[CPD Classification 2.5.6]
\n[PTS Vol Vv - ] [\z Vv /] [\f I /]
\n[BJT Vol Vv - ] [\z Vv /] [\w I /]
\n[PTS Page 015] [\q  15/]
\n[BJT Page 36] [\x  36/]
Suttantapiṭake
\nVimānavatthupāḷi

Namo tassa bhagavato arahato sammā sambuddhassa.
\n2. Cittalatāvaggo

2. 1
\n[PTS Page 016. [\q  16/]     ]
\n156. Api sakko’va devindo ramme cittalatā vane
\nSamantā anuppiyāsi nārīgaṇapurakkhatā
\nObhāsentī disā sabbā osadhī viya tārakā.

157. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

158. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

159. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

160. Ahaṃ manussesu manussabhūtā dāsī ahosiṃ parapessiyā kule
\nUpāsikā cakkhumato gotamassa yasassino
\nTassā me nikkhamo āsi sāsane tassa tādino.

161. Kāmaṃ bhijjatu’yaṃ kāyo neva atthettha santhanaṃ1
\nSikkhāpadānaṃ pañcannaṃ maggo sovatthiko sivo.

162. Akaṇṭako agahano uju sabbhi pavedito
\nNikkhamassa phalaṃ passa yathidaṃ pāpuṇitthikā.

163. Āmantanikā raññomhi sakkassa vasavattino
\nSaṭṭhituriyasahassāni paṭibodhaṃ karonti me.

164. Ālambo gaggaro2 bhīmo sādhuvādī ca saṃsayo,
\nPokkharo ca suphasso ca vīṇāmokkhā ca nāriyo.

165. Nandā ceva sunandā ca soṇadinnā sucimbhitā3
\nAlambusā missakesī ca puṇḍarīkātidāruṇī.

166. Eṇiphassā suphassā ca subhaddā muduvādinī,
\nEtā caññā ca seyyasā4 accharānaṃ pabodhikā.

1. Saṇaṭhanaṃ - machasaṃ.
\n2. Gaggamo - syā.
\n3. Sucimbhikā - syā.
\n4. Seyyāse - sīmu. Pa.

[BJT Page 38] [\x  38/]

167. Kāmaṃ kālenupāgantvā abhibhāsanti devatā,
\nHanda naccāma gāyāma handa taṃ ramayāmase.

168. Nayidaṃ akatapuññānaṃ katapuññānamevidaṃ
\nAsokaṃ nandānaṃ rammaṃ tidasanaṃ mahāvanaṃ.

169. Sukhaṃ akatapuññātaṃ idha natthi parattha ca,
\nSukhañce katapuññānaṃ idha ceva paratthe ca.

170. Tesaṃ sahavyakāmānaṃ kattabbaṃ kusalaṃ bahuṃ
\nKatapuññā hi modanti sagge bhosasamaṅginoti.

Dāsīvimānaṃ.

2. 2

171. Abhikkantena vaṇṇena yā tvaṃ tiṭṭhasi devate,
\nObhāsenti disā sabbā osadhī viya tārākā.

172. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

173. Pucchāmi taṃ mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

174. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

175. Kevaṭṭadvārā nikkhamma ahu mayhaṃ nivesanaṃ,
\nTattha sañcaramānānaṃ sāvakānaṃ mahesinaṃ.

176. Odanaṃ kummāsaṃ sākaṃ1 loṇasovīrakañcahaṃ,
\nAdāsiṃ ujubhūtesu vippasannena cetaso.

177. Cātuddasiṃ pañcadasiṃ yā ca pakkhassa aṭṭhamī,
\nPāṭihāriyapakkhañca aṭṭhaṅgasusamāgataṃ

178. Uposathaṃ upavasissaṃ sadā sīlesu saṃvutā,
\nSaññamā saṃvibhāgā ca vimānaṃ āvasāmahaṃ

1. Ḍākaṃ - machasaṃ.

[BJT Page 40] [\x  40/]

179. Pāṇātipātā vīratā musāvādā ca saññatā,
\nTheyyā ca aticārā ca majjapānā ca ārakā

180. Pañcasikkhāpade ratā ariyasaccāna kovidā,
\nUpāsikā cakkhumato gotamassa yasassino

181. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

182. Akkhāmi te bhikkhu mahānubhāva
\nManussabhūtā yamahaṃ akāsiṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Mama ca bhante vacanena bhagavato pāde sirasā vandeyyāsi, lakhumā nāma bhante upāsikā bhagavato pāde sirasā vandatīti. Anacchariyaṃ kho panekaṃ bhante yaṃ maṃ bhagavā aññatarasmiṃ sāmaññaphale vyākareyya taṃ bhagavā sakadāgāmiphale vyākāsīti.

Lakhumāvimānaṃ.

2. 3

183. Piṇḍāya te carantassa tuṇhībhūtassa tiṭṭhato,
\nDaḷiddā kapaṇā nārī parāgāraṃ avassitā1

184. Yā te adāsi ācāmaṃ pasantā sehi pāṇihi,
\nSā hitvā mānusaṃ dehaṃ kannu sā disataṃ gatā

185. Piṇḍāya me carantassa tuṇhībhūtassa tiṭṭhato,
\nDaḷiddā kapaṇā nārī parāgāraṃ avassitā

186. Yā me adāsi ācāmaṃ pasantā sehi pāṇihi,
\nSā hitvā mānusaṃ dehaṃ vippamuttā ito cutā

187. Nimmāṇaratino nāma santi devā mahiddhikā,
\nTattha sā sukhitā nārī modatācāmadāyikāti

188. Abho dānaṃ varākiyā kassape supatiṭṭhitaṃ,
\nParābhatena dānena ijjhittha vata dakkhiṇā

189. Yā mahesittaṃ kāreyya cakkavattissa rājino
\nNārī sabbaṅgakalyāṇī bhattu cānomadassikā
\nEtassācāmadānassa kalaṃ nāgghati soḷasiṃ.

1. Apassitā - machasaṃ

[BJT Page 42] [\x  42/]

190. Sataṃ nikkhā sataṃ assā sataṃ assatarīrathā
\nSataṃ kaññā sahassāni āmuttamaṇīkuṇḍalā
\nEtassācāmadānassa kalaṃ nāgghanti soḷasiṃ

191. Sataṃ hemavatā nāgā īsā dantā urūḷhavā
\nSuvaṇṇakacchā mātaṅgā hemakappanavāsasā1
\nEtassācāmadānassa kalaṃ nāgghanti soḷasiṃ

192. Catunnampi2ca dīpānaṃ issaraṃ yodha kāraye,
\nEtassācāmadānassa kalaṃ nāgghati soḷasinti

Ācāmadāyikāvimānaṃ.

2. 4

193. Caṇḍālī vanda pādāni gotamassa yasassino,
\nTaveva3 anukampāya aṭṭhāsi isisattamo4

194. Abhippasādehi manaṃ arahattamhi tādinī5,
\nKhippaṃ pañjalikā vanda parittaṃ tava jīvitanti

195. Coditā bhāvitattena sarīrantimadhārinā,
\nCaṇḍālī vandi pādāni gotamassa yasassino

196. Tamenamavadhī gāvī caṇḍāliṃ pañjaliṃ ṭhitaṃ,
\nNamassamānaṃ sambuddhaṃ andhakāre pabhaṅkaranti

197. Khīṇāsavaṃ vigatarajaṃ anejaṃ
\nEkaṃ araññamhi raho nisinnaṃ
\nDeviddhipattā upasaṅkamitvā
\nVandāmi taṃ vīra mahānubhāvāti6

198. Suvaṇṇavaṇṇā jalitā mahāyasā
\nVimānamoruyha anekacittā
\nParivāritā accharānaṃ gaṇena7
\nKā tvaṃ subhe devate vandase mamanti.

1. Hemakappanivāsasā - syā,
\n2. Catunnampi - machasaṃ.
\n3. Tameva - machasaṃ.
\n4. Isisuttamo - sīmu.
\n5. Tādine, - syā,
\n6. Mahānubhāvanti - machasaṃ, katthaci
\n7. Accharāsaṃgaṇena - machasaṃ.

[BJT Page 44] [\x  44/]

199. Ahaṃ bhadante1 caṇḍālī tayā vīrena pesitā,
\nVandiṃ arahato pāde gotamassa yasassino

200. Sāhaṃ vanditva2 pādāni cutā caṇḍālayoniyā,
\nVimānaṃ sabbato bhaddaṃ upapannambhi nandanaṃ3

201. Accharānaṃ satasahassaṃ purakkhatvāna4 tiṭṭhati,
\nTāsāhaṃ pavarā seṭṭhā vaṇṇena yassa yutā.

202. Pahūtakatakalyāṇā sampajānā patissatā,
\nMuniṃ kāruṇikaṃ loke taṃ bhante vanditumāgatāti.

203. Idaṃ vatvāna caṇḍālī kataññū katavedinī,
\nVanditvā arahato pāde tatthevantaradhāyathāti. 5

Caṇḍālīvimānaṃ.

2. 5

204. Nīlā pītā ca kāḷā ca mañjeṭṭhā6 atha lohitā,
\nUccāvacānaṃ vaṇṇānaṃ kiñjakkhaparivāritā.

205. Mandāravānaṃ pupphānaṃ mālaṃ dhāresi muddhani,
\nNayime aññesu kāyesu rukkhā santi sumedhase.

206. Kena kāyaṃ upapannā tāvatiṃsaṃ yasassinī,
\nDevate pucchitācikkha kissa kammassidaṃ phala’nti

207. Bhadditthiti7 maṃ aññiṃsu kimbilāyaṃ upāsikā,
\nSaddhā sīlena sampannā saṃvibhāgaratā sadā.

208. Acchādanañca bhattañca senāsanaṃ padīpiyaṃ,
\nAdāsiṃ ujubhūtesu vippasannena cetasā

209. Cātuddasiṃ pañcadasiṃ yā ca pakkhassa aṭṭhamī,
\nPāṭihāriyapakkhañca aṭṭhaṅgasusamāgataṃ.

210. Uposathaṃ upavasissaṃ sadā sīlesu saṃvutā,
\nSaññamā saṃvibhāgā ca vimānaṃ āvasāmahaṃ.

1. Bhaddante - machasaṃ.
\n2. Vanditvā - machasaṃ.
\n3. Nandane - machasaṃ
\n4. Purakkhitvā - syā,
\n5. Tatthevantaradhāyatīti - syā,
\n6. Mañjiṭṭhā - machasaṃ
\nMañjiṭṭhā - [PTS]
\n7. Bhadditthikāti maṃ aññasu - machasaṃ.

[BJT Page 46] [\x  46/]

211. Pāṇātipātā viratā musāvādā ca saññatā,
\nTheyyā ca aticārā ca majjapānā ca ārakā.

212. Pañca sikkhāpade ratā ariyasaccāna kovidā,
\nUpāsikā cakkhumato appamādavihāriṇī.

213. Bhikkhu cahaṃ paramahitānukampake
\nAbhojayaṃ tapassiyugaṃ mahāmuniṃ
\nKatāvāsā katakusalā tato cutā
\nSayaṃpabhā anuvicarāmi nandanaṃ.

214. Aṭṭhaṅgikaṃ aparimitaṃ sukhāvahaṃ
\nUposathaṃ sattamupāvasiṃ ahaṃ
\nKatāvāsā katakusalā tato cutā
\nSayaṃpabhā anuvicarāmi nandananti.
\n[PTS Page 021] [\q  21/]
\nBhadditthivimānaṃ.
\n 
\n 

2. 6

215. Abhikkantena vaṇṇena yā tvaṃ tiṭṭhasi devate,
\nObhāsentī disā sabbā osadhī viya tārakā.

216. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

217. Kena tvaṃ vimalobhāsā atirocasi devate,
\nKena te sabbagattehi sabbā obhāsare disā.

218. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatī’ti.

219. *Sā devatā attamanā moggallānena pucchatā,
\nPañhaṃ puṭṭhā viyākāsi yassakammassidaṃ phalaṃ.

* Nāgatāpyayaṃ gāthā sīhalakkharavimānavatthumhi, tassaṃ aṭṭhakathāyaṃ āgatā, tasmā sā idha pakkhittā.

[BJT Page 48] [\x  48/]

220. Soṇadinnāti maṃ aññiṃsu1 nālandāyaṃ upāsikā,
\nSaddhā sīlena sampannā saṃvibhāgaratā sadā.

221. Acchādanañca bhattañca senāsanaṃ padīpiyaṃ,
\nAdāsiṃ ujubhūtesu vippasannena cetasā

222. Cātuddasiṃ pañcadusiṃ yā ca pakkhassa aṭṭhamī,
\nPāṭihāriya pakkhañca aṭṭhaṅgasusamāgataṃ.

223. Uposathaṃ upavasissaṃ sadā sīlesu saṃvutā,
\nSaññamā saṃvibhāgā ca vimānaṃ āvasāmahaṃ.

224. Pāṇātipātā viratā musāvādā ca saññatā,
\nTheyyā ca aticārā ca majjapānā ca ārakā.

225. Pañcasikkhāpade ratā ariyasaccāna kovidā,
\nUpāsikā cakkhumato gotamassa yasassino.

226. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā

227. Akkhāmi te bhikkhu mahānubhāva
\nManussabhūtā yamahaṃ akāsiṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatī’ti.

Soṇadinnā vimānaṃ.

2. 7

228. Abhikkantena vaṇṇena yā tvaṃ tiṭṭhasi devate,
\nObhāsentī disā sabbā osadhī viya tārakā.

229. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

230. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatī’ti.

231. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

1. Aññaṃsu, - machasaṃ.

[BJT Page 50] [\x  50/]

232. Uposathāti maṃ aññiṃsu sāketāyaṃ upāsikā,
\nSaddhā sīlena sampannā saṃvibhāgaratā sadā.

233. Acchādanaṃ ca bhattañca senāsanaṃ padīpiyaṃ,
\nAdāsiṃ ujubhūtesu vippasannena cetasā.
\n[PTS Page 021. [\q  21/]     ]
\n234. Cātuddasiṃ pañcadasiṃ yā ca pakkhassa
\nAṭṭhami, pāṭihāriyapakkhañca aṭṭhaṅgasusamāgataṃ.

235. Uposathaṃ upavasissaṃ sadā sīlesu saṃvutā,
\nSaññamā saṃvibhāgā ca vimānaṃ āvasāmahaṃ.

236. Pāṇātipātā viratā musāvādā ca saññatā,
\nTheyyā ca aticārā ca majjapānā ca ārakā.

237. Pañca sikkhāpade ratā ariyasaccāna kovidā,
\nUpāsikā cakkhumato gotamassa yasassino.

238. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

239. Akkhāmi te bhikkhu mahānubhāva
\nManussabhūtā yamahaṃ akāsiṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

240. Abhikkhaṇaṃ nandanaṃ sutvā chando me udapajjatha1
\nTattha cittaṃ paṇidhāya upapannamhi nandanaṃ.

241. Nākāsiṃ santhuvacanaṃ buddhassādiccabandhuno,
\nHīne cittaṃ paṇidhāya sāmhi pacchānutāpinīti.

242. Kīva ciraṃ vimānasmiṃ idha vacchasuposathe,
\nDevate pucchitācikkha yadi jānāsi āyunoti.

243. Saṭṭhivassasahassāni tisso ca vassakoṭiyo
\nIdha ṭhatvā mahāmuni ito cutā gamissāmi
\nManussānaṃ sahavyatanti.

244. Mā tvaṃ uposathe bhāyi sambuddhenāpi vyākatā
\nSotāpannā visesayi pahīnā tava duggatīti.

Uposathā vimānaṃ.

1. Uppajjatha - sīmu, pa. Uppajjati - katthaci

[BJT Page 52] [\x  52/]

2. 8

245. Abhikkantena vaṇṇena yā tvaṃ tiṭṭhasi devate,
\nObhāsenti disā sabbā osadhī viya tārakā.

246. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

247. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

248. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

249. Saddhāti maṃ aññiṃsu rājagahasmiṃ upāsikā,
\nSaddhāsīlena sampannā saṃvibhāgaratā sadā.

250. Acchādanañca bhattañca senāsanaṃ padīpiyaṃ,
\nAdāsiṃ ujubhūtesu vippasannena cetasā.

251. Cātuddasiṃ pañcasiṃ yā ca pakkhassa aṭṭhami,
\nPāṭihāriyapakkhañca aṭṭhaṅgasusamāgataṃ.

252. Uposathaṃ upavasissaṃ sadā sīlesu saṃvutā,
\nSaññamā saṃvibhāgā ca vimānaṃ āvasāmahaṃ.

253. Pāṇātipātā viratā musāvādā ca saññatā,
\nTheyyā ca aticārā ca majjapānā ca ārakā.

254. Pañca sikkhāpade ratā ariyasaccāna kovidā,
\nUpāsikā cakkhumato gotamassa yasassino.

255. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

256. Akkhāmi te bhikkhu mahānubhāva
\nManussabhūtā yamahaṃ akāsiṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.
\n[PTS Page 022] [\q  22/]
\nSaddhāvimānaṃ. 1

1. Niddāvimānaṃ - machasaṃ.
\n 

[BJT Page 54] [\x  54/]

2. 9

257. Abhikkantena vaṇṇena yā tvaṃ tiṭṭhasi devate,
\nObhāsenti disā sabbā osadhī viya tārakā.

258. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

259. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

260. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

261. Sunandāti maṃ aññiṃsu1 rājagahasmiṃ upāsikā,
\nSaddhāsīlena sampannā saṃvibhāgaratā sadā.

262. Acchādanañca bhattañca senāsanaṃ padīpiyaṃ,
\nAdāsiṃ ujubhūtesu vippasannena cetasā.

263. Cātuddasiṃ pañcasiṃ yā ca pakkhassa aṭṭhami,
\nPāṭihāriyapakkhañca aṭṭhaṅgasusamāgataṃ.

264. Uposathaṃ upavasissaṃ sadā sīlesu saṃvutā,
\nSaññamā saṃvibhāgā ca vimānaṃ āvasāmahaṃ.

265. Pāṇātipātā viratā musāvādā ca saññatā,
\nTheyyā ca aticārā ca majjapānā ca ārakā.

266. Pañca sikkhāpade ratā ariyasaccāna kovidā,
\nUpāsikā cakkhumato gotamassa yasassino.

267. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

268. Akkhāmi te bhikkhu mahānubhāva
\nManussabhūtā yamahaṃ akāsiṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Sunandā vimānaṃ. 2

1. Suniddāti maṃ aññaṃsu - machasaṃ.
\n2. Suniddā vimānaṃ - machasaṃ.

[BJT Page 56] [\x  56/]

2. 10

269. Abhikkantena vaṇṇena yā tvaṃ tiṭṭhasi devate,
\nObhāsenti disā sabbā osadhī viya tārakā.

270. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

271. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

272. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

273. Ahaṃ manussesu manussabhūtā
\nPurimāya jātiyā manussaloke
\nAddasaṃ virajaṃ buddhaṃ vippasannamanāvilaṃ
\nTassa adāsahaṃ bhikkhaṃ pasannā sehi pāṇihi

274. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

275. Akkhāmi te bhikkhu mahānubhāva
\nManussabhūtā yamahaṃ akāsiṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.
\n[PTS Page 023] [\q  23/]
\nBhikkhādāyikā vimānaṃ.

2. 11

276. Abhikkantena vaṇṇena yā tvaṃ tiṭṭhasi devate,
\nObhāsenti disā sabbā osadhī viya tārakā.

277. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

278. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

[BJT Page 58] [\x  58/]

279. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

280. Ahaṃ manussesu manussabhūtā
\nPurimāya jātiyā manussaloke
\nAddasaṃ virajaṃ buddhaṃ vippasannamanāvilaṃ
\nTassa adāsahaṃ bhikkhaṃ pasannā sehi pāṇihi

281. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

282. Akkhāmi te bhikkhu mahānubhāva
\nManussabhūtā yamahaṃ akāsiṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Dutiyabhikkhādāyikā vimānaṃ.

Cittalatāvaggo dutiyo

Tassuddānaṃ: -

Dāsī ceva lakhumā ca atha ācāmadāyikā
\nCaṇḍālī bhadditthi ceva1 soṇadinnā uposathā
\nNandā ceva sunandā ca2 deva ca bhikkhāya dāyikā
\nVaggo tena pavuccatīti.

Bhāṇavāraṃ paṭhamaṃ.

1. Bhadditthikā ca - syā
\n2. Niddāceva suniddā ca - machasaṃ.
\n