[CPD Classification 2.5.6]
\n[PTS Vol Vv - ] [\z Vv /] [\f I /]
\n[PTS Page 001] [\q   1/]
\n[BJT Vol Vv - ] [\z Vv /] [\w I /]
\n[BJT Page 002] [\x   2/]
Suttantapiṭake
\nVimānavatthupāḷi

Namo tassa bhagavato arahato sammā sambuddhassa.
\n1. Pīṭhavaggo

1. 1
\n1. Pīṭhaṃ te sovaṇṇamayaṃ uḷāraṃ
\nManojavaṃ gacchati yena kāmaṃ,
\nAlaṅkate mālyadhare1 suvatthe
\nObhāsasi vijjurivabbhakūṭaṃ.

2. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

3. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

4. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

5. Ahaṃ manussesu manussabhūtā
\nAbbhāgatānāsanakaṃ2 adāsiṃ,
\nAbhivādayiṃ añjalikaṃ akāsiṃ
\nYathānubhāvañca adāsi dānaṃ.

6. Tena me tādiso vaṇṇo tena me idhamijjhati
\nUppajjanti ca me bhogā ye keci manaso piyā.

7. Akkhāmi te bhikkhu mahānubhāva
\nManussabhūtā yamakāsi puññaṃ,
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Paṭhamapīṭhavimānaṃ.

1. 2
\n[PTS Page 002] [\q   2/]
\n8. Pīṭhaṃ te vephariyamayaṃ uḷāraṃ
\nManojavaṃ gacchati yena kāmaṃ,
\nAlaṅkate mālyadhare suvatthe
\nObhāsasi vijjurivabbhakūṭaṃ.

1. Malyadhare - sīmu.
\n2. Abbhāgatānaṃ āsanakaṃ - sīmu.

[BJT Page 4] [\x   4/]

9. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

10. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

11. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

12. Ahaṃ manussesu manussabhūtā
\nAbbhāgatānāsanakaṃ adāsiṃ,
\nAbhivādayiṃ añjalikaṃ akāsiṃ
\nYathānubhāvañca adāsi dānaṃ.

13. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

14. Akkhāmi te bhikkhu mahānubhāva
\nManussabhūtā yamakāsi puññaṃ,
\nTenambhi evaṃ jalitānubhāvā
\nVaṇṇo ca me sabbadisā pabhāsatīti.

Dutiyapīṭhavimānaṃ.

1. 3

15. Pīṭhaṃ te sovaṇṇamayaṃ uḷāraṃ
\nManojavaṃ gacchati yena kāmaṃ,
\nAlaṅkate mālyadhare suvatthe
\nObhāsasi vijjurivabbhakūṭaṃ

16. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

17. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

18. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

[BJT Page 6] [\x   6/]
\n[PTS Page 003] [\q   3/]
\n19. Appassa kammassa phalaṃ mamedaṃ1
\nYenamhi2 evaṃ jalitānubhāvā,
\nAhaṃ manussesu manussabhūtā
\nPurimāya jātiyā manussaloke

20. Addasaṃ virajaṃ bhikkhuṃ vippasannamanāvilaṃ,
\nTassa adāsahaṃ piṭhaṃ pasannā sehi pāṇihi

21. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā

22. Akkhāmi te bhikkhu mahānubhāva
\nManussabhūtā yamakāsi puññaṃ,
\nTenamhi evaṃ jalitānubhāvā
\nVaṇṇo ca me sabbādisā pabhāsatīti.

Tatiyapīṭhavimānaṃ.

1. 4

23. Pīṭhaṃ te vephariyamayaṃ uḷāraṃ
\nManojavaṃ gacchati yena kāmaṃ,
\nAlaṅkate mālyadhare suvatthe
\nObhāsasi vijjurivabbhakūṭaṃ.

24. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

25. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

26. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

27. Appassa kammassa phalaṃ mamedaṃ
\nYenamhi evaṃ jalitānubhāvā
\nAyaṃ manussesu manussabhūtā
\nPurimāya jātiyā manussaloke.

28. Addasaṃ virajaṃ bhikkhuṃ vippasannamanāvilaṃ,
\nTassa adāsahaṃ pīṭhaṃ pasannā sehi pāṇāhi.

1. Mametaṃ - katthavi
\n2. Tenamhi - katthavi

[BJT Page 8] [\x   8/]

29. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

30. Akkhāmi te bhikkhu mahānubhāva
\nManussabhūtā yamakāsi puññaṃ,
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Catutthapīṭhavimānaṃ.

1. 5
\n[PTS Page 004] [\q   4/]
\n31. Kuñjaro te varārogo nānā ratanakappano,
\nRuciro thāmavā javasampanno1 ākāsamhi samīhati.

32. Padumī padumapattakkhī2 padumuppalajutindharo, 3
\nPadumacuṇṇābhikiṇṇaṅgo soṇṇapokkharamālavā4

33. Padumānusaṭaṃ maggaṃ padumapattavibhūsitaṃ,
\nṬhītaṃ vaggumanugghāti mitaṃ gacchati vāraṇo

34. Tassa pakkamamānassa soṇṇakaṃsā ratissarā,
\nTesaṃ sūyyati nigghoso turiye pañcaṅgike yathā

35. Tassa nāgassa khandhasmiṃ sucivatthā alaṅkatā,
\nMahantaṃ accharāsaṅghaṃ vaṇṇena atirocasi5

36. Dānassa te idaṃ phalaṃ atho sīlassa vā pana,
\nAtho añjalikammassa taṃ me akkhāhi pucchitāti.

37. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalanti.

38. Disvāna guṇasampannaṃ jhāyiṃ jhānarataṃ sataṃ,
\nAdāsiṃ pupphābhikiṇṇaṃ āsanaṃ dussasanthataṃ.

39. Upaḍḍhapadumamālāhaṃ āsanassa samantato,
\nAbbhokirissaṃ pattehi pasannā sehi pāṇīhi.

1. Thāmasampanno - katthavi
\n2. Padamapattakkhī - machasaṃ.
\n3. Padamuppalajutindharo - machasaṃ.
\n4. Soṇṇapokkharamālamā - machasaṃ.
\n5. Atirocati - katthacī

[BJT Page 10] [\x  10/]

40. Tassa kammassa kusalassa1 idaṃ me īdisaṃ phalaṃ,
\nSakkāro garukāro ca devānaṃ apacitā ahaṃ.

41. Yo ce sammāvimuttānaṃ sattānaṃ brahmacārinaṃ,
\nPasanno āsanaṃ dajjā evaṃ nando yathā ahaṃ.

42. Tasmāhi atthakāmena mahantambhikaṅkhatā,
\nĀsanaṃ dātabbaṃ hoti sarīranti madhārinanti.

Kuñjaravimānaṃ.

1. 6

43. Suvaṇṇacchadanaṃ nāvaṃ nārī āruyha tiṭṭhasi,
\nOgāhasi pokkharaṇiṃ padumaṃ chindasi pāṇinā.

44. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

45. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti,

46. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalantī.

47. Ahaṃ manussesu manussabhūtā
\nPurimāya jātiyā manussaloke,
\nDisvāna bhikkhū tasite kilante
\nUṭṭhāya pātuṃ udakaṃ adāsiṃ.

48. Yo ve kilantāna pipāsitānaṃ
\nUṭṭhāya pātuṃ udakaṃ dadāti,
\nSītodakā tassa bhavanti najjo
\nPahūtamālyā bahupuṇḍarīkā.

49. Tamāpagā anupariyanti sabbadā
\nSītodīkā vālukasanthatā nadī,
\nAmbā ca sālā tilakā ca jambuyo
\nUddālakā pāṭaliyo ca phullā.

1. Kammakusalassa - machasaṃ.

[BJT Page 12] [\x  12/]

50. Taṃ bhūmibhāgehi upetarūpaṃ
\nVimānaseṭṭhaṃ bhūsasobhamānaṃ,
\nTassīdha1 kammassa ayaṃ vipāko
\nEtādisaṃ katapuññā2 labhanti.

51. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

52. Akkhāmi te bhikkhu mahānubhāva
\nManussabhūtā yamakāsi puññaṃ,
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Paṭhamanāvāvimānaṃ.

1. 7

53. Suvaṇṇacchadanaṃ nāvaṃ nārī āruyha tiṭṭhasi,
\nOgāhasi pokkharaṇiṃ padumaṃ chindasi pāṇinā.

54. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

55. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

56. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

57. Ahaṃ manussesu manussabhūtā
\nPurimāya jātiyā manussaloke,
\nDisvāna bhikkhuṃ tasitaṃ kilantaṃ
\nUṭṭhāya pātuṃ udakaṃ adāsiṃ.

58. Yo ce kilantassa pipāsitassa
\nUṭṭhāya pātuṃ udakaṃ dadāti,
\nSītodakā tassa bhavanti najjo
\nPahūtamālyā bahupuṇḍarīkā.

59. Tamāpagā anupariyanti sabbadā
\nSītodakā vālukasanthatā nadī,
\nAmbā ca sālā tilakā ca jambuyo
\nUddālakā pāṭaliyo ca phullā.

1. Tasseva - syā.
\n2. Puññakatā - machasaṃ.

[BJT Page 14] [\x  14/]

60. Taṃ bhūmibhāgehi upetarūpaṃ
\nVimānaseṭṭhaṃ bhusasobhamānaṃ,
\nTassīdha kammassa ayaṃ vipāko
\nEtādisaṃ katapuññā labhanti.

61. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

62. Akkhāmi te bhikkhu mahānubhāva
\nManussabhūtā yamakāsi puññaṃ, *
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Dutiyanāvāvimānaṃ.

1. 8

63. Suvaṇṇacchadanaṃ nāvaṃ nārī āruyha tiṭṭhasi,
\nOgāhasi pokkharaṇiṃ padumaṃ chindasi pāṇinā.

64. Kūṭāgārā nivesā te vibhattā bhāgaso mitā,
\nDaddallamānā ābhanti samantā caturo disā.

65. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

66. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.
\n[PTS Page 005] [\q   5/]
\n67. Sā devatā attamanā sambuddheneva pucchitā
\nPañhaṃ puṭṭhā viyākāsi yassa kammassidaṃ phalanti.
\n[PTS Page 007] [\q   7/]
\n68. Ahaṃmanussesu manussabhūtā
\nPurimāya jātiyā manussaloke,
\nDisvāna bhikkhū tasite kilante
\nUṭṭhāya pātuṃ udakaṃ adāsiṃ.

69. Yo ve kilantāna pipāsitānaṃ
\nUṭṭhāya pātuṃ udakaṃ dadāti,
\nSītodakā tassa bhavanti najjo
\nPahūtamālyā bahu puṇḍarīkā.

* Ettha dissate marammachaṭṭha saṅgīti potthake ’’akkhāmi te buddha mahānubhāva manussabhūtā yamakāsi puññāpi pādantidvayaṃ.

[BJT Page 16] [\x  16/]

70. Tamāpagā anupariyanti sabbadā
\nSītodakā vālukasanthatā nadī,
\nAmbā ca sālā tilakā ca jambuyo
\nUddālakā pāṭaliyo ca phullā.

71. Taṃ bhūmibhāgehi upetarūpaṃ
\nVimānaseṭṭhaṃ bhusasobhamānaṃ,
\nTassīdha kammassa ayaṃ vipāko
\nEtādisaṃ katapuññā labhanti.

72. Kūṭāgārā nivesā me vibhattā bhāgaso mitā,
\nDaddallamānā ābhanti samantā caturo disā.

73. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

74. Tenamhi evaṃ jalitānubhāvā
\nVaṇṇo ca me sabbadisā pabhāsati,
\nEtassa kammassa phalaṃ mamedaṃ
\nAtthāya buddho udakaṃ apāyīti1.

Tatiyanāvā vimānaṃ.

1. 9

75. Abhikkantena vaṇṇena yā tvaṃ tiṭṭhasi devate,
\nObhāsenti disā sabbā osadhī viya tārakā.

76. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

77. Kena tvaṃ vimalobhāsā atirocasi devate2,
\nKena te sabbagattehi sabbā obhāsare3 disā.

78. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.
\n[PTS Page 006] [\q   6/]
\n79. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

1. Apāsīti - sī, syā, [PTS.]
\n2. Devatā - machasaṃ.
\n3. Obhāsate - machasaṃ.

[BJT Page 18] [\x  18/]

[PTS Page 008] [\q   8/]
\n80. Ahaṃ manussesu manussabhūtā
\nPūrimāya jātiyā manussaloke,
\nTamandhakāramhi timīsikāyaṃ
\nPadīpakālamhi adaṃ padīpaṃ1

81. Yo andhakāramhi timīsikāyaṃ
\nPadīpakālamhi dadāti dīpaṃ,
\nUppajjati jotirasaṃ vimānaṃ
\nPahūtamālyaṃ bahupuṇḍarīkaṃ.

82. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

83. Tenāhaṃ vimalobhāsā atirocāmi devatā,
\nTena me sabbagattehi sabbā obhāsare disā.

84. Akkhāmi te bhikkhu mahānubhāva
\nManussabhūtā yamakāsi puññaṃ,
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.
\nDīpavimānaṃ.

1. 10

85. Abhikkannena vaṇṇena yā tvaṃ tiṭṭhasi devate,
\nObhāsentī disā sabbā osadhī viya tārakā.

86. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

87. Pucchāmi taṃ devi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

88. Sā devatā attamanā moggallānena pucchitā.
\nPañhaṃ puṭṭhā viyākāsi yassa kammassidaṃ phalaṃ.

89. Ahaṃ manussesu manussabhūtā
\nPurimāya jātiyā manussaloke.
\nAddasaṃ virajaṃ buddhaṃ vippasannamanāvilaṃ

1. Adāya dīpaṃ - machasaṃ.

[BJT Page 20] [\x  20/]

90. Āsajja dānaṃ adāsiṃ akāmā tiladakkhiṇaṃ
\nDakkhiṇeyyassa buddhassa pasannā sehi pāṇihi.

91. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

92. Akkhāmi te bhikkhu mahānubhāva
\nManussabhūtā yamakāsi puññaṃ,
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.
\n[PTS Page 009] [\q   9/]
\nTiladakkhiṇāvimānaṃ.

1. 11

93. Koñcā mayūrā diviyā ca haṃsā
\nVaggussarā kokilā sampatanti,
\nPupphābhikiṇṇaṃ rammamidaṃ vimānaṃ
\nAnekacittaṃ naranārisevitaṃ.

94. Tatthacchasi devi mahānubhāve
\nIddhi1 vikubbantī anekarūpā,
\nImā ca te accharāyo samantato
\nNaccanti gāyanti pamodayanti2.

95. Devidadhipattāsi mahānubhāve
\nManussabhūtā kimakāsi puññaṃ,
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

96. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

97. Ahaṃ manussesu manussabhūtā
\nPatibbatā nāññamanā3 ahosiṃ,
\nMātāva puttaṃ anurakkhamānā
\nKuddhapahaṃ4 nappharusaṃ avocaṃ.

98. Sacce ṭhitā mosavajjaṃ pahāya
\nDāne ratā saṅgahitattabhāvā,
\nAnnaṃ ca pānaṃ ca pasannacittā
\nSakkacca dānaṃ vipulaṃ adāsiṃ.

1. Iddhiṃ - katthaci
\n2. Pamodayanti ca - machasaṃ.
\n3. Patibbatā naññamanā - machasaṃ.
\n4. Kuddhāpihaṃ - machasaṃ.

[BJT Page 22] [\x  22/]

99. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

100. Akkhāmi te bhikkhu mahānubhāva
\nManussabhūtā yamakāsi puññaṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Patibbatāvimānaṃ.

1. 12

101. Vepharīyatthambhaṃ ruciraṃ pabhassaraṃ
\nVimānamāruyha anekacittaṃ
\nTatthacchasi devi mahānubhāve
\nUccāvacā iddhivikubbamānā
\nImā ca te accharāyo samantato
\nNaccanti gāyanti pamodayanti1
\n[PTS Page 010] [\q  10/]
\n102. Deviddhipattāsi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti

103. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ

104. Ahaṃ manussesu manussabhūtā
\nUpāsikā cakkhumato abhosiṃ
\nPāṇātipātā viratā ahosiṃ
\nLoke adinnaṃ parīvajjayissaṃ

105. Amajjapā no ca2 musā abhāsiṃ3
\nSakena sāmināva4 ahosiṃ tuṭṭhā
\nAnnañca pānañca pasannacittā
\nSakkacca dānaṃ vipulaṃ adāsiṃ

106. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā

107. Akkhāmi te bhikkhu mahānubhāva
\nManussabhūtā yamakāsi puññaṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti

Dutiya patibbatāvimānaṃ.

1. Pamodayanti ca - machasaṃ,
\n2. Nāpi - syā.
\n3. Abhāṇiṃ - machasaṃ.
\n4. Sāmitā - machasaṃ.

[BJT Page 24] [\x  24/]

01. 13

108. Abhikkantena vaṇṇena yā tvaṃ tiṭṭhasi devate,
\nObhāsentī disā sabbā osadhī viya tārakā.

109. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

110. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

111. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

112. Ahaṃ manussesu manussabhūtā
\nSuṇisā ahosiṃ sasurassa gehe1
\nAddasaṃ virajaṃ bhikkhuṃ vippasannamanāvilaṃ

113. Tassa adāsahaṃ pūvaṃ pasannā sehi pāṇihi
\nBhāgaḍḍhabhāgaṃ datvāna modāmi nandane vane

[PTS Page 011] [\q  11/]
\n114. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

115. Akkhāmi te bhikkhu mahānubhāva
\nManussabhūtā yamakāsi puññaṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Suṇisāvimānaṃ.

[BJT Page 24] [\x  24/]

1. 14

116. Abhikkantena vaṇṇena yā tvaṃ tiṭṭhasi devate,
\nObhāsentī disā sabbā osadhī viya tārakā.

117. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

1. Ghare, - syā.

[BJT Page 26] [\x  26/]

118. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

119. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

120. Ahaṃ manussesu manussabhūtā
\nSuṇisā ahosiṃ sasurassa gehe
\nAddasaṃ virajaṃ bhikkhuṃ vippasannamanāvilaṃ

121. Tassa adāsahaṃ pūvaṃ pasannā sehi pāṇihi
\nBhāgaḍḍhabhāgaṃ datvāna modāmi nandane vane

122. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

123. Akkhāmi te bhikkhu mahānubhāva
\nManussabhūtā yamakāsi puññaṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Dutiya suṇisāvimānaṃ.

1. 15

124. Abhikkantena vaṇṇena yā tvaṃ tiṭṭhasi devate,
\nObhāsentī disā sabbā osadhī viya tārakā.

125. Kena te tādiso vaṇṇo kena te idhamijjhati,
\nUppajjanti ca te bhogā ye keci manaso piyā.

126. Pucchāmi taṃ devi mahānubhāve
\nManussabhūtā kimakāsi puññaṃ
\nKenāsi evaṃ jalitānubhāvā
\nVaṇṇo ca te sabbadisā pabhāsatīti.

127. Sā devatā attamanā moggallānena pucchitā,
\nPañhaṃ puṭṭhā viyākāsi yassa kammassidaṃ phalaṃ.

[BJT Page 28] [\x  28/]

[PTS Page 012] [\q  12/]
\n128. Issā ca maccheramatho paḷāso,
\nNāhosi mayhaṃ gharamāvasantiyā
\nAkkodhanā bhattuvasānuvattinī
\nUposathe niccahamappamattā.

129. Cātuddasiṃ pañcadasiṃ yā ca pakkhassa aṭṭhamī,
\nPāṭihāriyapakkhañca aṭṭhaṅgasusamāgataṃ

130. Uposathaṃ upavasissaṃ sadā sīlesu saṃvutā,
\nSaṃyamā saṃvibhāgā ca vimānaṃ āvasāmahaṃ1

131. Pāṇātipātā viratā musāvādā ca saññatā,
\nTheyyā ca aticārā ca majjapānā ca ārakā.

132. Pañca sikkhaṃ pade ratā ariyasaccāna kovidā,
\nUpāsikā cakkhumato gotamassa yasassino.

133. Sāhaṃ sakena sīlena yasasā ca yasassinī,
\nAnubhomi sakaṃ puññaṃ sukhitā camhi anāmayā.

134. Tena me tādiso vaṇṇo tena me idhamijjhati,
\nUppajjanti ca me bhogā ye keci manaso piyā.

135. Akkhāmi te bhikkhu mahānubhāva
\nManussabhūtā yamakāsi puññaṃ
\nTenamhi evaṃ jalitānubhāvā
\nVaṇṇo ca me sabbadisā pabhāsatīti.

Mama ca bhante vacanena bhagavato pāde sirasā vandeyyāsi, uttarā nāma bhante upāsikā bhagavato pāde sirasā vandatīti anacchariyaṃ kho panetaṃ bhante yaṃ maṃ bhagavā aññatarasmiṃ sāmaññaphale vyākareyya. Taṃ bhagavā sakadāmiphale viyākāsīti.

Uttarāvimānaṃ.

1. 16

136. Yuttā ca te parama alaṅkatā hayā
\nAdhomukhā aghasigamā balī javā
\nAbhinimmitā pañcarathā satā ca te
\nAnventi taṃ sārathicoditā hayā.

137. Sā tiṭṭhasi rathavare alaṅkatā
\nObhāsayaṃ jalamiva jotipāvako
\nPucchāmi taṃ varatanu2 anomadassane
\nKasmā nu kāyā anadhivaraṃ upāgamīti.

1. Āvasāmimaṃ - sī.
\n2. Varacāru - katthavi.

[BJT Page 30] [\x  30/]

138. Kāmaggapattānaṃ yamāhunuttaraṃ1
\nNimmāya nimmāya ramanti devatā
\nTasmā kāyā accharā kāmavaṇṇīnī
\nIdhāgatā anadhivaraṃ namassitunti.
\n[PTS Page 013] [\q  13/]
\n139. Kiṃ tvaṃ pure sucaritamācarīdha
\nKenacchasi tvaṃ amitayasā sukhedhitā
\nIddhī ca te anadhivarā vihaṅgamā
\nVaṇṇo ca te dasadisā virocati.

140. Devehi taṃ parivutā sakkatā casi
\nKuto cutā sugatigatāsi devate
\nKassa vā tvaṃ vacanakarānusāsaniṃ
\nĀcikkha me tvaṃ yadi buddhasāvikāti.

141. Nagantare nagaravare sumāpite
\nParicārikā rājavarassa sirīmato
\nNacce gīte paramasusikkhitā ahuṃ
\nSirimāti maṃ rājagahe avedisuṃ. 2

142. Buddho ca me isinisabho vināyako
\nAdesayī samuyadadukkhaniccataṃ
\nAsaṅkhataṃ dukkhanirodhasassataṃ
\nMaggañcimaṃ akuṭilamañjasaṃ sivaṃ.

143. Sutvānahaṃ amatapadaṃ asaṅkhataṃ
\nTathāgatassanadhivarassa sāsanaṃ
\nSīlesavahaṃ paramasusaṃvutā ahuṃ
\nDhamme ṭhitā naravarabuddhabhāsite. 3

144. Ñatvānahaṃ virajapadaṃ asaṅkhataṃ
\nTathāgatena nadhivarena desitaṃ
\nTatthevahaṃ samathasamādhimāphusiṃ
\nSā yeva me paramaniyāmatā ahu.

145. Laddhānahaṃ amatavaraṃ visesanaṃ
\nEkaṃsikā abhisamaye visesiya
\nAsaṃsayā bahujanapūjitā ahaṃ
\nKhiḍḍhāratiṃ4 paccanubhomanappakaṃ.

146. Evaṃ ahaṃ amatadassamhi devatā
\nTathāgatassanadhivarassa sāvikā
\nDhammaddasā paṭhamaphale patiṭṭhitā
\nSotāpannā na ca pana matthiduggati.

1. Yamāhunuttārā - syā.
\n2. Avediṃsu - sīmu. Pa.
\n3. Naravarabuddhadesite - machasaṃ.
\n4. Khiḍḍaṃratiṃ - syā.

[BJT Page 32] [\x  32/]

147. Sā vandituṃ anadhivaraṃ upāgamiṃ
\nPāsādike kusalarathe ca bhikkhavo
\nNamassituṃ samaṇasamāgamaṃ sivaṃ
\nSagāravā sirimato dhammarājino.
\n[PTS Page 014] [\q  14/]
\n148. Disvā muniṃ muditamanamhi pīṇitā
\nTathāgataṃ naravaradammasārathiṃ
\nTaṇhacchidaṃ kusalarataṃ vināyakaṃ
\nVandāmahaṃ parahitānukampakanti.

Sirimāvimānaṃ.

1. 17

149. Idaṃ vimānaṃ ruciraṃ pabhassaraṃ
\nVephariyatthamhaṃ satataṃ sunimmitaṃ
\nSovaṇṇarukkhehi1 samantamotthataṃ ṭhānaṃ mamaṃ kammavipākasambhavaṃ.

150. Patrūpapannā purimaccharā imā
\nSataṃ sahassāni sakena kammunā
\nTuvaṃsi ajjhapagatā yasassinī
\nObhāsayaṃ tiṭṭhasi pubbadevatā.

151. Sasī adhiggayha yathā virocati
\nNakkhattarājāriva tārakāgaṇaṃ
\nTatheva tvaṃ accharāsaṅgamaṃ2 imaṃ
\nDaddallamānā yasasā virocasi.

152. Kuto nu āgamma anomadassane
\nUppannā tvaṃ bhavanaṃ mamaṃ idaṃ
\nBrahmaṃva devā tidasā saindakā
\nSabbe na tappāmase dassanena tanti. 3

153. Yametaṃ sakka anupucchase mamaṃ
\nKuto vutā tvaṃ idha āgatāti4
\nBārāṇasī nāma puratthi kāsinaṃ
\nTattha pure ahosiṃ kesakārikā.

154. Buddhe ca dhamme ca pasannamānasā
\nSaṅgheca ekantagatā asaṃsayā
\nAkhaṇḍasikkhāpadā āgatapphalā
\nSambodhidhamme niyatā anāmayāti.

1. Suvaṇṇarukkhehi - machasaṃ
\n2. Accharāsaṅganaṃ - machasaṃ
\n3. Dassanātanti - sī.
\n4. Āgatā tuvaṃ - syā.
\nKuto vutāya āgatikava [PTS.]

[BJT Page 34] [\x  34/]

155. Tantyābhinandamase sāgatañca1 te
\nDhammena ca tvaṃ yassā virocasi
\nBuddhe ca dhamme ca pasannamānase
\nSaṅghe ca ekantagate asaṃsaye
\nAkhaṇḍa sikkhāpade āgatapphale
\nSambodhidhamme niyate anāmayeti.

Kesakārīvimānaṃ.

Pīṭhavaggo paṭhamo.

Tassuddānaṃ: -

Pañcapīṭhā tayo nāvā dīpatiladakkhiṇā duve
\nPati dve suṇisā uttarā sirimā kesakārikā
\nVaggo tena pavuccatīti.

1. Svāgatañca - machasaṃ.
\n