[CPD Classification 2.5.6]
\n[PTS Vol Vv - ] [\z Vv /] [\f I /]
\n[BJT Vol Vv - ] [\z Vv /] [\w I /]
\n[BJT Page 122] [\x 122/]
\n[PTS Page 049] [\q  49/]
Suttantapiṭake
\nVimānavatthupāḷi

Namo tassa bhagavato arahato sammā sambuddhassa.
\n5. Mahārathavaggo

5. 1

858. Ko me vandati pādāni iddhiyā yasasā jalaṃ,
\nAbhikkantena vaṇṇena sabbā obhāsayaṃ disāti.

859. Maṇḍukohaṃ pure āsiṃ udake vārigocaro,
\nTava dhammaṃ suṇantassa avadhī vacchapālako.

860. Muhuttaṃ cittappāsādassa iddhiṃ passa yasañca me,
\nAnubhāvaṃ ca me passa vaṇṇaṃ passa jutiñca me.

861. Ye ca te dīghamaddhāna dhammaṃ assosuṃ gotama,
\nPattā te acalaṭṭhānaṃ yattha gantvā na socareti.

Maṇḍukadevaputtavimānaṃ.
\n 

5. 2

862. Cirappavāsiṃ purisaṃ durato sotthimāgataṃ,
\nÑātimittā suhajjā ca abhinandanti āgataṃ.

863. Tatheva katapuññampi asmā lokā paraṃ gataṃ,
\nPuññāni patigaṇhanti piyaṃ ñātiṃ va1 āgatanti.

864. Uṭṭhehi revate supāpadhamme
\nApārutaṃ dvāraṃ2 adānasīle
\nNessāma taṃ yattha thunanti duggatā
\nSamajjatā3 nerayikā dukhena.

865. Ivecca4 vatvāna yamassa dutā
\nTe dve yakkhā lohitakkhā brahantā
\nPaccekabāhāsu gahetvāna revataṃ
\nPakkāmayuṃ devagaṇassa santiketi.

866. Ādiccavaṇṇaṃ ruciraṃ pabhassaraṃ
\nVyamhaṃ subhaṃ kañcanajālachannaṃ
\nKassetamāṇikiṇṇajanaṃ vimānaṃ
\nSuriyassa raṃsīriva jotamānaṃ

867. Nārīgaṇā candanasāralittaṃ5
\nUbhato vimānaṃ upasobhayanti
\nTaṃ dissati suriyasamānavaṇṇaṃ
\nKo modati saggappatto vimāneti.

1. Ñātīva - machasaṃ.
\n2. Apāruka dvāre - machasaṃ.
\nApāruka dvāraṃ - [PTS]
\n3. Samappitā - sī.
\n4. Icchevaṃ - syā,
\n5. Candanasārānulittā - syā.

[BJT Page 124] [\x 124/]
\n 

868. Bārāṇasiyaṃ nandiyo nāmāsi upāsako amaccharī dānapatī vadaññū
\nTassetamākiṇṇajanaṃ vimānaṃ
\nSuriyassa raṃsīriva jotamānaṃ.

869. Nārīgaṇā candanasāralittā
\nUbhato vimānaṃ upasobhayantī
\nTaṃ dissati suriyasamānavaṇṇaṃ
\nSo modati saggappatto vimāneti.

870. Nandiyassāhaṃ bhariyā
\nAgārini sabbakulassa issarā
\nBhattuvimāne ramissāmi dānahaṃ
\nNa patthaye nirayaṃ dassanāyāti.

871. Eso te nirayo supāpadhamme
\nPuññaṃ tayā akataṃ jīvaloke na hi maccharī rosako pāpadhammo
\nSaggūpagānaṃ labhati sahavyatantī.

872. Kinnu gūthañca muttañca asuci1 patidissati,
\nDuggandhaṃ kimidaṃ mīḷhaṃ kimetaṃ upavāyatīti.

873. Esa saṃsavako nāma gambhīro sataporiso,
\nYattha vassasahassāni tuvaṃ paccasi revateti.

874. Kinnu kāyena vācāya manasā dukkataṃ kataṃ.
\nKena saṃsavako laddho gambhīro sataporisoti.

875. Samaṇe brāhmaṇecāpi aññovāpi vaṇibbake,
\nMusāvādena vañacesi taṃ pāpaṃ pakataṃ tayā.

876. Tena saṃsavako laddho gambhīro sataporiso,
\nTattha vassasahassāni tuvaṃ paccasi revate.

877. Hatthepi chindanti athopi pāde
\nKaṇṇepi chindanti athopi nāsaṃ
\nAthopi kākoḷagaṇā samecca
\nSaṅgamma khādanti viphandamānanti.

878. Sādhu kho maṃ paṭinetha kāhāmi kusalaṃ bahuṃ
\nDānena samacariyāya saññamena damena ca
\nYaṃ katvā sukhitā honti na ca pacchānutappareti.

1. Asuciṃ - sīmu.

[BJT Page 126] [\x 126/]

879. Pure tuvaṃ pamajjitvā idāni paridevasi,
\nSayaṃ katānaṃ kammānaṃ vipākaṃ anubhossasīti.

880. Ko devalokato manussalokaṃ,
\nGantvāna puṭṭho me evaṃ vadeyya
\nNikkhittadaṇḍesu dadātha dānaṃ
\nAcchādanaṃ sayana1mathannapānaṃ
\nNa hi maccharī rosako pāpadhammo
\nSaggupagānaṃ labhati sahavyataṃ.
\n[PTS Page 051] [\q  51/]
\n881. Sāhaṃ nūna ito gantvā yoniṃ laddhāna mānusiṃ
\nVadaññu sīlasampannā kāhāmi kusalaṃ bahuṃ
\nDānena samacariyāya saññamena damena ca.

882. Ārāmāni ca ropissaṃ dugge saṅkamanāti ca,
\nPapañca udapānañca vippasannena cetasā.

883. Cātuddasiṃ pañcadasiṃ yā ca pakkhassa aṭṭhamī,
\nPāṭibhāriyapakkhañca aṭṭhaṅgasusamāgataṃ.

884. Uposathaṃ upavasissaṃ sadā sīlesu saṃvutā,
\nNa ca dāne pamajjīssaṃ sāmaṃ diṭṭhamidaṃ mayāti.

885. Iccevaṃ vippalapantiṃ phandamānaṃ tato tato,
\nKhipiṃsu niraye ghore uddhapādaṃ avaṃsiranti.

886. Ahaṃ pure maccharinī ahosiṃ
\nParibhāsikā samaṇabrāhmaṇānaṃ
\nVitathena ca sāmikaṃ vañcayitvā
\nPaccāmahaṃ niraye ghorarūpeti.

Revatīvimānaṃ.

5. 3

887. Yo vadataṃ pavaro manujesu
\nSakyamunī bhagavā katakicco
\nPāragato balaviriyasamaṅgī
\nTaṃ sugataṃ saraṇatthamupehi.

888. Rāgavirāgamanejamasokaṃ
\nDhammamasaṅkhatamappaṭikūlaṃ
\nMadhuramimaṃ paguṇaṃ suvibhattaṃ
\nDhammamimaṃ saraṇatthamupehi

1. Seyya - machasaṃ.

[BJT Page 128] [\x 128/]

889. Yattha ca dinnamahapphalamāhu
\nCatusu sucīsu purisayugesu
\nAṭṭha ca puggala dhammadasā te
\nSaṅghamimaṃ saraṇatthamupehīti.

890. Na tathā napati nabhasmiṃ1 suriyo
\nCando ca na bhāsati na phusso
\nYathā atulamidaṃ mahappabhāsaṃ
\nKo nu tvaṃ mahiṃ upagā.

891. Chindati ca2 raṃsi pabhaṅkarassa
\nSādhikaṃ3 vīsati yojanāni ābhā
\nRattimpi ca yathā divaṃ karoti
\nParisuddhaṃ vimalaṃ subhaṃ vimānaṃ.
\n[PTS Page 052] [\q  52/]
\n892. Bahu paduma vicitta puṇḍarīkaṃ
\nVokiṇṇaṃ kusumehi nekacittaṃ
\nArajavirajahemajālacchannaṃ
\nĀkāse napati yathāpi suriyo.

893. Rattambarapītavāsasāhi
\nAgarupiyaṅgucandanussadāhi
\nKañcanatanusannibhattacāhi
\nParipūraṃ gaganaṃva tārakāhi

894. Naranāriyo bahuketthanekavaṇṇā
\nKusumavibhūsitā bharaṇettha sumanā
\nAnilapamuñcikā pavanti surabhiṃ
\nTapanīyavitatā suvaṇṇanacchadanā4.

895. Kissa samadamassa5 ayaṃ vipāko
\nKenāsi kammaphalenidhūpapanno
\nYathā ca te adhigatamidaṃ vimānaṃ
\nTadanupadaṃ avacāsi iṅgha puṭṭhoti

896. Yamidhapathe6 samecca māṇavena
\nSatthānusāsi anukampamāno
\nTava ratanavarassa dhammaṃ sutvā
\nKarissāmīti ca bravittha chatto.

1. Nabhe - machasaṃ.
\n2. Chindati - machasaṃ,
\n3. Sādhika - machasaṃ,
\n4. Suvaṇṇachannā - machasaṃ.
\n5. Saṃyamassa - machasaṃ.
\n6. Sayamidhapathe - machasaṃ.
\n[K-6-08]

[BJT Page 130] [\x 130/]

897. Jinavarapavaraṃ1 upehi2 saraṇaṃ
\nDhammañcāpi tatheva bhikkhusaṅghaṃ
\nNoti paṭhamaṃ avocāhaṃ3 bhante
\nPacchā te vacanaṃ tathevakāsiṃ.

898. Mā ca pāṇavadhaṃ vividhaṃ carassu asuciṃ
\nNa hi pāṇesu asaññataṃ avaṇṇayiṃsu sappaññā
\nNoti padhamaṃ avocāhaṃ bhante
\nPacchā te vacanaṃ tathevakāsiṃ.

899. Mā ca parajanassa rakkhitampi
\nĀdātabbamamaññidittha4 adinnaṃ
\nNoti paṭhamaṃ avocāhaṃ bhante
\nPacchā te vacanaṃ tathevakāsiṃ.

900. Mā ca parajanassa rakkhitāyo
\nParibhariyā agamā anariyametaṃ
\nNoti paṭhamaṃ avocāhaṃ bhante
\nPacchā te vacanaṃ tathevakāsiṃ.
\n[PTS Page 053] [\q  53/]
\n901. Mā ca vitathaṃ aññathā abhāṇī
\nNahi musāvādaṃ avaṇṇayiṃsu sappaññā
\nNoti paṭhamaṃ avocāhaṃ bhante
\nPacchā te vacanaṃ tathevakāsiṃ.

902. Yena ca puriyassa apeti saññā
\nTaṃ majjaṃ parivajjayassu sabbaṃ
\nNo ca paṭhamaṃ avocāhaṃ bhante
\nPacchā te vacanaṃ tathevakāsiṃ.

903. Sāhaṃ idha pañcasikkhā karitvā
\nPaṭipajjitvā tathāgatassa dhamme
\nDvepathamagamāsiṃ coramajjhe
\nTe maṃ tattha vadhiṃsu bhogahetu.

904. Ettakamiṃdaṃ anussarāmi kusalaṃ
\nTato paraṃ na me vijjati aññaṃ
\nTena sucaritena kammunāhaṃ
\nUppanno5 tidivesu kāmakāmī.

905. Passa khaṇamuhuttaṃ saññamassa
\nAnudhammapaṭipattiyā vipākaṃ
\nJalamiva yasasā samekkhamānā
\nBahukā maṃ pihayanti hīnakammā.

1. Jita pavaraṃ - syā.
\n2. Upemi - bahūsu.
\n3. Ādātabbamamaññiko - machasaṃ.
\n5. Uppanno - bahūsu.

[BJT Page 132] [\x 132/]

906. Passa katipayāya desanāya
\nSugatiṃ camhi gato sukhañca patto
\nYe ca te satataṃ suṇanti dhammaṃ
\nMaññe te amataṃ phusanti khemaṃ
\n 

907. Appampi1 kataṃ kimācarema
\nVipulaṃ hoti kathāgatassa dhamme
\nPassa katapuññatāya chatto
\nObhāseti paṭhaviṃ yathāpi suriyo

908. Kimidaṃ kusalaṃ kimācarema
\nIccekehi samecca mantayanti
\nTe mayaṃ punareva laddhamānusattaṃ
\nPaṭipannā vibharemu sīlavanto.
\n909. Bahukāro manukampako ca satthā
\nIti me sati agamā divādivassa
\nSvāhaṃ upagatomhi saccanāmaṃ
\nAnukampassu punapi suṇoma2 dhammaṃ

910. Ye vidha3 pajahanti kāmarāgaṃ
\nBhavarāgānusayaṃ pahāya mohaṃ
\nNa ca te puna upenti4 gabbhaseyyaṃ
\nParinibbānagatā hi sītibhūtāti.
\n[PTS Page 054] [\q  54/]
\nChattamāṇavakavimānaṃ.
\n 

5. 4

911. Uccamidaṃ maṇithūṇaṃ vimānaṃ
\nSamannato dvādasa yojanāni
\nKūṭāgārā sattasatā uḷārā
\nVeḷuriyatthamhā rucakatthatā5 suhā.

912. Tatthacchasi pivasi khādasi ca
\nDibbā ca vīṇā pavadanti vagguṃ
\nDibbā rasā kāmaguṇettha pañca
\nNāriyo ca naccanti suvaṇṇachantā.

913. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

1. Appakampi - katthaci.
\n2. Suṇomu - machasaṃ.
\n3. Yedha - su. Syā. [PTS]
\n4. Punamupenti - machasaṃ.
\n5. Ruciratthatā - syā, rucikatthatā, [PTS]

[BJT Page 134] [\x 134/]

914. Pucchāmi taṃ deva mahānubhāva
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

915. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalaṃ.

916. Satiṃ samuppādakaro1 dvāre kakkaṭako ṭhito,
\nNiṭṭhito jātārūpassa sobhati dasapādako.

917. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

918. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.

Kakkaṭakarasadāyakavimānaṃ.
\n 

5. 5

919. Uccamidaṃ maṇithūṇaṃ vimānaṃ
\nSamannato dvādasa yojanāni
\nKūṭāgārā sattasatā uḷārā
\nVeḷuriyatthambhā rucakatthatā subhā.

920. Tatthacchasi pivasi khādasi ca
\nDibbā ca vīṇā pavadanti vagguṃ
\nDibbā rasā kāmaguṇettha pañca
\nNāriyo ca naccanti suvaṇṇachannā.
\n921. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

922. Pucchāmi taṃ deva mahānubhāva
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

923. So devaputtā attamano moggallānena pucchito,
\nPañhaṃ puṭṭho viyākāsi yassakammassidaṃ phalaṃ.

1. Sati samuppādakaro - machasaṃ.

[BJT Page 136] [\x 136/]

924. Dibbaṃ mamaṃ vassasahassamāyu
\nVācābhigītaṃ manasā pavantitaṃ
\nEttāvatā ṭhassati puññakammo
\nDibbehi kāmehi samaṅgibhūto.

925. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

926. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇeṇā ca me sabbadisā pabhāsatīti.

Dvārapālakavimānaṃ.
\n 

5. 6

927. Uccamidaṃ maṇithūṇaṃ vimānaṃ
\nSamannato dvādasa yojanāni
\nKūṭāgārā sattasatā uḷārā
\nVeḷuriyatthambhā rucakatthatā subhā.

928. Tatthacchasi pivasi khādasi ca
\nDibbā ca vīṇā pavadanti vagguṃ
\nDibbā rasā kāmaguṇettha pañca
\nNāriyo ca naccanti suvaṇṇachattā.

929. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

930. Pucchāmi taṃ deva mahānubhāva
\nManussabhūto kimakāsi puññaṃ
\nKenāsi evaṃ jalitānubhāvo vaṇṇo ca te sabbadisā pabhāsatīti.

931. So devaputto attamano moggallānena pucchito, pañhaṃ puṭṭho viyākāsi yassakammassidaṃ phalaṃ
\n932. Kariṇīyāni puññāni paṇḍitena vijānatā,
\nSammaggatesu buddhesi yattha dinnaṃ mahapphalaṃ.

[BJT Page 138] [\x 138/]

933. Atthāya vata me buddho araññā gāmamāgato,
\nTattha cittaṃ pasādetvā tāvatisūpago ahaṃ1

934. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

935. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.
\n[PTS Page 055] [\q  55/]
\nkaraṇīyavimānaṃ.
\n 

5. 7

936. Uccamidaṃ maṇithūṇaṃ vimānaṃ
\nSamannato dvādasa yojanāni
\nKūṭāgārā sattasatā uḷārā
\nVeḷuriyatthamhā rucakatthatā subhā.

937. Tatthacchasi pivasi khādasi ca
\nDibbā ca vīṇā pavadanti vagguṃ
\nDibbā rasā kāmaguṇettha pañca
\nNāriyo ca naccanti suvaṇṇachattā.

938. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

939. Pucchāmi taṃ deva mahānubhāva
\nManussabhūto kimakāsi puññaṃ
\nKenāsi evaṃ jalitānubhāvo vaṇṇo ca te sabbadisā pabhāsatīti.

940. So devaputto attamano moggallānena pucchito,
\nPañhaṃ puṭṭho viyākāsi yassakammassidaṃ phalaṃ.

941. Karaṇīyāni puññāni paṇḍitena vijānatā,
\nSammaggatesu bhikkhūsū yattha dinnaṃ mahapphalaṃ.

1. Ahuṃ - sīmu.

[BJT Page 140] [\x 140/]

942. Atthāya vata me bhikkhu araññā gāmamāgato,
\nTtha cittaṃ pasādetvā tāvatiṃsopago ahaṃ.

943. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

944. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhasatīti.

Dutiyakaraṇīyavimānaṃ.
\n 

5. 8

945. Uccamidaṃ maṇuthūṇaṃ vimānaṃ
\nSamannato dvādasa yojanāni
\nKūṭāgārā sattasatā uḷārā
\nVeḷuriyatthamhā rucakatthatā subhā.

946. Tatthacchasi pivasi khādasi ca
\nDibbā ca vīṇā pavadanti vagguṃ
\nDibbā rasā kāmaguṇettha pañca
\nNāriyo ca naccanti suvaṇṇa chattā.

947. Kena te tādiso vaṇṇo
\nKena te idhamijjhati
\nUppajjanti ca bhogā
\nYe keci manaso piyā.

948. Pucchāmi taṃ deva mahānubhāva
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

949. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalaṃ.

950. Yaṃ dadāti na taṃ hoti
\nYañceva dajjā tañceva seyyo
\nSūci dinnā sucimeva seyyo.

[BJT Page 142] [\x 142/]

951. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

952. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.

Sūcīvimānaṃ.

5. 9

953. Uccamidaṃ maṇithūṇaṃ vimānaṃ
\nSamannato dvādasa yojanāni
\nKūṭāgārā sattasatā uḷārā
\nVeḷuriyatthambhā rucakatthatā subhā.

954. Tatthacchasi pivasi khādasi ca
\nDibbā ca vīṇā pavadanti vagguṃ
\nDibbā rasā kāmaguṇettha pañca
\nNāriyo ca naccanti suvaṇṇa channā.

955. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

956. Pucchāmi taṃ deva mahānubhāva
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

957. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalanti.

958. Ahaṃ manussesu manussabhūto.
\nPurimāya jātiyā manussaloke.

959. Addasaṃ virajaṃ bhikkhuṃ vippasannamanāvilaṃ,
\nTassa adāsahaṃ sūciṃ pasanno sehi pāṇihi.

[BJT Page 144] [\x 144/]

960. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

961. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.

Dutiyasūcivimānaṃ.
\n 

5. 10
\n 

962. Susukkakhandhaṃ abhiruyhaṃ nāgaṃ
\nAkācitaṃ dantiṃ baliṃ mahājavaṃ
\nAbhiruyha gajavaraṃ1 sukappitaṃ
\nIdhāgamā vehāsayamantaḷikkhe.
\n[PTS Page 056] [\q  56/]
\n963. Nāgassa dantesu duvesu nimmitā
\nAcchodikā2 paduminiyo suphullā
\nPadumesu ca turiyagaṇā pavajjare
\nImā ca naccanti manobharāyo.

964. Deviddhipattosi mahānubhāvo
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

965. So devaputto attamano moggallānena pucchito,
\nPañhaṃ puṭṭho viyākāsi yassa kammassidaṃ phalaṃ.

966. Aṭṭheva muttapupphāni kassapassa mahesino3
\nThūpasmiṃ abhiropesiṃ pasanno sehi pāṇihi.

967. Tena me tādiso vaṇṇo tena me idhamijjhati,
\nUppajjanti ca me bhogā ye keci manāso piyā.

968. Akkhāmi te bhikkhu mahānubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pyāsatīti.

Nāgavimānaṃ.

1. Gajaṃvaraṃ - syā.
\n2. Acchodakā - machasaṃ.
\n3. Bhagavato - syā.
\n 

[BJT Page 146] [\x 146/]

5. 11

969. Mahantaṃ nāgaṃ abhiruyha sabbasetaṃ gajuttamaṃ
\nVanāvanaṃ anupariyāsi nārīgaṇapurakkhato
\nObhāsento disā sabbā osadhī viya kārakā.

970. Kena te tādiso vaṇṇo kena te idha mijjhati,
\nUppajjanti ca te bhogā ye keci manaso piyā.

971. Pucchāmi taṃ deva mahānubhāva
\nManussabhūto kimakāsi puññaṃ
\nKenāsi evaṃ jalitānubhāvo
\nVaṇṇo ca te sabbadisā pabhāsatīti.

972. So devaputto attamano vaṅgīseneva pucchito,
\nPañhaṃ puṭṭho viyākāsi yassa kammassidaṃ phalaṃ.

973. Ahaṃ manussesu manussabhūto.
\nUpāsako cakkhumato ahosiṃ
\nPāṇātipātā virato ahosiṃ
\nLoke adinnaṃ parivajjayissaṃ.

974. Amajjapo no ca musā abhāṇiṃ
\nSakena dārena ca tuṭṭho ahosiṃ.
\nAnnaṃ ca pānaṃ ca pasannacitto
\nSakkacca dānaṃ vipulaṃ adāsiṃ.

975. Tena me tādiso vaṇṇo tena me idha mijjhati,
\nUppajjanti ca me bhogā ye keci manaso piyā.

976. Akkhāmi te bhikkhu manāhubhāva
\nManussabhūto yamakāsi puññaṃ
\nTenamhi evaṃ jalitānubhāvo
\nVaṇṇo ca me sabbadisā pabhāsatīti.

Dutiyanāgavimānaṃ.
\n 

5. 12

977. Konu dibbena yānena sabbasetena hatthinā,
\nTuriyatāḷita nigghoso antaḷikkhe mahīyati.

978. Devatānusi gandhabbo ādu1 sakko purindado,
\nAjānantā taṃ pucchāma kathaṃ jānemu taṃ mayanti.
\n[PTS Page 057] [\q  57/]
\n1. Adu - machasaṃ.

[BJT Page 148] [\x 148/]

979. Namhi devo na gandhabbo nāpi sakko purindado,
\nSudhammā nāma ye devā tesaṃ aññataro ahanti.

980. Pucchāma devaṃ sudhammaṃ1 puthuṃ katvāna añjaliṃ,
\nKiṃ katvā mānuse sudhammaṃ upapajjatīti.

981. Ucchāgāraṃ tiṇāgāraṃ vatthāgārañca yo dado,
\nTiṇṇamaññataraṃ datvā sudhammaṃ upapajjatiti.

Tatiyanāgavimānaṃ
\n 

5. 13

982. Daḷahadhammā nisārassa dhanuṃ olubbha tiṭṭhasi,
\nKhattiyo nu si rājañño ādu luddo vane caroti. 2

983. Assakādhipassāhaṃ bhante putto vane caro,
\nNāmaṃ me bhikkhu te brūmi sujāto iti maṃ viduṃ. 3

984. Mige gavesavānohaṃ ogāhanto brahāvanaṃ,
\nMigaṃ kañceva4 nāddakkhiṃ tañca disvā ṭhito ahanti.

985. Svāgataṃ te mahāpuñña atho te adurāgataṃ,
\nEtto udakamādāya pāde pakkhālayassu te.

986. Idampi pānīyaṃ sītaṃ ābhataṃ girigabbharā,  rājaputta tato pitvā satthatasmiṃ upāvisāti.

987. Kalyāṇī vata te vācā savaṇīyā mahāmuni,
\nNelā catthavatī5 vaggu manatvā6 atthaṃca bhāsase7

988. Kā te rati vane viharato
\nIsinisabha vadehi puṭṭho
\nTava vacanapathaṃ nisāmayitvā
\nAtthadhammapadaṃ samācaremaseti.

1. Devasudhammaṃ - syā.
\n2. Vanācaroti, - syā,
\n3. Vidū, - machasaṃ.
\n4. Migaṃgantveva - syā,
\n5. Nelā atthavatī, - machasaṃ
\n6. Mantā, - syā tra, ka.
\n7. Bhāsasi - machasaṃ.

[BJT Page 150] [\x 150/]

989. Ahiṃsā sabbapāṇīnaṃ kumāramhāka ruccati.
\nTheyyā ca aticārāva majjapānā ca ārati.

990. Ārati samacariyā ca bāhusaccaṃ kataññutā,
\nDiṭṭheva dhamme pāsaṃsā dhammā ete pasaṃsiyāti.

991. Santike maraṇaṃ tuyhaṃ oraṃ māsehi pañcahi,
\nRājaputta vijānāhi attānaṃ parimocayāti.

992. Katamaṃ svāhaṃ janapadaṃ gantvā kiṃ kammaṃ kiñca porisaṃ,
\nKāya vā pana vijjāya bhaveyyaṃ ajarāmaroti.

993. Na vijjate so padeso kammaṃ vijjāca porisaṃ,
\nYattha gantvā bhave macco rājaputtājarāmaro.

994. Mahaddhanā mahābhogā raṭṭhavantopi khattiyā,
\nPahūtadhanadhaññāse na tepi ajarāmarā. 1

[PTS Page 058] [\q  58/]
\n995] Yadi te sutā andhaka veṇhuputtā, 2
\nSurā virā vikkattappahārino.
\nTepi āyukkhayaṃ pattā
\nViddhastā sassatīsamā.

996. Khattiyā brāhmaṇā vessā suddā caṇḍālapukkusā,
\nYe kecaññe ca jātiyā tepino ajarāmarā.

997. Ye mantaṃ parivattenti chaḷaṅgaṃ brahmacittītaṃ,
\nEte caññe ca vijjāya tepi no ajarāmarā.

998. Isayo cāpi ye sattā saññatattā tapassino,
\nSarīraṃ tepi kālena vijahanti tapassino.

999. Bhāvitattāpi arahatto katakiccā anāsavā,
\nNikkhipanti imaṃ dehaṃ puññapāpaparikkhayāti.

1000. Subhāsitā atthavatī gāthāyo te mahāmuni,
\nNijjhattomhi3 subhaṭṭhena tvañca me saraṇaṃ bhavāti.

1. Tepi no ajarāmarā - machasaṃ.
\n2. Veṇvu puttā - machasaṃ.
\nAṇṇakaveṇṇa puttā - syā,
\n3. Nijjhuttomhi - machasaṃ.

[BJT Page 152] [\x 152/]

1001. Mā maṃ tvaṃ saraṇaṃ gaccha tameva saraṇaṃ vaja,
\nSakyaputtaṃ mahā vīraṃ yamahaṃ saraṇaṃ gatoti.

1002. Katarasmiṃ so janapade satthā tumhāka mārisa,
\nAhampi daṭṭhuṃ gacchissaṃ jinaṃ appaṭipuggalanti.

1003. Puratthimasmiṃ janapade okkākakulasambhavo.
\nTatthāsi purisājañño so ca kho parinubbutoti.

1004. Sace hi buddho tiṭṭheyya satvā tumhāka mārisa,
\nYojanāni sahassāni gaccheyyaṃ1 payirupāsituṃ.

1005. Yato ca kho2 parinibbuto satthā tumhāka mārisa,
\nNibbūtampi3 mahāvīraṃ gacchāmi saraṇaṃ ahaṃ.
\n1006. Upemi saraṇaṃ buddhaṃ dhammañcāpi anuttaraṃ,
\nSaṅghañca naradevassa gacchāmi saraṇaṃ ahaṃ.

1007. Pāṇātipātā viramāmi khippaṃ
\nLoke adinnaṃ parivajjayāmi
\nAmajjapo nova musā bhaṇāmī
\nSakena dārena ca homi tuṭṭhoti

1008. Sahassaraṃsīva yathā mahappabho
\nDisaṃ yathābhāti nabhe anukkamaṃ tathappakāro4 tavayaṃ5 mahāratho.
\nSamantato yojanasattamāyato.

1009. Suvaṇṇapaṭṭehi samantamottaṭo
\nUrassa muttahi maṇīhi cittito
\nLekhā suvaṇṇassa ca rūpiyassa ca
\nSobhenti veḷuriyamayā sunimmitā.

[PTS Page 059] [\q  59/]
\n1010. Sisañcidaṃ veḷuriyassa nimmitaṃ
\nYugañcidaṃ lohitakāya cittitaṃ
\nYuttā suvaṇṇassa ca rūpiyassa ca
\nSobhanti assā ca pime manojavā6.

1. Gacche - syā, i,
\nGaccheyyuṃ - machasaṃ.
\n2. Yato kho - [PTS]
\n3. Parinibbutaṃ - syā.
\n4. Tathāpakāro - machasaṃ.
\n5. Tvāyaṃ - machasaṃ.
\n6. Assā ca ime manojavā - machasaṃ.

[BJT Page 154] [\x 154/]

1011. So tiṭṭhasi hemarathe adhiṭṭhito
\nDevānamindova sahassavāhano
\nPucchāmi tāhaṃ yasavanta kovidaṃ
\nKathaṃ tayā laddho ayaṃ uḷāroti.

1012. Sujāto nāmahaṃ bhatte rājaputto pure ahuṃ,
\nTvañca maṃ anukampāya saññamasmiṃ nivesayi.

1013. Khīṇāyukañca maṃ ñatvā sarīraṃ pādāsi satthuno,
\nImaṃ sujāta pūjehi taṃ te atthāya hebhīti.

1014. Tāhaṃ gandhehi mālehi pūjayatvā samuyyuto,
\nPahāya mānusaṃ dehaṃ upapannomhi nandanaṃ.

1015. Nandanopavane1 ramme nānādijagaṇāyute,
\nRamāmi naccagītehi accharāhi purakkhatoti.

Cūḷarathavimānaṃ.
\n 

5. 14

1016. Sahassayuttaṃ hayavāhanaṃ subhaṃ
\nĀruyhi maṃ sandanaṃ nekacittaṃ
\nUyyānabhūmiṃ abhito anukkamaṃ
\nPurindado bhūtapatīva vāsavo 1017. Sovaṇṇamayā te rathakubbarā ubho
\nThalehi2 aṃsehi atīva saṅgatā3
\nSujātagumbā naravīra niṭṭhitā
\nVirocati paṇṇaraseva cando.

1018. Suvaṇṇajālāvatato4 ratho ayaṃ
\nBahūti nā nā ratanehi cittito
\nSunanidighoso ca subhassaro ca virocati cāmarahattha bāhuhi

1019. Imā ca nābhyo manasābhinimmitā
\nRathassa pādantara majjhabhūsitā
\nImā ca nābheyyā5 satarāji cittitā
\nSateratā vijjurivappabhāsare

1. Nandane ca vane, - machasaṃ.
\nNandanā pavane, - syā.
\n2. Phalehi - machasaṃ. [PTS]
\n3. Saṅgato - sīmu.
\n4. Suvaṇṇajālā citto - katthaci.
\n5. Nahyo - [PTS]

[BJT Page 156] [\x 156/]

1020. Anekacittāvatato ratho ayaṃ
\nPuthū ca nemī ca sahassaraṃsiko
\nTesaṃ saro sūyati1 vaggurūpo
\nPañcaṅgikaṃ turiyamivappavāditaṃ

[PTS Page 060] [\q  60/]
\n1021. Sirasmiṃ cittaṃ maṇicandakappitaṃ
\nSadā visuddhaṃ ruciraṃ pabhassaraṃ
\nSuvaṇṇarājīhi atīva saṅgataṃ
\nVeḷuriyarājīva atīva sobhati

1022. Ime ca vāḷī maṇicandakappitā
\nĀrohakambu sujavā bahupamā
\nBrahā mahantā balino mahājavā
\nMano tavaññāya tatheva siṃsare

1023. Ime ca sabbe sahitā catukkamā
\nMano tavaññāya tatheva siṃsare
\nSamaṃ vahanti mudukā anuddhatā
\nAmodamānā turagānamuttamā
\n1024. Dhunanti vagganti patanti2 cambare
\nAbbhuddhunantā sukate piḷandhane
\nTesaṃ saro sūyati vaggurūpo
\nPañcaṅgikaṃ turiyamivappavāditaṃ
\n1025. Rathassa ghoso apiḷandhanāna ca3
\nKhurassa nādo abhihiṃsanāya4 ca
\nGhoso suvaggu samitassa sūyati
\nGandhabbaturiyāni vicitrasaṃvane5

1026. Rathe ṭhitā tā migamandalocanā
\nĀḷārapamhā hasitā piyaṃvadā
\nVeḷuriyajālāvatatā tanucchavā
\nSadeva gandhabba suraggapūjitā

1027. Tā rattarattambara pītavāsasā
\nVisālanettā abhirattalocanā
\nKule sujātā sutanu sucimhitā
\nRathe ṭhītā pañjalikā upaṭṭhitā

1. Suyyati - machasaṃ.
\n2. Pavatatanti [PTS.]
\n3. Apiḷandhanānica - sīmu
\n4. Abhisaṃsanāmaca - [PTS]
\nAbhihesanāyava - katthaci.
\n5. Gandhabbaturiyāna ca citrasaṃvane - katthaci

[BJT Page 158] [\x 158/]

1028. Tā kambukeyūradharā suvāsasā
\nSumajjhimā ūruthanūpapannā
\nVaṭṭaṅguliyo sumukhā sudassanā
\nRathe ṭhitā pañjalikā upaṭṭhitā
\n1029. Aññā suveṇī susu missakesiyo
\nSamaṃ viśattatāhi pabhassarāhi ca
\nAnubbatā tā tava mānase ratā
\nRathe ṭhitā pañjalikā upaṭṭhitā

1030. Āveḷīniyo padumuppalacchadā
\nAlaṅkatā candanasāravāsitā1
\nAnubbatā tā tava mānase ratā
\nRathe ṭhītā pañjalikā upaṭṭhitā
\n[PTS Page 061] [\q  61/]
\n1031. Tā māliniyo padumuppalacchadā
\nAlaṅkatā candanasāravāsitā
\nAnubbatā tā tava mānase ratā
\nRathe ṭhitā pañjalikā upaṭṭhitā

1032. Kaṇṭhesu te yāni piḷandhanāni
\nHatthesu pādesu tatheva sīse
\nOhāsayantī dasa sabbaso disā
\nAbbhuddayaṃ sāradikova bhānumā

1033. Vātassa vegena ca sampakampitā
\nBhujesu mālā apiḷandhanāni ca
\nMuñcanti ghosaṃ ruciraṃ suciṃ subhaṃ
\nSabbehi viññūhi sutabbarūpaṃ

1034. Uyyānabhūmyā ca duvaddhato2 ṭhitā
\nRathā ca nāgā turiyāni cassaro
\nTameva devinda pamodayanti
\nVīṇā yathā pokkharapattabāhuhi

1035. Imāsu vīṇāsu bahūsi vaggusu
\nManuññarūpāsu yadayerītaṃ pati3
\nPavajjamānāsu atīva accharā
\nBhamanti kaññā padumesu sikkhitā

1. Candanasāracositā - syā [PTS.]
\n2. Duhatthato - [PTS.]
\n3. Pītiṃ - machasaṃ
\nHadayeritaṃpitaṃ - syā

[BJT Page 160] [\x 160/]

1036. Yadā ca gītāni ca vāditāni ca
\nNaccāni cemāni1 samenti ekato
\nAthettha naccanti athettha accharā
\nObhāyasayanti ubhato varitthiyo

1037. So modasi turiyagaṇappabodhano
\nMahīyamāno vajirāvudhoriva2
\nImāsu vīṇāsu bahusū vaggusu
\nManuññarūpāsu hadayeritaṃ pati

1038. Kiṃ tvaṃ pure kammamakāsi attanā
\nManussabhūto purimāya jātiyā
\nUposathaṃ kaṃ3 tuvaṃ upāvasi
\nKaṃ dhammacariyaṃ vatamābhirocayi4

1039. Nayidaṃ appassa5 katassa kammuno
\nPubbe suciṇṇassa uposathassa vā
\nIddhānubhāvo vipulo ayaṃ tava
\nYaṃ devasaṅghaṃ abhirocase bhusaṃ

[PTS Page 062] [\q  62/]
\n1040. Dānassa te idaṃ phalaṃ atho sīlassa vā pana,
\nAtho añjalikammassa taṃ me akkhāhi pucchitoti

1041. So devaputto attamano moggallānena pucchito, pañhaṃ puṭṭho viyākāsi yassa kammassidaṃ phalaṃ
\n1042. Jitindiyaṃ buddhamanomanikkamaṃ
\nNaruttamaṃ kassapamaggapuggalaṃ
\nAvāpuraṃ taṃ amatassa dvāraṃ
\nDevātidevaṃ satapuññalakkhaṇaṃ

1043. Tamaddasaṃ kuñjaramoghatitiṇṇaṃ
\nSuvaṇṇasiṅgīnadabimbasādisaṃ
\nDisvāna taṃ khippamahuṃ sucīmano
\nTameva disvāna subhāsitaddhajaṃ

1044. Tambhannapānaṃ6 athavāpi cīvaraṃ
\nSuciṃ paṇītaṃ rasasā upetaṃ
\nPupphābhikiṇṇamhi sake nivesane
\nPatiṭṭhapesiṃ sa asaṅgamānaso

1. Naccāni vimāni - machasaṃ.
\n2. Vajirāvudhova - sīmu.
\n3. Kiṃva - syā
\n4. Abhirādadhayi - katthaci
\n5. Nayidamappassa - machasaṃ.
\n6. Namannapānaṃ - machasaṃ.

[BJT Page 162] [\x 162/]

1045. Tamannapānena ca cīvarena ca
\nKhajjena bhojjena ca sāyanena ca
\nSattappayitvā dvipadānamuttamaṃ
\nSo saggaso devapure ramāmahaṃ

1046. Etenupāyena imaṃ niraggaḷaṃ
\nYaññaṃ yajitvā tividhaṃ visuddhaṃ
\nPahāyahaṃ mānusakaṃ samussayaṃ
\nIndūpamo1 devapure ramāmahaṃ

1047. Āyuñca vaṇṇañca sukhaṃ balañca
\nPaṇītarūpaṃ abhikaṅkhatā muni
\nAnnañca pānañca bahuṃ susaṅkhatā
\nPatiṭṭhapetabbamasaṅgamānase

1048. Nayimasmiṃ loke parasmiṃ2 vā pana
\nBuddhena seṭṭhova samova vijjati āhuneyyataṃ paramāhutiṃ gato
\nPuññatthikānaṃ vipulaphale ṭhitanti

Mahārathavimānaṃ.
\nMahārathavaggo pañcamo.

Tassuddānaṃ: -

Maṇḍuko revatī chatto kakkaṭo dvārapālako
\nDve karaṇīyā dve sūci tayo nāgā ca dve rathā
\nPurisānaṃ paṭhamo vaggo pavuccatī ti.

Bhāṇavāro tatiyo.

1. Indassamo - syā,
\n2. Nayimasmiṃ vā loke parasmiṃ - katthaci
\n