Suttantapiṭake
\nAṅguttaranikāyo
\n2. Dukanipāto
\nTatiyo paṇṇāsako
\nNamo tassa bhagavato arahato sammāsambuddhassa
[BJT Page 184.]
15. Samāpattivaggo
(Sāvatthinidānaṃ:)
\n2. 3. 15. 1.
\n50. Dveme bhikkhave dhammā. Katame dve: samāpattikusalatā ca samāpattivuṭṭhānakusalatā ca. Ime kho bhikkhave dve dhammā.(1)

2. 3. 15. 2.
\n51. Dveme bhikkhave dhammā. Katame dve: ajjavañca maddavañca. Ime kho bhikkhave dve dhammā.

2. 3. 15. 3.
\n52. Dveme bhikkhave dhammā. Katame dve: khanti ca soraccañca. Ime kho bhikkhave dve dhammā.

2. 3. 15. 4.
\n53. Dveme bhikkhave dhammā. Katame dve: sākhalyañca paṭisanthāro ca. Ime kho bhikkhave dve dhammā.

2. 3. 15. 5.
\n54. Dveme bhikkhave dhammā. Katame dve: avihiṃsā(2) ca soceyyaṃ ca. Ime kho bhikkhave dve dhammā.

2. 3. 15. 6
\n55. Dveme bhikkhave dhammā. Katame dve: indriyesu aguttadvāratā ca bhojane amattaññutā ca. Ime kho bhikkhave dve dhammā.

2. 3. 15. 7.
\n56. Dveme bhikkhave dhammā. Katame dve: indriyesu guttadvāratā ca bhojane mattaññutā ca. Ime kho bhikkhave dve dhammā.

2. 3. 15. 8
\n57. Dveme bhikkhave dhammā. Katame dve: paṭisaṅkhānabalañca bhāvanābalañca. Ime kho bhikkhave dve dhammā.

2. 3. 15. 9.
\n58. Dveme bhikkhave dhammā. Katame dve: satibalañca samādhibalañca. Ime kho bhikkhave dve dhammā.
\n[PTS Page 095]
\n[BJT Page 186.]

2. 3. 15. 10.
\n59. Dveme bhikkhave dhammā. Katame dve: samatho ca vipassanā ca. Ime kho bhikkhave dve dhammā.

2. 3. 15. 11.
\n60. Dveme bhikkhave dhammā. Katame dve: sīlavipatti ca diṭṭhivipatti ca. Ime kho bhikkhave dve dhammā.

2. 3. 15. 12.
\n61. Dveme bhikkhave dhammā. Katame dve: sīlasampadā ca diṭṭhisampadā ca. Ime kho bhikkhave dve dhammā.

2. 3. 15. 13.
\n62. Dveme bhikkhave dhammā. Katame dve: sīlavisuddhi ca diṭṭhivisuddhi ca. Ime kho bhikkhave dve dhammā.

2. 3. 15. 14.
\n63. Dveme bhikkhave dhammā. Katame dve: diṭṭhivisuddhi ca yathādiṭṭhissa ca padhānaṃ. Ime kho bhikkhave dve dhammā.

2. 3. 15. 15.
\n64. Dveme bhikkhave dhammā. Katame dve: asantuṭṭhitā ca kusalesu dhammesu appaṭivānitā ca padhānasmiṃ. Ime kho bhikkhave dve dhammā.

2. 3. 15. 16.
\n65. Dveme bhikkhave dhammā. Katame dve: muṭṭhasaccañca asampajaññañca. Ime kho bhikkhave dve dhammā.

2. 3. 15. 17.
\n66. Dveme bhikkhave dhammā. Katame dve: sati ca sampajaññañca. Ime kho bhikkhave dve dhammāti.

Vaggo paṇṇarasamo.

Tatiyo paṇṇāsako samatto.

1.
\n[BJTS] = dve dhammā + 1. Ahiṃsā ca-machasaṃ.[footnote is doubtful]
\n[ChS]=
\n[PTS] =
\n[Thai] =
\n[Kambodian] =

2.
\n[BJTS] = avihiṃsā + 2. Muṭṭhassaccañca-machasaṃ.[footnote is doubtful]
\n[ChS]=
\n[PTS] =
\n[Thai] =
\n[Kambodian] =