Home Page    First Sutta    Next Vagga

Udānapāḷi 3: Nandavaggo

      

Table of Contents

    

3-1: Kammasuttaṃ.

3-2: Nandasuttaṃ.

3-3: Yasojasuttaṃ

3-4: Sāriputtasuttaṃ.

3-5: Kolitasuttaṃ.

3-6: Pilindivacchasuttaṃ.

3-7: Kassapasuttaṃ.

3-8: Piṇḍapātikasuttaṃ.

3-9: Sippasuttaṃ.

3-10: Lokavolokanasuttaṃ.

 

[BJT Page 170] [\x 170/]
[PTS Page 021] [\q 21/]

 

Nandavaggo tatiyo

 

3-1: Kammasuttaṃ (21)

1. Evaṃ me sutaṃ: ekaü samayaṃ Bhagavā Sāvatthiyaṃ viharati Jetavane Anāthapiṇḍikassa āràme. Tena kho pana samayena aṭñataro bhikkhu Bhagavato avidūre nisinno hoti, pallaṅkaṃ ābhujitvā ujuṃ kāyaṃ paṇidhāya purāṇakammavipākajaṃ dukkhaṃ tibbaü 1 kharaṃ kaṭukaṃ vedanaṃ adhivāsento sato sampajāno avihaṭñamāno.

2. Addasā kho Bhagavā taṃ bhikkhuṃ avidūre nisinnaṃ pallaṅkaü ābhūjitvā ujuṃ kàyaṃ paṇidhāya purāṇakammavipàkajaṃ dukkhaṃ tibbaṃ kharaü kaṭukaü vedanaü adhivāsentaṃ sataṃ sampajānaü avihaṭñamānaṃ.

3. Atha kho Bhagavā etam-atthaṃ viditvā tàyaṃ velāyaṃ imaṃ udānaü udànesi:

“Sabbakammajahassa bhikkhuno
dhunamānassa purekataṃ rajaṃ,
Amamassa ṭhitassa tādino
attho natthi janaṃ lapetave” ti

 

3-2: Nandasuttaṃ (22)

1. Evaṃ me sutaṃ: ekaü samayaṃ Bhagavā Sāvatthiyaṃ viharati Jetavane Anāthapiṇḍikassa āràme. Tena kho pana samayena āyasmā Nando Bhagavato bhàtà mātucchāputto sambahulànaṃ bhikkhūnaṃ evam-āroceti: “anabhirato ahaṃ āvuso brahmacariyaṃ carāmi, na sakkomi brahmacariyaṃ sandhāretuṃ, sikkhaü paccakkhāya hīnāyāvattissàmī”-ti

2. Atha kho aṭñataro bhikkhu yena Bhagavā tenupasaṅkami, upasaṅkamitvā Bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu Bhagavantaṃ etad-avoca: “āyasmā bhante Nando Bhagavato bhātā màtucchàputto sambahulānaṃ bhikkhūnaṃ evam-āroceti: “anabhirato [PTS Page 022] [\q 22/] ahaṃ āvuso brahmacariyaṃ carāmi, na sakkomi brahmacariyaṃ sandhāretuṃ, sikkhaü paccakkhāya hīnāyāvattissàmī”-ti.

3. Atha kho Bhagavā aṭñataraṃ bhikkhuṃ āmantesi: “ehi tvaṃ bhikkhu mama vacanena Nandaṃ bhikkhuü āmantehi: “satthā taṃ àvuso Nanda āmantetī”-ti. “Evaṃ bhante” ti kho so bhikkhu Bhagavato paṭissutvā yenāyasmà Nando tenupasaṅkami, upasaṅkamitvā āyasmantaṃ Nandaṃ etad-avoca: “satthā taṃ āvuso Nanda āmantetī”-ti.

[BJT Page 172] [\x 172/]

4. “Evam-āvuso” ti kho āyasmā Nando tassa bhikkhuno paṭissutvà yena Bhagavā tenupasaṅkami, upasaṅkamitvā Bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaü Nandaṃ Bhagavā etad-avoca: “saccaṃ kira tvaṃ Nanda sambahulānaṃ bhikkhūnaü evam-ārocesi “anabhirato ahaṃ āvuso brahmacariyaṃ carāmi, na sakkomi brahmacariyaṃ sandhāretuṃ, sikkhaṃ paccakkhāya hīnāyāvattissàmī”-ti. “Evaṃ bhante” ti. “Kissa pana tvaṃ Nanda anabhirato brahmacariyaṃ carasi. Na sakkosi brahmacariyaṃ sandhāretuṃ sikkhaṃ paccakkhāya hīnāyāvattissasī?"-ti. “Sākiyānī maṃ bhante janapadakalyāṇī gharā nikkhamantassa upaḍḍhullikhitebhi 2 kesebhi apaloketvā maṃ etad-avoca: “tuvaṭaṃ kho ayyaputta āgaccheyyāsī”-ti. So kho ahaṃ bhante tam-anussaramāno anabhirato brahmacariyaṃ carāmi, na sakkomi brahmacariyaṃ sandhāretuṃ, sikkhaü paccakkhāya hīnāyāvattissàmī”-ti.

5. Atha kho Bhagavā āyasmantaṃ Nandaṃ bāhàya 3 gahetvā seyyathāpi nàma balavā puriso sammiṭjitaṃ vā bāhaṃ pasāreyya, pasàritaṃ và bāhaṃ sammiṭjeyya, evam-eva Jetavane antarahito devesu Tavatiṃsesu pāturahosi.

6. Tena kho pana samayena paṭcamattāni accharāsatàni Sakkassa devānam-indassa upaṭṭhānaṃ āgatāni honti kakuṭapàdàni. Atha kho Bhagavā āyasmantaṃ Nandaṃ àmantesi: “passasi no tvaṃ Nanda imāni paṭca accharāsatāni kakuṭapàdànī?" 4-ti. “Evaṃ bhante” ti.

7. Taṃ kiṃ vaṭñasi Nanda katamā nu kho abhirūpatarā ca dassanīyatarā ca pāsàdikatarà ca, Sākiyānī và janapadakalyāṇī imāni và paṭca accharāsatāni kakuṭapādānī?"-ti. “Seyyathàpi bhante paluṭṭhamakkañī kaṇṇanāsacchinnā. Evam-eva kho bhante Sākiyānī janapadakalyàṇī imesaṃ paṭcannaṃ accharāsatānaü [PTS Page 023] [\q 23/] upanidhāya saṅkham-pi na upeti, kalam-pi na upeti, kalabhāgam-pi na upeti, 5 upanidhim-pi na upeti. Atha kho imāni paṭca accharāsatāni abhirūpataràni ceva dassanīyatarāni ca pāsādikataràni cà”-ti.

“Abhirama Nanda abhirama Nanda ahaṃ te pāṭibhogo paṭcannaṃ accharāsatānaṃ paṭilàbhàya kakuṭapādānan”-ti. “Sace me bhante Bhagavā pāṭibhogo paṭcannaṃ accharāsatānaṃ paṭilàbhàya kakuṭapādānaṃ, abhiramissàm-ahaṃ bhante Bhagavati brahmacariye” ti.

[BJT Page 174] [\x 174/]

8. Atha kho Bhagavā āyasmantaṃ Nandaṃ bāhàya gahetvà seyyathāpi nāma balavà puriso sammiṭjitaṃ vā bāhaṃ pasàreyya, pasāritaṃ vā bàhaṃ sammiṭjeyya, evam-eva devesu Tāvatiṃsesu antarahito Jetavane pāturahosi.

9. Assosuṃ kho bhikkhū: “āyasmā kira Nando Bhagavato bhàtà mātucchāputto accharànaṃ hetu brahmacariyaṃ carati, Bhagavā kirassa pāṭibhogo paṭcannaṃ accharāsatānaṃ paṭilàbhàya kakuṭapādānan”-ti. Atha kho àyasmato Nandassa sahāyakā bhikkhū àyasmantaṃ Nandaṃ bhatakavādena ca upakkitakavādena ca samudācaranti: “bhatako kirāyasmà Nando upakkitako kirāyasmā Nando accharànaṃ hetu brahmacariyaṃ carati. Bhagavā kirassa pāṭibhogo paṭcannaṃ accharāsatānaṃ paṭilàbhàya kakuṭapādānan”-ti.

10. Atha kho āyasmā Nando sahāyakānaṃ bhikkhūnaṃ bhatakavādena ca upakkitakavādena ca aṭṭīyamāno harāyamàno jigucchamāno eko vūpakaṭṭho appamatto ātāpī pahitatto viharanto na cirasseva yassatthāya kulaputtā sammad-eva agàrasmà anagāriyaṃ pabbajanti, tad-anuttaraṃ brahmacariyapariyosānaṃ diṭṭheva dhamme sayaṃ abhiṭñā sacchikatvā upasampajja vihāsi: “khīṇā jàti, vūsitaṃ brahmacariyaṃ, kataü karaṇīyaṃ, nāparaṃ itthattāyā”-ti abbhaṭñàsi. Aṭñataro ca kho panāyasmā Nando Arahataṃ ahosi.

11. Atha kho aṭñatarā devatā abhikkantāya rattiyà abhikkantavaṇṇā kevalakappaṃ Jetavanaṃ obhāsetvā yena Bhagavà tenupasaṅkami, upasaṅkamitvā Bhagavantaṃ abhivādetvà ekamantaṃ aṭṭhāsi. Ekamantaṃ ṭhitā kho sā devatà Bhagavantaṃ etad-avoca: “āyasmā bhante Nando Bhagavato bhātā màtucchàputto āsavānaṃ khayà anàsavaṃ cetovimuttiṃ paṭñāvimuttiṃ diṭṭheva dhamme sayaṃ [PTS Page 024] [\q 24/] abhiṭñā sacchikatvā upasampajja viharatī”-ti. Bhagavato pi kho ṭāṇaṃ udapādi: “Nando āsavānaṃ khayà anàsavaṃ cetovimuttiṃ paṭñāvimuttiṃ diṭṭheva dhamme sayaṃ abhiññā sacchikatvā upasampajja viharatī”-ti.

12. Atha kho āyasmā Nando tassā rattiyā accayena yena Bhagavà tenupasaṅkami, upasaṅkamitvā Bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā Nando Bhagavantaṃ etad-avoca: “yaṃ me bhante Bhagavā pāṭibhogo, paṭcannaṃ accharāsatānaṃ paṭilābhāya kakuṭapādānaṃ. Muṭcàm-ahaṃ bhante Bhagavantaṃ etasmā paṭissavā”-ti. Mayā pi kho te Nanda 6 cetasā ceto paricca vidito: “Nando āsavānaṃ khayà anāsavaṃ cetovimuttiṃ paṭñāvimuttiṃ diṭñheva dhamme sayaṃ abhiṭñā sacchikatvā upasampajja viharatī”-ti

[BJT Page 176] [\x 176/]

13. Devatā pi me etam-atthaṃ ārocesi: “āyasmà bhante Nando Bhagavato bhātā màtucchàputto āsavānaṃ khayà anàsavaṃ cetovimuttiṃ paṭñāvumuttiṃ diṭṭheva dhamme sayaṃ abhiññā sacchikatvā upasampajja viharatī”-ti. Yad-eva kho te Nanda anupādāya àsavehi cittaṃ vimuttaṃ, 7 athāhaṃ mutto etasmā paṭissavā”-ti.

14. Atha kho Bhagavā etam-atthaṃ viditvā tàyaṃ velāyaṃ imaṃ udānaü udànesi:

“Yassa nittiṇṇo paṅko ca 8 ~ maddito kāmakaṇṭako,
Mohakkhayaṃ anuppatto ~ sukhadukkhesu na vedhati 9 sa bhikkhū”-ti.

 

3-3: Yasojasuttaṃ (23)

1. Evaṃ me sutaṃ: ekaü samayaṃ Bhagavā Sāvatthiyaṃ viharati Jetavane Anāthapiṇḍikassa āràme. Tena kho pana samayena Yasojapamukhāni paṭcamattāni bhikkhusatāni Sāvatthiṃ anuppattàni honti, Bhagavantaṃ dassanāya. Te ca kho 10 āgantukā bhikkhū nevāsikehi bhikkhūhi saddhiṃ paṭisammodamānā senàsanàni paṭñāpayamānà pattacīvarāni paṭisāmayamànà uccāsaddā mahàsaddà 11 ahesuṃ. Atha kho Bhagavā āyasmantaṃ Ānandaṃ āmantesi: “ke panete Ānanda uccāsaddā mahàsaddà kevaṭṭā maññe macchavilope?” ti.

“Etāni bhante Yasojapamukhāni paṭcamattāni bhikkhusatàni Sāvatthiṃ anuppattāni Bhagavantaṃ dassanāya. Tete āgantukà bhikkhū nevāsikehi bhikkhūhi saddhiṃ paṭisammodamānā senàsanàni paṭñāpayamānà pattacīvarāni paṭisāmayamànà uccāsaddā mahàsaddà” ti. “Tena h’ Ānanda mama vacanena te bhikkhū āmantehi “satthā āyasmante àmantetī”-ti. “Evaṃ bhante” ti kho āyasmā Ānando Bhagavato paṭissutvā yena te bhikkhū [PTS Page 025] [\q 25/] tenupasaṅkami, upasaṅkamitvā te bhikkhū etad-avoca: “satthā āyasmante āmantetī”-ti. “Evam-āvuso” ti kho te bhikkhū āyasmato Ānandassa paṭissutvā yena Bhagavā tenupasaṅkamiṃsu, upasaṅkamitvā Bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te bhikkhū Bhagavā etad-avoca: “kinnu tumhe bhikkhave uccāsaddā mahāsaddā kevaṭṭà maṭñe macchavilope?” ti.

[BJT Page 178] [\x 178/]

2. Evaṃ vutte āyasmā Yasojo Bhagavantaṃ etad-avoca: “imāni bhante paṭcamattāni bhikkhusatāni Sàvatthiṃ anuppattāni Bhagavantaṃ dassanāya. Teme āgantukā bhikkhū nevàsikehi bhikkhūhi saddhiṃ paṭisammodamānā senāsanāni paṭñāpayamānà pattacīvarāni paṭisāmayamànà uccāsaddā mahàsaddà" ti. “Gacchatha bhikkhave vo panāmemi. Na vo mama santike vatthabban”-ti. “Evaṃ bhante” ti kho te bhikkhū Bhagavato paṭissutvā uṭñhāyàsanà Bhagavantaṃ abhivādetvā padakkhiṇaṃ katvā senāsanaṃ saṃsàmetvà pattacīvaram-ādāya yena Vajji, tena cārikaṃ pakkamiṃsu Vajjisu anupubbena cārikaṃ caramānà yena Vaggumudà nadī tenupasaṅkamiṃsu, upasaṅkamitvā Vaggumudāya nadiyā tīre paṇṇakuṭiyo karitvā vassaṃ upagacchiṃsu.

3. Atha kho āyasmā Yasojo vassupagato bhikkhū āmantesi: “Bhagavatā mayaṃ āvuso paṇāmità atthakāmena hitesinā anukampakena anukampaṃ upādāya. Handa mayaṃ àvuso tathà vihāraṃ kappema, yathā no viharataṃ Bhagavā attamano assā”-ti. “Evam-āvuso” ti kho te bhikkhū āyasmato Yasojassa paccassosuṃ. Atha kho te bhikkhū vūpakaṭṭhā appamattā ātāpino pahitattà viharantà tenevantaravassena sabbeva tisso vijjā sacchākaṃsu.

4. Atha kho Bhagavā Sāvatthiyaṃ yathābhirantaṃ viharitvà yena Vesālī tena cārikaṃ pakkàmi. Anupubbena cārikaṃ caramāno yena Vesàlī 12 tad-avasari tatra sudaṃ Bhagavā Vesāliyaṃ viharati Mahāvane Kūṭāgārasàlàyaṃ. Atha kho Bhagavā Vaggumudātīriyànaṃ bhikkhūnaṃ cetasā ceto paricca manasikaritvā āyasmantaṃ Ānandaṃ āmantesi: “ālokajātà viya me Ānanda esà disā. Obhāsajàtà viya me Ānanda esā disā. Yassaṃ disàyaṃ Vaggumudātīriyā bhikkhū viharanti. Gantuṃ appaṭikulāsi [PTS Page 026] [\q 26/] me manasikātuṃ. Pahiṇeyyāsi tvaṃ Ānanda Vaggumudātīriyānaṃ bhikkhūnaṃ santike dūtaṃ, satthā āyasmante āmanteti, satthà āyasmantānaṃ dassanakàmo” ti.

“Evaṃ bhante” ti kho āyasmā Ānando Bhagavato paṭissutvà yena aṭñataro bhikkhu tenupasaṅkami, upasaṅkamitvā taṃ bhikkhuṃ etad-avoca: “ehi tvaṃ āvuso, yena Vaggumudātīriyà bhikkhū, tenupasaṅkameyyāsi, 13 upasaṅkamitvā Vaggumudātīriye bhikkhū evaṃ vadehi: satthā āyasmante àmanteti, satthà āyasmantānaṃ dassanakàmo” ti.

[BJT Page 180] [\x 180/]

“Evam-āvuso” ti kho so bhikkhū āyasmato Ānandassa paṭissutvā seyyathāpi nāma balavà puriso sammiṭjitaṃ vā bāhaṃ pasàreyya, 14 pasāritaṃ vā bàhaṃ sammiṭjeyya. Evam-eva Mahāvane kuṭāgārasàlàyaṃ antarahito Vaggumudāya nadiyā tīre tesaṃ bhikkhūnaṃ purato pāturahosi. Atha kho so bhikkhu Vaggumudātīriye bhikkhū etad-avoca: “satthā āyasmante àmanteti, satthà āsmantānaṃ dassanakàmo” ti. “Evam-āvuso” ti kho te bhikkhū tassa bhikkhūno paṭissutvā senāsanaṃ saṃsāmetvā pattacīvaram-àdàya seyyathāpi nāma balavà puriso sammiṭjitaṃ vā bāhaṃ pasàreyya, pasāritaṃ vā bàhaṃ sammiṭjeyya. Evam-eva Vaggumudāya nadiyā tīre antarahità Mahāvane Kūṭāgārasàlàyaṃ Bhagavato sammukhe pāturahesuṃ.

5. Tena kho pana samayena Bhagavā āneṭjena samādhinà nisinno hoti. Atha kho tesaṃ bhikkhūnaṃ etad-ahosi: “katamena nu kho Bhagavā vihārena etarahi viharatī”-ti. Atha kho tesaṃ bhikkhūnaṃ etad-ahosi: “āneṭjena kho Bhagavā vihàrena etarahi viharatī”-ti. Sabbeva āneṭjena samādhinā nisīdiṃsu.

6. Atha kho āyasmā Ānando abhikkantāya rattiyā nikkhante paṭhame yāme uṭṭhāyāsanà ekaṃsaṃ cīvaraṃ karitvā yena Bhagavā tenaṭjaliṃ paṇāmetvā Bhagavantaṃ etad-avoca: “abhikkantā bhante ratti, nikkhanto paṭhamo yāmo, ciranisinnā àgantukà bhikkhū, paṭisammodatu bhante Bhagavā āgantukehi bhikkhūhī” 15-ti.

7. Evaṃ vutte Bhagavā tuṇhī ahosi. Dutiyam-pi kho āyasmā Ānando abhikkantāya rattiyā nikkhante majjhime yāme uṭṭhāyàsanà ekaṃsaṃ cīvaraü karitvā yena Bhagavā tenaṭjaliṃ paṇāmetvà [PTS Page 027] [\q 27/] Bhagavantaṃ etad-avoca: “abhikkantā bhante ratti, nikkhanto majjhimo yāmo, ciranisinnā āgantukà bhikkhū, paṭisammodatu bhante Bhagavā āgantukehi bhikkhūhī”-ti. Dutiyam-pi kho Bhagavā tuṇhī ahosi. Tatiyam-pi kho āyasmā Ānando abhikkantāya rattiyā nikkhante pacchime yāme uddhate aruṇe nandimukhiyā rattiyà uṭṭhāyāsanà ekaṃsaṃ cīvaraṃ karitvā yena Bhagavā tenaṭjaliṃ paṇāmetvā Bhagavantaṃ etad-avoca: “abhikkantā bhante ratti, nikkhanto pacchimo yāmo uddhato aruṇo nandimukhī ratti, ciranisinnā āgantukà bhikkhū, paṭisammodatu bhante Bhagavā āgantukehi bhikkhūhī”-ti.

Atha kho Bhagavā tamhā samādhimhā vuṭṭhahitvà āyasmantaṃ Ānandaṃ āmantesi: “sace kho tvaṃ Ānanda jāneyyāsi, ettakam-pi te nappaṭibhāseyya. Ahaṭ-ca Ānanda imāni ca paṭca bhikkhusatāni sabbeva āneṭjasamādhinà nisīdimhā”-ti.

[BJT Page 182] [\x 182/]

8. Atha kho Bhagavā etam-atthaṃ viditvā tāyaṃ velàyaṃ imaü udānaṃ udānesi:

“Yassa jito kāmakaṇṭako
Akkoso ca vadho ca bandhanaṭ-ca,
Pabbato viya so ṭhito anejo
Sukhadukkhesu na vedhati sa bhikkhū” ti.

 

3-4: Sāriputtasuttaṃ (24)

1. Evaṃ me sutaṃ: ekaü samayaü Bhagavā Sāvatthiyaṃ viharati Jetavane Anāthapiṇḍikassa āràme. Tena kho pana samayena āyasmā Sàriputto Bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya parimukhaü satiṃ upaṭṭhapetvā. Addasā kho Bhagavā āyasmantaṃ Sàriputtaṃ avidūre nisinnaṃ pallaṅkaṃ ābhujitvā ujuṃ kāyaṃ paṇidhāya parimukhaü satiṃ upaṭṭhapetvā.

2. Atha kho Bhagavā etam-atthaṃ viditvā tāyaṃ velàyaṃ imaü udānaṃ udānesi:

“Yathā pi pabbato selo ~ acalo suppatiṭṭhito,
Evaṃ mohakkhayā bhikkhu ~ pabbato va na vedhatī”-ti

 

3-5: Kolitasuttaṃ (25)

1. Evaṃ me sutaṃ: ekaü samayaṃ Bhagavā Sāvatthiyaṃ viharati Jetavane Anāthapiṇḍikassa āràme. Tena kho pana [PTS Page 029] [\q 29/] samayena āyasmā Mahāmoggallāno Bhagavato avidūre nisinno hoti pallaṅkaṃ ābhujitvā ujuṃ kàyaü paṇidhāya kāyagatàya satiyà ajjhattaṃ sūpaṭṭhitāya. Addasā kho Bhagavā āyasmantaṃ Mahāmoggallānaṃ avidūre nisinnaṃ pallaṅkaṃ ābhujitvā ujuṃ kàyaü paṇidhāya kāyagatàya satiyà ajjhattaṃ sūpaṭṭhitāya.

2. Atha kho Bhagavā etam-atthaṃ viditvā tàyaṃ velāyaṃ imaṃ udānaü udànesi:

“Sati kāyagatā upaṭṭhitā
chasu phassāyatanesu saṃvuto.
Satataṃ bhikkhu samāhito
jaṭñā nibbāṇam-attano” ti.

[BJT Page 184] [\x 184/]

 

3-6: Pilindivacchasuttaṃ (26)

1. Evaṃ me sutaṃ: ekaü samayaṃ Bhagavā Rājagahe viharati Veḷuvane Kalandakanivāpe. Tena kho pana samayena āyasmà Pilindivaccho 16 bhikkhū vasalavādena samudācarati. Atha kho sambahulā bhikkhū yena Bhagavā tenupasaṅkamiṃsu, upasaṅkamitvā Bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū Bhagavantaṃ etad-avocuṃ: “āyasmā bhante Pilindivaccho bhikkhū vasalavādena samudācaratī”-ti.

2. Atha kho Bhagavā aṭñataraṃ bhikkhuṃ āmantesi: “ehi tvaṃ bhikkhu mama vacanena Pilindivacchaṃ bhikkhuü āmantehi: “satthā taṃ àvuso Pilindivaccha āmantetī”-ti. “Evaṃ bhante” ti kho so bhikkhu Bhagavato paṭissutvā yenāyasmā Pilindivaccho tenupasaṅkami, upasaṅkamitvā āyasmantaṃ Pilindivacchaṃ etad-avoca: “satthā taṃ āvuso āmantetī”-ti. “Evam-āvuso” ti kho āyasmā Pilindivaccho tassa bhikkhuno paṭissutvā yena Bhagavā tenupasaṅkami, upasaṅkamitvā Bhagavantaṃ abhivādetvà ekamantaṃ nisīdi. Ekamantaṃ nisinnaü kho āyasmantaṃ Pilindivacchaṃ Bhagavā etad-avoca: “saccaṃ kira tvaṃ Vaccha bhikkhū vasalavādena samudācarasī”-ti. “Evaṃ bhante” ti.

3. Atha kho Bhagavā āyasmato Pilindivacchassa pubbenivāsaṃ manasikaritvā bhikkhū āmantesi: “mā kho tumhe bhikkhave Vacchassa 17 bhikkhuno ujjhāyitvā, na bhikkhave Vaccho dosantaro bhikkhū vasalavādena samudācarati. Vacchassa bhikkhave bhikkhuno paṭca jātisatāni abbokiṇṇāni brāhmaõakule paccājātàni. So tassa vasalavàdo [PTS Page 029] [\q 29/] dīgharattaṃ samudāciṇṇo. 18 Tenāyaṃ Vaccho bhikkhū vasalavādena samudācaratī”-ti.

4. Atha kho Bhagavā etam-atthaṃ viditvā tàyaṃ velāyaṃ imaṃ udānaü udànesi:

“Yamhi na māyā vasati 19 na māno
Yo vītalobho amamo nirāso
Panunnakodho 20 abhinibbutatto
So brāhmaṇo so samaṇo sa bhikkhū”-ti.

 

3-7: Kassapasuttaṃ (27)

1. Evaṃ me sutaṃ: ekaü samayaṃ Bhagavā Rājagahe viharati Veḷuvane Kalandakanivāpe. Tena kho pana samayena āyasmà Mahākassapo Pipphaliguhāyaṃ 21 viharati. Sattāhaṃ ekapallaṅkena nisinno hoti aṭñataraṃ samādhiṃ samāpajjitvā.

[BJT Page 186] [\x 186/]

2. Atha kho āyasmā Mahākassapo tassa sattāhassa accayena tamhà samādhimhā vuṭṭhàsi. Atha kho āyasmato Mahākassapassa tamhà samādhimhā vuṭṭhitassa etad-ahosi: “yannūnāhaṃ Rājagahaṃ piṇḍāya paviseyyan”-ti. Tena kho pana samayena paṭcamattāni devatāsatàni ussukkaṃ āpannāni honti, àyasmato Mahākassapassa piṇḍapātapaṭilābhàya. Atha kho āyasmā Mahàkassapo tàni paṭcamattāni devatāsatàni paṭikkhipitvā pubbanhasamayaṃ nivāsetvā pattacīvaram-àdàya Rājagahaṃ piṇḍāya pàvisi.

3. Tena kho pana samayena Sakko devānam-indo āyasmato Mahàkassapassa piṇḍapātaṃ dātukàmo hoti pesakāravaṇṇaṃ abhinimminitvā tantaṃ vināti. Sujā 22 asurakaṭñā tasaraṃ pūreti.

4. Atha kho āyasmā Mahākassapo Rājagahe sapadànaṃ piṇḍāya caramāno yena Sakkassa devānam-indassa nivesanaṃ tenupasaṅkami. Addasā kho Sakko devānam-indo āyasmantaṃ Mahākassapaṃ dūrato va āgacchantaṃ. Disvāna gharā nikkhamitvà paccuggantvà hatthato pattaṃ gahetvā gharaṃ pavisitvā ghaṭiyā odanaṃ uddharitvā pattaṃ pūretvā āyasmato Mahàkassapassa pādāsi. So ahosi piṇḍapàto anekasūpo 23 anekabyaṭjano anekasūparasabyañjano.

5. Atha kho āyasmato Mahākassapassa etad-ahosi: “ko nu kho ayaṃ satto, yassāyaṃ [PTS Page 030] [\q 30/] evarūpo iddhānubhāvo” ti. Atha kho àyasmato Mahākassapassa etad-ahosi: “Sakko kho ayaṃ devānam-indo” ti. Iti viditvā Sakkaṃ devānam-indaṃ etad-avoca: “kataṃ kho te idaṃ Kosiya, māssu puna pi evarūpam-akāsī”-ti.

6. “Ambhākam-pi bhante Kassapa puṭñena attho: amhākam-pi pu¤¤ena karaṇīyan”-ti. Atha kho Sakko devānam-indo āyasmantaṃ Mahākassapaṃ abhivādetvā padakkhiṇaṃ katvà vehāsaṃ abbhuggantvā àkàse antaḷikkhe tikkhattaṃ udānaṃ udānesi:

“Aho dānaṃ paramadānaṃ ~ Kassape suppatiṭṭhitaṃ,
Aho dānaṃ paramadānaṃ ~ Kassape suppatiṭṭhitan”-ti.

7. Assosi kho Bhagavā dibbāya sotadhātuyā visuddhàya atikkantamānusikāya 24 Sakkassa devānam-indassa vehāsaṃ abbhuggantvā ākàse antaḷikkhe tikkhattuṃ udānaṃ udānentassa:

“Aho dānaṃ paramadānaṃ ~ Kassape suppatiṭṭhitaṃ,
Aho dānaṃ paramadānaṃ ~ Kassape suppatiṭṭhitan”-ti.

8. Atha kho Bhagavā etam-atthaṃ viditvā tàyaṃ velāyaṃ imaṃ udānaü udànesi:

“Piṇḍapātikassa bhikkhuno
Attabharassa anaṭñaposino.
Devā pihayanti tādino
Upasantassa sadā satīmato” ti.

[BJT Page 188] [\x 188/]

 

3-8: Piṇḍapātikasuttaṃ (28)

1. Evaṃ me sutaṃ: ekaü samayaṃ Bhagavā Sāvatthiyaṃ viharati Jetavane Anāthapiṇḍikassa āràme. Tena kho pana samayena sambahulānaṃ bhikkhūnaṃ pacchābhattaṃ piṇḍapātapaṭikkantānaṃ Karerimaṇḍalamāle sannisinnānaṃ sannipatitānaṃ ayam-antarākathà udapādi:

“Piṇḍapātiko āvuso bhikkhu piṇḍāya caranto labhati, kālena kālaṃ manàpike cakkhunà rūpe passituṃ. Labhati kālena kālaṃ manāpike sotena sadde sotuṃ. Labhati kālena kālaṃ manāpike ghànena gandhe ghāyituṃ. Labhati kālena kàlaṃ manāpike jivhāya rase sàyituṃ. Labhati kālena kālaṃ manàpike kàyena phoṭṭhabbe phūsituṃ. Piṇḍapātiko āvuso bhikkhu sakkato garukato mānito pūjito apacito piṇḍāya carati. Handa āvuso mayam-pi piṇḍapātikà homa. Mayam-pi lacchāma kālena kàlaṃ manāpike cakkhunā rūpe passituṃ. Mayam-pi lacchāma kālena kàlaṃ manàpike sotena sadde sotuṃ. Mayam-pi lacchāma kālena kālaṃ manāpiko ghànena gandhe ghāyituṃ. Mayam-pi lacchāma kàlena kālaṃ manāpike jivhàya rase sāyituṃ. Mayam-pi lacchāma kàlena kālaṃ manāpike kàyena phoṭṭhabbe [PTS Page 031] [\q 31/] phusituṃ. Mayam-pi sakkatā garukatā mànità pūjitā apacitā piṇḍàya carissāmā”-ti. Ayaṭ-carahi tesaṃ bhikkhūnaṃ antarākathā hoti vippakatà.

2. Atha kho Bhagavā sāyanhasamayaṃ patisallānà vuṭṭhito yena Karerimaṇḍalamālo tenupasaṅkami, upasaṅkamitvā paṭñatte āsane nisīdi. Nisajja kho Bhagavā bhikkhū āmantesi: “kāya nuttha bhikkhave etarahi kathāya sannisinnā kà ca pana vo antarākathā vippakatà”-ti.

3. Idha bhante amhākaṃ pacchābhattaṃ piṇḍapātapaṭikkantānaṃ Karerimaṇḍalamāle sannisinnānaṃ sannipatitānaṃ ayam-antarākathà udapādi: “piṇḍapātiko àvuso bhikkhu piṇḍāya caranto labhati kālena kālaṃ manāpike cakkhunà rūpe passituṃ. Labhati kālena kālaṃ manàpike sotena sadde sotuṃ. Labhati kālena kālaṃ manāpike ghānena gandhe ghàyituṃ. Labhati kālena kālaṃ manàpike jivhàya rase sāyituṃ. Labhati kālena kàlaṃ manāpike kāyena poṭṭhabbe phusituṃ. Piṇḍapātiko āvuso bhikkhu sakkato garukato mānito pūjito apacito piṇḍāya carati. Handa āvuso mayam-pi piṇḍapātikà homa. Mayam-pi lacchāma kālena kàlaṃ manāpike cakkhunā rūpe passituṃ. Mayam-pi lacchāma kālena kālaṃ manāpike sotena sadde sotuṃ. Mayam-pi lacchāma kālena kàlaṃ manàpiko ghānena gandhe ghāyituṃ. Mayam-pi lacchàma kālena kālaṃ manàpike jivhàya rase sāyituṃ. Mayam-pi lacchāma kālena kàlaṃ manàpike kāyena phoṭṭhabbe phusituṃ. Mayam-pi sakkatā garukatā mànità pūjità apacitā piṇḍāya carissāmā”-ti. Ayaṃ kho no bhante antarākathā hoti vippakatà. Atha kho Bhagavà 25 anuppatto” ti.

4. Nakhvetaṃ bhikkhave tumhākaṃ patirūpaṃ kulaputtānaü saddhā agārasmà anagàriyaṃ pabbajitānaṃ. Yaṃ tumhe evarūpiü kathaṃ katheyyātha “sannipatitānaṃ kho bhikkhave dvayaṃ karaṇīyaṃ, dhammī 26 vā kathā, ariyo ca tuṇhībhāvo” ti.

[BJT Page 190] [\x 190/]

5. Atha kho Bhagavā etam-atthaṃ viditvā tāyaṃ velàyaṃ imaü udānaṃ udānesi:

“Piṇḍapātikassa bhikkhuno
Attabharassa anaṭñaposino,
Devā pihayanti tādino
No ce saddasilokanissito” ti.

 

3-9: Sippasuttaṃ (29)

1. Evaṃ me sutaṃ: ekaü samayaṃ Bhagavā Sāvatthiyaṃ viharati Jetavane Anāthapiṇḍikassa āràme. Tena kho pana samayena sambahulānaṃ bhikkhūnaṃ pacchābhattaṃ piṇḍapātapaṭikkantānaṃ maṇḍalamāle sannisinnānaṃ sannipatitānaṃ ayam-antarākathà udapādi: “ko nu kho āvuso sippaṃ jānāti, ko kiṃ sippaṃ sikkhi, kataraü sippaṃ sippānaṃ aggan”-ti.

2. Tatthekacce evam-āhaṃsu. “Hatthisippaṃ sippānaṃ aggan”-ti. Ekacce evam-āhaṃsu: “assasippaṃ sippānaü aggan”-ti. Ekacce evam-āhaṃsu: “rathasippaṃ sippānaṃ aggan”-ti. Ekacce evam-āhaṃsu: “dhanusippaṃ sippānaü aggan”-ti. Ekacce evam-āhaṃsu: “tharusippaṃ sippānaṃ aggan”-ti. Ekacce evam-āhaṃsu: “muddāsippaṃ sippānaṃ aggan”-ti. Ekacce evam-āhaṃsu: “gaṇanasippaṃ sippānaṃ aggan”-ti. Ekacce evam-āhaṃsu: [PTS Page 032] [\q 32/] “saṅkhānasippaṃ sippānaṃ aggan”-ti. Ekacce evam-āhaṃsu: “lekhāsippaṃ sippānaṃ aggan”-ti. Ekacce evam-āhaṃsu: “kāveyyasippaṃ sippānaṃ aggan”-ti. Ekacce evam-āhaṃsu: “lokāyatasippaṃ sippānaṃ aggan”-ti. Ekacce evam-āhaṃsu: “khattavijjāsippaṃ sippānaṃ aggan”-ti. Ayaṭ-carahi tesaṃ bhikkhūnaṃ antarākathā hoti vippakatà.

3. Atha kho Bhagavā sāyanhasamayaṃ patisallānà vuṭṭhito yena maṇḍalamālo tenupasaṅkami, upasaṅkamitvā paṭñatte āsane nisīdi. Nisajja kho Bhagavā bhikkhū āmantesi: “kāya nuttha bhikkhave etarahi kathāya sannisinnā, kà ca pana vo antarākathā vippakatà”-ti.

4. “Idha bhante amhākaṃ pacchābhattaṃ piṇḍapātapaṭikkantānaṃ maṇḍalamāle sannisinnānaṃ sannipatitānaṃ ayam-antarākathà udapādi; “ko nu kho āvuso sippaṃ jānāti, ko kiṃ sippaṃ sikkhi, kataraü sippaṃ sippānaṃ aggan”-ti. Tatthekacce evam-āhaṃsu: “hatthisippaṃ sippānaü aggan”-ti. Ekacce evam-āhaṃsu: “assasippaṃ sippānaṃ aggan”-ti. Ekacce evam-āhaṃsu: “rathasippaṃ sippānaṃ aggan”-ti. Ekacce evam-āhaṃsu: “dhanusippaṃ sippānaü aggan”-ti. Ekacce evam-āhaṃsu: “tharusippaṃ sippānaṃ aggan”-ti. Ekacce evam-āhaṃsu: “muddāsippaṃ sippānaṃ aggan”-ti. Ekacce evam-āhaṃsu: “gaṇanasippaṃ sippānaṃ aggan”-ti. Ekacce evam-āhaṃsu “saṅkhānasippaṃ sippānaṃ aggan”-ti. Ekacce evam-āhaṃsu: “lekhāsippaṃ sippānaṃ aggan”-ti. Ekacce evam-āhaṃsu: “kāveyyasippaṃ sippānaṃ aggan”-ti. Ekacce evam-āhaṃsu: “lokāyatasippaṃ sippānaṃ aggan”-ti. Ekacce evam-āhaṃsu: “khattavijjāsippaṃ 27 sippānaṃ aggan”-ti. Ayaṃ kho no bhante antarākathā hoti vippakatà. Atha kho Bhagavà 28 anuppatto” ti.

[BJT Page 192] [\x 192/]

5. “Nakhvetaṃ bhikkhave tumhākaṃ patirūpaṃ kulaputtānaü saddhā agārasmà anagàriyaṃ pabbajitānaṃ, yaṃ tumhe evarūpiü kathaṃ katheyyātha. Sannipatitānaṃ ve bhikkhave dvayaṃ karaṇīyaṃ, “dhammī vā kathā, ariyo và tuṇhībhāvo” ti.

6. Atha kho Bhagavā etam-atthaṃ viditvā tàyaṃ velāyaṃ imaṃ udānaü udànesi:

“Asippajīvī 29 lahu atthakāmo
Yatindriyo sabbadhi vippamutto,
Anokasārī amamo nirāso
Hitvā mānaṃ ekacaro sa bhikkhū”-ti

 

3-10: Lokavolokanasuttaṃ (30)

1. Evaṃ me sutaṃ: ekaü samayaṃ Bhagavā Uruvelāyaṃ viharati najjā Neraṭjarāya tīre 30 bodhirukkhamūle paṭhamābhisambuddho. Tena kho pana samayena Bhagavā sattāhaṃ ekapallaṅkena nisinno hoti vimuttisukhapaṭisaṃvedī.

2. Atha kho Bhagavā tassa sattāhassa accayena tamhā samàdhimhà vuṭṭhahitvā Buddhacakkhunā lokaṃ volokesi. Addasā kho Bhagavā Buddhacakkhunà lokaṃ volokento satte anekehi santāpehi santappamāne anekehi ca pariḷāhehi pariḍayhamāne rāgajehi pi dosajehi pi mohajehi pī 31 ti.

3. Atha kho Bhagavā etam-atthaṃ viditvā tàyaṃ velāyaṃ imaṃ udānaü udànesi: 32

“Ayaṃ loko santāpajāto phassapareto

Rogaṃ vadati attato,
Yena yena hi maṭñati
Tato taṃ hoti aṭñathā.

Aṭñathābhāvi bhavasatto loko bhavapareto

bhavam-evābhinandati,

[PTS Page 033] [\q 33/]

Yad-abhinandati taṃ bhayaṃ
yassa bhāyati taṃ dukkhaṃ.

Bhavavippanānāya kho panidaṃ brahmacariyaṃ vussati.

[BJT Page 194] [\x 194/]

Ye hi keci samaṇā vā brāhmaṇā và bhavena bhavassa vippamokkham-āhaṃsu sabbe te avippamuttā bhavasmā-ti vadāmi. Ye và pana keci samaṇā vā bràhmaṇà và vibhavena bhavassa nissaraṇam-āhaṃsu sabbe te anissaṭā bhavasmā-ti vadàmi.

Upadhiṃ 33 paṭicca dukkham-idaṃ sambhoti sabbūpādānakkhayà natthi dukkhassa sambhavo. Lokam-imaṃ passa puthū avijjāya paretā bhūtā bhūtaratā bhavà aparimuttā. Ye hi keci bhavā sabbadhi sabbattatàya 34 sabbe te bhavā aniccā dukkhà vipariṇāmadhammā.

Evam-etaṃ yathābhūtaṃ ~ sammappaṭñāya passato

Bhavataṇhā pahīyati ~ vibhavaṃ nābhinandati.

Sabbaso taṇhānaṃ khayā asesavirāganirodho nibbànaṃ. Tassa nibbutassa bhikkhuno

anupādānà punabbhavo na hoti
abhibhūto Māro vijitasaṅgāmo
Upaccagā sabbabhavāni tàdī”-ti.

Nandavaggo tatiyo

Tassuddānaṃ:

Kammaṃ Nando Yasojo ca ~ Sāriputto ca Kolito,
Pilindikassapo piṇḍo ~ sippaṃ lokena te dasā-ti.

 

End Notes

 

1 BJT note: Tippaṃ - palm leaf book; here and also below.

2 BJT note: Upaḍḍhalikhitehi - ChS. Aḍḍhullikhitehi - palm leaf book.

3 BJT note: Bāhāyaṃ - ChS.

4 Editor’s note: BJT, kakuṭapādānī, printer’s error

5 BJT note: Saṅkhyam-pi nopeti kalabhāgam-pi nopeti - ChS.

6 BJT note: Mayā pi kho Nanda - ChS.

7 BJT note: Vimucci - ChS.

8 BJT note: Yassa tiṇṇokāmapaṅko - Dhammapada commentary.

9 BJT note: Sukhadukkhe na vedhati - ChS; which is an attempt to regularise the metre.

10 BJT note: Te dha - palm leaf book; printed book

11 BJT note: Uccāsadda mahāsaddā - ChS.

12 Editor’s note: BJT, Vesāli, printer’s error

13 BJT note: Upasaṅkama - ChS.

14 Editor’s note: BJT, pāsāreyya, printer’s error

15 Editor’s note: BJT, bhikkhūhi, printer’s error

16 BJT note: Pilindavaccho - ChS.

17 BJT note: Āyasmato vacchassa - palm leaf book.

18 BJT note: Ajjhāciṇṇo - no reference given.

19 BJT note: Vattatī - seen somewhere.

20 BJT note: Paṇunnakodho - palm leaf book.

21 BJT note: Simbaliguhāyaṃ - ChS. Pippaliguhāyaṃ - seen somewhere.

22 BJT note: Sujātāti - in many places.

23 Editor’s note: BJT, anekasupo - printer’s error.

24 BJT note: Mānusakāya - in many places.

25 BJT note: Atha Bhagavā - ChS.

26 Editor’s note: BJT, dhammi - printer’s error.

27 BJT note: Khettavijjāsippaṃ - palm leaf book; ChS.

28 BJT note: Atha Bhagavā - ChS.

29 Editor’s note: BJT, Asippajivī - which must be a printer’s error.

30 Editor’s note: BJT, tire - printer’s error.

31 BJT: Pi - printer’s error.

32 BJT lays out the following udāna as though it were all in verse. However as it appears that most of it is prose, the material as presented here has been re-arranged accordingly.

33 BJT note: Upadhīhi - palm leaf book.

34 BJT note: Sabbatthatāya - palm leaf book.

 

       

Home Page    Next Vagga