Home Page    First Sutta    Next Vagga

Udānapàḷi 1: Bodhivaggo

         

Table of Contents

    

1-1: Paṭhamabodhisuttaṃ

1-2: Dutiyabodhisuttaṃ

1-3: Tatiyabodhisuttaṃ

1-4: Nigrodhasuttaṃ.

1-5: Therasuttaṃ

1-6: Kassapasuttaṃ.

1-7: Pāvàsuttaṃ.

1-8: Saṅgāmajisuttaṃ.

1-9: Jaṭilasuttaṃ

1-10: Bāhiyasuttaṃ

     

 

[CPD Classification 2.5.3]
[PTS Vol Ud - ] [\z Ud /] [\f I /]
[PTS Page 001] [\q 1/]
[BJT Vol Ud - ] [\z Ud /] [\w I /]
[BJT Page 130] [\x 130/]

 

Suttantapiṭake

Khuddakanikāyo

(Tatiyo gantho)

Udānapàḷi

Bodhivaggo paṭhamo

 

Namo tassa Bhagavato arahato Sammāsambuddhassa

 

1-1: Paṭhamabodhisuttaṃ (1)

Evaṃ me sutaü: ekaṃ samayaṃ Bhagavā Uruvelàyaü viharati najjā Nerañjaràya tīre bodhirukkhamūle paṭhamābhisambuddho. Tena kho pana samayena 1 Bhagavā sattàhaṃ ekapallaṅkena nisinno hoti vimuttisukhapaṭisaṃvedī.

Atha kho Bhagavā tassa sattāhassa accayena tamhà samādhimhà vuṭñhahitvā rattiyà paṭhamaṃ yāmaṃ paṭiccasamuppādaṃ anulomaü sādhukaṃ manasàkàsi:

“iti imasmiṃ sati idaṃ hoti, imassuppādà idaṃ uppajjati,
yadidaṃ avijjāpaccayà saṅkhārà,
saṅkhārapaccayà viñ¤āṇaṃ,
viñ¤āṇapaccayà nāmarūpaṃ,
nāmarūpapaccayà saḷāyatanaṃ,
saḷāyatanapaccayà phasso,
phassapaccayā vedanà,
vedanāpaccayà taṇhà,
taṇhāpaccayà upādànaṃ,
upādànapaccayà bhavo,
bhavapaccayā jàti,
jātipaccayà jarāmaraṇaṃ sokaparidevadukkhadomanassupāyàsà sambhavanti. Evam-etassa kevalassa dukkhakkhandhassa samudayo hotī”-ti.

Atha kho Bhagavā etam-atthaṃ viditvā tàyaü velāyaṃ imaṃ udānaü udànesi:

“Yadā have pātubhavanti dhammā
Ātāpino jhàyato brāhmaṇassa,
Athassa kaṅkhā vapayanti sabbà
Yato pajānàti sahetudhamman”-ti.

[BJT Page 132] [\x 132/]
[PTS Page 002] [\q 2/]

1-2: Dutiyabodhisuttaṃ (2)

Evaṃ me sutaü: ekaṃ samayaṃ Bhagavā Uruvelàyaü viharati najjā Nerañjaràya tīre bodhirukkhamūle paṭhamābhisambuddho. Tena kho pana samayena Bhagavā sattàhaṃ ekapallaṅkena nisinno hoti vimuttisukhapaṭisaṃvedī.

Atha kho Bhagavā tassa sattāhassa accayena tamhà samādhimhà vuṭñhahitvā rattiyà majjhimaṃ yāmaṃ paṭiccasamuppādaṃ paṭilomaṃ sādhukaü manasākàsi:

“iti imasmiṃ asati idaṃ na hoti, imassa nirodhā idaṃ nirujjhati,
yadidaṃ avijjānirodhà saṅkhāranirodho,
saṅkhāranirodhà viñ¤āṇanirodho,
viñ¤āṇanirodhà nāmarūpanirodho,
nāmarūpanirodhà saḷāyatananirodho,
saḷāyatananirodhà phassanirodho,
phassanirodhā vedanànirodho,
vedanānirodhà taṇhànirodho,
taṇhānirodhà upādànanirodho,
upādànanirodhà bhavanirodho,
bhavanirodhā jàtinirodho,
jātinirodhà jarāmaraṇaṃ sokaparidevadukkhadomanassupāyàsà nirujjhanti. Evam-etassa kevalassa dukkhakkhandhassa [PTS Page 003] [\q 3/] nirodho hotī”-ti.

Atha kho Bhagavā etam-atthaṃ viditvā tàyaü velāyaṃ imaṃ udānaü udànesi:

“Yadā have pātubhavanti dhammā
Ātāpino jhàyato brāhmaṇassa,
Athassa kaṅkhā vapayanti sabbà
Yato khayaṃ paccayānaü avedī”-ti.

 

1-3: Tatiyabodhisuttaṃ (3)

Evaṃ me sutaü: ekaṃ samayaṃ Bhagavā Uruvelàyaü viharati najjā Nerañjaràya tīre bodhirukkhamūle paṭhamābhisambuddho. Tena kho pana samayena 2 Bhagavā sattàhaṃ ekapallaṅkena nisinno hoti vimuttisukhapaṭisaṃvedī.

Atha kho Bhagavā tassa sattāhassa accayena tamhà samādhimhà vuṭñhahitvā rattiyà pacchimaṃ yāmaṃ paṭiccasamuppādaṃ anulomapaṭilomaṃ sādhukaü manasākàsi:

“iti imasmiṃ sati idaṃ hoti, imassuppādà idaṃ uppajjati,
imasmiṃ asati idaü na hoti, imassa nirodhā idaṃ nirujjhati,
yadidaṃ avijjāpaccayà saṅkhārà,
saṅkhārapaccayà viñ¤āṇaṃ,
viñ¤āṇapaccayà nāmarūpaṃ,
nāmarūpapaccayà saḷāyatanaṃ,
saḷāyatanapaccayà phasso,
phassapaccayā vedanà,
vedanāpaccayà taṇhà,
taṇhāpaccayà upādànaṃ,
upādànapaccayà bhavo,
bhavapaccayā jàti,
jātipaccayà jarāmaraṇaṃ sokaparidevadukkhadomanassupāyàsà sambhavanti. Evam-etassa kevalassa dukkhakkhandhassa samudayo hoti.

[BJT Page 134] [\x 134/]

Avijjāya tveva asesavirāganirodhà saṅkhāranirodho,
saṅkhāranirodhà viñ¤āṇanirodho,
viñ¤āṇanirodhà nāmarūpanirodho,
nāmarūpanirodhà saḷāyatananirodho,
saḷāyatananirodhà phassanirodho,
phassanirodhā vedanànirodho,
vedanānirodhà taṇhànirodho,
taṇhānirodhà upādànanirodho,
upādànanirodhà bhavanirodho,
bhavanirodhā jàtinirodho,
jātinirodhà jarāmaraṇaṃ sokaparidevadukkhadomanassupāyàsà nirujjhanti. Evam-etassa kevalassa dukkhakkhandhassa nirodho hotī”-ti.

Atha kho Bhagavā etam-atthaṃ viditvā tàyaü velāyaṃ imaṃ udānaü udànesi:

“Yadā have pātubhavanti dhammā
Ātāpino jhàyato brāhmaṇassa,
Vidhūpayaṃ tiṭñhati Mārasenaṃ
Suriyo va obhāsayam-antaḷikkhan”-ti.

 

1-4: Nigrodhasuttaṃ (4)

Evaṃ me sutaü: ekaṃ samayaṃ Bhagavā Uruvelàyaü viharati najjā Nerañjaràya tīre Ajapālanigrodhamūle 3 paṭhamābhisambuddho. Tena kho pana samayena Bhagavā sattàhaṃ ekapallaṅkena nisinno hoti vimuttisukhapaṭisaṃvedī.

Atha kho Bhagavā tassa sattāhassa accayena tamhà samādhimhà vuṭñhāsi. Atha kho añ¤ataro huhuṅkajātiko 4 brāhmaṇo yena Bhagavà tenupasaṅkami, upasaṅkamitvā Bhagavatà saddhiṃ sammodi. Sammodanīyaṃ kathaü sāràṇīyaṃ vītisāretvà ekamantaṃ aṭñhāsi. Ekamantaṃ ṭhito kho so brāhmaṇo Bhagavantaṃ etad-avoca:

“Kittāvatà nu kho bho Gotama brāhmaṇo hoti? Katame ca pana brāhmaṇakaraõà dhammā?"-ti 5

Atha kho Bhagavā etam-atthaṃ viditvā tàyaü velāyaṃ imaṃ udānaü udànesi:

“Yo brāhmaṇo bāhitapàpadhammo
Nihuhuṅko 6 nikkasāvo yatatto
Vedantagū vusitabrahmacariyo
Dhammena so brahmavādaṃ vadeyya
Yassussadā natthi kuhiñci loke”-ti.

[BJT Page 136] [\x 136/]

 

1-5: Therasuttaṃ (5)

Evaṃ me sutaü: ekaṃ samayaṃ Bhagavā Sàvatthiyaü viharati Jetavane Anāthapiṇḍikassa āràme. Tena kho pana samayena āyasmà ca Sàriputto āyasmà ca Mahàmoggallàno āyasmà ca Mahàkassapo āyasmà ca Mahākaccàyano àyasmà ca Mahākoṭñhito āyasmà ca Mahākappino àyasmà ca Mahācundo āyasmà ca Anuruddho àyasmà ca Revato āyasmà ca Ānando 7 yena Bhagavā tenupasaṅkamiṃsu. [PTS Page 004] [\q 4/] Addasā kho Bhagavā te āyasmante dūrato va àgacchante. Disvāna bhikkhū āmantesi. “Ete bhikkhave brāhmaṇà àgacchanti, ete bhikkhave brāhmaṇà āgacchantī”-ti.

Evaṃ vutte añ¤ataro brāhmaṇajàtiko bhikkhu Bhagavantaṃ etad-avoca: “kittāvatà nu kho bhante brāhmaṇo hoti? Katame ca pana brāhmaṇakaraõà dhammā?" ti.

Atha kho Bhagavā etam-atthaṃ viditvā tàyaü velāyaṃ imaṃ udānaü udànesi:

“Bāhitvà pāpake dhamme ~ ye caranti sadā satà,
Khīṇasaṃyojanā Buddhā ~ te ve 8 lokasmiṃ brāhmaṇà” ti.

 

1-6: Kassapasuttaṃ (6)

Evaṃ me sutaü: ekaṃ samayaṃ Bhagavā Ràjagahe viharati Veḷuvane Kalandakanivāpe. Tena kho pana samayena āyasmà Mahākassapo Pipphaliguhàyaṃ 9 viharati ābàdhiko dukkhito bāḷhagilàno. Atha kho āyasmà Mahākassapo aparena samayena tamhà ābàdhà vuṭñhāsi.

Atha kho āyasmato Mahākassapassa tamhà ābàdhà vuṭñhitassa etad-ahosi. “Yannūnāhaṃ Rājagahaṃ piṇḍāya paviseyyan”-ti.

Tena kho pana samayena pañcamattāni devatàsatàni ussukkaṃ āpannàni honti àyasmato Mahākassapassa piṇḍapātapaṭilàbhàya.

Atha kho āyasmà Mahākassapo tàni pañcamattāni devatāsatàni paṭikkhipitvà pubbanhasamayaṃ nivāsetvà pattacīvaram-ādàya Rājagahaṃ piṇḍāya pàvisi, yena daḷiddavisikhā kapaṇavisikhà pesakāravisikhà.

Addasā kho Bhagavā āyasmantaṃ Mahàkassapaü Rājagahe piṇḍāya carantaṃ, yena daḷiddavisikhā kapaṇavisikhà pesakāravisikhà. Atha kho Bhagavā etam-atthaṃ viditvà tāyaṃ velāyaṃ imaü udànaü udānesi:

“Anañ¤aposiṃ añ¤ātaṃ 10 ~ dantaṃ sāre patiṭñhitaṃ,
Khīṇāsavaṃ vantadosaṃ ~ tam-ahaü brūmi brāhmaṇan”-ti.

 

1-7: Pāvàsuttaṃ (7)

1. Evaṃ me sutaü: ekaṃ samayaṃ Bhagavā Pāvàyaṃ 11 viharati Ajakalāpake cetiye Ajakalāpakassa yakkhassa bhavane. Tena kho pana samayena Bhagavā rattandhakāratimisàyaṃ [PTS Page 005] [\q 5/] abbhokāse nisinno hoti. Devo ca ekam-ekaṃ phusāyati, atha kho Ajakalāpako yakkho Bhagavatā bhayaṃ chambhitattaü lomahaṃsaü uppādetukàmo yena Bhagavà tenupasaṅkami, upasaṅkamitvā Bhagavato avidūre tikkhattuṃ “akkulo pakkulo” ti akkulapakkulikaṃ akāsi, “eso te samaṇa pisāco” ti.

2. Atha kho Bhagavā etam-atthaṃ viditvà tāyaṃ velāyaṃ imaü udànaü udānesi:

“Yadā sakesu dhammesu ~ pāragu hoti brahmaṇo,
Atha etaṃ pisācañ-ca ~ pakkulañ-cātivattatī”-ti.

 

1-8: Saṅgāmajisuttaṃ (8)

1. Evaṃ me sutaü: ekaṃ samayaṃ Bhagavā Sàvatthiyaü viharati Jetavane Anāthapiṇḍikassa āràme. Tena kho pana samayena āyasmà Saṅgāmajī Sāvatthiṃ anuppatto hoti Bhagavantaü dassanāya. Assosi kho āyasmato Saṅgàmajissa purāṇadutiyikà “ayyo kira Saṅgāmajī Sàvatthiṃ anuppatto” ti. Sā dàrakaṃ àdàya Jetavanaṃ agamāsi.

Tena kho pana samayena āyasmà Saṅgāmajī añ¤atarasmiṃ rukkhamūle divā vihàraṃ nisinno hoti. Atha kho āyasmato Saṅgàmajissa purāṇadutiyikà yenāyasmà Saṅgāmajī tenupasaïkami, upasaṅkamitvā àyasmantaṃ Saṅgāmajiṃ etad-avoca: “khuddaputtāmhi samaṇa posa man” ti. Evaṃ vutte āyasmà Saṅgāmajī tuṇhã ahosi. Dutiyam-pi kho āyasmato Saṅgàmajissa purāṇadutiyikà āyasmantaṃ Saṅgāmajiṃ etad-avoca: “khuddaputtāmhi samaṇa posa man”-ti. Dutiyam-pi kho āyasmà Saṅgāmajī tuṇhã ahosi. Tatiyam-pi kho āyasmato Saṅgàmajissa purāṇadutiyikà āyasmantaṃ Saṅgāmajiṃ etad-avoca: “khuddaputtāmhi samaṇa posa man”-ti. Tatiyam-pi kho āyasmà Saṅgāmajī tuṇhã ahosi. Atha kho āyasmato Saṅgàmajissa purāṇadutiyikà taṃ dārakaṃ āyasmato Saṅgàmajissa purato nikkhipitvā pakkāmi “esa te samaṇa putto posa man” 12-ti.

[BJT Page 140] [\x 140/]

2. Atha kho āyasmà Saṅgāmajī taṃ dārakaṃ neva olokesi, na pi ālapi. Atha kho àyasmato Saṅgāmajissa purāṇadutiyikà [PTS Page 006] [\q 6/] avidūraṃ gantvā apalokentī addasa āyasmantaṃ Saṅgàmajiü taṃ dārakaṃ neva olokentaü na pi ālapantaṃ. Disvānassa 13 etad-ahosi: “na cāyaṃ samaṇo puttena pi atthiko” ti. Tato paṭinivattitvā dārakaṃ àdàya pakkāmi. Addasà kho Bhagavā dibbena cakkhunà visuddhena atikkantamānusakena àyasmato Saṅgāmajissa purāṇadutiyikàya evarūpaṃ vippakāraṃ.

3. Atha kho Bhagavā etam-atthaṃ viditvà tāyaṃ velāyaṃ imaü udànaü udānesi:

“Āyantiṃ nābhinandati ~ pakkamantiṃ na socati.
Saṅgā Saïgàmajiṃ muttaṃ ~ tam-ahaṃ brūmi brāhmaṇan”-ti.

 

1-9: Jaṭilasuttaṃ (9)

1. Evaṃ me sutaü: ekaṃ samayaṃ Bhagavā Gayàyaü viharati Gayāsīse. Tena kho pana samayena sambahulā jaṭilā sītàsu hemantikāsu rattīsu antaraṭñhake himapātasamaye Gayāyaṃ ummujjanti pi, nimujjanti pi, ummujjanimujjam-pi karonti, osiñcanti pi, aggim-pi juhanti “iminā suddhī”-ti.

Addasā kho Bhagavā te sambahule jaṭile sītāsu hemantikāsu rattīsu antaraṭñhake himapātasamaye Gayāyaṃ ummujjante pi nimujjante pi ummujjanimujjaṃ karonte pi osiñcante pi aggim-pi juhante “iminā suddhī”-ti.

2. Atha kho Bhagavā etam-atthaṃ viditvà tāyaṃ velāyaṃ imaü udànaü udānesi:

“Na udakena suci hoti ~ bavhettha nahāyatī 14 jano
Yamhi saccañ-ca dhammo ca ~ so sucī so ca brāhmaṇo” ti.

[BJT Page 142] [\x 142/]

 

1-10: Bāhiyasuttaṃ (10)

1. Evaṃ me sutaü: ekaṃ samayaṃ Bhagavā Sàvatthiyaü viharati Jetavane Anāthapiṇḍikassa āràme. Tena kho pana samayena Bāhiyo Dàrucīriyo Suppārake paṭivasati samuddatīre sakkato garukato mānito pūjito apacito, lābhī cīvarapiṇḍapātasenàsanagilànappaccayabhesajjaparikkhàrànaṃ. Atha kho Bāhiyassa Dàrucīriyassa rahogatassa paṭisallīnassa evaṃ cetaso parivitakko udapādi: ye ca kho keci 15 loke Arahanto vā arahattamaggaṃ và samāpannà, ahaṃ tesam-añ¤ataro ti.

[PTS Page 007] [\q 7/]

Atha kho Bāhiyassa Dārucīriyassa purāṇasàlohità devatā anukampikà atthakàmà Bāhiyassa Dàrucīriyassa cetasā cetoparivitakkamañ¤āya, yena Bāhiyo Dārucīriye tenupasaṅkami, upasaṅkamitvā Bāhiyaṃ Dàrucīriyaü etad-avoca: “neva kho tvaṃ Bāhiya arahà. Nāpi arahattamaggaṃ vā samàpanno. Sāpi te paṭipadā natthi yàya và tvaṃ arahā assa, 16 arahattamaggaṃ vā samàpanno” ti. “Atha ko carahi sadevake loke arahanto vā, arahattamaggaṃ vā samàpanno?” ti. “Atthi Bāhiya uttaresu janapadesu Sāvatthī 17 nāma nagaraṃ. Tattha so Bhagavā etarahi viharati arahaṃ Sammāsambuddho. So hi Bāhiya Bhagavā arahà ceva, arahattàya ca dhammaṃ desetī”-ti.

Atha kho Bāhiyo Dārucīriyo tàya devatàya saṃvejito tāvad-eva Suppàrakà 18 pakkāmi sabbattha ekarattiparivāsena. Yena Sāvatthiṃ 19 Jetavanaṃ Anāthapiṇḍikassa āràmo 20 tenupasaṅkami. Tena kho pana samayena sambahulā bhikkhū abbhokāse caṅkamanti. Atha kho Bāhiyo Dārucīriyo yena te bhikkhū tenupasaṅkami, upasaṅkamitvā te bhikkhū etad-avoca: “kahannu kho bhante etarahi so Bhagavā viharati arahaṃ Sammāsambuddho? Dassanakàmamhà mayaṃ taü Bhagavantaṃ 21 Arahantaṃ Sammāsambuddhan”-ti. Antaragharaṃ paviṭñho kho Bāhiya Bhagavà piṇḍāyà”-ti.

2. Atha kho Bāhiyo Dārucīriyo taramànarūpo Jetavanā nikkhamitvā Sàvatthiṃ pavisitvā addasa Bhagavantaṃ Sāvatthiyaü piṇḍāya carantaṃ pāsàdikaü pasādanīyaṃ santindriyaü santamānasaṃ uttamadamathasamatham-anuppattaṃ 22 dantaṃ guttaṃ yatindriyaü nāgaü. Disvāna yena Bhagavā tenupasaṅkami, upasaṃkamitvā Bhagavato pāde sirasà nipatitvà Bhagavantaṃ etad-avoca: “desetu me bhante Bhagavā dhammaṃ, desetu Sugato dhammaṃ, yaü mamassa dīgharattaü hitāya sukhāyà”-ti.

[BJT Page 144] [\x 144/]

Evaṃ vutte Bhagavā Bāhiyaṃ Dàrucīriyaü etad-avoca: “akālo kho tàva Bàhiya, antaragharaṃ paviṭñhamhā piṇḍāyà”-ti. Dutiyam-pi kho Bāhiyo Dàrucīriyo Bhagavantaṃ etad-avoca: “dujjānaṃ kho panetaü bhante Bhagavato vā jīvitantarāyànaṃ, mayhaṃ vā jīvitantarāyànaṃ, [PTS Page 008] [\q 8/] desetu me bhante Bhagavā dhammaṃ, desetu Sugato dhammaṃ, yā mamassa dīgharattaṃ hitāya sukhàyà”-ti. Dutiyam-pi kho Bhagavā Bàhiyaṃ Dārucīriyaṃ etad-avoca: “akālo kho tàva Bāhiya, antaragharaṃ paviṭñhamhā piṇḍāyà”-ti. Tatiyam-pi kho Bāhiyo Dàrucīriyo Bhagavantaṃ etad-avoca: “dujjānaṃ kho panetaü bhante Bhagavato vā jīvitantarāyànaṃ, mayhaṃ vā jīvitantarāyànaṃ, desetu me bhante Bhagavā dhammaṃ, desetu Sugato dhammaü, yaṃ mamassa dīgharattaṃ hitāya sukhāyà”-ti.

Tasmātiha te Bāhiya, evaṃ sikkhitabbaṃ:

“diṭñhe diṭñhamattaṃ bhavissati,
sute sutamattaṃ bhavissati,
mute mutamattaṃ bhavissati,
viñ¤āte viñ¤ātamattaṃ bhavissatī”-ti.

Evaṃ hi te Bāhiya, sikkhitabbaṃ.

Yato kho te Bāhiya,
diṭñhe diṭñhamattaṃ bhavissati,
sute sutamattaṃ bhavissati,
mute mutamattaṃ bhavissati,
viñ¤āte viñ¤ātamattaṃ bhavissati,

tato tvaṃ Bāhiya na tena, yato tvaṃ Bāhiya na tena, tato tvaü Bāhiya na tattha, yato tvaṃ Bāhiya na tattha, tato tvaṃ Bāhiya nevidha, na huraṃ, na ubhayam-antare, 23 esevanto dukkhassā”-ti.

3. Atha kho Bāhiyassa Dārucīriyassa Bhagavato imàya saṅkhittāya dhammadesanàya tāvad-eva anupādàya àsavehi cittaṃ vimucci. Atha kho Bhagavā Bàhiyaṃ Dārucīriyaṃ iminā saṅkhittena ovàdena ovaditvā pakkāmi. Atha kho acirapakkantassa Bhagavato Bāhiyaṃ Dārucīriyaṃ gàvã taruṇavacchā adhipàtetvà jīvitā voropesi.

[BJT Page 146] [\x 146/]

Atha kho Bhagavā Sāvatthiyaṃ piṇḍāya caritvà pacchābhattaṃ piṇḍapātapaṭikkanto sambahulehi bhikkhūhi saddhiṃ nagaramhā nikkhamitvā addasa Bāhiyaṃ Dàrucīriyaü kālakataṃ. Disvàna bhikkhū āmantesi: “gaṇhatha bhikkhave Bāhiyassa Dārucīriyassa sarãrakaṃ. Mañcakaṃ āropetvà nīharitvà jhāpetha, phūpañ-cassa karotha, sabrahmacārī vo bhikkhave kālakato” ti.

“Evaṃ bhante” ti kho te bhikkhū Bhagavato paṭissutvā Bāhiyassa Dārucīriyassa sarãrakaṃ mañcakaṃ āropetvà nīharitvà jhāpetvà phūpañ-cassa karitvā, yena Bhagavā tenupasaṅkamiṃsu, upasaïkamitvā Bhagavantaṃ abhivādetvà ekamantaṃ nisīdiṃsu. Ekamantaṃ nisinnā kho te bhikkhu Bhagavantaṃ etad-avocuṃ: “daḍḍhaü bhante Bāhiyassa Dàrucīriyassa sarīraṃ. Thupo cassa kato tassa kā gati? Ko abhisamparàyo?" ti. “Paṇḍito bhikkhave Bāhiyo Dārucīriyo paccapàdi dhammassānudhammaṃ, na ca maü [PTS Page 009] [\q 9/] dhammādhikaraṇaṃ vihesesi. Parinibbuto 24 bhikkhave Bāhiyo Dàrucīriyo” ti.

Atha kho Bhagavā etam-atthaṃ viditvà tāyaṃ velāyaṃ imaü udànaü udānesi:

“Yattha āpo ca paṭhavī ~ tejo vāyo na gādhati,
Na tattha sukkā jotanti ~ àdicco nappakāsati,
Na tattha candimā bhàti ~ tamo tattha na vijjati.
Yadā ca attanà vedī ~ muni monena brāhmaṇo,
Atha rūpā aråpà ca ~ sukhadukkhā pamuccatī"-ti.

Ayam-pi udāno vutto Bhagavatā iti me sutan-ti.

Bodhivaggo paṭhamo

Tatruddānaṃ 25 bhavati:

Tayo ca bodhi nigrodho ~ te therā Kassapena ca,
Pāvàya Saṅgàmajī jaṭilā ~ Bāhiyena te dasà-ti.

 

End Notes

 

1 BJT note: Tena samayena - Vinayapāḷi Mahāvaggo.

2 BJT note: Tena samayena - Vinayapāḷi Mahāvaggo.

3 BJT note: Nigrodhe - in some books.

4 BJT note: Huhuṃkajātiko - ChS.

5 BJT note: Brāhmaṇakaraõà dhammā - palm leaf book. Brāhmaṇa kārakà - in some books.

6 BJT note: Nihuhuṅkako vima??. Nihuṃhuṅko - ChS.

7 BJT note: Nando - ChS.

8 BJT note: Te ca - palm leaf book.

9 BJT note: Pippaliguhāyaṃ - Thai.

10 BJT note: Anañ¤aposiṃ añ¤ātaṃ - ChS.

11 BJT note: Pāṭaliyaṃ. I ??

12 Editor’s note: BJT, Nan, by mistake.

13 Editor’s note: BJT: Assā.

14 Editor’s note: BJT, nahāyati, which must be a printer’s error.

15 BJT note: Ye kho keci - ChS.

16 BJT note: Assasi - Thai.

17 Editor’s note: BJT, Sāvatthi, by mistake.

18 BJT note: Suppārakamhà - ChS.7

19 Editor’s note: BJT, Sāvatthi, again by mistake.

20 BJT note: Bhagavā Sāvatthiyaṃ viharati Jetavane Anāthapiṇḍikassa āràme - palm leaf book.

21 BJT note: Dassanakāmamhà Bhagavantaṃ - ChS.

22 BJT note: Uttamasamathadamathamanuppattaṃ - ChS.

23 BJT note: Ubhayamantarena - palm leaf book.

24 Editor’s note: BJT, Parinibbūto, printer’s error.

25 Editor’s note: BJT, Tatruddānaṃ bhavati here, but elsewhere tassuddānaṃ.

    

Home Page    Next Vagga