiṃ bhutvāna madhupāyasaṃ
\nPadakkhiṇaṃ sammasanto khandhānaṃ udayabbayaṃ
\nSānuṃ paṭigamissāmi vivekamanubrūhayanti.

Itthaṃ sudaṃ āyasmā gosālo thero gāthaṃ abhāsitthā’ti.

Gosālattheragāthā.

1. 3. 4
\n24. Anuvassiko pabbajito passa dhammasudhammataṃ
\nTisso vijjā anuppattā kataṃ buddhassa sāsana’nti.

Itthaṃ sudaṃ āyasmā sugandho thero gāthaṃ abhāsitthā’ti.

Sugandhattheragāthā.

1. 3. 5
\n25. Obhāsajātaṃ phalagaṃ cittaṃ yassa abhiṇhaso
\nTādisaṃ bhikkhumāsajja kaṇha dukkhaṃ nigacchasī’ti.

Itthaṃ sudaṃ āyasmā nandiyo thero gāthaṃ abhāsitthā’ti.

Nandiyattheragāthā.

1 Sītavātakalitā-[PTS.]

[BJT Page 14] [\x  14/]
\n1. 3. 6
\n26. Sutvā subhāsitaṃ vācaṃ buddhassādiccabandhuno
\nPaccavyadhiṃ hi nipuṇaṃ vālaggaṃ usunā yathā’ti.

Itthaṃ sudaṃ āyasmā ubhayo thero gāthaṃ abhāsitthā’ti.

Ubhayattheragāthā.

1. 3. 7
\n27. Dabbaṃ kusaṃ poṭakilaṃ usīraṃ muṭjababbajaṃ1
\nUrasā panudissāmi2 vivekamanubrūhaya’nti.

Itthaṃ sudaṃ āyasmā lomasakaṅgiyo thero gāthaṃ abhāsitthā’ti.

Lomasakaṅgiyattheragāthā.

1. 3. 8
\n28. Kacci no vatthapasuto kacci no bhūsanārato
\nKacci sīlamayaṃ gandhaṃ kiṃ tvaṃ vāyasi3 netarā pajā’ti.

Itthaṃ sudaṃ āyasmā jambugāmikaputto thero gāthaṃ abhāsitthā’ti.

Jambugāmikattheragāthā.

1. 3. 9
\n29. Samunnamayamattānaṃ usukāro’va tejanaṃ
\nCittaṃ ujuṃ karitvāna avijjaṃ bhinda4 hāritā’ti.

Itthaṃ sudaṃ āyasmā hārito thero gāthaṃ abhāsitthā’ti.
\nHāritattheragāthā.

1. 3. 10
\n30. Ābādhe me samuppanne sati me upapajjatha
\nĀbādho me samuppanno kālo me nappamajjitunti.

Itthaṃ sudaṃ āyasmā uttiyo thero gāthaṃ abhāsitthā’ti.
\nUttiyattheragāthā.

Tatiyo vaggo.

Tassuddānaṃ:
\nNigrodho cittako thero gosālathero sugandho
\nNandiyo ubhayo thero thero lomasakaṅgiyo
\nJambugāmikaputto ca hārito uttiyo isīti.

1 Muṭjapabbajaṃ-[PTS.]
\n2 Panudahissāmi-[PTS.]
\n3 Vāsi-[PTS.]
\n4 Chinda-[PTS.]

[BJT Page 16] [\x  16/]
\n1. 4. 1
\n31. Phuṭṭho [PTS Page 006] [\q   6/]      ḍaṃsehi makasehi araṭñasmiṃ brahāvane
\nNāgo saṅgāmasīseva sato tatrādhivāsaye’ti.

Itthaṃ sudaṃ āyasmā gabbharatīriyo thero gāthaṃ abhāsitthā’ti.
\nGabbharatīriyattheragāthā.

1. 4. 2
\n32. Ajaraṃ jiramānena tappamānena nibbutiṃ
\nNimmisaṃ paramaṃ santiṃ yogakkhemaṃ anuttaran’ti.

Itthaṃ sudaṃ āyasmā suppiyo thero gāthaṃ abhāsitthā’ti.
\nSuppiyattheragāthā.

1. 4. 3
\n33. Yathāpi ekaputtasmiṃ piyasmiṃ kusalī siyā
\nEvaṃ sabbesu pānesu sabbattha kusalo siyā’ti.

Itthaṃ sudaṃ āyasmā sopāko thero gāthaṃ abhāsitthā’ti.
\nSopākattheragāthā.

1. 4. 4
\n34. Anāsannavarā etā niccameva vījānatā
\nGāmā araṭñamāgamma tato gehaṃ upāvisiṃ
\nTato uṭṭhāya pakkamiṃ anāmantiya1 posiyo’ti.

Itthaṃ sudaṃ āyasmā posiyo thero gāthaṃ abhāsitthā’ti.
\nPosiyattheragāthā.

1. 4. 5
\n35. Sukhaṃ sukhattho labhate tadācaraṃ
\nKittiṃ ca pappoti yasassa vaḍḍhati
\nYo ariyamaṭṭhaṅgikamaṭjasaṃ ujuṃ
\nBhāveti maggaṃ amatassa pattiyā’ti.

Itthaṃ sudaṃ āyasmā sāmaṭñakānitthero gāthaṃ abhāsitthā’ti.
\nSāmaṭñakānittheragāthā.

1. 4. 6
\n36. Sādhu sutaṃ sādhu caritakaṃ
\nSādhu sadā aniketavihāro
\nAtthapucchanaṃ padakkhiṇakammaṃ
\nEtaṃ sāmaṭñamakiñcanassā’ti.

Itthaṃ sudaṃ āyasmā kumāraputto thero gāthaṃ abhāsitthā’ti.
\nKumāraputtattheragāthā.

1 Anāmantetvā-[PTS.]

[BJT Page 18] [\x  18/]
\n1. 4. 7
\n37. Nānājanapadaṃ yanti vicaranto asaṭñatā
\nSamādhiṃ ca virodhenti kiṃsu raṭṭhacariyā karissati
\nTasmā vineyya sārambhaṃ jhāyeyya apurakkhato’ti.

Itthaṃ sudaṃ āyasmā kumāraputtattherassa sahāyakā thero gāthaṃ abhāsitthā’ti.

Kumāraputtasahāyakattheragāthā.

1. 4. 8
\n38. Yo iddhiyā sarabhuṃ1 aṭṭhapesi
\nSo gavampati asito anejo
\nTaṃ sabbasaṅgātigataṃ mahāmuniṃ
\nDevā namassanti bhavassa pāragu’nti.

Itthaṃ sudaṃ āyasmā gavampatitthero gāthaṃ abhāsitthā’ti.

Gavampatittheragāthā.

1. 4. 9
\n39. Sattiyā viya omaṭṭho ḍayhamāno’va matthake
\nKāmarāgappahānāya sato bhikkhu paribbaje’ti.

Itthaṃ sudaṃ āyasmā tisso thero gāthaṃ abhāsitthā’ti.

Tissattheragāthā.

1. 4. 10
\n40. Sattiyā [PTS Page 007] [\q   7/]      viya omaṭṭho ḍayhamāno’va matthake
\nBhavarāgappahānāya sato bhikkhu paribbaje’ti.

Itthaṃ sudaṃ āyasmā vaḍḍhamāno thero gāthaṃ abhāsitthā’ti.

Vaḍḍhamānattheragāthā.

Catuttho vaggo.

Tassuddānaṃ:
\nGabbharatīriyo suppiyo sopāko ceva posiyo
\nSāmaṭñakāni kumāputto kumāputtasahāyako
\nGavampati tissatthero vaḍḍhamāno mahāyaso’ti.

1 Sarabuṃ-sīmu. 1.

[BJT Page 20] [\x  20/]
\n1. 5. 1
\n41. Vivaramanupatanti vijjutā vebhārassa ca paṇḍavassa ca
\nNagavivaragato ca jhāyati putto appaṭimassa tādino’ti.

Itthaṃ sudaṃ āyasmā sirivaḍḍho thero gāthaṃ abhāsitthā’ti. Sirivaḍḍhattheragāthā.

1. 5. 2
\n42. Cāle upacāle sīsūpacāle
\nPatissatā nu kho viharatha
\nĀgato vo vālaṃ viya vedhī’ti.

Itthaṃ sudaṃ āyasmā khadiravaniyo revato thero gāthaṃ abhāsitthā’ti.
\nKhadiravaniyarevatattheragāthā.

1. 5. 3
\n43. Sumuttiko sumuttiko sāhu sumuttikomhi tīhi khujjakehi
\nAsitāsu mayā naṅgalāsu mayā kuddālāsu1 mayā
\nYadipi idhameva idhameva athavā pi alameva alameva
\nJhāya sumaṅgala jhāya sumaṅgala appamatto vihara sumaṅgalā’ti.

Itthaṃ sudaṃ āyasmā sumaṅgalo thero gāthaṃ abhāsitthā’ti.

Sumaṅgalattheragāthā.

1. 5. 4
\n44. Mataṃ vā amma rodanti yo vā jīvaṃ na dissati
\nJīvantaṃ maṃ amma passantī kasmā maṃ amma rodasī’ti.

Itthaṃ sudaṃ āyasmā sānutthero gāthaṃ abhāsitthā’ti.
\nSānuttheragāthā.

1. 5. 5
\n45. Yathāpi bhaddo ājaṭño khalitvā patitiṭṭhati
\nEvaṃ dassanasampannaṃ sammāsambuddhasāvakanti.

Itthaṃ sudaṃ āyasmā ramaṇīyavihāritthero gāthaṃ abhāsitthā’ti.
\nRamaṇīyavihārittheragāthā.

1 Khuddālāsu-sīmu. 1, Kudadālesu-sīmu. 2, Khudadākudadālāsu-[PTS.]
\n[BJT Page 22] [\x  22/]
\n1. 5. 6
\n46. Saddhāyāhaṃ pabbajito agārasmānagāriyaṃ
\nSati paṭñā ca me vuddhā cittaṃ ca susamāhitaṃ
\nKāmaṃ karassu rūpāni neva maṃ bādhayissasī’ti. 1

Itthaṃ sudaṃ āyasmā samiddhitthero gāthaṃ abhāsitthā’ti.
\nSamiddhittheragāthā.

1. 5. 7
\n47. Namo [PTS Page 008] [\q   8/]      te buddhavīratthu vippamuttosi sabbadhi
\nTuyhāpadāne viharaṃ viharāmi anāsavo’ti.

Itthaṃ sudaṃ āyasmā ujjayo thero gāthaṃ abhāsitthā’ti.
\nUjjayattheragāthā.

1. 5. 8
\n48. Yato ahaṃ pabbajito agārasmānagāriyaṃ
\nNābhijānāmi saṅkappaṃ anariyaṃ dosasaṃhita’nti.

Itthaṃ sudaṃ āyasmā saṭjayo thero gāthaṃ abhāsitthā’ti.
\nSaṭjayattheragāthā.

1. 5. 9
\n49. Vihavihābhinadite sippikābhirutehi ca
\nNa me taṃ phandati cittaṃ ekattanirataṃ hi me’ti.

Itthaṃ sudaṃ āyasmā rāmaṇeyyako thero gāthaṃ abhāsitthā’ti.
\nRāmaṇeyyakattheragāthā.

1. 5. 10
\n50. Dharaṇī ca siṭcati1 vāti māluto vijjutā carati nabhe
\nUpasamanti2 vitakkā cittaṃ susamāhitaṃ mamā’ti.

Itthaṃ sudaṃ vimalo thero gāthaṃ abhāsitthā’ti.

Vimalattheragāthā.

Paṭcamo vaggo.

Tassuddānaṃ:
\nSirivaḍḍho revato thero sumaṅgalo sānusavhayo
\nRamaṇīyavihārī ca samiddhiujjayasaṭjayā
\nRāmaṇeyyo ca so thero vimalo ca raṇaṭjaho’ti.

1 Byādhayissasīti-[PTS.]
\n2 Siccati-[PTS.]
\n3 Upasammanti-[PTS.]

[BJT Page 24] [\x  24/]
\n1. 6. 1
\n51. Vassati devo yathā sugītaṃ
\nChannā me kuṭikā sukhā nivātā
\nCittaṃ susamāhitaṃ ca mayhaṃ
\nAtha ce patthayasi pavassa devā’ti.

Itthaṃ sudaṃ āyasmā godhiko thero gāthaṃ abhāsitthā’ti.
\nGodhikattheragāthā.

1. 6. 2
\n52. Vassati devo yathā sugītaṃ
\nChannā me kuṭikā sukhā nivātā
\nCittaṃ susamāhitaṃ ca kāye
\nAtha ce patthayasi pavassa devā’ti.

Itthaṃ sudaṃ āyasmā subāhutthero gāthaṃ abhāsitthā’ti.
\nSubāhuttheragāthā.

1. 6. 3
\n53. Vassati devo yathā sugītaṃ
\nChannā me kuṭikā sukhā nivātā
\nTassaṃ viharāmi appamatto
\nAtha ce patthayasi pavassa devā’ti.

Itthaṃ sudaṃ āyasmā valliyo thero gāthaṃ abhāsitthā’ti.
\nValliyattheragāthā.

1. 6. 4
\n54. Vassati [PTS Page 009] [\q   9/]      devo yathā sugītaṃ
\nChannā me kuṭikā sukhā nivātā
\nTassaṃ viharāmi adutiyo
\nAtha ce patthayasi pavassa devā’ti.

Itthaṃ sudaṃ āyasmā uttiyo thero gāthaṃ abhāsitthā’ti.
\nUttiyattheragāthā.

1. 6. 5
\n55. Āsandi kuṭikaṃ katvā ogayha aṭjanaṃ vanaṃ
\nTisso vijjā anuppattā kataṃ buddhassa sāsana’nti.

Itthaṃ sudaṃ aṭjanavaniyo thero gāthaṃ abhāsitthā’ti.

Aṭjanavaniyattheragāthā.

1. 6. 6
\n56. Ko kuṭikāyaṃ bhikkhu kiṭikāyaṃ
\nVītarāgo susamāhita citto
\nEvaṃ jānāhi āvuso
\nAmoghā te kuṭikā katā’ti.

Itthaṃ sudaṃ āyasmā kuṭivihāritthero gāthaṃ abhāsitthā’ti.
\nKuṭivihārittheragāthā.

[BJT Page 26] [\x  26/]
\n1. 6. 7
\n57. Ayamāhu purāṇiyā kuṭi aṭñaṃ patthayase navaṃ kuṭiṃ
\nĀsaṃ kuṭiyā virājaya dukkhā bhikkhu puna navā kuṭī’ti.

Itthaṃ sudaṃ āyasmā dutiyakuṭivihāritthero gāthaṃ abhāsitthā’ti.
\nDutiyakuṭivihārittheragāthā.

1. 6. 8
\n58. Ramaṇīyo me kuṭikā saddhādeyyā manoramā
\nNa me attho kumārīhi yesaṃ attho tahiṃ gacchatha nāriyo’ti.

Itthaṃ sudaṃ āyasmā ramaṇīyakuṭiko thero gāthaṃ abhāsitthā’ti.
\nRamaṇīyakuṭikattheragāthā.

1. 6. 9
\n59. Saddhāyāhaṃ pabbajito araṭñe me kuṭikā katā
\nAppamatto ca ātāpī sampajāno patissato’ti.

Itthaṃ sudaṃ āyasmā kosalavihāritthero gāthaṃ abhāsitthā’ti.
\nKosalavihārittheragāthā.

1. 6. 10
\n60. Te me ijjhaṃsu saṅkappā yadattho pavisiṃ kuṭiṃ
\nVijjāvimuttiṃ paccessaṃ mānānusayamujjahi’nti.

Itthaṃ sudaṃ āyasmā sīvalitthero gāthaṃ abhāsitthā’ti.

Sīvalittheragāthā.

Chaṭṭho vaggo.

Tassuddānaṃ:
\nGodhiko ca subāhu ca valliyo uttiyo isi
\nAṭjanavaniyo thero duve kuṭivihārino
\nRamaṇīyakuṭiko ca kosalavhayasīvalī’ti.

[BJT Page 28] [\x  28/]
\n1. 7. 1
\n61. Passati passo passantaṃ apassantaṃ ca passati
\nApassanto apassantaṃ passantaṃ ca na passatī’ti.

Itthaṃ sudaṃ āyasmā vappo thero gāthaṃ abhāsitthā’ti.
\nVappattheragāthā.

1. 7. 2
\n62. Ekakā [PTS Page 010] [\q  10/]      mayaṃ araṭñe viharāma
\nApaviddhaṃ va vanasmiṃ dārukaṃ
\nTassa me bahukā pihayanti
\nTerayikā viya saggagāminanti.

Itthaṃ sudaṃ āyasmā vajjiputto thero gāthaṃ abhāsitthā’ti.
\nVajjiputtattheragāthā.

1. 7. 3
\n63. Cutā patanti patitā giddhā ca punarāgatā
\nKataṃ kiccaṃ rataṃ rammaṃ sukhenanvāgataṃ sukhanti.

Itthaṃ sudaṃ āyasmā pakkho thero gāthaṃ abhāsitthā’ti.
\nPakkhattheragāthā.

1. 7. 4
\n64. Dumavhayāya uppanno jāto paṇḍaraketunā
\nKetuhā ketunāyeva mahāketuṃ padhaṃsayīti.

Itthaṃ sudaṃ āyasmā vimalo koṇḍaṭño thero gāthaṃ abhāsitthā’ti.

1. 7. 5
\n65. Ukkhepakaṭavacchassa saṅkalitaṃ bahūhiva ssehi
\nTaṃ bhāsati gahaṭṭhānaṃ sunisinno uḷārapāmojjo’ti. 1

Itthaṃ sudaṃ āyasmā ukkhepakaṭavaccho thero gāthaṃ abhāsitthā’ti.
\nUkkhepakaṭavacchattheragāthā.

1 Uḷārapāmujjo-[T.]

[BJT Page 30] [\x  30/]
\n1. 7. 6
\n66. Anusāsi mahāvīro sabbadhammānapāragu
\nTassāhaṃ dhammaṃ sutvāna vihāsiṃ santike sato1
\nTisso vijjā anuppattā kataṃ buddhassa sāsana’nti.
\nItthaṃ sudaṃ āyasmā meghiyo thero gāthaṃ abhāsitthā’ti.
\nMeghiyattheragāthā.

1. 7. 7
\n67. Kilesā jhāpitā mayhaṃ bhavā sabbe samūhatā
\nVikkhīṇo jātisaṃsāro natthi dāni punabbhavo’ti.

Itthaṃ sudaṃ āyasmā ekadhammasavanīyo thero gāthaṃ abhāsitthā’ti.
\nEkadhammasavanīyattheragāthā.

1. 7. 8
\n68. Adhicetaso appamajjato munino monapathesu sikkhato
\nSokā na bhavanti tādino upasantassa sadā satīmato’ti.

Itthaṃ sudaṃ āyasmā ekudāniyo thero gāthaṃ abhāsitthā’ti.
\nEkudāniyattheragāthā.

1. 5. 9
\n69. Sutvāna dhammaṃ mahato mahārasaṃ
\nSabbaṭñutaññaṇavarena desitaṃ
\nMaggaṃ papajjiṃ amatassa pattiyā
\nSo yogakkhemassa pathassa kovido’ti.

Itthaṃ sudaṃ āyasmā channo thero gāthaṃ abhāsitthā’ti.
\nChannattheragāthā.

1. 7. 10
\n70. Sīlameva [PTS Page 011] [\q  11/]      idha aggaṃ paṭñavā pana uttamo
\nManussesu ca deve su sīlapaṭñāṇato jaya’nti.

Itthaṃ sudaṃ āyasmā puṇṇo thero gāthaṃ abhāsitthā’ti.
\nPuṇṇattheragāthā.

Sattamo vaggo.

Tassuddānaṃ:
\nVappo ca vajjiputto ca pakkho vimalakoṇḍaṭño
\nUkkhepakaṭavaccho ca meghiyo ekadhammiko
\nEkudāniyacchannā ca puṇṇatthero mahabbalo’ti.

1 Rato-[PTS.]
\n[BJT Page 32] [\x  32/]
\n1. 8. 1
\n71. Susukhumanipuṇatthadassinā matikusalena nivātavuttinā
\nSaṃsevita vuddhasīlinā1 nibbānaṃ na hi tena dullabha’nti.

Itthaṃ sudaṃ āyasmā vacchapālo thero gāthaṃ abhāsitthā’ti.

Vacchapālattheragāthā.

1. 8. 2
\n72. Yathā kaḷīro susu vaḍḍhataggo
\nDunnikkhamo hoti pasākhajāto
\nEvaṃ ahaṃ bhariyāyānītāya
\nAnumaṭña maṃ pabbajitomhi dānī’ti.

Itthaṃ sudaṃ āyasmā ātumo thero gāthaṃ abhāsitthā’ti.

Ātumattheragāthā.

1. 8. 3
\n73. Jiṇṇaṃ ca disvā dukhitaṃ ca2 byādhitaṃ
\nMataṃ ca disvā gatamāyusaṅkhayaṃ
\nTato ahaṃ nikkhamitūna pabbajiṃ
\nPahāya kāmāni manoramānī’ti.

Itthaṃ sudaṃ āyasmā māṇavo thero gāthaṃ abhāsitthā’ti.

Māṇavattheragāthā.

1. 8. 4
\n74. Kāmacchando ca byāpādo thīnamiddhaṃ ca bhikkhuno
\nUddhaccaṃ vicikicchā ca sabbaso’va na vijjatī’ti.

Itthaṃ sudaṃ āyasmā suyāmo3 thero gāthaṃ abhāsitthā’ti.

Suyāmattheragāthā.

1. 8. 5
\n75. Sādhu suvihitāna dassanaṃ kaṅkhā chijjati buddhi vaḍḍhati
\nBālampi karonti paṇaḍitaṃ tasmā sādhu sataṃ samāgamo’ti.

Itthaṃ sudaṃ āyasmā susārado thero gāthaṃ abhāsitthā’ti.

Susāradattheragāthā.

1. 8. 6
\n76. Uppatantesu nipate nipatantesu uppate
\nVase avasamānesu ramamānesu ni rame’ti.

Itthaṃ sudaṃ āyasmā piyaṭjaho thero gāthaṃ abhāsitthā’ti.

Piyaṭjahattheragāthā.

1 Saṃsevitakhuddhasīlinā-[PTS.]
\n2 Dukkhitaṭca-[PTS.]
\n3 Suyāmano-sīmu. 1, 2, [PTS.]

[BJT Page 34] [\x  34/]
\n1. 8. 7
\n77. Idaṃ [PTS Page 012] [\q  12/]      pure cittamacāri cārikaṃ
\nYenicchakaṃ yatthakāmaṃ yathāsukhaṃ
\nTadajjahaṃ niggahessāmi1 yoniso
\nHatthippabhannaṃ viya aṅkusaggaho’ti.

Itthaṃ sudaṃ āyasmā hatthārohaputto thero gāthaṃ abhāsitthā’ti.

Hatthārohaputtattheragāthā.

1. 8. 8
\n78. Anekajatisaṃsāraṃ sanudhāvissaṃ anibbisaṃ
\nTassa me dukukhajātassa dukkhakkhandho aparaddho’ti.

Itthaṃ sudaṃ āyasmā meṇaḍasiro thero gāthaṃ abhāsitthā’ti.

Meṇaḍasirattheragāthā.

1. 8. 9
\n79. Sabbo rāgo pahīno me sabbo doso samūhato
\nSabbo me vigato moho sītibhūtosmi nibbuto’ti.

Itthaṃ sudaṃ āyasmā rakkhito thero gāthaṃ abhāsitthā’ti.

Rakkhitattheragāthā.

1. 8. 10
\n80. Yaṃ mayā pakataṃ kammaṃ appaṃ vā yadi vā bahuṃ2
\nSabbametaṃ parikkhīṇaṃ natthi dāni punabbhavo’ti.

Itthaṃ sudaṃ āyasmā uggo thero gāthaṃ abhāsitthā’ti.

Uggattheragāthā.

Aṭṭhamo vaggo.

Tassuddānaṃ:
\nVacchapālo ca yo thero ātumo māṇavo isi
\nSuyāmo ca susārado thero yo ca piyaṭjaho
\nĀrohaputto meṇḍasiro rakkhito uggasavhayo’ti.

1 Niggahissāmi-[PTS.]
\n2 Bahu-[PTS.]

[BJT Page 36] [\x  36/]
\n1. 9. 1
\n81. Yaṃ mayā pakataṃ pāpaṃ pubbe aṭñāsu jātisu
\nIdheva taṃ vedanīyaṃ vatthu aṭñaṃ na vijjatī’ti.

Itthaṃ sudaṃ āyasmā samitigutto thero gāthaṃ abhāsitthā’ti.

Samitiguttattheragāthā.

1. 9. 2
\n82. Yena yena subhikkhāni sivāni abhayāni ca
\nTena puttaka gacchassu mā sokāpahato bhavā’ti.

Itthaṃ sudaṃ āyasmā kassapo thero gāthaṃ abhāsitthā’ti.

Kassapattheragāthā.

1. 9. 3
\n83. Sīhappamattā vihara rattindivamatandito
\nBhāvehi kusalaṃ dhammaṃ jaha sīghaṃ samussayanti.

Itthaṃ sudaṃ āyasmā sīho thero gāthaṃ abhāsitthā’ti.

Sīhattheragāthā.

1. 9. 4
\n84. Sabbarattiṃ [PTS Page 013] [\q  13/]      supitvāna saṅgaṇike rato,
\nKudassu1 nāma dummedho dukkhassantaṃ karissatī’ti.

Itthaṃ sudaṃ āyasmā nīto thero gāthaṃ abhāsitthā’ti.

Nītattheragāthā.

1. 9. 5
\n85. Cittanimittassa kovido pavivekarasaṃ vijāniya,
\nJhāyaṃ nipako patissato adhigaccheyya sukhaṃ nirāmisanti.

Itthaṃ sudaṃ āyasmā sunāgo thero gāthaṃ abhāsitthā’ti.

Sukāgattheragāthā.

1. 9. 6
\n86. Ito bahiddhā puthu aṭñavādinaṃ
\nMaggo na nibbānagamo yathā ayaṃ,
\nItissu saṅghaṃ bhagavānusāsati
\nSatthā sayaṃ pāṇitaleva dassaya’nti.

Itthaṃ sudaṃ āyasmā nāgito thero gāthaṃ abhāsitthā’ti.

Nāgitattheragāthā.

1 Kudāsasu-nā.

[BJT Page 38] [\x  38/]
\n1. 9. 7
\n87. Khandhā diṭṭhā yathābhūtaṃ bhavā sabbe padālitā
\nVikkhīṇo jātisaṃsāro natthi dāni punabbhavo’ti.

Itthaṃ sudaṃ āyasmā paviṭṭho thero gāthaṃ abhāsitthā’ti.

Paviṭṭhattheragāthā.

1. 9. 8
\n88. Asakkhiṃ vata attānaṃ uddhātuṃ udakā jalaṃ
\nVuyhamāno mahogheva sacaccāni paṭivijjhaha’nti.

Itthaṃ sudaṃ āyasmā ajjuno thero gāthaṃ abhāsitthā’ti.

Ajjunattheragāthā.

1. 9. 9
\n89. Uttiṇṇā paṅkapalipā pātālā parivajjitā,
\nMuttā oghā ca ganthā ca sabbe mānā visaṃhatā’ti.

Itthaṃ sudaṃ āyasmā devasabho thero gāthaṃ abhāsitthā’ti.

Paṭhamadevasabhattheragāthā.

1. 9. 10
\n90. Paṭcakkhandhā pariññātā tiṭṭhanti chinnamūlakā,
\nVikkhīṇo jātisaṃsāro natthi dāni punabbhavo’ti.

Itthaṃ sudaṃ āyasmā sāmidatto thero gāthaṃ abhāsitthā’ti.

Sāmidattattheragāthā.

Navamo vaggo.
\nTassuddānaṃ:
\nThero samitigutto ca kassapo sīhasavahayo
\nNīto sunāgo nāgito paviṭṭho ajjuno isi,
\nDevasabho ca yo thero sāmidatto mahabbalo’ti.

[BJT Page 40] [\x  40/]
\n1. 10. 1
\n91. Na tathā’ mataṃ satarasaṃ sudhannaṃ yaṃ mayajja paribhuttaṃ,
\nAparimita dassinā gotamena buddhena desito dhammo’ti.

Itthaṃ sudaṃ āyasmā paripuṇṇako thero gāthaṃ abhāsitthā’ti.

Paripuṇṇakattheragāthā.

1. 10. 2
\n92. Yassāsavā [PTS Page 014] [\q  14/]      parikkhīṇā āhāre ca anissito,
\nSuṭñatā animitto ca vimokkho yassa gocaro,
\nĀkāseva sakuntānaṃ padaṃ tassa durannayanti.

Itthaṃ sudaṃ āyasmā vijayo thero gāthaṃ abhāsitthā’ti.

Vijayattheragāthā.

1. 10. 3
\n93. Dukkhā kāmā eraka na sukhā kāmā eraka,
\nYo kāme kāmayati dukkhaṃ so kāmayati eraka,
\nYo kāme na kāmayati eraka dukkhaṃ so na kāmayati erakā’ti.

Itthaṃ sudaṃ āyasmā erako thero gāthaṃ abhāsitthā’ti.

Erakattheragāthā.

1. 10. 4
\n94. Name hi tassa bhagavato sakyaputtassa sirīmato,
\nTenāyaṃ aggappattena aggo dhammo sudesito’ti.

Itthaṃ sudaṃ āyasmā mettaji thero gāthaṃ abhāsitthā’ti.

Mettajittheragāthā.

1. 10. 5
\n95. Andhohaṃ hatanettosmi kantāraddhānapakkanto, 1
\nSayamāno’pi gacchissaṃ na sahāyena pāpenā’ti.

Itthaṃ sudaṃ āyasmā cakkhupālo thero gāthaṃ abhāsitthā’ti.

Cakkhupālattheragāthā.

1. 10. 6
\n96. Ekapupphaṃ cajitvāna asītiṃ vassa koṭiyo,
\nSaggesu paracāretvā sesakenamhi nibbuto’ti.

Itthaṃ sudaṃ āyasmā khaṇḍasumano thero gāthaṃ abhāsitthā’ti.

Khaṇḍasumaṇattheragāthā.

1 Pakkhando-machasaṃ. Pakkhanno-sīmu. 1, 2, [PTS.]

[BJT Page 42] [\x  42/]
\n1. 10. 7
\n97. Hitvā sataphalaṃ kaṃsaṃ sovaṇṇaṃ satarājikaṃ,
\nAggahiṃ mattikāpattaṃ idaṃ dutiyābhasevana’nti.

Itthaṃ sudaṃ āyasmā tisso thero gāthaṃ abhāsitthā’ti.

Tissattheragāthā.

1. 10. 8
\n98. Rūpaṃ disvā sati muṭṭhā piyanimittaṃ manasikaroto,
\nSārattacitto vedeti taṃ ca ajjhosa tiṭṭhati,
\nTassa vaḍḍhanti āsavā bhavamūlā bhavagāmino’ti. 1

Itthaṃ sudaṃ āyasmā abhayo thero gāthaṃ abhāsitthā’ti.

Abhayattheragāthā.

1. 10. 9
\n99. Saddaṃ sutvā sati muṭṭhā piyanimittaṃ manasikaroto,
\nSārattacitto vedeti taṃ ca ajjhosa tiṭṭhati,
\nTassa vaḍḍhanti āsavā saṃsāramupagāmino’ti. 2

Itthaṃ sudaṃ āyasmā uttiyo thero gāthaṃ abhāsitthā’ti.

Uttiyattheragāthā.

1. 10. 10
\n100. Sammappadhānasampanno satipaṭṭhānagocaro,
\nVimuttikusumasaṭchanno parinibbissatyanāsavo’ti.

Itthaṃ sudaṃ āyasmā devasabho thero gāthaṃ abhāsitthā’ti.

Devasabhattheragāthā.
\nDasamo vaggo.

Tassuddānaṃ:
\nParipuṇṇako [PTS Page 015] [\q  15/]      ca vijayo erako mettajī muni,
\nCakkhupālo khaṇḍasumano tisso ca abhayo3 tathā,
\nUttiyo ca mahāpaṭño thero devasabho pi cā’ti.

1 Bhavamūlepagāmino-sīmu. 1, 2.
\n2 Saṃsāraṃ upagāmino-sīmu. 1, 2.
\n3 Tisso abhayo va-[PTS.]

[BJT Page 44] [\x  44/]
\n1. 11. 1
\n101. Hatvā gihittaṃ anavositatto
\nMukhanaṅgalī odariko kusīto,
\nMahāvarāho’va nivāpapuṭṭho
\nPunappunaṃ gabbhamupeti mando.

Itthaṃ sudaṃ āyasmā belaṭṭhāniko thero gāthaṃ abhāsitthā’ti.

Belaṭṭhānikattheragāthā.

1. 11. 2
\n102. Mānena vaṭcitāse saṅkhāresu saṅkilissamānāse, 1
\nLābhālābhena mathitā samādhiṃ nādhigacchantī’ti.

Itthaṃ sudaṃ āyasmā setuccho thero gāthaṃ abhāsitthā’ti.

Setucchattheragāthā.

1. 11. 3
\n103. Nāhaṃ etena atthiko sukhito dhammarasena tappito,
\nPītvāna2 rasaggamuttamaṃ na ca kāhāmi visena santhava’nti.

Itthaṃ sudaṃ āyasmā bandhuro3 thero gāthaṃ abhāsitthā’ti.

Bandhurattheragāthā.

1. 11. 4
\n104. Lahuko vata me kāyo phuṭṭho ca pītisukhena vipulena
\nTūlamiva eritaṃ mālutena pilavatīva me kāyo’ti.

Itthaṃ sudaṃ āyasmā khitako thero gāthaṃ abhāsitthā’ti.

Khitakattheragāthā.

1. 11. 5
\n105. Ukkaṇaṭhitopi na vase ramamānopi pakkame,
\nNatvevānatthasaṃmitaṃ vase vāsaṃ vicakkhaṇo’ti.

Itthaṃ sudaṃ āyasmā malitavambho thero gāthaṃ abhāsitthā’ti.

Malitavambhattheragāthā.

1. 11. 6
\n106. Sataliṅgassa atthassa satalakkhaṇadhārino,
\nEkaṅgadassī dummedho satadassī ca paṇḍito’ti.

Itthaṃ sudaṃ āyasmā suhemanto thero gāthaṃ abhāsitthā’ti.

Suhemantattheragāthā.

1 Saṅkilissamānase-machasaṃ.
\n2 Pītvā-katthaci,
\n3 Bandhano-machasaṃ.

[BJT Page 46] [\x  46/]
\n1. 11. 7
\n107. Pabbajiṃ tulayatvāna agārasmānagāriyaṃ,
\nTisso vijjā anuppattā kataṃ buddhassa sāsana’nti.

Itthaṃ sudaṃ āyasmā dhammasavo thero gāthaṃ abhāsitthā’ti.

Dhammasavattheragāthā.

1. 11. 8
\n108. Sa vīsaṃvassasatiko1 pabbajiṃ anagāriyaṃ,
\nTisso vijjā anuppattā kataṃ buddhassa sāsana’nti.

Itthaṃ sudaṃ āyasmā dhammasavapitutthero gāthaṃ abhāsitthā’ti.

Dhammasava pituttheragāthā.

1. 11. 9
\n109. Na [PTS Page 016] [\q  16/]      nūnāyaṃ paramahitānukampino
\nRahogato anuvigaṇeti sāsanaṃ,
\nTathāhayaṃ viharati pākatindriyo
\nMigī yathā taruṇajātikā vane’ti.

Itthaṃ sudaṃ āyasmā saṅgharakkhito thero gāthaṃ abhāsitthā’ti.

Saṅgharakkhitattheragāthā.
\n1. 11. 10
\n110. Nagā nagaggesu susaṃvirūḷhā
\nUdaggameghena navena sittā
\nVivekakāmassa araṭñasaññino
\nJaneti bhiyyo usabhassa kalyata’nti.

Itthaṃ sudaṃ āyasmā usabho thero gāthaṃ abhāsitthā’ti.

Usabhattheragāthā.

Ekādasamo vaggo.

Tassuddānaṃ:
\nBelaṭṭhānikasetucchā bandhuro khitako isī,
\nMalitavambho suhemanto dhammasavo dhammasavapitā,
\nSaṅgharakkhitatthero ca usabho ca mahāmunī’ti.

[BJT Page 48] [\x  48/]
\n1. 12. 1
\n111. Duppabbajjaṃ ve duradhivāsā gehā
\nDhammo gambhīro duradhigamā bhogā,
\nKicchā vutti no itarītareneva
\nYuttaṃ cantetuṃ satatamaniccata’nti.

Itthaṃ sudaṃ āyasmā jento thero gāthaṃ abhāsitthā’ti.

Jentattheragāthā.

1. 12. 2
\n112. Tevijjohaṃ mahājhāyī cetosamathakovido
\nSadattho me anuppatto kataṃ buddhassa sāsana’nti.

Itthaṃ sudaṃ āyasmā jento thero gāthaṃ abhāsitthā’ti.

Jentattheragāthā.

1. 12. 3.
\n113. Acchodikā puthusilā gonaṅgulamigāyutā,
\nAmbusevālasaṭjannā te selā ramayanti ma’nti.

Itthaṃ sudaṃ āyasmā vanavaccho thero gāthaṃ abhāsitthā’ti.

Vanavacchattheragāthā.

1. 12. 4
\n114. Kāyaduṭṭhullagaruno hīyamānamhi1 jīvite,
\nSarīrasukhagiddhassa kuto samaṇa sādhutā’ti.

Itthaṃ sudaṃ āyasmā adhimutto thero gāthaṃ abhāsitthā’ti.

Adhimuttattheragāthā.

1. 12. 5
\n115. Esāvahiyyase pabbatena bahukuṭajasallakikena, 2
\nNesādakena girinā yasassinā paricchadenā’ti.

Itthaṃ sudaṃ āyasmā mahānāmo thero gāthaṃ abhāsitthā’ti.

Mahānāmattheragāthā.

1. 12. 6
\n116. Cha [PTS Page 017] [\q  17/]      phassāyatane hitvā guttadvāro susaṃvuto,
\nAghamūlaṃ vamitvāna patto me āsavakkhayo’ti.

Itthaṃ sudaṃ āyasmā pārāsariyatthero3 gāthaṃ abhāsitthā’ti.

Parāsariyattheragāthā.

1 Hiyyamānamhi-[PTS.]
\n2 Sallakiteta-pa.
\n3 Pārāpariya-machasaṃ, [PTS.]

[BJT Page 50] [\x  50/]
\n1. 12. 7
\n117. Suvilitto suvasano sabbābharaṇabhaṇūsito,
\nTisso vijjā ajjhagamiṃ kataṃ buddhassa sāsana’nti.

Itthaṃ sudaṃ āyasmā yaso thero gāthaṃ abhāsitthā’ti.

Yasattheragāthā.

1. 12. 8
\n118. Abhisatthova nipatati
\nVayo rūpaṃ aṭñamiva tatheva santaṃ,
\nTasseva sato avippavasato
\nAṭñasseva sarāmi attāna’nti.

Itthaṃ sudaṃ āyasmā kimbilo thero gāthaṃ abhāsitthā’ti.

Kimbilattheragāthā.

1. 12. 9
\n119. Rukkhamūlagahanaṃ pasakkiya
\nNibbānaṃ hadayasmiṃ opiya1
\nJhāya gotama mā ca pāmado2
\nKiṃ te bilibilikā karissatī’ti.

Itthaṃ sudaṃ āyasmā vajjiputto thero gāthaṃ abhāsitthā’ti.

Vajjiputtattheragāthā.

1. 12. 10
\n120. Paṭcakkhandhā pariññātā tiṭṭhanti chinnamūlakā,
\nDukkhakkhayo anuppatto patto me āsavakkhayo’ti.

Itthaṃ sudaṃ āyasmā isidatto thero gāthaṃ abhāsitthā’ti.

Isidattattheragāthā.

Vaggo dvādasamo.

Tassuddānaṃ:
\nJento ca vacchagotto ca vaccho ca vanasavhayo, 3
\nAdhimutto mahānāmo pārāsariyo4 yaso pi ca,
\nKimbilo vajjiputto ca isidatto mahāyaso’ti.

Tatruraddānaṃ:
\nVīsuttarasataṃ therā katakiccā anāsavā,
\nEkakeva nipātamhi susaṅgītā mahesibhī’ti.

Ekakanipāto niṭṭhito.

1 Osiya-[PTS.]
\n2 Pamādo-bahūsu
\n3 Vanapavhayo- [PTS.]
\n4 Pārāpariyo-[PTS.]
\n 
\n