[CPD Classification 2.5.6]
\n[PTS Vol Vv - ] [\z Vv /] [\f I /]
\n[BJT Vol Vv - ] [\z Vv /] [\w I /]
\n[PTS Page 069] [\q  69/]
\n[BJT Page 180] [\x 180/]
Suttantapiṭake
\nVimānavatthupāḷi

Namo tassa bhagavato arahato sammā sambuddhassa.
\n7. Sunikkhittavaggo

7. 1
\n1115. Yathā vanaṃ cittalataṃ pabhāsati
\nUyyānaseṭṭhaṃ tidasānamuttamaṃ
\nTadūpamaṃ tuyhamidaṃ vimānaṃ
\nObhāsayaṃ tiṭṭhati antaḷikkhe
\n1116. Deviddhipattosi mahānubhāvo
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti

1117. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalanti

1118. Ahaṃ manussesu manussabhūto
\nDaḷiddo atāṇo kapaṇo kammakaro ahosiṃ
\nJiṇṇo ca mātāpitaro abhariṃ1
\nPiyā ca me sīlavanto ahesuṃ annañca pānañca pasannacitto
\nSakkacca dānaṃ vipulaṃ adāsiṃ

1119. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā

1120. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.

Cittalatāvimānaṃ

7. 2

1121. Yathā vanaṃ nandanaṃ cittalataṃ2 pabhāsati
\nUyyānaseṭṭhaṃ tidasānamuttamaṃ
\nTadūpamaṃ tuyhamidaṃ vimānaṃ
\nObhāsayaṃ tiṭṭhati antaḷikkhe
\n1122. Deviddhipattosi mahānubhāvo
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti

1. Abhāriṃ - machasaṃ.
\n2. Nandanaṃ - machasaṃ.

[BJT Page 182] [\x 182/]

1123. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalaṃ

1124. Ahaṃ manussesu manussabhūto
\nDaḷiddo atāṇo kapaṇo kammakaro ahosiṃ
\nJiṇṇo ca mātāpitaro abhariṃ
\nPiyā ca me sīlavanto ahesuṃ annañca pānañca pasannacitto
\nSakkacca dānaṃ vipulaṃ adāsiṃ

1125. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā

1126. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.

Nandanavimānaṃ.

7. 3

1127. Uccamidaṃ maṇithūṇaṃ vimānaṃ
\nSamannato dvādasa yojanāni
\nKūṭāgārā sattasatā uḷārā
\nVeḷuriyatthambhā rucakatthatā subhā

1128. Tatthacchasi pivasi khādasi ca
\nDibbā ca vīṇā pavadanti vagguṃ
\nDibbā rasā kāmaguṇettha pañca
\nNāriyo ca naccanti suvaṇṇa channā
\n[PTS Page 070] [\q  70/]
\n1129. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā

1130. Deviddhipattosi mahānubhāvo
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti

1131. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalaṃ

[BJT Page 184] [\x 184/]

1132. Ahaṃ manussesu manussabhūto
\nVivane pathe caṅkamanaṃ1 akāsiṃ
\nĀrāmarukkhāni ca ropayissaṃ
\nPiyā ca me sīlavanto ahesuṃ
\nAnnaṃ ca pānaṃ ca pasannacitto sakkacca dānaṃ vipulaṃ adāsiṃ

1133. Tena me tādiso vaṇṇo
\nTena me idhamijjhati,
\nUppajjanti ca me bhogā
\nYe keci manaso piyā

1134. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.

Maṇithūṇavimānaṃ

7. 4

1135. Sovaṇṇamaye pabbatasmiṃ vimānaṃ sabbato pahaṃ
\nHemajālakapacchannaṃ2 kiṅkīṇijāla3kappitaṃ

1136. Aṭṭhaṃsā sukatā thambhā sabbe veḷuriyāmayā
\nEkamekāya aṃsiyā ratanā satta nimmitā

1137. Veḷuriyasuvaṇṇassa phaḷikā rūpiyassa ca
\nMasāragallamuttāhi lohitaṅkamaṇīhi ca

1138. Citrā manoramā bhūmi na tatthuddhaṃsatī rajo
\nGopāṇasīgaṇā pītā kūṭaṃ dhārenti nimmitā

1139. Sopānāni ca cattāri nimmitā caturo disā
\nNānā ratanagabbhehi ādiccova virocati

1140. Vediyā4 catasso tattha vibhattā bhāgaso mitā,
\nDaddallamānā ābhanti samantā caturo disā

1141. Tasmiṃ vimāne pavare devaputto mahappabho
\nAtirocati vaṇṇena udayantova bhānumā5

1. Saṃkamanaṃ - machasaṃ.
\n2. Hemajāla paṭicchannaṃ - machasaṃ.
\n3. Kiṃkiṇikajāla - [P. T. S]
\nKiṃkaṇikajāla - syā. 4. Vedikā, - [P. T. S]
\n5. Bhāṇumā - machasaṃ, sīmu.

[BJT Page 188] [\x 188/]

1152. Gimhānaṃ pacchime māse patapante1 divākare2
\nParesaṃ bhatako poso ambārāmamasiñcati3

1153. Atha tenāgamā bhikkhu sāriputtoti vissuto
\nKilantarūpo kāyena akilannova cetasā

1154. Tañca disvāna āyantaṃ avocaṃ ambasiñcako,
\nSādhu taṃ bhante nahāpeyyaṃ yaṃ mamassa sukhāvahaṃ

1155. Tassa me anukampāya nikkhipi pattacīvaraṃ
\nNisīdi rukkhamūlasmiṃ chāyāya ekacīvaro

1156. Tañca acchena vārinā pasannamānaso naro
\nNahāpayī rukkhamūlasmiṃ chāyāya ekacīvaraṃ

1157. Ambo ca sitto samaṇo ca nahāpito
\nMayā ca puññaṃ pasutaṃ anappakaṃ
\nIti so pītiyā kāyaṃ sabbaṃ pharati attano

1158. Tadeva ettakaṃ kammaṃ akāsiṃ tāya jātiyā
\nPahāya mānusaṃ dehaṃ upapannonamhi nandanaṃ

1159. Nandane pavane ramme nānādijagaṇāyute
\nRamāmi naccagītehi accharāhi purakkhatoti.

Ambavimānaṃ.

7. 6
\n[PTS Page 072] [\q  72/]
\n1160. Disvāna devaṃ paṭipucchi bhikkhu
\nUcce vimānamhi ciraṭṭhitike
\nĀmuttahatthābharaṇaṃ yasassiṃ4
\nDibbe vimānamhi yathāpi candimā.

1161. Alaṅkato mālabhārī5 suvattho
\nSukuṇḍalī kappitakesamassu
\nĀmuttahatthābharaṇo yasassī
\nDibbe vimānamhi yathāpi candimā.

1. Patāpante - syā.
\n2. Divaṃkare - machasaṃ, syā.
\n3. Asiñcatha - pu.
\n4. Āvuttahatthobharaṇe yassasi - syā.
\n5. Malyadhare - machasaṃ.

[BJT Page 190] [\x 190/]

1162. Dibbā ca vīṇā pavadanti vagguṃ
\nAṭṭhaṭṭhakā sikkhitā sādhurūpā
\nDibbā ca kaññā tidasacarā uḷārā
\nNaccanti gāyanti pamodayanti

1163. Deviddhipattosi mahānubhāvo
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

1164. So devaputto attamano moggallānena pucchito
\nPañhaṃ puṭṭho viyākāsi yassa kammassidaṃ phalaṃ

1165. Ahaṃ manussesu manussabhūto
\nSaṅgamma rakkhissaṃ paresaṃ dhenuyo
\nTato ca āgā samaṇo mamantike
\nGāvo ca māse agamaṃsu khādituṃ

1166. Dvayajja kiccaṃ ubhayañca kāriyaṃ
\nIccevahaṃ bhante tadā vicintayiṃ
\nTato ca saññaṃ paṭiladdha yoniso
\nDadāmi bhanteti khipiṃ anantakaṃ

1167. So māsakhettaṃ turito avāsariṃ
\nPurā ayaṃ bhañjati1 yassidaṃ dhanaṃ
\nTato ca kaṇho urago mahāviso
\nAdaṃsi pāde turitassa me sato

1168. Svāhaṃ aṭṭomhi dukkhena pīḷito
\nBhikkhu ca taṃ sāmaṃ muñcitvā nantakaṃ2
\nAhāsi kummāsaṃ mamānukampayā3
\nTato cuto kālakatomhi devatā

1169. Tadeva kammaṃ kusalaṃ kataṃ mayā
\nSukhañca kammaṃ anubhomi attanā
\nTayā hi bhante anukampito bhusaṃ
\nKataññutāya abhivādayāmi taṃ
\n[PTS Page 073] [\q  73/]
\n1. Bhuñjati - sīmu.
\n2. Muñcitvā ananatakā - syā.
\n3. Mamānukampiyā - ika.
\nManānukampāya - syā.

[BJT Page 192] [\x 192/]

1170. Sadevake loke samārake ca
\nAñño munī natthi tayānukampako
\nTayā hi bhante anukampito bhusaṃ
\nKataññutāyā abhivādayāmi taṃ

1171. Imasmiṃ loke parasmiṃ vā pana
\nAñño munī natthi tayānukampako
\nTayā hi bhante anukampito bhusaṃ
\nKataññutāya abhivādayāmi tanti.

Gopāla vimānaṃ.

7. 7

1172. Puṇṇamāse yathā cando nakkhattaparivārito,
\nSamantā anupariyāti tārakādhipati sasī.

1173. Tathūpamaṃ idaṃ vyamhaṃ dibbaṃ devapurambhi ca.
\nAtirocati vaṇṇena udayantova raṃsimā.

1174. Veḷuriyasuvaṇṇassa phalikā rūpiyassa ca.
\nMasāragallamuttāhi lohitaṅkamaṇīhi ca.

1175. Citrā manoramā bhūmi veḷuriyassa satthatā,
\nKūṭāgārā subhā rammā pāsādo te sumupito.

1176. Rammā ca te pokkharaṇī puthulomanisevitā,
\nAcchodikā vippasannā soṇṇavālukasanthatā.

1177. Nānāpaduma sañchannā puṇḍarīkasamotatā1
\nSurabhiṃ sampavāyanti manuññā māḷuteritā.

1178. Tassā te ubhato passe vanagumbā sumāpitā,
\nUpetā puppharukkhehi phalarukkhehi cūhayaṃ.

1179. Sovaṇṇapāde pallaṅke muduke colasanthate, 2
\nNisinnaṃ devarājaṃva upatiṭṭhanti accharā.

1180. Sabbābharaṇasañchannā nānāmālā vibhūsasitā, ramanti taṃ mahiddhikaṃ vasavattīva modasi.

1181. Bherisaṅkhamudiṅgāhi vīṇāhi paṇavehi ca,
\nRamasi ratisampanno naccagīte suvādite.

1. Puṇḍarīka samogatā - syā,
\n2. Goṇakatthate, - machasaṃ.

[BJT Page 194] [\x 194/]

1182. Dibbā te vividhā rūpā dibbā saddā atho rasā,
\nGandhā ca te adhippetā phoṭṭhabbā ca manoramā.

1183. Tasmiṃ vimāne pavare devaputta mahappabho,
\nAtirocasi vaṇṇena udayantova bhānumā.

1184. Dānassa te idaṃ phalaṃ atho sīlassa vā pana,
\nAtho añjalikammassa taṃ me akkhāhi pucchitoti.
\n[PTS Page 074] [\q  74/]
\n1185. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalaṃ.

1186. Ahaṃ kapilavatthusmiṃ sākiyānaṃ puruttame,
\nSuddhodanassa puttassa kanthako sahajo ahaṃ.

1187. Satthiṃ ākoṭayitvāna vaha sammāti ca bravī,
\nAhaṃ lokaṃ tārayissaṃ patto sambodhimuttamaṃ.

1188. Satthiṃ ākoṭayitvāna vaha sammāti ca bravī,
\nAhaṃ lokaṃ tārayissaṃ patto sambodhimuttamaṃ.

1189. Taṃ me giraṃ suṇantassa hāso me vipulo ahu,
\nUdaggacitto sumano abhisaṃsiṃ2 tadā ahaṃ.

1190. Abhirūḷahañca maṃ ñatvā sakyaputtaṃ mahāyasaṃ,
\nUdaggacitto mudito vahissaṃ purisuttamaṃ

1191. Paresaṃ vijitaṃ gantvā uggatasmiṃ divākare,
\nMamaṃ channañca ohāya anapekkho so apakkami.
\n1192. Tassa tambanakhe pāde jivhāya parilehisaṃ, gacchantañca mahāvīraṃ rudamāno udikkhisaṃ.
\n1193. Adassanenahaṃ tassa sakyaputtassa sirīmato,
\nAlatthaṃ garukābādhaṃ khippaṃ me maraṇaṃ ahu.

1194. Tasseva anubhāvena vimānaṃ āvasāmidaṃ,
\nSabbakāmaguṇopetaṃ dibbaṃ devapuramhi ca

1195. Yañca me ahuvā hāso saddaṃ sutvāna bodhiyā,
\nTeneva kusalamūlena phusissaṃ āsavakkhayaṃ.

1. Jālitambanakkhehi - machasaṃ.
\n2. Abhisīsiṃ - machasaṃ.

[BJT Page 196] [\x 196/]

1196. Sace hi bhante gaccheyyāsi satthu buddhassa santike,
\nMamā pi naṃ vacanena sirasā vajjāsi vandanaṃ.

1197. Ahampi daṭṭhuṃ gacchissaṃ jinaṃ appaṭipuggalaṃ,
\nDullaśaṃ dassanaṃ hoti lokanāthāna tādinanti.

1198. So kataññu katavedī satthāraṃ upasaṅkami,
\nSutvā giraṃ cakkhumato dhammacakkhuṃ visodhayi.

1199. Visodhetvā diṭṭhigataṃ vicikicchaṃ vatāni ca
\nVanditvā satthuno pāde tatthevantaradhāyathāti.

Kanthaka vimānaṃ.

7. 8

1200. Anekavaṇṇaṃ darasokanāsanaṃ
\nVimānamāruyha anekacittaṃ
\nParivārino accharāsaṃgaṇena
\nSunimmito bhūtapatīva modasi.

1201. Samassamo natthi kutopanuttaro,
\nYasena puññena ca iddhiyā ca.
\n[PTS Page 075] [\q  75/]
\n1202. Sabbe ca devā tidasagaṇā samecca
\nTaṃ taṃ namassanti sasiṃva devā
\nImā ca te accharāyo samannato
\nNaccanti gāyanti pamodayanti.

1203. Deviddhipattosi mahānubhāvo manussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

1204. So devaputto attamano moggallānena puccito,
\nPañhaṃ puṭṭho viyākāsi yassa kammassidaṃ phalaṃ.

1205. Ahaṃ bhadante ahuvāsiṃ1 pubbe
\nSumedhanāmassa jinassa sāvako
\nPuthujjano anavabodhohamasmiṃ2
\nSo sattavassāni paribbajissahaṃ. 3

1. Ahuvāsi, - machasaṃ.
\n2. Anānubodho hamaṃsmi, - machasaṃ.
\n3. Pabbajissaṃ - sya,
\nPabbajissāhaṃ [PTS]

[BJT Page 198] [\x 198/]

1206. Svāhaṃ sumedhassa jinassa satthuno
\nParinibbutassoghatiṇṇassa tādino
\nRatanuccayaṃ hemajālena channaṃ
\nVanditvā thūpasmiṃ manaṃ pasādayiṃ.

1207. Na māsi dānaṃ na ca matthi dātuṃ
\nPare ca kho tattha samādapesiṃ
\nPūjetha naṃ pūjanīyassa dhātuṃ
\nEvaṃ kira saggamito gamissatha.

1208. Tadeva kammaṃ kusalaṃ kataṃ mayā sukhañca dibbaṃ anubhomi attanā
\nModāmahaṃ tidasagaṇassa majjhe
\nNa tassa puññassa khayampi ajjhaganti. 1

Aneka vaṇṇa vimānaṃ.

7. 9

1209. Alaṅkato vaṭṭakuṇḍalī
\nMālādhārī haricandanussado
\nBāhāpaggayha kandasi
\nVanamajjhe kiṃ dukkhito tuvanti.

1210. Sovaṇṇamayo pabhassaro
\nUppanno rathapañjaro mama
\nTassa cakkayugaṃ na vindāmi
\nTena dukkhena jahissaṃ2 jīvitanti.

1211. Sovaṇṇamayaṃ maṇimayaṃ
\nLohitaṅkamayaṃ3 atha rūpiyāmayaṃ
\nĀcikkha me bhadda māṇava
\nCakkayugaṃ paṭilābhayāmi4 teti.
\n[PTS Page 076] [\q  76/]
\n1212. So māṇavo tassa pāvadi
\nCandasuriyā ubhayettha dissare
\nSovaṇṇamayo ratho mama
\nTena cakkayugena sobhatīti.

1. Ajjhagunti, - machasaṃ.
\nAjjhagāti, - [PTS.]
\n2. Jahāmi - machasaṃ,
\nJahissāmi - syā - [PTS.]
\n3. Lohitakamayaṃ - machasaṃ.
\nLohitaṅgamayaṃ - syā.
\nLohamayaṃ - katthavi.
\n4. Paṭipādayāmi - machasaṃ.

[BJT Page 200] [\x 200/]

1213. Bālo kho tvampi māṇava
\nYo tvaṃ patthayase apatthiyaṃ maññāmi tuvaṃ marissasi
\nNahi tvaṃ lacchasi candasuriyeti.

1214. Gamanāgamanampi dissati
\nVaṇṇadhātu ubhayattha vīthiyā
\nPeto pana kālakato na dissati
\nKonidha kandhataṃ bālyataroti.

1215. Saccaṃ kho vadesi māṇava
\nAhameva kandataṃ bālyataro
\nCandaṃ viya dārako rudaṃ
\nPetaṃ kālakatābhipatthayanti.

1216. Ādittaṃ vata maṃ santaṃ ghatasittaṃva pāvakaṃ,
\nVārinā viya osiñcaṃ sabbaṃ nibbāpaye daraṃ.

1217. Abbahī1 vata me sallaṃ sokaṃ hadayanissitaṃ,
\nYo me sokaparetassa puttasokaṃ apānudi.

1218. Svāhaṃ abbūḷha sallosmi sītibhūtosmi nibbuto,
\nNa socāmi na rodāmi tava sutvāna māṇavāti.
\n1219. Devatānusi gandhabbo ādu sakko purindado,
\nKo vā tvaṃ kassa vā putto kathaṃ jānemu taṃ mayanti.

1220. Yañca kandasi yañca rodasi
\nPuttaṃ āḷāhane sayaṃ dahitvā
\nSvāhaṃ kusalaṃ karitvā kammaṃ
\nTidasānaṃ sahavyataṃ pattoti. 2

1221. Appaṃ vā bahuṃ vā nāddasāma
\nDānaṃ dadantassa sake agāre
\nUposathakammaṃ vā tādisaṃ
\nKena kammena gatosi devalokanti.

1222. Ābādhikohaṃ dukkhito gilāno
\nĀturarūpomhi sake nivesane
\nBuddhaṃ vigatarajaṃ vitiṇṇakaṅkhaṃ
\nAddakkhiṃ sugataṃ anomapaññaṃ.
\n1. Abbūḷhaṃ - syā,
\n2. Gatoti - machasaṃ.

[BJT Page 202] [\x 202/]

[PTS Page 077] [\q  77/]
\n1223. Svāhaṃ muditamano pasannacitto
\nAñjaliṃ akariṃ tathāgatassa
\nTāhaṃ kusalaṃ karitvāna kammaṃ
\nTidasānaṃ sahavyataṃ pattoti.

1224. Acchariyaṃ vata abbhutaṃ
\nAñjalikammassa ayamīdiso vipāko
\nAhampi muditamano pasannacitto
\nAjjema buddhaṃ saraṇaṃ vajāmīti.

1225. Ajjava buddhaṃ saraṇaṃ vajāhi
\nDhammañca saṅghañca pasannacitto
\nTatheva sikkhāya padāni pañca
\nAkhaṇḍaphullāni samādiyassu.

1226. Pāṇātipātā viramassu khippaṃ
\nLoke adinnaṃ parivajjayassu
\nAmajjapo mā ca musā bhaṇāhi
\nSakena dārena ca hohi tuṭṭhoti.

1227. Atthakāmosi me yakkha hitakāmosi devate,
\nKaromi tuyhaṃ vacanaṃ tvaṃsi ācariyo mamāti.

1228. Upemi saraṇaṃ buddhaṃ dhammañcāpi anuttaraṃ,
\nSaṅghañca naradevassa gacchāmi saraṇaṃ ahaṃ.

1229. Pāṇātipātā viramāmi khippaṃ
\nLoke adinnaṃ parivajjayāmi
\nAmajjapo no ca musā bhaṇāmi
\nSakena dārena ca homi tuṭṭhoti.

Maṭṭakuṇḍali vimānaṃ.

7. 10

1230. Suṇotha yakkhassa ca vāṇijāna naca
\nSamāgamo yattha tadā ahosi
\nYathā kathaṃ itarītarena cāpī
\nSubhāsitaṃ kañca suṇātha sabbe.

1231. Yo so ahū rājā pāyāsi nāmo1
\nBhummānaṃ sahavyagato yasassī
\nSo modamānova sake vimāne
\nAmānuso mānuse ajjhabhāsīti.
\n1. Pāyāsi nāma - machasaṃ.

[BJT Page 204] [\x 204/]

1232. Vaṅke araññe amanussaṭṭhāne
\nKantāre appodake appabhakkhe
\nSuduggame vaṇṇupathassa majjhe
\nVaṅkaṃ bhayaṃ naṭṭhamanā manussā.

[PTS Page 078] [\q  78/]
\n1233.] Nayidha phalā mūnamayā ca santi
\nUpādānaṃ natthi kuto idha bhakkho
\nAññataṃ paṃsūhi ca vālukāhi ca
\nTattāhi1 uṇhāhi ca dāruṇāhi ca.

1234. Ujjaṅgalaṃ tattamivaṃ kapālaṃ
\nAnāyasaṃ paralokena tulyaṃ
\nLuddānamāvāsasamidaṃ purāṇaṃ
\nBhumippadeso abhisattarūpo.
\n1235. Atha tumhe kena2 vaṇṇena
\nKimāsamānā imaṃ padesaṃ hi
\nAnuppaviṭṭhā sahasā samecca
\nLobhā bhayā athavā sampamūḷhāti.

1236. Magadhesu aṅgesu ca satthavāhā
\nĀropayitvā3 paṇiyaṃ puthunnaṃ
\nTe yāmase sindhusovīrabhūmiṃ
\nDhanatthikā uddayaṃ patthayānā.

1237. Divā pipāsaṃ nadhivāsayantā
\nYoggānukampañca samekkhamānā
\nEtena vegena āyāma sabbe
\nRattiṃ maggaṃ paṭipannā vikāle.

1238. Te duppayātā aparaddhamaggā
\nAndhākulā vippanaṭṭhā araññe
\nSuduggame vaṇṇupathassa majjha
\nDisaṃ na jānāma pamūḷahacittā.

1239. Idañca disvāna adiṭṭhapubbaṃ
\nVimānaseṭṭhañca tavañca yakkha
\nTatuttariṃ jīvitamāsamānā
\nDisvā patītā sumanā udaggāti.

1. Tathāhi - machasaṃ.
\n2. Kenu - syā.
\n3. Āropayissaṃ - sīmu.

[BJT Page 206] [\x 206/]

1240. Pāraṃ samuddassa idañca vaṇṇuṃ1
\nVettācaraṃ2 saṅkupathañca maggaṃ
\nNadiyo pana pabbatānañca duggā
\nPuthuddisā gacchatha bhogahetu.

1241. Pakkhandiyāna vijitaṃ paresaṃ
\nVerajjake mānuse pekkhamānā
\nYaṃ vo sutaṃ vā athavāpi diṭṭhaṃ
\nAccherakaṃ taṃ vo suṇoma tātāti.

1242. Itopi accherataraṃ kumāra
\nNa no sutaṃ vā athavāpi diṭṭhaṃ
\nAtītamānussakameva sabbaṃ
\nDisvā na tappāma anomavaṇṇaṃ
\n[PTS Page 079] [\q  79/]

1243. Vehāsayaṃ pokkharañño bhavanti
\nPahūtamālyā3 bahu puṇḍarīkā
\nDumā cime4 niccathalūpapannā
\nAtīva gandhā surabhiṃ pavāyanti.

1244. Veḷuriyatthambhā satamussitāse
\nSilāpavāḷassa ca āyataṃsā
\nMasāragallā sahalohitaṅkā
\nThamhā cime5 jotirasāmayāse.

1245. Sahassatthamhaṃ atulānubhāvaṃ
\nTesūpari sādhumidaṃ vimānaṃ
\nRatanantaraṃ kañcanavedimissaṃ
\nTapanīyapaṭṭehi ca sādhu channaṃ.

1246. Jambonaduttattamidaṃ sumaṭṭho
\nPāsādasopāna phalupapanno
\nDaḷho ca vaggu sumukho susaṃgato6
\nAtīva nijjhānakhamo manuñño.

1247. Ratanantarasmiṃ bahu annapānaṃ
\nParivārito accharāsaṃgaṇena
\nMurajja7 āḷambara turiyaghuṭṭho
\nAbhivanditosi thutivandanāya.

1. Imañcavaṇṇuṃ - machasaṃ, syā.
\n2. Vettaṃ paraṃ - syā.
\n3. Pahutamalyā - syā.
\n4. Dumā ca te - syā.
\n5. Thambhā ime - machasaṃ.
\n6. Daḷho ca maggu ca susaṃgapatā - machasaṃ.
\n7. Muraja - machasaṃ.

[BJT Page 208] [\x 208/]

1248. So modasi nārigaṇappabodhato
\nVimānapāsādavare manorame
\nAcintiyo sabbaguṇūpapanno
\nRājā yathā vessavaṇo nalinyā
\n1249. Devo nu āsi udavāsi yakkho
\nUdāhu devindo manussabhūto
\nPucchanti taṃ vāṇijā satthavāhā
\nĀcikkha ko nāma tuvaṃsi yakkhāti.

1250. Serissako1 nāma ahampi yakkho
\nKantāriyo vaṇṇupathamhi gutto
\nImaṃ padesaṃ abhipālayāmi
\nVācaṅkaro2 vessavaṇassa raññoti.

1251. Adhicca laddhaṃ pariṇāmajaṃ te
\nSayaṃ kataṃ udāhu devehi dinnaṃ
\nPucchanti taṃ vāṇijā satthavāhā
\nKathaṃ tayā laddhamidaṃ manuññanti,
\n[PTS Page 080] [\q  80/]
\n1252. Nādhiccaladdhaṃ na pariṇāmajaṃ me
\nNa sayaṃ kataṃ na hi devehi dinnaṃ
\nSakehi kammehi apāpakehi
\nPuññehi me laddhamidaṃ manuññanti.

1253. Kiṃ te vataṃ kiṃ pana brahmacariyaṃ
\nKissa suciṇṇassa ayaṃ vipāko
\nPucchanti taṃ vāṇijā satthavāhā
\nKathaṃ tayā laddhamidaṃ vimānanti.

1254. Mama3 pāyāsīti ahu samaññā
\nRajjaṃ yadā kārayiṃ kosalānaṃ
\nNatthikadiṭṭhi kadariyo pāpadhammo
\nUcchedavādī ca tadā ahosiṃ.

1255. Samaṇo ca kho āsi kumārakassapo
\nBahussuto cittakathi uḷāro
\nSo me tadā dhammakathaṃ akāsi4
\nDiṭṭhīvisūkāti vinodayī me.

1. Serīsako - machasaṃ.
\n2. Vacanakaro - machasaṃ.
\n3. Mamaṃ - machasaṃ.
\n4. Abhāsi - machasaṃ.

[BJT Page 210] [\x 210/]

1256. Tāhaṃ tassa dhammakathaṃ suṇitvā
\nUpāsakattaṃ paṭivedayissaṃ
\nPāṇātipātā virato ahosiṃ
\nLoke adinnaṃ parivajjayissu.
\nAmajjapo no ca musā abhāṇiṃ
\nSakena dārena ca ahosiṃ1 tuṭṭho.

1257. Taṃ me vataṃ taṃ pana brahmacariyaṃ
\nTassa suciṇṇassa ayaṃ vipāko
\nTeheva kammehi apāpakehi
\nPuññehi me laddhamidaṃ vimānanti.

1258. Saccaṃ kirāhaṃsu narā sapaññā
\nAnaññathā vacanaṃ paṇḍitānaṃ
\nYahiṃ yahiṃ gacchati puññakammo
\nTahiṃ tahiṃ modati kāmakāmi.

1259. Yahiṃ yahiṃ sokapariddavo ca
\nVadho ca bandho ca parikkileso
\nTahiṃ tahiṃ gacchati pāpakammo
\nNa muccati duggatiyā kadāciti.
\n1260. Sammūḷharūpova jano ahosi
\nAsmiṃ muhutte kalalikatova
\nJanassimassa tuyhañca kumāra
\nAppaccayo kena nu kho ahosīti.

[PTS Page 081] [\q  81/]
\n1261. Ime sirīsūpavanā ca2 tātā
\nDibbā3 gandhā surabhiṃ4 sampavanti
\nTe sampavāyanti imaṃ vimānaṃ
\nDivā ca ratto ca tamaṃ nihantvā.
\n1262. Imesaṃ ca kho vassasataccayena
\nSipāṭikā phalati ekamekā
\nMānussakaṃ vassasatā atītaṃ
\nYadagge kāyamhi idhūpapanto.

1263. Disvānahaṃ vassasatāni pañca
\nAsmiṃ vimāne ṭhatvāna tātā
\nĀyukkhayā puññakhayā cavissaṃ
\nTeneva sokena pamucchitosmīti5.
\n1. Ahosi - machasaṃ.
\n2. Ime ca sirīyavanā - machasaṃ.
\nImehi sirīsavanā ca - [PTS]
\n3. Dibbā ca - [PTS]
\n4. Surabhī - machasaṃ
\n5. Samucchitosmiti - [PTS]

[BJT Page 212] [\x 212/]

1264. Kathaṃ nu soceyya tathāvidho so
\nLaddhā vimānaṃ atulaṃ cirāya
\nYe cāpi kho ittaramupapannā
\nTe nūna soveyyuṃ parittapuññāti.

1265. Anucchaviṃ ovadiyañca me taṃ
\nYaṃ maṃ tumhe peyyavācaṃ vadetha
\nTumhe ca kho tātā mayānuguttā
\nYenicchakā tena paletha sotthinti.

1266. Gantvā mayaṃ sindhu sovīrabhūmiṃ
\nDhanatthikā uddayaṃ patthayānā
\nYathā payogā paripuṇṇacāgā
\nKāhāma serissamahaṃ uḷāranti.

1267. Mā ceva serissamahaṃ akattha
\nSabbañca vo bhavissati yaṃ vadetha
\nPāpāni kammāni vivajjayātha
\nDhammānuyogañca adhiṭṭhāhāthāti.

1268. Upāsako atthi imamhi saṅghe
\nBahussuto sīlavatūpapanno
\nSaddho ca cāgī ca supesalo ca
\nVicakkhaṇo santusito mutīmā.

1269. Sañjānamāno na musā bhaṇeyya
\nParūpaghātāya na cetayeyya
\nVebhūtikaṃ pesutaṃ no kareyya
\nSaṇhañca vācaṃ sakhilaṃ bhaṇeyya.

1270. Sagāravo sappatisso vinīto
\nApāpako adhisīle visuddho
\nSo mātaraṃ pitaraṃ cāpi cantu dhammena poseti ariyavutti.
\n[PTS Page 082] [\q  82/]
\n1271. Maññe so mātāpitunnaṃ kāraṇā
\nBhogāni pariyesati na attahetu
\nMātāpitunnañca yo accayena
\nNekkhammapoṇo carissati brahmacariyaṃ.

1273. Uju avaṅko asaṭho amāyo
\nNa lesakappena ca vohāreyya
\nSo tādiso sukkatakammakāri1
\nDhamme ṭhito kinti labhetha dukkhaṃ.

1. Sukatakammakārī - machasaṃ.

Piṭava: 214

1273. Taṃ kāraṇā pātukatomhi attanā
\nTasmā dhammaṃ passatha vāṇijāse
\nAññatra tenīha bhasmi1 bhavetha
\nAndhākulā vippanaṭṭhā araññe
\nTaṃ khippamānena lahuṃ parena
\nSukho bhave sappurisena saṅgamoti.

1274. Kiṃ nāma so kiñci karoti kammaṃ
\nKiṃ nāmadheyyaṃ kiṃ pana tassa gottaṃ
\nMayampi naṃ daṭṭhukāmamha yakkha
\nYassānukampāya idhāgatosi
\nLābhā hi tassa yassa tuvaṃ pihesīti.

1275. Yo kappako sambhava nāmadheyyo
\nUpāsako kocchaphalupajīvi2
\nJānātha naṃ tumhākaṃ pesiyo so
\nMā kho naṃ hīḷittha supesalo soti.

1276. Jānamase yaṃ tvaṃ vadesi yakkha
\nNa kho naṃ jānāma sa īdisoti
\nMayampi taṃ pūjayissāma yakkha
\nSutvā3 tuyhaṃ vacanaṃ uḷāranti.

1277. Ye kecimasmiṃ satthe manussā
\nDaharā mahantā athavāpi majjhimā
\nSabbeva te ālambantu vimānaṃ
\nPassantu puññāna phalaṃ kadarīyāti.

1278. Te tattha sabbeva ahaṃ pureti
\nTaṃ kappakaṃ tattha purakkhipitvā4
\nSabbeva te ālambiṃsu vimānaṃ
\nMasakkasāraṃ viya vāsavassa.

1279. Te tattha sabbeva ahaṃ pureti
\nUpāsakattaṃ paṭivedayiṃsu
\nPāṇātipātā viratā ahesuṃ
\nLoke adinnaṃ parivajjayiṃsu.
\n[PTS Page 083] [\q  83/]
\n1280. Amajjā no ca musā bhaṇiṃsu
\nSakena dārena ca ahesuṃ tuṭṭhā
\nTe tattha sabbeva ahaṃ pureti
\nUpāsakattaṃ paṭivedayitvā
\nPakkāmi sattho anumodamāno
\nYakkhiddhiyā anumato punappunaṃ.

1. Bhasmi - syā.
\n2. Kocchabhaṇḍupajīvi - si.
\n3. Sutvāna - machasaṃ.
\n4. Purakkhatvā - machasaṃ.

[BJT Page 216] [\x 216/]

1281. Gantvāna te sindhusovīrabhūmiṃ
\nDhanatthikā uddayaṃ1 patthayānā
\nYathā payogā paripuṇṇalābhā
\nPaccāgamuṃ pāṭaliputtamakkhataṃ.

1282. Gantvāna te saṅgharaṃ sotthivanto
\nPuttehi dārehi samaṅgibhūtā
\nĀnandi cittā2 sumanā patītā
\nAkaṃsu serissamahaṃ uḷāraṃ.

1283. Serīssakā te pariveṇaṃ māpayiṃsu
\nEtādisā sappurisāna sevanā
\nMahatthikā dhammaguṇāna sevanā
\nEkassa atthāya upāsakassa
\nSabbeva sattā sukhitā3 ahesunti.

Serissakavimānaṃ.

7. 11

1284. Uccamidaṃ maṇithūṇaṃ vimānaṃ
\nSamantato dvādasa yojanāni
\nKūṭāgārā sattasatā uḷārā
\nVeḷuriyatthamhā rucakatthatā subhā

1285. Tatthacchasi pivasi khādasi ca
\nDibbā ca vīṇā pavadanti vagguṃ
\nDibbā rasā kāmaguṇettha pañca
\nNāriyo ca naccanti suvaṇṇachannā.

1286. Kena te tādiso vaṇṇo
\nKena te idhamijjhati
\nUppajjanti ca te bhogā
\nYe keci manaso piyā
\n1287. Pucchāmi taṃ deva mahānubhāva
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

1. Udayaṃ - [PTS.]
\n2. Ānandacittā - syā
\n3. Sukhino - [PTS]

[BJT Page 218] [\x 218/]
\n[PTS Page 084] [\q  84/]
\n1288. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalaṃ.

1289. Dunnikkhittaṃ mālaṃ sunikkhipitvā
\nPatiṭṭhapetvā sugatassa thūpe
\nMahiddhiko camhi mahānubhāvo
\nDibbehi kāmehi samaṅgibhūto.

1290. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.
\n1291. Akkhāmi te bhikkhu mahānubhāva
\nManussabhūto yamahaṃ akāsiṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.

Sunikkhittavimānaṃ.

Sunikkhittavaggo sattamo.

Tassuddānaṃ: -

Dve daḷiddā dve vihārā1 hatako gopālakanthakā2
\nAnekavaṇṇā maṭṭakuṇḍalī serissako sunikkhittaṃ
\nPurisānaṃ tatiyo vaggoti. 3

Bhāṇavāraṃ catutthaṃ.

Vimānavatthu niṭṭhitaṃ

1. Vana vihārā - machasaṃ.
\n2. Gopālakaṇḍako - machasaṃ.
\n3. Tatiyo vaggo pavuccatīti - machasaṃ.
\n