Suttantapiṭake
\nAṅguttaranikāyo
\n2. Dukanipāto
\nDutiyo paṇṇāsako
\nNamo tassa bhagavato arahato sammāsambuddhassa
\n9. Dhammavaggo
2. 2. 9. 1.
\n(Sāvatthinidānaṃ:)
\n37. Dveme bhikkhave dhammā. Katame dve. Cetovimutti ca paññāvimutti ca. Ime kho bhikkhave dve dhammāti.

2. 2. 9. 2.
\n38. Dveme bhikkhave dhammā. Katame dve. Paggaho ca avikkhepo ca. Ime kho bhikkhave dve dhammāti.

2. 2. 9. 3.
\n39. Dveme bhikkhave dhammā. Katame dve. Nāmaṃ ca rūpaṃ ca. Ime kho bhikkhave dve dhammāti.

2. 2. 9. 4.
\n40. Dveme bhikkhave dhammā. Katame dve. Vijjā ca vimutti ca. Ime kho bhikkhave dve dhammāti.

2. 2. 9. 5.
\n41. Dveme bhikkhave dhammā. Katame dve. Bhavadiṭṭhi ca vibhavadiṭṭhi ca. Ime kho bhikkhave dve dhammāti.
\n[BJT Page 162.]

2. 2. 9. 6.
\n42. Dveme bhikkhave dhammā. Katame dve. Ahirikañca anottappañca. Ime kho bhikkhave dve dhammāti.

2. 2. 9. 7.
\n43. Dveme bhikkhave dhammā. Katame dve. Hiri ca ottappañca. Ime kho bhikkhave dve dhammāti.

2. 2. 9. 8.
\n44. Dveme bhikkhave dhammā. Katame dve. Dovacassatā ca pāpamittatā ca. Ime kho bhikkhave dve dhammāti.

2. 2. 9. 9.
\n45. Dveme bhikkhave dhammā. Katame dve. Sovacassatā ca kalyāṇamittatā ca. Ime kho bhikkhave dve dhammāti.

2. 2. 9. 10.
\n46. [PTS Page 084] dveme bhikkhave dhammā. Katame dve. Dhātukusalatā ca manasikārakusalatā ca. Ime kho bhikkhave dve dhammāti.

2. 2. 9. 11.
\n47. Dveme bhikkhave dhammā. Katame dve. Āpattikusalatā ca āpattiuṭṭhānakusalatā ca. Ime kho bhikkhave dve dhammāti.

Vaggo navamo